النسيم و الشم ... حاجه تجيب الهم-بقلم : علي جلال
النسيم و الشم ... حاجه تجيب الهم
بقلم : علي جلال
يا شعوب يا إسلاميه
و أخص المصريه
بعد أحلى تحيه
و تحيتي السلام
و نبدأ الكلام
عن شم النسيم
و الفكر العقيم
و البعد عن الدين
ما تفوقوا يا مسلمين
عارف و متأكد
هتقولوا متشدد
بس برده مش هبعد
عن أمر بالمعروف
و إن ضاقت الظروف
مش هرضى أكون مكسوف
إني أنهى عن منكر
مش عايز آخد أوسكار
أنا عايز الثواب
من ربنا الوهاب
و بقولها و بأدب
إن ده سبب
يخليني ميهمنيش
إن قولتوا درويش
أو حتى متخلف
يا جماعه متأسف
مش بأكل فسيخ
هنوصل المريخ
و لا بالفطير
هنحرر الأسير
و لا هنداوي مريض
لما نلون بيض
فبطلوا بقى تقليد
لكل قديم و جديد
علينا بالمخالفه
و الناس كلها عارفه
و ناس كتير شايفه
إن ده عيد نصارى
و بيقولوا بالأماره
إن ياما لاحظنا ياما
إن عيد القيامه
شم النسيم نلاقيه
بيوم دايما بعديه
عارفك هتحتج
و تقول لي يا عم الحاج
ده عيد فرعوني
بجد أفحمتوني
سيبنا أهل كتاب
و رحنا للكلاب
اللى ادعوا الألوهيه
ايه الوكسه ديه؟
و انت هتقول لي بوص
ده كان عيد للفرس
ليه ليل و نهار
بنقلد الكفار؟
و إن حد قال الحق
دايما نقول له لأ؟
و إن كان من المشايخ
يبقى راجل بايخ؟
يا جماعه أحلى كلام
كله في الإسلام
معاه احلى حياه
و بحبكوا في الله
و دي كانت كلماتي
و أقل كلام يتقال
مع أحلى تحياتي
أخوكوا علي جلال
