كلمات قريتها عجبتني حبيت تشاركوني الابتسامة
نصائح للزوجة
ابتسمي في وجهه و لا تستقبليه بعبوس (كالعادة) .
الزوج : ربنا يستر .
:hb:
تمشي معه بين الحين و الآخر
الزوج سيقول بعد ثلاث دقائق : أخ ... شد عضلي ... لازم أرجع البيت أرتاح .
اعترفي بأخطائك و لا تتكبرى .
الزوج : و يا ريتك بتتعلمي , مفيش فايدة منك
لتشعريه بأهميته ، اتصلي به في العمل ....
الزوج : انت ورايا ورايا حتى في الشغل ؟
:36_22_2:
اكتبي له قصائد حب و خواطر .
الزوج : حافظ الحركات دي ... مفيش فلوس
:98-:
اكتبي له خطابات غرامية .
الزوج : من امتى بتكتبي جوابات غرامية ؟؟؟؟؟؟؟؟؟؟؟
قولي له نكتة ظريفة
الزوج : (بعد فترة صمت ) فين بقى النكتة ؟
ارسلي له زهور من حين للآخر .
الزوج : لماذا هذه التكاليف ، ثم يرسلها لرئيسه في العمل أو أحد اصدقائه ... أو لزوجته الثانية .
:p012:
قومي بطهي ما يحب من الأكلات
الزوج : مفيش أجمل من طبيخ أمي .
:36_1_30:
أجلسي معه للتخطيط لحياتكما المستقبيلة ....
الزوج : مالكيش دعوة بالحاجات دي ، خليكي في المطبخ .
قولي له انك بتفكري فيه في كل لحظة .
الزوج : أنا متجوز مخبر ولا ايه ؟؟؟
:clap:
قدمي له هدية بدون مناسبة
الزوج : ايه المناسبة ؟ .... عايزة تروحي لامك ؟
قولي له انا باحبك .
الزوج: عارف
:p018:
عند ايقاظه مبكرا اجعلي اول ما يراه ابتسامتك
الزوج : يا فتاح يا عليم يا رزاق يا كريم :mf_bluesbrother:
اذا تأخر عن موعد رجوعه الى المنزل فأبدي قلقك عليه
الزوج : يا ساتر على غيرة الستات
اكثري من قول حبيبي . روحي .. حياتي
الزوج : على فرعون يا هامان ؟
:36_1_12:
اثناء توجيهه الكلام لك لا تنشغلي عنه بل ركزي في عينيه بنظرات حانيه
الزوج .. معقوله مخدتش بالي من الحول اللي في عنيها قبل كده
:36_2_13:
ساعديه على اختيار ملابس متناسقة الالوان اثناء لبسه
الزوج : يلهوي وكمان عندها عمى الوااااااان
كلما عاد من سفره اجري عليه
الزوج : هما النشالين ورانا ورانا
:36_21_4:
اشعريه دائما أن وراء كل رجل عظيم امرأه
الزوج . دا اكيد عشان تخرب بيته
:36_1_40:
حاولي ان تشاركيه مشكلاته وتبحثي معه عن الحلول
الزوج : فكراني هاخد بكلامها .. ناقصات عقل ودين
لا تكثري من الطلبات واقتنعي بالقليل
الزوج : مبتطلبش يبقى اكيد بتدكن من مصروف البيت
:thk:
املئي عينيه بجمالك كي لا ينظر الى غيرك ....
الزوج : يارب اتعمي قبل ما اكررها تاني
:king:
اشعريه دوما بأنه سي السيد
الزوج : دي هيا اللي المرأه الخارقه
:hb:
تذكري دوما أن الطريق الى قلب الرجل يمر بمعدته
الزوج : المكرشه عايزه تربي لي كرش
:p30:
تقبلي ما يشتريه دوما بصدر رحب
يا ساتر دي زي المقبره مبترجعش ميت
:36_11_6:
حذار ان يكون موعد نومك هو موعد عودته للمنزل
الزوج : يا جدعان سيبوها نوم الظالم عباده
:36_2_20:
قللي من اتصالاتك بصديقاتك اثناء وجوده بالمنزل
الزوج : الظاهر مش انا لوحدي اللي زهقت منها
:p006:
---------------------------------------------------------------------------------
نصائح للزوج ايضا
أكثر من الكلام المعسول لها
الزوجة :هي هي الاسطوانة المشروخة اياها
فاجأها من حين لآخر بهدية رومانسية وردة او كارت
الزوجة :طبعا بيسترخص بدل ما يجيب حاجة عليها القيمة
اسمع و انصت لها اثناء كلامها و احسسها انك مهتم بما تقوله
الزوجة : خير اللهم اجعلوا خير هوا في ايه ؟؟
امدح طبخها و ذوقها في التفنن في المطبخ
الزوجة : هو دايما كدا بيضحك عليا دا الاكل ملحه زايد و شايط كمان
اكثر من الخروج معها في نزهات خارج البيت
الزوجة : هو الراجل دا مش طايق البيت ليه ؟ دايما عايز يكون بره
اصبر عليها اذا غضبت او احتدت في كلامها
الزوجة : دا بارد برود يفرس
لا تمتدح جمال أي امرآة اخرى امامها
الزوجة : الراجل دا سهن ، قال يعني مش شايف
شاركها في المذاكرة مع الاولاد
الزوجة : هوا شايفني مش عارفة ادرسهم
شاركها في اعمال المنزل
الزوجة : كل دا عشان ما يجبيش الخدامة اللي انا طلبتها منه
فاجأها بثوب من حين لآخر
الزوجة : حتى مش هاين عليه يخدني معاها اختار بنفسي
ود اهلها و اكثر من زيارتهم معها
الزوجة : هوا ناوي يقولهم ايه بالزبط
لا تبدأ جملة معها الا بقولك (تحت امرك) او (زي ما تحبى)
الزوجة : الراجل دا اكيد اتجوز عليا:p017:
