هاحكيلكم قصة خيالية
بتدور أحداثها في الريف
بس القصة دي ممكن تحصل
وارد أوي وبشكل مخيف
مينا ومتري دبوا خناقة
جامدة طحن سببها سخيف
حاجة هايفة ومش مستاهلة
بس في غضبك إنت كفيف
الواد مينا مرمط متري
أصل متري خرع وضعيف
بس مراته مستقوية
بيسموها الأخ زيزيف
فتوة شهيرة وليها سمعتها
حاجة كده زي الأشكيف
جت تتدخل مسكت مينا
وشكل المسكة ماكانش ظريف
وأنا طبعا مش قادر أصرح
فين مَسكتها لأني عفيف
عنها وقالوا بينا على الدير
ناخد رأي أبونا لطيف
ولطيف يبقى خادم المذبح
برسوم بس ملفه نضيف
قال يا اخوانا ربكوا قالها
في التثنية وكلامه ده سيف
من غير شفقة راح نسمعله
وهانقطع إيدك يا زيزيف
رد مع اقتباس
المفضلات