فكاهات البابا شنوده على شريط كاسيت
فكاهات البابا شنوده على شريط كاسيت
http://www.egypty.com/images/top4/shnouda.jpg
يمكنك الآن أن تسمع فكاهات البابا شنودة و التى ظهرت مؤخرا فى شريط كاسيت بعنوان " إضحك و تأمل " عن سلسلة شنوديات لفريق شمس المسيحية و هو الشريط الذى أصاب بعض الأقباط بحالة من الدهشة دون إتخاذ موقف محدد تجاهه.
البداية.. كانت فى قيام شماس يدعى كرم لمعى موسى بتجميع بعض الفكاهات من شرائط عظات البابا شنوده المختلفة و ضمها فى هذا الألبوم. المعروف عن قداسة البابا شنوده خفة الظل و سرعة البديهة و إجادة اللعب بالكلمات لدرجة أنه عندما سئل عن الصفة المشتركة بين الخادم نظير جيد و الراهب أنطونيوس السريانى و الأسقف ثم البطريرك شنوده - قال بدون تردد" روح المرح ".
و أضاف " الناس إفتكروا إنى لما هابقى بطريرك هابطل ضحك.. ماقدرتش ".
و يأخذ الأقباط كثيرا من فكاهات و نوادر البابا شنوده و يرددونها فى مجالسهم و منها النكتة المتداولة التى تقول أنه فى إحدى زيارات البابا للصعيد وقف راجل صعيدى من الذين ينطقون القاف " جيم " فقال للبابا - إنت جاموس يقصد" قاموس " فى الكتاب المقدس.
فرد البابا بسرعة بديهته المعروفة بس العجول " العقول " اللى تفهم..
الصعيدى يوم القيامة
لا يلقى البابا شنودة النكت بالطريقة المعتادة بل يقوم بإستخدامها فى الرد على الأسئلة التى تطرح عليه فى الإجتماعات و تكون النكتة حراقة حسب السؤال و رد الفعل عند الرد، ففى إحدى المرات سأله راجل صعيدى و قال يا قداسة البابا أنا صعيدى وبلديات قداستك و جاى مصر علشان أسأل سؤال واحد ! هل فى يوم القيامة هانقوم صعايدة زى ما احنا و لا لع؟
و يرد البابا: فى الدينونة مش هاتقوم صعيدى ربنا هايكون صلحك على الآخر.. و تقوم كملائكة الله فى السماء.
بتتكلموا فى إيه
واحدة سألت البابا عن شخص إتعرفت عليه فى المصيف و إتصل بيها و خرجت مرة معه فهل إعجابه بها صادق!
و بعد أن وبخها البابا عن طريقتها فى التعامل مع الشاب و ليه أعطيته تليفونها سألها إنت مقلتليش خرجتوا مع بعض تتكلموا فى إيه بتتكلموا فى إن الشاروبيم أعظم أم السارفيم " أسماء ملائكة "!! أعقلى و أتكلى.
باللو
يقول البابا تعليقا على أحد الأديرة التى منعت إستقبال الرحلات أنه كان فى رحلة إلى دير ووجد هناك نحو 800 فرد يعنى الدير بقى " باللو " على فكرة أنا مش عارف باللو يعنى إيه.
بتعد اللقم
يقول البابا فى ناس بتراقب الناس بشكل صعب يعنى فى عزومة واحدة تقول للضيف أنت ما أكلتش من الصنف ده.. طاب و ايش عرفك.. أكيد بتعد عليه اللقم و واحد تانى بيقول للضيف كل من اللحمة.. يقول له أكلت فيرد عليه كل تانى.. يرجع يقوله انا أكلت حتتين لحمة.. فيرد بسرعة لع إنت أكلت 3 حتت!
النملة
يقول البابا زعموا إن نملة تمشت فوق منارة إحدى الكاتدرائيات ثم قالت النملة أنا آسفة إنى تقلت عليكى.
علشان يخدمه
فى إحدى المرات سأل واحد البابا.. ليه ربنا خلق الحيوان قبل الإنسان؟ فأجاب البابا .. هذه ليست ميزة للحيوان بل لكى يكون الحيوان فى خدمة الإنسان بس إوعى النساء تقول إن آدم إتخلق قبل حواء علشان يكون فى خدمتها.. و على كل حال آدم خدم حواء أكبر خدمة فهى إتخلقت من ضلعه.
سيئات
واحدة تشتكى إبنها للبابا بتقول: الواد ماكفر سيئاتى.. فقال: طيب إنتى ليه يكون عندك سيئات علشان يكفره االواد.
آكولة
واحدة بتسأل البابا و تقوله أنا عندى شهوة الأكل بدرجة كبيرة لدرجة إنى مهما أكون شبعانة آكل تانى.
فقال البابا: الحمد لله إن الكاتدرائية مافهاش أكل و أوعى تأكلى ذراع اللى قاعدة جانبك.
الذين غضبوا من الشريط ضحكوا على الفكاهات و لكنهم لم يستطيعوا أن يتأملوا الحكمة الرائعة الكامنة خلف النكت
نقلا عن جريدة الإصلاح
بالاتفاق مع الجريدة
