سمنة بلدى من صنع إديك!!

http://r7r7r7.com/vb/uploaded/3_01223239051.gif

ازيكوا
انا النهارده حبيت اقولكوا على حاجه نفعتنى خالص خالص
وهتوفرلك كتيييييييييييييير
انا عارفه ان كتير منكوا عارف الموضوع ده بس انا لقيت اصحابى كلهم مش عارفينوه فقلت اكيد هنا فى ناس برضو مش عارفين
انا بجيب اللبن كامل السم محلوب ليه طازه
و بعدين اغليه واشيله فى التلاجه عاااااااادى خالص
بس كان بيطلعلى وش كتير اوى وكنت بشيله واحطه فى علبه حلاوه طحينيه
لغايه مثلا لما اعمل مكرونه بالبشاميل وكنت بستخدم القشطه دى بدل اللبن فى البشاميل
كانت المكرونه بتطلع جميله
بس المشكله انى مش كل يوم هعمل مكرونه بالبشاميل
فكان الفريزر عندى بيتملى علب قشطه
لدرجه انى كنت بعبيها فى اكياس
وبعدين ابتديت ارمى القشطه الجديده
طولت عليكوا انا عارفه
بس معلش حابه اقول تجربتى ليكوا
وفى مره كنت بتفرج على برنامج من كل بلد اكله طبعا عارفينوا كلكوا
وواحده اتصلت وقالت ازاى استفيد من القشطه دى الله يكرمه
اتبسط قوى
المهم
بنجيب القشطه اللى انتى مخزناها فى الفريزر كميه معقوله يعنى
مثلا 3 علب حلاوه طحينيه
وبعدين نسيبهم يسيحوا على مهلهم فى المطبخ لازم هما اللى يسيحوا
علشان انا كنت مستعجله على التجربه وعملتلهم حمام مائى
بس السمن طلعت قليله خالص خالص من لما بيسيحوا هما لوحدهم
وبعد ما يسيحو بايدينا يا قمرات نعمل تقليب اتجاه اليمين
بكفه ايدينا يعنى نفضل نقلب ونقلب
حوالى 5 دقائق شويه شويه القشطه هتتقل معاكى وتبقى صعبه فى التقليب وكمان هتكون متماسكه
اوعى تفتكرى ان كده خلاص
لا لسه بس معلش استمرى فى التقليب لغايه ما ينفصل اللبن عن القشطه وتتاكدى ان اللبن كله انفصل
هيطلع حوالى كوبين لبن
السمنه اللى طلعت تجمعيها بايدك وتعمليها كوره
وبكده تكونى عملتى زبده ومن صنع ايديكى يا جميل
متتصوروش قد ايه كانت فرحتى اول مره عملتها
وبعد كده بسيحها وبعملها سمن اطبخ بيه
هتوفر ليكوا جدا صدقونى
وبالهنا والشفا
مستنياكوا تقولولى عملتوا ايهhttp://www.up.u555u.com/uploads/567b72a6c0.gif