الفطير المشلتت .. غاية كل مصري وعربي واجنبي
واخيراً عملت الفطير المشلتت ـــــــــــــ وبالصور كمان
http://i955.photobucket.com/albums/a.../Image0359.jpg
المقادير : دقيق ابيض وعليهم رشة ملح وشويه ماء ( بنحط حبه حبه كل ما العجين يحتاج ) لحد ما تتجمع عندنا العجينه وماتلزقش في ايديكي الحلوة زي الصورة دي الظبط .
وبعدين نسيب العجينه ترتاح شويه يعني حوالي 10 - 15 دقيقه وبعدين نفردها لحد ما تبقي رقيقه جدا علي الرخامه المدهونه بالدقيق .
وندهنها بالذبده " انا كنت مقطعه الذبده مكعبات صغيرة " وتفركيها كويس جدا علي العجينه ولو حبيتي تحطي قشطه وتدهني بيها براحتك دي اختياريه " بس انا كنت حاطت قشطه " .
http://i955.photobucket.com/albums/a.../Image0360.jpg
وبعدين نبتدي نلف فيها من الطرف بالشكل ده .
http://i955.photobucket.com/albums/a.../Image0361.jpg
ونلف كمان .
http://i955.photobucket.com/albums/a.../Image0363.jpg
ولما نخلص لف العجينه هيكون شكلها كده .
http://i955.photobucket.com/albums/a.../Image0364.jpg
تاخديها وتحطيها في صينيه مش مدهونه وتلفيها علي شكل كحكه وطرفها الاخير يكون تحتها بالشكل ده .
http://i955.photobucket.com/albums/a.../Image0365.jpg
ركزي شكلها هيكون كده .
http://i955.photobucket.com/albums/a.../Image0366.jpg
وسيبيها ترتاح كمان 10 دقائق وبعدين افرديها بحجم الصينيه .
http://i955.photobucket.com/albums/a.../Image0367.jpg
ودخليها فرن حار علي 180 .
وهتكون كده بعد حوالي 20-25 دقيقه .
http://i955.photobucket.com/albums/a.../Image0368.jpg
سامحوني الطبق ده لملكة المشلتت المصري (( أم حمادة مراتي ))
http://i955.photobucket.com/albums/a.../Image0369.jpg
وباقي الفطيرة ليكوا كلكوا 00 بالف هنا
وده شكل الفطيرة من قريب
للتعذيب فقط هههههههههههههههههههه
http://i955.photobucket.com/albums/a.../Image0370.jpg
*** ممكن تدهني وشها بالذبده وهي في الفرن قبل ما تحمر عشان يبقي لونها كلها ذهبي " دي معلومه هامه" .
امممممممممم تجنن والله
قولولي اعملها تاني ولا خلاص تبقي اول واخر مره ؟
تقبلوا احترامي وتقديري
والف هنا وشفا ...
