السلام عليكم ورحمه الله وبركاته
اللهم صلى على سيدنا محمد وسلم تسليمآ كثيرآ
احنا يا بنات عايزين كل واحده تخش تقول بتعمل اكل ايه فى العيد واللحمه بتعملها اذاى وطريقه الفته علشان كلنا نستفيد بليز يا بنات عايزه تفاعل علشان فعلآ عايزين نبدع فى العيد السنه ديه
انا بقى هقولكم بعمل كباب الحله اذاى
الطريقه
بجيب اول حاجه اللحمه وبقطعها قطع متوسطه علشان تستوى وبخرط بصل كتير فى الحله وبعدين بحط ميه على اللحمه والبصل وشويه فلفل اسود بس اوعى تحطى ملح دلوقتى وبسيبها على نار متوسطه تستوى وكل لما اللحمه تشرب الميه احط كوبايه ميه تانى لحد ماتستوى وبعدين احط الملح والسمنه واقلبهم تقليبتين كده واكون مجهزه فاحمه كبيره على النار واجيب قشره بصل واحطها فى وسط اللحمه واحط جواها الفحمه وشويه زيت ذره احطهم على الفحمه وهى والعه واكتمى الحله وكلى احلى كباب حله فى الدنيا .
يلا يابنات بجد محتاجه خبرتكم