السلام عليكم ورحمة الله وبركاته


ازيكم يا قمرات يا جميلات اجمل موقع ... فتكات
طبعا كلنا بنجيب ربطة الخضرة من عند بتاع الخضار ونستعمل منها شوية والباقي يدبل ويصفر وبعدين يترمى طبعا ... انا كنت بعمل كده لحد ما بالصدفة البحته اكتشفت طريقة تجنن وبتحافظ عالخضرة صابحة فالتلاجة اكتر من شهر ولا بتدبل ولا بتصفر وهى سهلللللللللللللللللللله بطريقة مش معقوله...
انتي تجيبي الخضرة وهى لسه صابحة من عند الخضار تغسليها كويس وتسيبيها تتصفا كويس اوي وبعدين تفريديها على ورق المطبخ او اي جرنان زي الملوخية كده لحد ما تنشف من المايه تماما تماما تماما ... حلو؟؟؟
بعد ما تنشف قطعيها تقطيعك العادي صغير او كبير زي مانتي بتستعمليها فالاكل وبعدين هاتي علبة بلاستيك او زجاج وحطيها فيها وحطيها على الرف الاوسط فالتلاجة ...
وهتفضلي تسحبي منها والله اكتر من شهر وانا بعمل كده وانشاء الله مش هترمي منها ولا ورقة واحدة
ماتنسوش بقا تدعولي بالذرية الصالحة انشاء الله