:36_1_30: :La.ta3leq:
اقتباس:
المشاركة الأصلية كتبت بواسطة sameh nagibسلام ومحبة للجميع
اخوتى المشرفين انا كنت كملت على سؤال الاخت هايدى ولكن مختوش بالكم لما عرضتوا الاسئلة على نيافة الانبا ابرام فلو تسمحولى ابعت السؤال تانى مع اضافة لية للاستفسار عن جذء من اجابة نيافتة.
السؤال : الاخت هايدى كانت بتسال من موقفها من الاب الكاهن اللى بيعمل حاجات تغضب ربنا ونيافتك جاوبتها كما قال قداسة البابا اننا بناخد البركة كاملة حتى لو كان الكاهن او الاسقف بيعمل حاجات تغضب ربنا وطبعا احنا بعد كلام قداسة البابا مانقدرش نتكلم بس انا لية استفسار صغير وليس اعتراض هو لية قبل المناولة بيطلب الاب الكاهن الحل من الشعب مش دة المقصود بية ان لو حد من الشعب معترض على هذا الاب او عارف عنة حاجة مش كويسة يقوم ويعترض علية ومايعطلهوش حل بانة يناول الشعب وكمان برضة لية فى رسامة الاباء الكهنة والاساقفة برضة بيكون للشعب راى وممكن اى حد يعترض اثناء الرسامة وفى الحالة دى لازم الرسامة تتوقف لحين التحقيق فى هذا الاعتراض من الشعب او الفرد واذا ثبت صدق كلامة تتلغى مراسم رسم الاب الكاهن او الاسقف مش دة معناة ان الرب موافق على تدخل الشعب فى حالة وجود خطا من رجل الدين.
ومش دة اللى حصل مع الانبا يوساب لما كان سايب كل حاجة للخادم بتاعة مالك والشباب خدوة غصب عنة واحتجزوة بموافقة الاسقفة وتم عزلة يعنى الشعب تدخل .
معلش لية سؤال تانى اعمل اية وانا بتناول من اب كاهن وانا عارف انة بيعمل حاجات بتغضب ربنا يعنى ازاى اتحكم بمشعرى وانا انسان ضعيف بحيث ميكنش عندى اى ضغينة منة وانا بتناول علشان ماضيعش عليا التناول.
معلش اسئلتى كتير وشكرا ليكم ولعملكم الرائع فى هذا المنتدى وكل سنة وانتم طيبين.
اقتباس:
المشاركة الأصلية كتبت بواسطة sameh nagibسلام ومحبة للجميع
معلش لية سؤال تانى اعمل اية وانا بتناول من اب كاهن وانا عارف انة بيعمل حاجات بتغضب ربنا يعنى ازاى اتحكم بمشعرى وانا انسان ضعيف بحيث ميكنش عندى اى ضغينة منة وانا بتناول علشان ماضيعش عليا التناول.
معلش اسئلتى كتير وشكرا ليكم ولعملكم الرائع فى هذا المنتدى وكل سنة وانتم طيبين.
اقتباس:
المشاركة الأصلية كتبت بواسطة sameh nagibكلامك صح طبعا بس انا حبيت اعرف اعمل اية لو دة حصل او اى تشكك تانى ازاى احارب الشيطان فى القداس .
وانا بسال علشان انا عارف ان السؤال دة بييجى لناس كتير اوى مثل الاخت هايدى ولية انا كمان لذلك انا بفضل نعرف علشان مانجتهتش بنفسنا او نسال اى حد ممكن يدينا اجابات مش مقنعة او غير صحيحة .وشكرا على تعليقك واهتمامك ياخ انطون.
اقتباس:
المشاركة الأصلية كتبت بواسطة soheerفعلا سؤال مهم ياسامح وانا كمان عايزة اعرف الاجابة لان فعلا فى حاجات كتير يفضل نسال فيها حتى لو فيها تشكك احسن مانسيب نفسنا وتكبر واعتقد كمان ان الحل للكاهن علشان كدة لان جسد ودم السيد المسيح حاجة كبيرة اوى ومقدسة وماينفعش التهاون فيها يعنى الايد التى تمسك التناول يجب ان تكون تستحق هذة النعمة .
اقتباس:
المشاركة الأصلية كتبت بواسطة hidimichealسلام ونعمة لكم
كلامك صح يا اخ سامح بس فعلا نفسى تحدد ماذا تقصد بحاجات تغضب ربنا؟
وهل حاولت تتكلم فيها مع حد؟ فيه حاجات كتير يعنى بيسرق من مال الكنيسة بيقول الفاظ خارجة مش مؤدبة بيعاكس بنات او بيحب يلم البنات حواليه؟ ممكن تحدد؟
انا الناس دى اشبههم (بماكس ميشيل ) لانهم مايفرقوش عنه بس هو بيشتغل علنى دلوقت ودول مستترين
انا كمان باحترم كلام قداسة البابا جدا لكن معنى كده انى احمى انسان المفروض انى بالجا اليه لما يكون عندى مشكلة او عاوزة افضفض عن حاجة تضايقنى فيكون هو اول من يستغلنى ويستغل ضعفى ونسكت والسكوت يجعله يتمادى ويضر الاخرين والاخرين ولا احد يتكلم
وضاعت معالم الكنيسة وقداسة الناس لان الانسان بالشكل ده يبقى عاوز الكل يسقط حتى لا يكون وحده ويجد عند اللزوم من يعلق عليع اخطاؤه ان احد حاسبه يبقى حجته ماهو الانسان ده بيعمل ويعمل جاى يتهمنى وانا برئ
ما فيش حد برئ مع احترامى لكلام سيدنا
انتوا فاهمين قصدى يبقى الحل انت اعرف الاب ده بيصلى فين وابعد عن مكانه وده اضعف الايمان وسيبه لربنا هو عارف اعماله
وعلى فكرة الاب اللى كنت باقول انه بيعمل سحر اللى عرفته انه بيستخدم هذا السحر لفتح كنوز وانا متاكدة من كلامى لكن لن اتكلم مع احد على الاطلاق وبدون ذكر اسماء ارجو اننا كلنا نصلى ان ربنا يرحم كنيسته من مثل هؤلاء لان فاضل ايه لما جوا الكنيسة كده يبقى ليهم حق التانين يتلقفوا اولادنا ونساءنا
حزنت النهاردة لما ناس حكوا لى على المناظر اللى كانت عليها البنات فى ايام صوم العدرا وان البنات دلوقت بيزعقوا فى اهلهم لو لم يسمحوا لهم بلبس على الموضة
فين الوعظ فين الارشاد ؟ ما فيش
ربنا يستر
اسفة للاطالة
اقتباس:
المشاركة الأصلية كتبت بواسطة Lilianاسمحيلي بعد أذنك أعلق على الموضوع ده بس مش موضوع اللبس تحديداً لكن المشكلة بجد هي أن الشباب مش بيستجيبوا لكلام الاهل في البيت وده بيكون للامانة مش دايماً عيب في الشباب أحياناً الأهل بيطالبوا الشباب أنه يعيش بمفاهيم زمان والحقيقة معظمها مينفعش انهارده وساعات كمان الاهل مش بيعرفوا يتعاملوا مع أولادهم يعني مثلاً اسلوب الاوامر والشدة انهاردة بيولد عناد اكتراقتباس:
المشاركة الأصلية كتبت بواسطة hidimichealحزنت النهاردة لما ناس حكوا لى على المناظر اللى كانت عليها البنات فى ايام صوم العدرا وان البنات دلوقت بيزعقوا فى اهلهم لو لم يسمحوا لهم بلبس على الموضة
فين الوعظ فين الارشاد ؟ ما فيش
ربنا يستر
يعني ممكن يكونوا بيطلبوا مننا حاجة صح لكن بطريقة غلط
أنا بردوا مش بنكر أن في شباب بيزودوها شوية وبيفهموا الحرية والتحضر غلط
والحقيقة الدور اللي مطلوب من الكنيسة أنهارده سواء الآباء الكهنة أو الخدام (والحقيقة المفروض أن كل مسيحي هو خادم لأخوته) هو عمل المحبة والافتقاد صدقوني ياما الآباء الكهنة والخدام بتقديمهم المحبة للشباب بيوجهوهم للصح في مدة صغيرة في حاجات يمكن الآهل حاولوا فيها سنين
يعني الشباب محتاج بجانب الارشاد والنصح أنه يشعر بمحبة الكنيسه ليهم لأنها بتنقل ليهم محبة ربنا الأعظم
آسفة للاطالة
اقتباس:
المشاركة الأصلية كتبت بواسطة hidimichealيا اخ سامح انت ما جاوبتش على اسئلتى
وانا مع كلامكم ان الكنيسة تقدم المحبة ما حدش قال حاجة بس الاباء علهيم ضغط كتير كل شوية الاعداد بتزيد قصدى اننا احنا كمان نحب الكنيسة وبالتالى هاحترمها زى وعظة لقداسة البابا بيقولك مثلا لازم تقعد فى الاجتماعات ساكت الناس المحترمة كده مش تقعد تتكلم وتتحرك كتير
ليه مش قادرين نحترم كنيستنا ونحبها ليه بتهون علينا ؟
ليه بنهينها واعذرونى بالرغم من اعطاء الاهل للارشاد بطريقة قديمة ممكن تزهق الولد او البنت لكن اللى اتعلمته ان طاعة الوالدين من طاعة ربنا
احسن حاجة بتعجبنى لما باشوف الاباء اصحاب لاولادهم اعتقد هو ده المدخل لاى شئ
لاوم نصاحب اولادنا اعتقد ساعتها ممكن نخليهم يلبسوا على الموضة بحيث ما يزعلوش وفى نفس الوقت يكونوا محترمين بحيث الاباء ما يزعلوش
اجسادنا هياكل لله واعتقد اننا اهناها بما فيه الكفاية ياريت كفاية بقى احنا لما نقف قدام ربنا مش هانقف باحدث الموديلات
اسفة للاطالة
ياريت يكون فيه حب متبادل بينا وبين الكنيسة بس محبة تبنى مش اى نوع اخر من المحبة
وياريت ترد على يا اخ سامح
شكرا
اقتباس:
المشاركة الأصلية كتبت بواسطة sameh nagibياخت هايدى بجد انا مش عارف اية السؤال بالضبط بس عايز استنتج حاجة يمكن تكون رد عليكى وممكن دى تكون برضة من اسباب عدم احساس الشعب بطقوس الكنيسة وقدسيتها وهى اننا بقينا نحكم على الظاهر اوى يعنى الواحد فينا بيفتكر انة طالما حضر الاجتماعات وحضر القداس واعترف واتناول يبقى خلاص كدة كلة تمام وبيبقى بيعملها كانها عادة بدون تعمق فى اسرار الكنيسة اللى اتعود عليها وبياخدها بشكل روتينى مع الوقت وكمان القدوة يعنى الاب والام لازم يبقوا قدوة لولادهم وكمان احنا بقينا بنحكم على الاشخاص من المظهر وكمان بقينا بنحب نبنى المبانى اكتر ما نبنى النفوس ومابقناش بنهتم بالجوهر وبقينا بنقدس الاشخاص ونعظمهم اكتر من تقديسنا للروح القدس والسيد المسيح واعتقد دى بعض الحاجات اللى بتؤدى لضعف الكنيسة ودة يوضحلك لية البنات بتلبس لبس خارج عن المفروض لان الكنيسة بقت حاجة عادية بالنسبة ليهم وكمان لاهاليهم ومفيش الاحساس بقدسية المكان.
يارب اكون جاوبت ولو على جذء صغير من سؤالك بس على فكرة دة مش اصل الموضوع لكن برضة يعتبر جذء منة مهم اوى.
وشكرا لاهتمامك بقراءة رائى وكمان لتعبك فى الرد.
يتبعاقتباس:
المشاركة الأصلية كتبت بواسطة hidimichealشكرا ليك بس سؤالى هو ماذا كنت تقصد بان اب بيعمل حاجات تغضب ربنا؟
حاجات زى ايه؟ ممكن توضح لى لو سمحت
شكرا ليك
