اقتراح بخصوص المنتدى الانجليزي

السلام عليكم ورحمة الله وبركاته
جزاكم الله خيرا على هذا المنتدى الذي لا استطيع وصف روعته
و لكن عندي اقتراح بخصوص المنتدى الانجليزي هل يمكن تعديله بحيث اللي عاوز يسجيل فيه من الاجانب او كتابة رد او اقتباس او اي شئ يبقى سهل عليه بالانجليزي و تكون المواضيع اللي ليها عنوان بالعربي في المنتدى الانجليزي الحالي في قسم داخله Arabic forum و المشتركين في المنتدى باسماء عربية يخلوها انجليزي يعني يكون له تسجيل خاص بيه بالانجليزي عشان يبقى بجد المنتدى صالح ان يدخل غير مسلمين اجانب كتير يعرفوا الحق من خلال المنتدى هنا لان عادة اللي عاوز يكتب لازم يكون يا بيعرف عربي يا معاه حد يساعده
و يا ريت كمان لو يبقى في اقسام بالمنتدى مثلا قسم عن الاسلام و قسم عن رد الشبهات و قسم عن الاعجاز العلمي و هكذا
و جزاكم الله خيرا

اقتباس:

---

المشاركة الأصلية كتبت بواسطة أذكر الله

السلام عليكم ورحمة الله وبركاته
جزاكم الله خيرا على هذا المنتدى الذي لا استطيع وصف روعته
و لكن عندي اقتراح بخصوص المنتدى الانجليزي هل يمكن تعديله بحيث اللي عاوز يسجيل فيه من الاجانب او كتابة رد او اقتباس او اي شئ يبقى سهل عليه بالانجليزي و تكون المواضيع اللي ليها عنوان بالعربي في المنتدى الانجليزي الحالي في قسم داخله Arabic forum و المشتركين في المنتدى باسماء عربية يخلوها انجليزي يعني يكون له تسجيل خاص بيه بالانجليزي عشان يبقى بجد المنتدى صالح ان يدخل غير مسلمين اجانب كتير يعرفوا الحق من خلال المنتدى هنا لان عادة اللي عاوز يكتب لازم يكون يا بيعرف عربي يا معاه حد يساعده
و يا ريت كمان لو يبقى في اقسام بالمنتدى مثلا قسم عن الاسلام و قسم عن رد الشبهات و قسم عن الاعجاز العلمي و هكذا
و جزاكم الله خيرا

---

وعليكم السلام ورحمة الله وبركاته

ما شاء الله اقتراح رائع بالرغم من أنه من استطاع بداية التسجيل باللغة العربية
سيستطيع إن شاء الله التعامل مع مثل هذه الأمور البسيطة في القسم

اقتباس:

---

و يا ريت كمان لو يبقى في اقسام بالمنتدى مثلا قسم عن الاسلام و قسم عن رد الشبهات و قسم عن الاعجاز العلمي و هكذا

---

أقسام مهمة بالفعل و لكن إن كنت تطلب وجود ذلك في قسم اللغة الانجليزية فلا أشجع مثل هذه الفكرة حتى لا يختفي سؤال الباحث في أقسام فرعية فلا يلحظ سؤاله المتواجدون بالإضافة لأن فتح قسم للرد على الشبهات في قسم اللغة الانجليزية يتطلب بداية وجود ردود لأهم الشبهات التي تثار كثيراً و أن يتم تجميع ردود لشبهات كثيرة وهمية و الاجاية عليها قبل افتتاح مثل هذا القسم

و الله أعلم


و إن كنت تسأل عن وجود مثل هذه الأقسام في المنتدى باللغة العربية

اقتباس:

---

و يا ريت كمان لو يبقى في اقسام بالمنتدى مثلا قسم عن الاسلام

---

اضغط هنا

http://www.ebnmaryam.com/vb/f9

اقتباس:

---

و قسم عن رد الشبهات

---

اضغط هنا

http://www.ebnmaryam.com/vb/f5

اقتباس:

---

قسم عن الاعجاز العلمي

---

هو قسم فرعي بالرغم من أهميته و تأثيره في دعوة غير المسلمين

اضغط هنا

اضغط هنا

http://www.ebnmaryam.com/vb/f51

جزاكي الله خيرا أختي الكريمة
انا كنت بقترح ان المنتدى الانجليزي يتم تطويره عشان اللي زي حالاتي كدة معندهوش علم شرعي يؤهله انه يعمل في الدعوة و بيعرف انجليزي يكتفي بإنه يدعوا ناس كتير اجانب للمنتدى هنا يعرفهم بيه من خلال المنتديات او اي طريقة تانية لكن حاليا ما ينفعش عشان اللي هيعوز يسجل هيواجه مشقة انه مش عارف يسجل بالعربي فطبعا مش هيسجل
و حاليا اخر اتنين شوفتهم في المنتدى الانجليزي اجانب هما واحدة مسلمة و التاني زوجته مسلمة فهي اللي الحت عليه يدخل المنتدى
المنتدى حاليا بيعمل مساعده رائعة جدا للي عاوز يدعوا ناس اجانب للاسلام فلو دور فيه هيلاقي معظم اللي هو عاوزه و من غير ما يتعب نفسه حتى في الترجمة لكن لا يصلح اننا ندعوا اليه ناس اجانب غير مسلمين الا اذا كان واحد في حاجة قوية جدا تدفعه انه يحاول بجهد كبير انه يلاقي حد يترجم له او برنامج او اي حاجة لكن دول مش هما القاعدة العامة في الناس
انا كان نفسي المنتدى يتغير بحيث يكون كل حاجة فيه بالانجليزي على الاقل الحاجات اللي هما محتاجين يفهموها زي ازاي اسجل و شروط التسجيل و اسامي الناس اللي بيكلموني و المشاركة و الرد و هكذا
و ممكن تخلونا كأعضاء نساعد مثلا نحاول حاليا نعمل مواضيع فهرسة في المنتدى الانجليزي موضوع فيه كل الموضوعات اللي بتتكلم عن التعريف بالاسلام و أخر عن الاعجاز العلمي و اخر عن الشبهات و الردود و بعد كدة تضاف كقسم مستقل داخل المنتدى الانجليزي و هنا كمنتدى مش محتاجين عشان نبدأ قسم جديد عن الردود عن الشبهات ان يكون القسم ده فيه ردود عن كل شئ لو في حد اجنبي داخل و عنده شبهة مش موجود الرد عليها في المنتدى يكتبها فيه و الاعضاء يردوا له عليها
و بالنسبة انه عشان سؤال الباحث لا يختفي في الاقسام الفرعية ممكن نبقى نعمل قسم خاص بالاستفسارات و بكدة هيبقى اسهل و مش هيضيع
و ان شاء الله لو المنتدى تم تعديله و بقى صالح لدعوة غير المسلمين الاجانب اليه هيبقى سهل جدا اننا نخلي ناس كتير ييجوا يسجلوا فيه لان معظم اللي بيكتبوا في المنتدى الانجليزي هنا يا بيكتبوا في منتديات انجليزية بيدعوا الناس اللي فيها للاسلام يا بيكلوا ناس عالميل يا في الحقيقة فمش هتبقى في مشكلة

يا ريت يا جماعة لو الادارة تحاول بجد في الموضوع ده و جزاكم الله خيرا