طرق روعه لتنضيف المطبخ وادواته خبرات حلوه افكار لتنظيف المطبخ روعه

طرق روعه لتنظيف المطبخ وادواته

خبرات حلوه

افكار لتنظيف المطبخ روعه

خبرات منزليه

تجارب منزليه 2010

نصائح ذهبيه لتنظيف المنزل

خبرات جديده وخطيره

ملف كامل لتنظيف المنزل وتلميعه

افكار منزليه تحفه

كيفيه ازاله البقع من الموكيت

فوائد منزليه

تجارب وخبرات منزليه

افكار منزليه مبتكره

افكار منزليه سهله


http://img247.imageshack.us/img247/5884/user23bt0.gif

( 1) يا عيني علي البوتاجاز ودهون البوتاجاز :

حلها بقي

http://img90.imageshack.us/img90/3390/82563890pc4.png

شوفي يا قمر لو عايزة تتخلصي من أي آثار للدهون اللي موجودة على البوتوجاز نتيجة القلي والتحمير يبقى هاتي إسفنجة فيها مسحوق غسيل وامسحي البوتوجاز بيها وبعد كده امسحيه بإسفنجة مبللة بالميه وبكده يبقى البوتوجاز نظيف من غير أي مجهود ولو عايزة زيادة في اللمعان يبقى امسحيه بورق جرائد مبلل بالميه...
دي كانت طريقة،

فيه طريقة تانية ودي ممكن تلجئي إليها لو كان البوتوجاز اللي عندك فيه دهون ناشفة ومش عايزة تطلع يبقى ضعي على الدهون دي خليط مكون من نص كوباية ميه + نص كوباية أي مسحوق تنظيف عندك وسيبيه عليه لمدة ساعة وبعد كده ابدئي في تنظيف البوتوجاز بنفس الطريقة السابقة.

(2) حله المطبخ

http://img255.imageshack.us/img255/4716/84717979iq8.png

من المشاكل اللي ممكن تقابلك وتبقي مش عارفة تعملي معاها إيه مشكلة إن الحلة يكون فيها سواد من تحت وعلشان تتخلصي من المشكلة دي يبقى افركي السواد ده بشوية ملح خشن وليمون وبعد كده اشطفيها كويس واغسليها بالصابون وفرشاة خشنة وبعد كده اشطفيها كويس بالميه وهتشوفي الفرق بنفسك هتلاقي الحلة رجعت جديدة.

(3 ) الكوبايات مش بتلمع

http://img231.imageshack.us/img231/4558/93488001gj9.png

من ضمن المشاكل اللي ممكن تقابلك مشكلة إن الكوبايات والأطباق مش بتلمع بالرغم من إنك غسلتيها أكتر من مرة بمسحوق غسيل فيه مادة ملمعة لكن مفيش فايدة!!!
وعلشان تتخصلي من المشكلة دي يبقى بعد ما تغسليها بالصابون حطيها في طبق فيه ميه فاترة مذاب فيها ملح وسيبيها لمدة ساعة وبعد كده اشطفيها كويس قوي وسيبيها على ترابيزة المطبخ علشان تنشف في الهواء من نفسها واوعي تنشفيها بفوطة المطبخ لأنها هتخليها تفقد لمعانها.

أما بالنسبة للأكواب الكريستال فاشطفيها بميه فاترة مضاف إليها قطرات من الكحول الأبيض وسيبيها لغاية ما تنشف من نفسها.


(4) ريحه اللحمه ماسكه في المفرمه بأديها وسنانها

حلها ياسيتي ايه بقي

http://img230.imageshack.us/img230/2981/28460241oh3.png


ساعات كتير لما تيجي تفرمي لحمة في المفرمة ريحة اللحمة بتفضل موجودة فيها ومهما تحاولي تغسليها بمساحيق ليها ريحة حلوة إلا إن ريحة اللحمة بتفضل موجودة برضه.. نفس الموضوع ده بيتكرر لما تيجي تطحني بهارات ريحة البهارات برضه بتلزق هي كمان...
وعلشان تتخلصي من المشكلة دي نهائي يبقى هاتي عيش محمص واطحنية في المطحنة أو المفرمة وبعد كده اغسليها بنفسك وأوعدك إنك مش هتلاقي أي آثار لريحة الحاجة اللي اتطحنت لأن العيش هيمتص أي ريحة.

( 5 ) الدهون اللي لازقه علي الاخلاط يا ساتر عليها

http://img377.imageshack.us/img377/4831/40153311tn3.png

ساعات كتير بتستخدمي الخلاط علشان تضربي فيه خليط فيه دهون بس للأسف الشديد ساعات الخليط ده بيلزق فيه وبتبقي مش عارفة تطلعيه ازاي...

وعلشان تحلي المشكلة دي يبقى حطي في الخلاط شوية ملح +قشر ليمون +كوباية ميه سخنة واقفلي الخلاط ورجي الخليط ده جواه أكتر من مرة كويس وبعد كده اغسليه زي ما أنت عايزة وهتشوفي الفرق بنفسك.

(6 ) المعالق والشوك والسكاكين عايزه تلميع

http://img401.imageshack.us/img401/7861/60303676jr4.png

علشان تلمعي السكاكين والمعالق وأدوات المائده غير الفضية يبقى دوبي شوية مسحوق غسيل في لتر ماء + عصير ليمونة وحطيه على نار هادية مع المعالق اللي أنت عايزة تنظفيها وسيبيه لغاية ما يغلي لمدة ربع ساعة...وبعد كده سيبيه لغاية ما يبرد وبعد كده اشطفي المعالق أو السكاكين بالميه وسيبيهم لغاية ما ينشفوا في الهواء وبلاش تنشفيهم بفوطة وهتلاقيهم بقوا يلمعوا كأنك لسه جايباهم.

(7 ) ريحه البصل وما ادراكي ما البصل ماسكه في لوحه التقطيع

http://img354.imageshack.us/img354/8766/75396638mg4.png

علشان تتخلصي من رائحة البصل والثوم والسمك وغيرها من الروائح اللي ممكن تكون موجودة على لوح التقطيع يبقى ادعكي لوح التقطيع بنصف ليمونة أو حطي عليه طبقة معجون عبارة عن "كوباية ميه + بيكربونات الصودا "وسيبيهم لمدة ساعة وبعد كده اغسليه كويس بالصابون والمية.

(8 ) سيراميك المطبخ مش عايز يطلع اعوذ بالله

http://img521.imageshack.us/img521/7429/63611893zx0.png

علشان تلمعي سيراميك المطبخ سواء سيراميك الجدران أو الأرض يبقى دوبي فنجان خل أبيض + عصير ليمون + ملعقة كحول نقي "موجود في الصيدليات" في ميه فاترة ولمعي بيه السيراميك وهتشوفي الفرق بنفسك.

ولو عايزة ريحة المطبخ تبقى حلوة بعد ما تخلصي يبقى ضيفي إلى مية المسح عصير 5 ليمونات وهتشمي الريحة بنفسك.


(9 ) اسفنجه الحوض بقت مش نضيفه

http://img522.imageshack.us/img522/463/81713297nd0.png

بعد ما خلصتي غسيل كل حاجة لقيتي إن إسفنحة التنظيف شكلها زي ما يكون قديم ومش نظيفة ونفسك ترجعيها زي الأول يبقى انقعيها في مية سخنة مضاف إليها ملح خشن أو بيكربونات الصودا أو صابون الغسيل وبعد ساعة اغسليها كويس بالصابون والمية.

(10 ) بقايا الاكل والدهون سدت حوض المطبخ

http://img518.imageshack.us/img518/9610/40240213qz3.png

ساعات كتير البلاعة الخاصة بالحوض ممكن تتسد نتيجة تجمع كمية كبيرة من بقايا الأكل عليها أو الدهون وعلشان تتغلبي على المشكلة دي يبقى هاتي كوباية كلور + كمية كبيرة من المية وضيفيها إليها وافتحي حنفية المية السخنة لمدة عشر دقائق وكل حاجة هترجع زي الأول وأحسن

http://img247.imageshack.us/img247/9246/user231za7.gif

منقول