طريقة جاكيت تريكو للاطفال

[ســاره]

ازياء شتوية للاطفال.ملابس تريكو للاطفال.تعليم تريكو.جاكيت الخمس ساعات
********************************************


جاكيت الخمس ساعات

واسمه جاكيت الخمس ساعات لانه ممكن فعلا يخلص في 5ساعات لو بتعمليه لبيبي لسه مولود
وده شكله لو حاتعمليه رجلان









والاتنين نفس الباترون






شرح الجاكيت الازرق

حانحتاج شلتين 50جرام يعني 100 جرام
ابر دائريه مقاس 4مم
وعلي فكره ممكن ابر مستقيمه عادي بس لابر الدائريه بتديكي فرصه تقيسي طول ماانتي ماشيه علشان تظبطي المقاس
- 4علامات للغرز وممكن تحطي خيط من لون مخالف او بنسه او دبوس امان
العينه- 19غرزه و25سطر =10سم
المقاس بيبي حديث الولاده
غرزه عدل =ع
غرزه مقلوب=م
حطي علامه = ح
الزياده =اشتغلي في الغرزه من الامام والخلف
وده فيديو بيوضح الزياده بالطريقه دي
http://www.knittinghelp.com/apps/fla...yer/play/120/1

م=اعملي غرزه زياده وده حايكون في اول السطر واخره
وبيكون في اول السطر بانك بتعملي 1عدل ثم لفه
وفي اخر السطر بانك بتعملي لفه ثم 1عدل
التنقيص=2عدل معا

البدايه
ابدئي عند الرقبه واعملي 26غرزه
اشتغلي 1عدل -ح- 2ع- ح-20ع-ح-2ع-ح-1ع(سطر التقسيم)
السطر 2- م
السطر 3-اشتغلي عدل مع زياده غرزه علي كل جانب من جانبي العلامه
يعني كد ه حانزود كام غرزه ؟؟؟
السطر 4- م
السطر 5- اشتغلي عدل مع زياده غرزه علي كل جانب من جانبي كل علامه +م عند بدايه السطر ونهايته
كرري السطرين 4و5 حتي يصبح عندك 44غرزه للضهر و26غرزه لكل كم و24غرزه لجانبي الامام
منتهيه سطر علي ضهر الشغل وحايكون شكل الشغل كده
وشوفي الميزه من الشغل بالابر الدائريه انك بتعرفي شكل الجاكيت ومقاسه








عندنا كل الغرز علي الابره
حانحط غرز الكم علي ماسك للغرز ونكمل الجسم للجاكيت
زي الجاكيت الكروشيه بالظبط
بتشتغلي ال24غرزه الجانب للامام وتزودي 3غرز وتحطي غرز الكم علي ماسك للغرز و بعدين تشتغلي غرز الضهر ال44وتزودي 3غرز (للجزء اللي تحت الكم ) وبعدين تحطي غرز الكم علي ماسك للغرز وبعدين تشتغلي ال24غرزه للجنب الامامي الاخر
وكده حايكون معاكي 98غرزه علي الابره
13غرزه و24سطر بيدي 10 سم

ودي طريقه زياده الغرز في الجزء ده
http://www.knittinghelp.com/apps/fla...ayer/play/84/1

ولوقت ابدئي باترون الاجور وعلي فكره ممكن مش تتقيدي بالاجور اللي معمول بيه الجاكيت ده
ممكن اي اجور تاني تحبيه او تفضليه او جرسيه او ضفاير زي ماانتي عايه
المهم نقول باترون الاجور
دلوقتي احنا اشتغلنا السطر السابق علي وجه الشغل
السطر ده حايكون علي ضهر الشغل يعني مقلوب
يبقي كه السطر 1-مقلوب

السطر 2-1ع *لفه-2ع معا- 1ع*وكرري مابين العلامتين حتي اخر السطر

السطر 3- مقلوب
السطر 4- عدل

كرري ال4سطور دي 7مرات كمان
كده كررتي البترون 8مرات

منقول

[tota el katkota]

شـكــ الله فيك ـــرا لك ... لك مني أجمل تحية .

[نضال 3]

نقل موفق غاليتى

لكِ منى اجمل تحية

[gardanyah]

رائع وجميل
شـكــ وبارك الله فيك ـــرا لك ... لك مني أجمل تحية .