الترمس وديقيق الشوفان لبشرة رائعه
السلام عليكم ورحمه الله وبركاته
أنا بصراحه شفت كتيييير على النت وصفات للبشرة وفيها الحلو وفيها الى مش بيجيب نتيجه وأقسم بالله أنى لو كتبت لكم على ماسك أو وصفه أكون جربتها أو لو مجربتهاش هقول بردو
أول حاجه أنا جربتها بنفسى ونتيجتها حلوة جدا وهى سهله جدا عبارة عن 3 حاجات لبشرة صافيه وناعمه ونضره ومشرقه
أخلطى معلقه من الترمس المطحون ومعلقه من عسل النحل الأصلى ومعلقه ميه ورد
أخلطيهم جيدا لتحصلى على قوام متوسط لا هو سائل ولا هو خشن وثقيل
وضعيهم لمده 20 دقيقه على وجهك وأقسم بالله المداومه عليه كويسه جدا والنتائج ممكن تبان عن بعض الناس من أول مرة أنا بانت معايا والله من أول مرة
وممكن لو مش عندك ترمس تستبديله بدقيق شوفان بس الشوفان والنتايج هايله بردو
بس ياريت الى تجرب تقولى على النتيجه
