بسم الله الرحمن الرحيم
السلام عليكم ورحمة الله و بركاته
لله الحمد أسمي يحيي محمد ذكري
سني 22 سنه
ماذلت طالب في الجامعه
قسم علوم الكمبيوتر جميع التخصصات إن شاء الله
مسلم بقالي خمس سنين
و اليوم أريد أن أحكي لكم قصتي بإختصار
انا ولدت سنه 1989 وعندي أختين أكبر مني بخمسة عشر سنه توأم
وعشت في مصر مع أمي و أخواتي, وأبي كان يعمل في الخليج
لم أتربي علي الدين الإسلامي بالكاد كنت أصلي الجمعه حتي ألعب مع أصدقائي
كنت لا أري أبي كثيرا و كان لدي مشاكل كثيره جدا و كنت أدعوا إلي الله لكن لم يحصل اي إستجابه...عندما أتممت سن ال8 كنت أفكر في لماذا لم يساعدني الله في هذه المشاكل لماذا تركني
هل الله موجود حقاً؟؟ "لا الله ليس موجود" هذه العباره اللتي سيطرة علي ولم أعد أؤمن بالله إطلاقاً حتي في سن ال12 كنت أحب ماده العلوم و تعلمت نظريه الإلحاد bigbang
و أن الطبيعيه خلقت نفسها و تتطورت إلخ
وكنت مصاب بالإكتئاب الشديد حتي في سن ال16 كنت أشاهد التلفاز علي الدش
ورأيت قناة مكتوب في الأسفل "حل مشاكلك مع يسوع" و انا لم أكن أعلم من هو يسوع
أستمريت علي مشاهدة الناس تبكي و المرأة العجوز كانت تقول "إجعلوا المسيح يتدخل في حياتك , أسمحوا له أن يكون في قلوبكم" و انا كلمة المسيح علقت معايا شويه
بحثت في النت حتي أري أنه الله , يالله ايعقل ان يكون هذا الدين صحيح ؟؟؟
ذهب إلي كنسيه في الهرم وقابلت القسيس و قلت له السلام عليكم قال لي والسلام عليك أتفضل
قلتله انا أسمي يحيي و كنت عايز اسأل حضرتك كذا سؤال لأني لم أعلم من اسأل غيرك
قالي أتفضل يايوحنا..قلتله لا يحيي حضرتك..قالي عندنا في المسيحيه أسمها يوحنا
قلتله ومنك نستفيد قالي أتفضل أسأل
قلتله من هو الله؟؟ قالي يسوع
قلتله وهل يسوع هيقدر يساعدني في حل مشاكلي
جاوبني بإختصار طبعا بيساعد اي حد يحب يسوع
قلتله ياعني يكفي اني أحبه قالي لا لازم تتبع مايقوله
قلتله طيب هل يسوع هو الله زي في الإسلام
قالي لا الله الأب هو الله المسلمين
و الإبن هو يسوع
قلتله ايه ده؟؟ ياعني في أتنين إله قالي لا واحد
قلتله ياشيخ انا مش فاهم بصراحه
قالي لا انا البابا
(وكنت فاكره بصراحه بيتريق عليا)
قلتله طيب يابابا مين هو الله؟؟
قالي يسوع
قلتله الله ومال مين الأب؟؟!!!
قالي الله باردو
قلتله مش فاهم بصراحه اي حاجه
قالي بص انت قلبك عليه سحر و مخلي قلبك ماشيفش غير الظلام
وانا كاملحد لم أؤمن بهذه الأشياء أصلاً!!!
قلتله طيب و العمل قالي بس اصبر معايا تعالي نصلي وهتبقي كويس
قالي أعمل زي عملت زيه و بداء يخليكي اقول وراه يارب ايها المجيد ألمسني لمسه مباركه
ههههههههههه و انا وراه كنت باقول أمين راح قالي لا قول زي مش أمين
قلتله حاضر ياعم الشيخ قال لا بابا
المهم خلصنا الصلاة قلتله هاجوبني قالي انت لسه في البدايه خليك معايا اسبوع ولا شهر و الرب بذاته هيتجلجل ليك و تشوفه و يلمسك
قلتله طيب ممكن اي كتاب اقرا فيه؟؟
قالي كتاب ايه؟؟
قلتله زي القرأن ياعني الإنجيل
قالي اسمه كتاب مقدس
قلتله طيب ممكن كتاب مقدس
قالي مش هتعرف تقراه دلوقتي لأن قلبك مش هيشوف غير الشر
بصراحه ياجماعه كلامه تعبني و انا فضولي
أتصلت بواحد من أصحابي في إمبابه أسمه عماد قلتله يبعلتي الكتاب المقدس و كده...
تاني يوم لاقيت كيس قدامي في البيت لما صحيت عماد بعته...في كذا كتاب أستغربت
كلمت عماد قلتله ايه ياعم ايه ده قالي معلش مقدرتش اجيب الباقي قلتله باقي ايه!!
قالي في أجزاء كتير من الكتاب المقدس قلتله حلاوه اشطه
و سبحان الله الي كانوا عندي نشيد الإنشاد و يوحنا
قريت فيه و لاقيت العجب و بصراحه كانت الشهوة مسكت فيا منهم لله منهم لله منهم لله
وفجأة لاقيت نفسي بسمع أخ أسمه وسام عبد الله بيرد علي القسواسه و بيتحاور معهم و كنت بضحك جدا بصراحه و كنت سعتها ياشباب واقع في العاده السريه راح وقع في أيدي شريط اسمه مش عارف اتغير للشيخ هاني حلمي عبد الحميد أدهوني أحد الأخوه في حمله كنت مشارك فيها
سعتها قلت ازاي الرسول قال كلام و عالج مشاكل بهذه الطريقه؟؟ و ازاي عرف الإنسان ممكن يفكر في ايه!! قلت أقرا شويه في الإسلام (من باب العلم بالشيء) و كنت بكره الشيوخ و العلماء جدا خاصتاً الشيخ محمد حسان و محمد حسين يعقوب تخيلوا!!!!!
تقوليلي قلبك فين أبكي اقولكم سعتها هو ياعني ايه قلب....
المهم قرأت و سنه 2007 شهدت بأن لا إله إلا الله محمد رسول الله و بعدين قلت أختار العقيده لأني كنت اعرف ان في حاجه اسمها شيعه و سنه لاقيت فرق كتييييييييييييييير جدااااا
نقيت السلفيه السنيه عشان شيء واحد
أن شيخي هم الرسول و الصحابه و ممكن أدرس علي يد عالم لكن مزال شيخي هو الرسول صل الله عليه و سلم و الصحابه رضي الله عنهم
وبدأت أغرم في المنظارات لكن همتي ضعيفه من نحيه العلم لسه
لكن الحمد لله أسلم علي يدي 6 أشخاص أتنين ملحدين و الباقي نصاري
و هذه هي قصتي
