سؤال لاساتذة المنتدى الافاضل
بسم الله الرحمن الرحيم الحمد لله رب العالمين والصلاة والسلام على سيدنا محمد حبيبنا ورسولناونبينا وعلى اله وصحبه اجمعين انا عضو جديد وربنا يجزيكم على هذا المنتدى الرائع اللى بيدافع عن دين الله ورسوله وربنا يبارك فى كل شيوخ واسود الاسلام فى المنتدى الكريم ده انا كنت بكلم واحد نصرانى على الفيس بوك انا طبعا مليش فى موضوع الحوارات فى الاديان او المناظرات لانى قليل العلم ومش متخصص زى حضرتكم لكن بصراحة اللى دفعنى للرد لانى لاقيت بيسئ للاسلام فمقدرتش ما اردش ناقشته قالى ان القران فى سورة التوبة الاية رقم 29 بتحث على قتل اهل الكتاب واخضاعهم لدفع الجزية قولتله ان ده لاهل الكتاب المحاربين لكن المسالمين يدفعوا الجزية ويبقوا على ديانتهم قولتله طب اجيبلك من كتابك اوامر بشعة بالقتل و سفك الدماء وكنت طبعا شوفت الاعداد اللى بتتكلم عن القتل ده فى كتابهم فى المنتدى الرائع ده سؤالى لحضرتكم لانى مش خبير وقليل العلم جبتله اعداد من العهد القديم قالى متكلمنيش من العهد القديم قولتله مش ربكم فى العهدين واحد قالى لا العهد القديم ملوش قيمة دى كان قبل عصر النعمة ومبقاش له لازمة بعد العهد الجديد سؤالى لحضرتكم هل الكلام ده صح هل العهد القديم ملزم للنصارى وحجة عليهم ولا بالنسبة لهم مش حجة عليهم وفعلا العهد الجديد بس هوا اللى بيعتد بيه عندهم شكرا واسف جدا على الاطالة
