يوميات عم رمضان الرب واخواته
درس الأحد ( 140 )
الرب وإخواته
الأب مخادع
صباح الفل ياولاد
التلاميذ
صباح الياسمين
بيشوى
نحمد الرب على سلامتك
الأب مخادع
شكرآ يا حبيبى
معلش ياولاد حظكم كده انى اكون ضيف عليكم تلات أسابيع ورا بعض
تريزا
ده حظنا كويس
مايكل
احنا حنطير من الفرح عاوزين نعرف أخر حاجة حصلت معاك انت وعم رمضان والشيخ حسن والوله تادرس
الأب مخادع
احنا عاوزين نتكلم عن حاجة تانية النهاردة
التلاميذ
عم رمضان .... عم رمضان
الأ ب مخادع
مصممين ؟
نبيه
هو لازم نتحايل عليك ما تخلص وتحكى
الأب مخادع
طيب انا حقولكم علشان بس تعرفوا تتصرفوا فى المواقف
إللي زى كده لأن أهم حاجة زى ماانتوا عارفين
التلاميذ
دخًلة الواحد منا
ميرى
خلص بقا عاوزين نضحك
الأب مخادع
تضحكى على مين ؟
ميرى
عليك طبعآ
انت مش بتتزنق كل مرة
فصيح
يالآ بقا يابونا كمل
سمع هس كله يسمع
الأب مخادع
وقفنا فين المرة إللي فاتت
نبيه
لحد لما ام السعد كانت عاوزة تشيع تجيبلك مصيلحى
علشان يطرد العفريت إللي راكبك
ميرى
تلاقيك خفت جامد
الأب مخادع
إشمعنى !!
ميرى
أكيد خُفتّ على العفريت
ومش عاوزه يسيبك ويفضل راكبك
انت مش قلتلنا قبل كده إنه صاحبك وعملت فيه دقة مش كويسة
وما رضتش تقولنا عملت فيه إيه
ناصح
بس لونعرف انت عملت فيه إيه ؟
الأب مخادع
ماحنا إتصالحنا بعدها وبقينا سمن على عسل
ناصح
طيب كمل ياعسل
الأب مخادع
قلت للشيخ حسن
ياشيخ حسن انت راجل مفتح ومتنور وبتفهم وأكيد الواد ميلاد قرالك فى الانجيل ان الرب كان بيحيي الموتى ويشفى المرضى وطلع العفاريت من الراجل المجنون
قاللي بإذن الله يامخادع
والعمى عمى القلب مش البصر
ومكتوب عندنا فى القرأن
وَرَسُولًا إِلَىٰ بَنِي إِسْرَائِيلَ أَنِّي قَدْ جِئْتُكُم بِآيَةٍ مِّن رَّبِّكُمْ أَنِّي أَخْلُقُ لَكُم مِّنَ الطِّينِ كَهَيْئَةِ الطَّيْرِ فَأَنفُخُ فِيهِ فَيَكُونُ طَيْرًا بِإِذْنِ اللَّـهِ وَأُبْرِئُ الْأَكْمَهَ وَالْأَبْرَصَ وَأُحْيِي الْمَوْتَىٰ بِإِذْنِ اللَّـهِ وَأُنَبِّئُكُم بِمَا تَأْكُلُونَ وَمَا تَدَّخِرُونَ فِي بُيُوتِكُمْ إِنَّ فِي ذَٰلِكَ لَآيَةً لَّكُمْ إِن كُنتُم مُّؤْمِنِينَ ﴿آل عمران: ٤٩﴾
يعنى كله بإذن الله علشان تكون دليل على نبوته وإنه مرسل من الله إلى بنى اسرائيل زى معجزات موسى عليه السلام كانت هى كمان بإذن الله
وهو نفسه ما أنكرش حاجة من دى وقال
أنا لا أستطيع ان أفعل شيىء من نفسي
وكمان ما جتش سيرة العفاريت إللي بتقولوا كان بيطلعها القرأن ماقالش ان اخراج الشياطين كانت من ضمن معجزاته
قلتله ده هو الله ياشيخ حسن انت بس مش واخد بالك
قاللي وهى تلاميذه كانت عارفة إنه الله يامخادع
قلتله أومال إيه شيخ حسن طبعآ كانوا عارفين
الشيخ حسن قاللي
يعنى لما بطرس خده تحت باطه وراح واخده على جنب ووبخه كان عارف إنه بيوبخ الله ( تعالى الله عما يصفون )
قلتله الصراحة ياشيخ حسن مش متأكد إذا كان بطرس وقتها كان عارف ولآ كان لسه معرفش
قاللي يا مخادع
لما هو قال حاشاك يارب
قلتله يبقا كان عارف يا شيخ حسن
قاللي بس رب عندكم بمعنى معلم مش كده يامخادع ولآ انا غلطان
وبعدين احنا فيها
انتوا بتقولوا ان المسيح هو الله وله طبيعة واحدة
ومكتوب عندكم فى متى إن المسيح قال
"لو كان لكم إيمان مثل حبّة خردل، لقلتم لهذا الجبل انتقل من هنا إلى هناك فينتقل، ولا يستحيل عليكم شيء"
ورغم انى عارف ان الواحد ما يطلبش الشفا إلآ من ربنا بس انا حابب أوريك عجزك وان معندكش إيمان ولآ حبة خردل
هو مش قال ولآ يستحيل عليكم شيء
أنا مش حقولك إنقل لنا الساقية بتاعة أبو وهدان إللي هناك دى وهاتها هنا
أنا كفيف زى ماانت شايف
خلينى افتح واشوف الدنيا
لو عندك إيمان أد حبة الخردل
قلتله ياشيخ حسن ما تمسكنيش من إيدى إللي بتوجعنى
انا مقدرش
الشيخ حسن قاللي
ولآ البابا بتاعكم يقدر
الراجل رمضان راح قايللي
سلامة يدك أكيد هى إللي سحبت حتة اللحمة من جيبك
وحطتها فى الفطيرة
الحركة دى تعملها مع الشيخ حسن مش معايا
لا مؤاخذة ياشيخ حسن
أصلك متعرفش هو عمل إيه
ده كان عاوزنى أصوم أربعين يوم وأتسبح فى جرن العمودية وانا قالع ملط قدام اللي رايح واللي جاى واكل ربه اللي فى الفطيرة قبل المسحة بتاعة المرضى لما ام السعد كانت تعبانة
وقال إيه كان عاوزنى أعترفله
الشيخ حسن قال
وانت تصدق الكلام ده ياشيخ رمضان
وراح لاوح لرقبته وباصص لفوق وقال
وهو لما يمسحك انت تقوم ام السعد تخف على الريحة
انت عارف ياشيخ رمضان على أيام بنى اسرائيل كانوا بيمسحوا رؤوس ملوكهم بالزيت وبكدة يكونوا ممسوحين بأمر الرب
دلوقت الوله ميلاد قاللي إن المسح بقا كمان من تحت
بأمر أبائهم يعنى مش الراس بس
الراجل رمضان قال
انا كنت بس مهاوده وواخده على أد عقله
وقال إيه علشان المسحة مش بتتاخد عمال على بطال
وكمان ما شفتش اللي حصل يا شيخ حسن
كان مخبى ربه فى جيبه وحطه فى الفطيرة علشان يضحك عليا أنا والواد تادرس بس بقع مكانه
رد الملعون تادرس وقال
أيوه حصل قدامى الكلام ده يا شيخ حسن
لما خلانى فى نص هدومى
بس رحت فضحته على الفصل إللي عمله
تريزا
بصراحة انت تستاهل كل إللي يجرالك
الشيخ حسن قال
هو صحيح ان الرب كان ليه إخوات ؟
الراجل رمضان قال
كلام إيه ده ياشيخ حسن
استغفر الله العظيم
الشيخ حسن قال
أهو من الصبح ياشيخ رمضان وانت قاعد تقول إيه ده ياخواتى . إيه ده ياخواتى
أهو طلع ان للرب إخوات فى كتابهم
الراجل رمضان قال
معقولة ياخواتى الكلام ده حد يصدقه حاشا لله
قلتله دول ولاد خالته مش اخواته
قاللي
مين إللي قال كده ؟
قلتله سيدنا
وسيدنا زى كل إللي قبله لما بيعتكفوا ويستمخوا بيوصلوا للتفسيرات دى بس سيدنا زودها شوية
الشيخ حسن قاللي
الظاهر لما شوشو وشوشو بيقعدوا مع بعض بيعملوا شغل جامد ،اللهم اخزيك ياشوشو ضليت الناس
قلتله لآ يا شيخ حسن هما مش إخواته حقيقة زى مانا مش أبو تادرس حقيقة
قاللي
إخواته مجازآ يعنى !!
قلتله تمام عليك نور
هما ولاد خالته مريم مراة كلوبا
قاللي
عارفين ان امه اسمها مريم كمان خالته اسمها مريم
يعنى جدته سمت البنتين مريم
هو من قلة الاسامى
ده حتى التؤام كل واحد بيكون ليه اسم غير التانى
الراجل رمضان قاللي
كلام إيه ده ياخواتى
معقول يكون للرب خالة أو ولاد خالة ولآ حتى اخوات
استغفر الله العظيم
ده كلام بطال
الشيخ حسن قال
احنا عارفين ان اليهود كانوا بيسموا ولادهم على أسماء
الشخصيات الهامة فى حياتهم وخصوصآ الدينية
يعنى كانوا بيسموا بناتهم على اسم مريم اخت موسى وهارون وعلشان كده عندنا فى القرأن لما جت وهى شايلة ابنها قالوا لها ياأخت هارون يعنى يامن تسميتى على اسم مريم التقية اخت هارون وتحملي اسمها إيه إللي عملتيه ده
بس ده ما يخليش امهم تسميهم هما الاتنين مريم
الراجل رمضان قال
أشيعلك للواد ميلاد يا شيخ حسن
ويجيب معاه الكتاب بتاعهم
رد الوله تادرس وقال
مانا عندى الانجيل العهدين ياعم رمضان
الراجل رمضان قال
أيوه بس انت امى زى حالاتى
الوله ميلاد علشان بيعرف يستهجى
الشيخ حسن قال
مفيش داعي يا شيخ رمضان انا عارف إيه إللي مكتوب عندهم انا حفظى خفيف
الراجل رمضان قال
انت يا شيخ حسن حفظك خفيف علشان كفيف
الشيخ حسن قال
وده سجع ياشيخ رمضان ولآ نئوزة
الراجل رمضان قال
دى رمزية يا شيخ حسن
الشيخ حسن قاللي
هو مش مكتوب عندكم فى متى
1: 25 و لم يعرفها حتى ولدت ابنها البكر و دعا اسمه يسوع
والبكر عندكم هو أول واحد فاتح رحم لمن بعده
يعنى له إخوة جاءوا بعده
وكمان مكتوب فى متى
12: 47 فقال له واحد هوذا امك و اخوتك واقفون خارجا طالبين ان يكلموك
وتكرر أيضآ فى مرقس
3: 31 فجاءت حينئذ اخوته و امه ووقفوا خارجا و ارسلوا اليه يدعونه
قلتله دول ولاد خالته يا شيخ حسن
لأن ولاد الخالة بيعتبروا إخوات حسب المتبع عند اليهود وكمان تلاقي ده لما يعقوب راح عند خاله لابان ولما قابل بنت خاله راحيل قاللها انا اخو أبوكى
الراجل رمضان قاللي
إهيه
هو وخاله إللي إخوات
ولآ هو ولاد خالته إللي إخوات
هى لفت معاك ولآ إيه
الشيخ حسن قال
هو مش مكتوب عندكم فى مرقس
6: 3 اليس هذا هو النجار ابن مريم و اخو يعقوب و يوسي و يهوذا و سمعان اوليست اخواته ههنا عندنا فكانوا يعثرون به
علشان كان صبى نجار وواقف مع يوسف فى محل النجارة
وكمان مكتوب فى متى
أليس هذا ابن النجار؟ أليست أمه تدعى مريم، وأخوته يعقوب و يوسى و يهوذا؟"
ولا شفنا انهم قالوا
ان اخوته يعقوب ويوسى ويهوذا اولاد كلوبا
ولا حتى قالوا اخوته من مريم مراة كلوبا
كتابك بيقول ان الكل كانوا بيقولوا إنهم إخوته هو من امه
الوله تادرس قال
كلامك معقول يا عم الشيخ حسن
قلتله يا شيخ حسن دول ولاد خالته
حتى تلاقى ان مرقس كتب انهم ولاد مريم مراة كلوبا خالته
و كانت ايضا نساء ينظرن من بعيد بينهن مريم المجدلية و مريم ام يعقوب الصغير و يوسي و سالومة
الشيخ حسن قاللي هو انا علشان ضرير تقوم تستعمانى
إيش جاب مريم ام سالومة لمريم ام يهوذا وسمعان
والوله ميلاد كان قرالى تفسير لحكاية اخواته بس مادخلش دماغى
التفسير بيقول
ويعقوب الصغير (بن حلفي) سمي الصغير، لتمييزه عن يعقوب الكبير (إبن زبدي) أخي يوحنا الحبيب.
ويعقوب و يوسي و سالومة هؤلاء، أبناء مريم زوجة كلوبا، هم الذين ورد ذكرهم في قول اليهود عن المسيح في انجيل متى: "أليس هذا ابن النجار؟ أليست أمه تدعى مريم، وأخوته يعقوب و يوسى و يهوذا؟"
طيب إزاى يكون اسمه يعقوب بن حلفى وابوه اسمه كلوبا
ده مجازآ بردو ولا أنا غلطان !!!!
وإزاى تكون مريم مرة أم يعقوب ويوسى وسالومة
ومرة تانية تكون ام يعقوب ويوسى ويهوذا وسمعان ومفيش سالومة
يعنى مرة تكون ام لبنتين وولد
ومرة تانية تكون ام لثلاثة أولاد وبنت واحدة
انما تعرف ألذ حاجة إيه يا مخادع
هى لما قالوا ان حلفى نطق اخر لكلوبا علشان يداروا المشكلة دى
ها ها ها
بس حلو التفسير بتاع الراجل إللى فاكر كل المسيحيين هبل زيه
يقولك
ويعقوب و يوسي و سالومة هؤلاء، أبناء مريم زوجة كلوبا، هم الذين ورد ذكرهم في قول اليهود عن المسيح في انجيل متى: "أليس هذا ابن النجار؟ أليست أمه تدعى مريم، وأخوته يعقوب و يوسى و يهوذا؟"
طيب هما لما قالوا أليس هذا إبن النجار وذكروا إخوته ماجابوش سيرة سالومة خالص
كمان مريم مراة كلوب ده معندهاش يهوذا
ميرى
زنقك تانى
الأب مخادع
ده طلع راجل عقر
مايكل
هه وبعدين
يتبع بمشيئة الله
