نحو الأومية العلم نوورون 3
نحو الأميـــــــة
العلم نوورون
( 3 )
الاستاذ عطية
قيام
إرسال
جلوس
سلام ونعمة
الفصل
سلام ونعمة
عطية
هه كتبتوا الواجب
الطلبة
أيووووه
عطية
عال عال
طيب حااشوفه بعدين
ودلوقت نخلي بالنا كويس ونصحصح جامد
علشان إحنا داخلين على أهم حرف فى الحروف الأبجدية كلها وهو حرف ال ف
وحرف إل ف من الحروف المهمة فى المسيحية لإنه بيمثل جسد الرب نفسه
وأول ما يقابلكم حرف ال ف
تفتكروا علطول ال فطيرة
وبيمثل أهم سر من الأسرار السبعة بتاعتنا وهو سر
الأف خار ستيا
تمام كدة
نبتدى مع بعض حاأقول الحرف وتردوا ورايا
ف فطيرة
الفصل
ف فطيرة
عطية
ق قلاية
إللي هى مسمار جحا لما نحب ناخد أرض مش بتاعتنا
وطبعآ كلكم عندكوا فكرة بقانون وضع اليد
احنا بقا بنعمله بس بوضع تاني
يعنى بدل مسمار جحا
بتكون قلاية الراهب
يالا معاى
ق قلاية
الفصل
ق قلاية
عطية
بعد كدة حرف الكاف
ك كتاب مقدس
الفصل
ك كتاب مقدس
عطية
بعد كدة حرف اللام ( ل )
ولما يقابلنا حرف إللام نفتكر على طول اللآهوت إللي مع الناسوت سوا سوا فى الرب يسوع
قولوا ورايا
ل لاهوت
الفصل
ل لاهوت
عطية
م معجزة
م ملاك
والمعجزات زى إللي كان بيعملها الرب
والملاك إللي كان بيجى للعدرا وليوسف خطيبها
وكلكوا تفتكروا متى والأحلام الستة
حندرسها فى رابعة نحو اُومية
الفصل
م معجزة
م ملاك
ودلوقت خلوا بالكوا كويس علشان احنا داخلين على حرف من الحروف المهمة ويعتبر توأم لحرف إللام
والحرف ده هو حرف إلنون ن
وإللي أول ما بنسمعه بنتخيل الرب يسوع إللي كان ظاهر فى صورة الناسوت
قولوا ورايا
ن ناسوت
الفصل
ن ناسوت
عطية
ونقف النهاردة عند الناسوت
إللي أوله حرف إلنون
وإللي أول ما بنسمعه بنتذكر الناسوت والرب يسوع
طالب
وكمان
ن نبى
عطية
ومين ندبك علشان تتكلم
وبعدين إحنا بنتكلم عن إله مش نبى
ودلوقت مطلوب منكم تكتبوا الحروف دى عشرين مرة فى البيت علشان تحفظوا شكلها
وانت بالذات تكتبها أربعين مرة علشان تبقا تقعد ساكت
وبكدة يكون عرفنا لحد دلوقت الحروف المهمة فى المسيحية
وهى
ج جسد ح حاشا خ خروف
س سمكة ص صليب ف فطيرة
ل لاهوت ن ناسوت
ويبقا فاضل لنا حرف مهم وهو حرف إلواو
وأنا شخصيآ بأعتبره من وجهة نظرى أهم حرف فى الحروف كلها لإنه بيشبك الأقانيم مع بعض
وبيجمعهم فى شركة جميلة مع بعض
ونلاحظ ده فى قانون الايمان بتاعنا لما بنقول
بسم الاب و الأبن و الروح القدس
شوفتوا حرف الشرك ده
قصدى حرف الشركة ده
شوفتوا جمع التلاتة مع بعض إزاى
ودلوقت حناخد الحساب
وزى ما عندنا حروف أبجدية مهمة فى المسيحية
كمان عندنا أرقام مهمة كمان زى
2 3 7 12 70 500
والرقم إتنين ممكن نجمع بيه حاجة وحاجة تانية بس يكونوا زى بعض من نفس النوع والجنس
مثلآ
تفاحة وتفاحة يبقوا إتنين تفاحة
ومنقدرش نجمع بيه حاجتين مختلفتين زى مثلآ
تفاحة وبرتقانة
أو
خشبة ومسمار
لأن لما نيجي نجمعهم نلاقيهم لسه ماإتجمعوش مع بعض وفضلوا زى ماهما وحنكون تعبنا نفسنا على الفاضى
لأن مجموع خشبة ومسمار هو خشبة ومسمار
ومجموع تفاحة وبرتقانة هو تفاحة وبرتقانة
ويبقا ما نابنا إلآ التعب
طيب نعمل إيه فى الحالة دى ؟
يعنى لو معاك تفاحة وبرتقانة مثلآ
متقدرش تقول معاى إتنين
يعنى لو حد سئلك طيب معاك إتنين إيه ؟
فى الحالة دى تقول معاى تفاحة وبرتقانة
ما تقدرش تقول معاى إتنين
طيب إتنين تفاحة ولآ إتنين برتقالة
صدقونى ما ينفعش
فى الحالة دى حتقول معاى تفاحة وبرتقانة
لأن التفاحة غير البرتقانة يعنى صنف وصنف
ومانقدرش نجمع الصنفين مع بعض
فلازم يكونوا صنف واحد علشان نقدر نجمعهم
فاهمين ولآ أشرحها كمان
الفصل
فاهمين ؟
عطية
طيب واحد منكم يدينا مثال
طالب
الأب والأم
عطية
ولو إن ده مذكر ودى مؤنث بس تمشى على أساس إنهم والدين يعنى إتنين من نفس الجنس
وبعدين مش بدل ما تقول
الأب والأم يبقوا إتنين
الأحسن تقول
الأب والأبن
طالب
يعنى الأب والأبن يبقوا إتنين مش واحد ؟
عطية
فى حصة الحساب إتنين
وفى العقيدة بتاعتنا واحد
لأن المسيح قال أنا والأب واحد
فيه حد تانى يقول مثال
طالب
مثلآ
المسيح وبطرس
عطية
خلوا بالكم زميلكم بيقول المسيح وبطرس
واحنا بنقول لازم يكون الجمع بين إتنين زى بعض فى النوع والجنس
وفى المثال ده ما ينفعش الجمع لآ من حيث النوع لأن المسيح فيه ناسوت ولآهوت وبطرس يعتبر ناسوت بس
ولآ ينفع من حيث الجنس لأن زى ماحنا عارفين ان المسيح وحيد الجنس
يبقا مينفعش أقول انهم إتنين لأنهم حيكونوا زى التفاحة والبرتقانة
ونكمل الحصة الجاية
سلام
