يوميات عم رمضان
الإعتراف
************
عم رمضان
مبّدر على فين كدة الصبح بدرى يا واد
يا رومانى انت وجماعتك
رومانى
ماانت عارف ياعم رمضان النهاردة الحد ورايحين الكنيسة
عم رمضان
بس بدرى كدة ياوّله ؟
رومانى
علشان نلحق صلاة باكر
عم رمضان
عاوز النهاردة تلحق صلاة بكره ياوّله
رومانى
باكر ياعم رمضان يعنى الصبح بدرى
وفيه ناس بيسموها صلاة الموظفين
علشان الموظفين يصلوا قبل ما يروحوا الشغل
عم رمضان
أيوه صحيح إفتكرت الواد سيفين كان قاللى إن المصلحة إللي شغال فيها بتديهم يوم الحد الصبح ساعة سماح علشان يصلوا فى الكنيسة ولما سئلته والمسلمين بياخدوا هما كمان الساعة دى قاللى والمسلمين ياخدوها ليه ؟
قلت فى عقل بالى يابختكوا واخدين حقكم تالت ومتلت ده حتى الأجازات بتاعتنا بتاخدوها معانا وأجازاتكم إحنا ما ناخدهاش
رومانى
دهديه ياعم رمضان إنت كمان حتحسدهم على الأجازات ؟
عم رمضان
أصلكوا بتولولوا وبتقولوا مش واخدين حقوقنا
رومانى
هو إنتوا راضيين تخلونا نبنى كنايس ده إحنا بنبنى الكنيسة سرقة من ورا الحكومة نقول حانبنى مندرة وبعدين واحد واحدة نقلبها كنيسة
عم رمضان
هو ياواد مش مكفيكم كل الأرض إللى أخدتوها من الدولة وكمان إللي أخدتوها بوضع اليد وبنيتوا عليها كنايس وأديرة وملاجىء
ده فى بلدنا جامع واحد على يدك وكام زاوية صغيرة وإنتوا عندكوا كنيسة أد مساحة الجامع أربع مرات غير الدير بتاع أبو فرخة إللي مساحته أكتر من خمسة ألآف فدان
رومانى
من حكم فى ماله ماظلم
مش الأرض أرضنا عن أبونا وجدنا
عم رمضان
ياواد ده انت رومانى مش مصرى
عموماً مش وقته علشان مش عاوز أعطلك إنت وجماعتك
بس كان نفسى أعرف بتقولوا إيه لما بتيجوا تصلوا
رومانى
طيب ما تيجى معانا كأنك حمايا
وتحضر بنفسك وتسمع
عم رمضان
عايزنى أزور فى شخصيتى يامنافق
طيب لو أنا طاوعتك وقليت عقلي البهايم دى مين يوديها الغيط وكمان يامنيل على عينك أنا بصلي الفجرحاضر كل يوم مش زيك بتصلي يوم الحد بس
رومانى
إهيه البهايم ماهى عارفة السكة ياعم رمضان
عم رمضان
معلوم إومال إيه
البهايم عارفة السكة بس يا خسارة البنى أدمين تاهوا عن السكة الصح
هه ما قولتليش تطلع إيه صلاة باكر دى
رومانى
إسمها صلاة الساعة السادسةعلشان بتوافق الساعة التاسعة
عم رمضان
الساعة ستة وبتوافق الساعة تسعة
كلام إيه ده ياوّله هو إنت لسه مافوقتش من النوم ؟
رومانى
بعدين أقولك ياعم رمضان علشان ماأتأخرش
عم رمضان
طيب مش واجب ان جماعتك يتحشموا شوية فى اللبس ياوّله وبلاش القصير ده وانتوا رايحين مكان عبادة طيب يكون إيه وضع جماعتك لما يجيوا يسجدوا وهما لابسين قصير
رومانى
إحنا بنصلي وإحنا واقفين وساعات وإحنا قاعدين على الكراسى ياعم رمضان والسجود عندنا بيكون للبابا والصليب والقديسين بس
عم رمضان
يا حلاوة يا حلاوة يعنى بتسجدوا للتماثيل والصليب والرب لأ
رومانى
ماهى التماثيل فيها تماثيل للرب وفيها تماثيل للقديسين وتماثيل للعدرا وبعدين الصليب الرب مات عليه عشان يخلصنا
عم رمضان
مات بكيفه ولآ غصب عنه ؟
رومانى
لأ مات بكيفه
هو جاى أساسآعشان كدة
عم رمضان
لو كان مات بكيفه وبإرادته يبقا إنتحر
رومانى
إنتحر إيه بس ياعم رمضان دى اسمه فداء
عم رمضان
ياواد إللي يموّت نفسه واليعوذ بالله بيكون إنتحر
رومانى
ياعم رمضان انت مش فاهم حاجة هو نازل مخصوص من فوق علشان كدة
عم رمضان
من فوق من فين ؟
رومانى
من عند الأب
عم رمضان
الأب ؟!!
رومانى
أيوه يا عم رمضان ماهو إبنه وباعته علشان يموت من أجلنا
عم رمضان
يموت علشانكم ؟ إهيه كلام إيه ده ؟
رومانى
مش واخد بالك انت
أدم لما غلط ربنا حب يصالحه
فعمل خطة من أجلنا
عم رمضان
مين يصالح مين ؟
إللي غلط ولآ إتغلط فى حقه
هو انت لما تزعلنى أقوم أنا أروح أصالحك
ولآ انت إللي مفروض تيجي تقوللي معلش يا عم رمضان أنا محقوقلك أنا غلطت فى حقك وأستاهل ضرب الجزمة وهات راسك أحب عليها
رومانى
يا عم رمضان ماهو من محبته لينا قال أصالحهم أنا وقام مموت نفسه علشان احنا نعيش
أصله بيحبنا جامد
عم رمضان
ياواد ماانت لسه بتقول ان إللي مات يبقا إبنه بترجع ليه تقول موت نفسه علشانا
رومانى
ماهى هنا النقطة المهمة إللي انتوا مش فاهمينها لحد دلوقت ياعم رمضان إن هو والأب واحد
وهو بنفسه قال
أنا والأب واحد
عم رمضان
هو والأب واحد إزاى ؟
وإنتوا بتقولوا الأب غير الأبن
وكمان بتقولو إللي يقول عن الأبن هو الله يبقى مشركطيب والروح القدس
رومانى : هو هو بردو
معلش يا عم رمضان أنا عارف إنها لفة معاك بس ده سببه ان مفيش جواك روح قدس
عم رمضان
قصدك مش جوايا إللي هو هو بردو
رومانى
أيوه
عم رمضان
وإللي مات ودفنتوه فى القبر
رومانى
أيوه بس قام من الموت بعد تلات تيام
عم رمضان
وإللي بتاكلوه فى الفطيرة وتشربوا دمه
رومانى
أيوه وإللي بناكله فى الفطيرة وبنشرب دمه
عم رمضان
وإللي جلدوه وضربوه على قفاه
رومانى
أيوه وإللي جلدوه وضربوه على ...
عم رمضان
سكت ليه ؟
رومانى
ضربوه بس مش على قفاه
عم رمضان
ياواد بص للمخبرين عندنا لما بيمسكوا واحد وهما فى السكة ورايحين بيه على النقطة مش بيشيلوا الكوفية إللي حوالين رقبته عشان يعروا قفاه وهاتك يا ضرب على القفا ولحد ما يوصلوا للنقطة بيكون قفاه إستوى وورم من الضرب
رومانى
بس المسيح قال من ضربك على خدك الأيمن وماجابش سيرة القفا
عم رمضان
أنا مش عارف أقولك إيه يا وّله
بس الواضح انك ما بتفكرش
المسيح قال الكلام ده قبل ما يتمسك ويتقبض عليه ومكنش لسه يعرف حكاية القفا دى
لانه لو كان عارف كان قال من ضربك على قفاك قول تسلم يداك أو من تف عليك غمى عينيك أو من إيدالك بالشلوت كون مبسوط
المهم إنت من الأخر عاوز تقول ان التلاتة دول شخص واحد
رومانى
أيوه يا عم رمضان شوف إنت وصلتلها لوحدك إزاى
أهم دول بنسميهم أقانيم
اقنوم الأب اقنوم الأبن اقنوم الروح
بس هما أصلآ واحد
عم رمضان
قصدك ان هما التلاتة اقنوم واحد
رومانى
لأ تلاتة بردو
عم رمضان
والتلاتة دول ماتوا علشان بيحبوكم
رومانى
واحد بس إللي مات يا عم رمضان
عم رمضان
مين فيهم إللي مات
رومانى
الوسطانى
قصدى الاقنوم إللي فى النص
عم رمضان
بس الظاهر يا وله إنكوا مش بتحبوه زى هو ما بيحبكم عارف ليه ؟
رومانى
ليه ياعم رمضان ؟
عم رمضان
ماهو لو بتحبوه أد ما بيحبكم كنتوا موتوا روحكم عشانه زى هو ماموت روحه عشانكم
رومانى
عاوزنى أنتحر وأموّت نفسى يا عم رمضان
عم رمضان
تنتحر إيه بس يارومانى دى محبة يا وله
انت مش بتقول كدة
طيب ما علينا
وبتقلعوا المداسات بتاعتكم كدة زينا لما تيجوا تصلوا
رومانى
وحنقلعها ليه بس ؟ احنا بنصلي بيها يا عم رمضان
عم رمضان
طيب بتقيموا الصلاة زى عندنا كدة
يعنى بتقولوا مثلآ حاجة زى
حي على الصلاة حي على الفلاح
رومانى
عندنا بنقول بدل حي على الصلاة ، بنقول هلم نسجد
هلم نسجد هلم نسأل المسيح إلهنا. هلم نسجد، هلم نطلب من المسيح ملكنا. هلم نسجد، هلم نتضرع إلى المسيح مخلصنا. يا ربنا يسوع المسيح كلمة الله إلهنا، بشفاعة القديسة مريم وجميع قديسيك، احفظنا ولنبدأ بدءا حسنا.
عم رمضان
منين بتقولوا هلم نسئل المسيح إلهنا وبعدين تقولوا يا ربنا يسوع المسيح كلمة الله إلهنا
يعنى مرة المسيح إلهنا ومرة كلمة الله إلهنا
رومانى
ماهما الاتنين واحد زى ما قلتلك ياعم رمضان
عم رمضان
معلش ياواد نسيت
طيب لما هما واحد ليه ما بتقولوش هلم نسئل الله إلهنا
ليه بتفنطوهم كل واحد لوحده
رومانى
مااعرفش احنا بنقول كده وخلاص
عم رمضان
وبعدين بتقولوا هلم نسجد وانت قلت إنكوا ما بتسجودوش وبتصلوا وإنتوا واقفين أو قاعدين
وبتتشفعوا بجميع القديسين ليه ؟ هى شفاعة القديسة مريم مش كفاية ؟
رومانى
احنا بنقول هلم نسجد يعنى كدة وكدة
عم رمضان
بتقولوا لمين ؟
رومانى
بنقول لبعض يا عم رمضان
عم رمضان
بس هى دى الصلاة ياوله
رومانى
لأ ياعم رمضان الصلاة بتكون طويلة
عم رمضان
يعنى هلم نسجد دى زى الأدان عندنا
رومانى
لا ياعم رمضان الصلاة طويله وبنقرا فيها كذا مزمور وكمان بندعى فيها الرب وبتكون فيها موسيقى وكورال
عم رمضان : ويطلع إيه الكورال ده ؟
رومانى
دى فرقة بترد ورا المرتل بتكون مع الفرقة الموسيقية
عم رمضان
يعنى الصلاة فيها طرب وتخت ، طيب وبتقولوا إيه ؟ إوعى ياوله تكونوا بتدعوا علينا
رومانى
احنا بنقول للرب
امنحنا أن نكمل هذا اليوم المقدس وكل أيام حياتنا بكل سلام مع خوفك. كل حسد، وكل تجربة وكل فعل الشيطان ومؤامرة الناس الأشرار، وقيام الأعداء الخفيين والظاهريين، انزعها عنا وعن سائر شعبك، وعن موضعك المقدس هذا. أما الصالحات والنافعات فارزقنا إياها. لأنك أنت الذي أعطيتنا السلطان أن ندوس الحيات والعقارب وكل قوة العدو. ولا تدخلنا في تجربة، لكن نجنا من الشرير.
عم رمضان
إهيه انت مش لسه يا وّله من كام يوم كنت خارج بتجرى من دارك زى إللي راكبك عفريت وبتقول إلحقوني يا خلق . إلحقونى يا هووه فيه تعبان عندى فى الدار وإحنا دخلنا عندك وفضلت انت بره لحد ما قتلنا التعبان و دخلت انت بعدين بعد ما إتأكدت إنه مات وشفته بعينك وهو ميت ، ما دستش عليه ليه أول ما شفته ؟ ولآ انت معندكش إيمان ؟
رومانى
إهيه بقا يا عم رمضان هو يعنى تحقيق ولآ تحقيق
وعلى فكرة أنا كنت قادر أدوس على التعبان بس أبونا فى الكنيسة قال لو حد قالك انت مش بتقول ان إيمانك قوى وليك سلطان طيب دوس على التعبان ده لو تقدر
وعلشان تتصرف فى المواقف إللي زى دى ترد عليه وتقوله حاشا أنا لآ أجرب الرب إلهى ، وأهم حاجة إنك تقوله حاشا وبكده تكون خلصت من المطب ده
عم رمضان
إلآ صحيح يا وله بالمناسبة فكرتنى كنت عاوز أعرف أبوكم بيدخل حداكم وحدا جماعتكم فى الكفر ليه كل فترة ؟ وكمان فيه واحد تانى بيجي كل فين وفين
رومانى : إللي بيجى كل فين وفين ده الأب بتاع الإفتقاد لما يكون فيه حد متغيب عن الكنيسة والكنيسة مفتقداها فترة فأبونا بيسئل عنه ويشوف السبب إيه والأب التانى إللي بيمر على طول ده الأب الإعترافى واحنا بنعترفله بخطايانا علشان ذنوبنا تتمسح ولآ حد فينا يشيل خطية علشان أبونا هو إللي بيربط ويحل على الأرض
عم رمضان
طيب مانا كمان ياوّله بأربط وأحل
هو أنا مش ولآ مؤاخذة بأربط البهايم بتاعتى وأحلها
رومانى
يربط ويحل ياعم رمضان يعنى يحرم ويحلل وبعدين أبونا بيخش حدانا علشان نعترفله بكل حاجة الواحد عملها حتى لوكانت حاجة صغيرة خالص أد النمنمة أو يكون عمل أذية لحد مسيحي من شعبنا
يعنى لو أنا مثلآ زعلت الجماعة بتوعي الجماعة بتوعى يشتكونى لأبونا لما يجي حدانا
عم رمضان
ومراتك يا وله تقول لأبوكم كل إللي بيحصل بينكم
رومانى
أيوه يا عم رمضان وفيها إيه !!
عم رمضان
إهيه أما عجيبة صحيح حتى يا وله لوقلت كلمة هزار أو مقلتة أو كلمة انت مش قاصدها ومراتك زعلت منها
رومانى
أيوه ياعم رمضان مريانا ما بتخبيش حاجة عن أبونا
عم رمضان
تلاقيك ياوله بتبقا قاعد خجلان وفى نص هدومك وهى قاعدة تطّلع فيك القطط الفطسا لأبوك
رومانى
لآ يا عم رمضان انت مش واخد بالك
أنا مابأكونش قاعد معاهم هما بيرحوا أوضة تانية وبيقفلوا الباب عليهم علشان ماحدش يسمعهم ولآ حد يدخل عليهم وعلشان أنا ما أسمعش هى بتقول إيه عشان ما أشيلش منها وازعل
عم رمضان
وانت يا وله بتكون قاعد فين فى الوقت ده ؟
رومانى
أنا بأكون بره وبعيد عن الأوضة بس بأكون مرعوب على الأخر عشان مش عارف هى بتقول إيه لابونا وساعتها ببقا عاوز الأرض تنشق وتبلعنى
ولو غابوا جوه حبة أعرف إنها شايلة منى جامد ولو غابوا حبتين أعرف إنها حتطبل فوق دماغى
عم رمضان
وابوك بيقعد معاك انت كمان يا وّله وبتكونوا لوحدكم وبتقفلوا عليكوا الباب
رومانى
أيوه أومال إيه يا عم رمضان بس ما بنقفلش الباب بالترباس عشان ما بنقعدش كتير هما كلمتين وخلاص علشان لما أجى أفتح حنكي يقوللي خلاص أنا عرفت كل حاجة من مريانا ومش عاوز إعادة
انت يارومانى غلطان جامد وعليك تصالح مراتك بس بكرة مش النهاردة علشان تكون هديت شوية ونفسها راقت من ناحيتك
عم رمضان
أكيد يا وّله بتكون مبسوط من أبوك على الأخر
رومانى
ده أنا باحب على إيده ياعم رمضان وأطلب منه يسامحنى ولما يقوللي خلاص سامحتك ببقا طاير من الفرح
عم رمضان
ما حاولتش مرة ياوله تخش عليهم تشوف مراتك بتقوله إيه عنك ؟
رومانى
ياخبر ياخبر يا عم رمضان ودى معقولة أتجسس عليهم وأخلي الرب يغضب منى ، لأ فى دى ملكش حق
عم رمضان
يا واد أنا قلبى عليك
رومانى
قلبك عليا تقوم تخلينى أغضب الرب وأتحرم من الملكوت
عم رمضان
يا خواتى أفهّمك إزاى بس
ياواد يا خايب الحياة الزوجية بتكون سر بين الراجل ومراته ومحدش يعرف عنهم حاجة
رومانى
إلآ أبونا ياعم رمضان لازم يبقا عارف كل كبيرة وصغيرة أومال يباركنا إزاى
الاعتراف ده سر من أسرار الكنيسة
عم رمضان
بس أنا بشوف أبوكم بيدخل عندك يجي تلات مرات فى الشهر وبيدخل أكتر من كدة عند ناس تانية
رومانى
أنا أأقولك يا سيدى . لما يكونوا لسه عرسان جداد بتكون طباعهم مختلفة وبيختلفوا مع بعض كتير فأبونا بيدخل عندهم كل إسبوع مرة وساعات مرتين ولما يكونوا وسط كدة زى حالاتى بيدخل عندهم مرة كل عشر تيام ولما يكونوا عواجيز بيدخل عندهم مرة كل شهرين قول تلاتة قول أربعة ومابيقعدش عندهم كتير لأن معندهماش حيل يتناقروا مع بعض أو يزعلوا من بعض
عم رمضان
وكمان أبوك معندهوش حيل علشان يقعد يسمعهم
رومانى
دى بترجعله هو يا عم رمضان لو قادر ما بيتأخرش
عم رمضان
ماشى ياوّله روح بقا لجماعتك أنا شايف إنها واقفة وقلقانة عليك أحسن تفتكر إنك عملت عملة وتروح تشتكيك لابوك
وبعد ما ترجع إبقى عدي عليا علشان نكمل حدتينا مع بعض
وتقولى على حكاية الساعة دى
رومانى
ماشى ياعم رمضان فوتك بعافية
عم رمضان
خلي بالك الكلب بتاعكم قاعد على رجليه وباصص فوق على جماعتك وقاعد يهز ديله ومبسوط إبقى كش فيهعلشان ما يقعدش زى كدة تانى وبلاش جماعتك يلبسوا قصير وخلى عندك إحساس
رومانى
هو أنا ياعم رمضان حااغير من الكلب ؟
عم رمضان
خلاص براحتك
إنت حر بس خلى بالك أحسن يدخل وراكم وما تخدوش بالكم
رومانى
عادى ياعم رمضان عادى
