اللى كان اسمه جان وبعد كدا اسلم وغير اسمه لمحمد مات بالله عليكم تدعوله بالرحمة
السلام عليكم
انا بكتب لكم القصه دى واول مرة ابوح بسر من اسرارى عالنت او اقول الكلام دا لحد
بس لازم يطلع من جوايا
انا دخلت مرة شات روم اسمها المسيحين والمسلمين اخوات دخلت علشان اشوف مشرف الروم دا قصده ايه وعملنا حوار كبير ونقاش فالاديان انا كنت مصدومه من كم المعلومات اللى ناقشنى فيها كان حافظ ايات للقران والانجيل والتوارة واستغربت اضطريت انى اقفل علشان كنت محتاجه اخرج
لقيت المشرف بعدها بعتلى اضافه وكنت ناويه انى مكلموش لانى حسيت انه مسيحى وكدا هياثر على او ان دى تكون حملة تنصير
فقالى انه اول مرة يشوف حد قادر للمناقشه والاقناع زى ماعملت معاه
سالته عن اسمه قالى انتى مسلمه صح قلتله اه وانت قالى انتى عايزة اسمى الحالى والاول قلتله يعنى اى قالى انا اسمى الحقيقى جان والاسم الجديد محمد وانا بحب محمد قلتله مش فاهمه قالى انا كنت مسيحى واسلمت من سنتين ونص بس علشان الاضطهاد محدش كان يعرف باسلامه غير امه
عرفنى ان اسلامه بدا من القرايه وانه اسلم لما قرا كتاب بعنوان ربحت محمدا صلى الله عليه وسلم ولم اخسر المسيح
وقال انه دايما كان بيسال اسئله ملهاش حل زى ليه المسيحين بيقدسوا الصليب بالرغم ان الههم مات عليه
عندهم فالانجيل ايه تقول ان سيدنا عيسى بيقول انا بن الانسان ازاى وهو اله
وازاى لو ان عيسى بن الله الوحيد ربنا يضحى بيه علشان ذنوب الخلق
وووووووو
واسئله كتيرة
بفضل الله انا كنت سمعت تفسير لسورة مريم من الشيخ محمد حسان وفيلم الام المسيح كان الشيخ انتقده ودا ادانى معلومات كافيه وحجج انى ارد عليه
وكمان خطبه الشيخ العريفى
المهم محمد دا علاقتى بيه زادت جدا وبقينا بنتكلم كتير بس والله ربنا شاهد ان كان معظمها حولين الدين والعبادات حفظته الاذكار كلها والصلاة وهو كان بيضطر يروح لمسجد بعيد عن بيتهم علشان محدش يعرف وكان بيروح الكنيسه قدام اهله علشان محدش يشك فيه
بيقولى اوضتى عباره عن مصاحف واناجيل وصلبان ومصليات
انا كنت بتعجب
قولت اكيد دا بيضحك على وهو مش مسلم بس لقيته بينطق الشهاده وبيسمع ايات من القران وقالى انه بكى اول مرة سمع فيها القران من الشيخ ماهر المعيقلى كانت سورة الكهف وحفظها والله ياجماعه انا معرفش معنى دعاء الحمد لله على نعمة الاسلام وكفى بها نعمة غير لما عرفته مكنتش بحس معناها فعلا الاسلام نعمة عظيمه
كانت عنده مشكله فبدايه معرفته انه مش عارف يحب سيدنا محمد اكتر من سيدنا عيسى
فهمته الفرق بينهم
والله والله بعدها قالى محمد اعظم شخصيه وانا بحب كل حاجه عنه
وبدا يقرا فالسيرة وقلتله على كتب جابها وحبها جدا
وكان بيقرا الكتاب مرة واتنين وبيجمع اكبر قدر عن الاسلام وكان ملتزم فالصلاة
قالى انه عايز يدينى هديه بعتلى مصحف مكتوب بالتجويد عالنت وبعتلى كتاب ربحت محمدا ولم اخسر المسيح
محمد كان من سوريا وبعتلى الحاجات دى على ايميلى
وقالى ان الهديه الجايه هتكون مصحف حقيقى هيبعته عن طريق شركه وهيوصلى لغايه البيت
المهم والله ياجماعه ماعارفه اقول اى انا قلبى بيتقطع دلوقت وانا بكتب
المشكله انه انقطعت اخباره عنى من اكتر من شهر وكنت ببعت رسايل مش بيرد على خالص
اول امبارح لقيت رساله جايالى من واحد اسمه ورد عايزك فامر ضرورى
كلمته النهارده اشوف عايز اى ومين دا
طلع صاحب محمد من سوريا اسمه ورد وبيقولى واحد محملنى امانه ليكى
قلتله مين قالى جان بيقولك انه بيعزك اوى ومتنسهوش من دعائك وهو فاكرك دايما حتى قبل مايموت
قلتله انت بتقول ايه
قالى محمد توفى فحادث سيارة ووصيته انك تدعيله لانك الوحيدة اللى هتحافظى على وصيته لام اهله كلهم مسيحين
والله انا قلبى وجعنى ناااااااار جوايا زعلانة و باعيط زعلانة و باعيط زعلانة و باعيط ومش قادرة امسك نفسى سبحان الله واحد فشهر كان فى الارض بقى فالسما ماااااااااااات
محمد ماااااااااااااااااااااات ماااااااااااااااااااااااااااااات ومش لاقى حد يدعيله مسلم فى اهله ودفنوه فمقابر المسيحين
دلونى ياجماعه اعمل ايه
دعائى هيوصله ولا لا
ولو تصدقت له هل يجوز ولا لا
المصحف اللى بعته لى لو قريت فيه هيوصله ثوابه
بالله عليكم تدعوله بالرحمه والمغفرة وان ربنا يكون كتبه مع المسلمين
اللهم ارحم عبدك محمد واغفرله
اللهم اسكنه فسيح جناتك
اللهم نقه من خطاياه كما ينقى الثوب الابيض من الدنس
اللهم ان كان يعذب الان فانقله من العذاب الى الراحه
اللهم ان كان منعمنا الان فزده نعيما
اللهم رضه وارضى عنه
اللهم بدل سيئاته حسنات
اللهم لاتدع له ذنبا الا غفرته
اللهم ارحم موتانا وموتى المسلمين
ياااااااااااااااااااااااااااااااااااااااارب
احشره مع النبين والصديقين
اللهم نور له قبره واجعله روضه من رياض الجنه ولا تجعله حفرة من حفر النار
بالله عليكوا ماتخرجوا الا وتدعواله
وصلى الله على سيدنا محمد وعلى اله وصحبه وسلم
نقلا عن صاحبتى انا لست صاحبة الحدث
يا ريت كلنا ندعيله
