ريجيم الدكتورة مها راداميس , رجيم الدكتورة مها راداميس
اعضاء منتدى ريجيم
احب اشارككم فى تجربتى مع الريجيم لعل مشاركتى تفيدكم و تفيدنى
انا وزنى 75.5 و طولى 167 طبعا الوزن دة بعد الحمل والولادة (كان وزنى قبل الحمل 63 )
ودلوقتى عندى بنت سنة و طبعا بقوم بارضاعها
كتير فكرت فى انى اعمل ريجيم مع نفسى لكن كل ما يجى اليوم اللى هبتدى فية الريجيم الاقى نفسى باكل اكتر:wacko:
لحد ما عرفت المنتدى ريجيم حقيقى هو حمسنى علشان اتخذ القرار بجد :kiss:
وفعلا انا بس من يومين رحت لدكتورة اسمها مها راداميس هى دكتورة و استشارى تغذية ومعروفة جدا فى مصر قولت اجرب و اروح و اشوف هتقولى اية
طبعا سالتنى عدة اسئلة و بعدين ادتنى الريجيم الخاص بى مع تعليمات ضرورية للريجيم و قالتلى ان المفروض ان الوزن ينقص فى الاسبوع الاول 3 كيلو و بعد كدة هى تحددلى الريجيم التالى
يعنى هى تقريبا بتغير الريجيم كل اسبوع
انا الهدف الاول لى ابقى 67.5 والتانى 60.5 دة حسب الجهاز اللى طلع تقرير بحالة الجسم كلة وفيها نسبة الدهون والماء والبروتين والمعادن وطبعا نسبة الدهون هى الاعلى 32% و هى المفروض تكون 18% فقط.:icon4:
انا حبيت انقل لكم كل المعلومات اللى اخدتها واللى تحب تشاركنى للتشجيع يبقى جزاها الله كل خير واول حاجة حابة انقلها هى التالى:icon7:
التعليمات و اتباعها هام جدا
اولا المسموح
وذلك من اجل الوصول الى الهدف المطلوب ثم تثبيت الوزن للحفاظ على ما يكون قد فقد فهذا هام جدا جدا
وقراءة نظام الاكل للتاكد من انة يناسبك وانة مخصص لشخصك
- (2) شاى و 1(قهوة) و( 1 ) نسكافية فقط - بيريل- كلوب صودا- ليمونادة بالدايت سويت- حجم فنجان قهوة لبن منزوع الدسم
- تبديل الايام اى يوم مكان الاخر- تبديل الوجبات
- الطماطم المطهية مع الخضار و مع المكرونة او ارز مسلوق بدون سمن او زيت او زبدة
-سمك او لحم او فراخ مشوية او مسلوقة
-ثمرة فاكهة واحدة مشكل او من نفس النوع. بين الوجبات خيار او خس فقط
-الخضار المسموح بة: كوسة- فاصوليا- سبانخ- بامية- خرشوف-بروكلى-كرنب-كل الانواع او صنف واحد
-اختيار الفاكهة من هذة الانواع(برتقال-بطيخ-تفاح-خوخ-مشمش-جوافة-فراولة)
ثانيا الممنوع
-استخدام الكاتشب و المابونيز و الزيت و السمن و الزيدة
- تناول المخللات و الحوادق لانها تساعد على تخزبن الماء بالجسم
- الجزر- بسلة-البنجر- البطاطس- القلقاس(الا اذا كان مكتوب فى البرنامج)
-اضافة العيش بانواعة
-الاكل امام التلفزيون
-الاندومى تماما
- العيش السن تماما (الا اذا كان مكتوبا فى البرنامج)
- الوجبة الواحدة
-الجمع بين الوجبات
-الزبادى على المكرونة و كذلك الجبنة على المكرونة
-تبديل اى نوع طعام بالعيش او التوست
-قياس الوزن الا فى العيادة(كل اسبوع)
ثالثا لابد
-الاكل ببطء شديد حتى الشبع مع مضغ الاكل جيدا
- بين كل وجبة 4-6 ساعات
- شرب 3 لتر ماء يوميا - 2 كوب قبل الاكل بنصف ساعة و 2 كوب بعد الاكل- يفضل كوب ما دافئ مضاف الية ليمون
- ترك ادوات الطعام على المائدة و ليس فى يدك لتعطى نفسك فرصة للمضغ و لكى تشعرى بالشبع
-المشى نصف ساعة فى ثانى اسبوع مع هز اليدين لتنشيط الدورة الدموية
-معالجة الامساك فور حدوثة
-قياس الوزن بعد الوجبة المفتوحة التى يؤخذ قبلها 2 كوب ماء و بعدها 2 كوب ماء
و دى هى التعليمات اللى لازم نتبعها مع الريجيم المخصص و كمان فى طريقة لطهى الطعام هنزلها برضة بس عايزة منكم التشجيع علشان انا المفروض انزل 3 كيلو فى الاسبوع الاول والمفروض انى اوزن يوم الاثنين القادم 19.01.09 ادعولى ربنا يقدرنى والتزم
هسيبكم دلوقتى على وعد بانزال الريجيم و طرق الطهى
وشكرا
منقول
