انسان من شعب مصر

:1:أنا جاى أقول بالصعيدى الجوده00 فيه ناس فجارى فى الصعيد موجوده

أنا جاى أجولك يلا نظره يا ست 00عايزين نوكل الولد والبت

يامصر طول عمرى فجير ما أطلبش حاجه

أنا أصلى حلمى جصير وأنام ع الحصير وكل ما تديج أجول فراجه

يصبح صباحى يلاجينى صاحى بغسلووشى أتوضى للفجروأصلى وأمشى

ع الحال دا يامصرياما ومن سنين ف الطين 00 مانتى عارفه

والكل عارف باين علينا الشج ف الرجل والحلج ودى حاجه تخفه

مين ع الفجير هيبص بيجولوا وش الفجير بيطل منه النحس

لوكان صباح يومك 0تنضر0 ف0 وشه ينفض عليك نحسه

ياتجيك مصيبه يا تحل من فوجك ومن تحتك بلاوى يا خيبه

حرام يابيه سيب الفجير مع حاله ليه بتتمجلت عليه

وربنا اللى خالجنا وخالجك الفجرراضين بيه

جول للمريض ترضيه 00 ادعيله ربنا يشفيه

لاياخد منك ولاهوا باصص تمد يدك عشان تديه

ربك بيرضى ويدى 00 هيا العطيه للعبد00 كتيره عليه

الفجر مش عيب دا جوا الجيب وما حد يعلم بيه

وعزة النفس عند اللى بيحس يابيه تغنيه

كان حد جالك جبت الفلوس من ايه

لا نرضى بيها ونجول المال الحرام للنفرمش ليه دا عليه

والعيشه مش دايمه زى الماى عايمه تهيج تجيب اللى عاليه تحتيه

فجارى لا نجبل المال الحرام ولا نتاجر بالكدب فيه

لو حكم عادل يدى الحج وما يفرط فيه يفرج مابين ولاد أم واحده ليه

هانت يا بيه سمعت فيه شباب رجاله جال هما حاربوا الظلم

الحج جولت دا حلم ما احنا غلابه ونجول سوكاتنا دا سلم

مانخفش00 بس دا جهل وجلت علم ما نعرفش الحج م الظلم

كانوا يجولولنا ما تطلبوش ماهو ياما جلنلكم ما تخلفوش

وكنا نسكت ونجول دا منا00احنا السبب ودا جهل منينا وجلت أدب

اتارى ف فلوس كتيرجوى ومنهوبه

وهتيجى مش دلوجت عايزين شوية وجت

ودا مش مهم 0 المهم انزاح خلاص الهم

واللى كان يجتلنا0 انزاح خلاص واتلم

وللحديث بقيه
محمد النذير