يــوم ؟ ؟ / ؟ / ؟
تُوفى واحد ... أى واحد ... بس ما حدش فينا عارف هو مين
يمكن أنا ... أو أنت ... أو أنتِ ... المهم إننا كلنا متأكدين إن اليوم ده جى يعنى جى .
طيب ... لما يجى يا ترى إحنا هنكون فى طاعة ولا فى ...
لما يجى هنكون بنقرأ قرآن ولا هنكون بنقرأ ...
ممكن لما يجى نكون بنصلى ولا هنكون ....
ممكن لما يجى نكون سدينا ودنا عن سماع كل ما يغضب الله ولا هنكون ....
لما يجى ممكن تكونى أتحجبتِ ولا هتكونى أول مرة تتحجبى ...
ممكن ... ممكن كل شئ ممكن ...
يا ترى لما يجى اليوم ده الملائكة تقول لينا ( سَلَامٌ عَلَيْكُمْ )
ولا إحنا هنقول ( رَبِّ ارْجِعُونِ (99) لَعَلِّي أَعْمَلُ صَالِحًا فِيمَا تَرَكْتُ )
بس المشكلة اللى إحنا اتعودنا نشوف الموت فى غيرنا مش فينا
ممكن الجنازة دى تكون بتعتك
ممكن كفنك يكون اتنسج ليك وأنت مش عارف
ممكن القبر بتاع أى واحد فينا يكون جهز لاستقباله
أد إيه الواحد منا ضعيف ...
أد إيه الواحد منا جاهل بالغيب ...
لو كل واحد فينا شاف الموت فى نفسه
حاجات كتيير هنغيرها فى حياتنا مع الله
اللى ما بيصليش هيصلى
اللى بيصلى من غير خشوع هيعالج نفسه
اللى مقصر فى حق والديه هيسارع فى إرضائهما
اللى ما بيصلش الرحم هيصل
اللى مصاحب أصدقاء بيشدوه للمعاصى والذنوب هيبعد عنهم
اللى مقاطع أخ لى أو مقاطعة أخت ليها هتبطل هجر
اللى مقصر فى دعوة الناس للخير هياخد بايديهم
اللى مبيفكرش فى مساعدة الفقراء والمساكين هيساعد
المهم لو فعلاً شوفنا الموت فينا حياتنا كلها هتتغير مع ربنا للأحسن
يعنى الدنيا كلها مش هتبقى إلا جسر للآخرة
يعنى تحويل مسار طريقنا لطريق تانى خالص ( طريق الجنة )
متفرطش فى الحاجات دى
وأخيراً ... نصيحة من رسول الله
قال : " ... تعرف على الله فى الرخاء يعرفْك فى الشدة "
-----------------------------------------------------
والله تعالى من وراء القصد
