قصص تعليمية . الحروف . تعليم الحروف . حديقة الحروف

هذه القصة تعليمية , تناسب اطفال الخمس سنوات

الس في حديقة الحروف


الطفلة ألس تريد أن تتعلم كيفية كتابة أسمها وتنام ألس وتحلم بأنها فى مدينة جميلة وترى بيت طويل تذهب لتدق على بابه فيفتح لها حرف (أ) فتسأله ألس أنت مين يقل أنا (أ) شكلى طويل ورفيع ومعايا العصفورة فوق رأسى ساعات تخرج معايا وساعات لا، فتسأله ألس هل لديك أصدقاء يا (أ) فيقول طبعاً أصحابى الأرنب والأسد، فتسأله تعرف تعلمنى أكتب أسمى يقولها لها (أ) لفى مدينة الحروف وأنتى تتعلمى كثير.

تمشى ألس فتجد بيت قصير وعريض فتخبط عليه يطلع لها ثلاثة إخوات (ب، ت، ث) فتسألهم من انتم، يقولوا إحنا ثلاثة أخوات رحنا السوق وقالت (ب) أنا جبت واحدة فراولة لكن يا خسارة وقعت منى وبقيت عاملة ذى الطبق وتحتيه واحدة فراولة وقالت (ت) أما أنا جبت فرولتين وعنتهم جوايا وبقيت طبق وفيه فراولتين قالت (ث) أنا أشطر واحدة فيكم جبت ثلاث فراولات، وتقول (ب) على فكرة يا ألس إن لى أصحاب وهم البرتقالة، والبطة أما (ت) فقالت أنا أصحابى التفاحة، وقالت ألس وأنتى يا (ث) مين أصحابك قالت أنا أصحابى حاجة تخوف يا ألس أنا أصحابى الثعبان، قالت ألس تعرفوا أكتب اسمى إزاى قالوا لفى يا ألس فى باقى المدينة وأنتى تعرفى كل حاجة.

وتمشى ألس فتجد بيت كبير تخبط عليه وتسألهم أنتوا مين قالوا إحنا ثلاث أخوات كنا بنأكل وجبه الغدا قالت (ج) تعالى أنا كلت خلاص بطنى بقت كبيره وفيها الأكل، (ج) قالت أنا لسه هدخل أكل مش فاضيه أتكلم، أما (خ) قالت أنا شلت أكلى فوق رأسى وأصحابنا الحصان والجمل والخروف، سألتهم ألس لسه فيه حروف غيركم أنا نفسى أعرف كل حروف المدينة قالوا لفى يا ألس وهتعرفى كل حاجة.

ألس وهى تسير رأت بيت كبير خبطت عليه طلع ليها أربع حروف قالت أنتم كلكم مش أخوات قالوا ليه قالت شكلكم مش ذى بعض قالوا لا يا ألس إحنا أخوات لكن وردت (د) قالت أنا والـ (ذ) لسه صغيرين علشان كده رجلينا قصيرة، وصحبى هوه الديك، قالت ألس طب أنا أعرفكوا إزاى، قالت (ذ) أنا يا ألس فوقى نقطة وأصحابى همة الذرة والذئب، قالت (ر) أما أنا والـ (ز) أخواتهم الكبار أنا شبة (د) بس أنا طويلة وبرضوا مش عليا نقطة وصحبتى الرمانة، و (ز) قالت أنا بقى عندى نقطة وبرضوا طويلة لكن صحبتى إلى بحبها قوى الزرافة طويلة مثلى. فرحت ألس وسلمت عليهم ومشيت لقت بيت جديد صغير وجميل ولما خبطت لقت أختين واحدة بتنظف سنانها بالمعجون أسمها (س) وسنتها بيضة ذى القشطة وصحبتها السمكة، رحبت بيها (س) وقالت لها اسمك فيه حرف السين يا ألس، لكن أختها قالت أنا لسة مغسلتش سنانى علشان لسة هلعب مع صحبتى الشجرة، عرفت ألس (د) (ذ) (ر) (ز) (س) (ش) وقالت أنا تعبت هجيلكوا بكرة أعرف بقية سكان المدينة سلام يا أجمل حروف مع السلامة.

وفى اليوم التالى تكمل ألس رحلتها فى مدينة الحروف وهنا سوف تقابل (ص،ض) وأقاربهم الذين يعيشوا معهم (ط، ظ) وتتعرف ألس على (ص،ض) بأنهم لهم بطن كبيرة والضاد لها نقطة ويقول الـ (ص) أن أصدقاءه الصندوق التى بتحط فيه ألس لعبها، أما (ض) فأصدقائها الضفدعة، أما (ط، ظ) يعرفوا أنفسهم بأنهم بيلعبوا رياضة ومعندهمش بطن وشايلين فوق رأسهم عصايه يهشوا بيها العصفورة وتقول الـ (ظ) مش تنسى يا ألس أنا عندى نقطة وصحبى هو (ظرف) اللى بنحط فيه الجواب، أما الـ (ط) فتقول أنا بحب الطاووس أوى لان ألوانه جميلة وهو صاحبى، فرحت ألس قوى أنها عرفت معظم الحروف.

ومشيت ألس ولقت حرفين شبة علاقّة الهدوم سألتهم ينفع أعلق الشنطة عليكم ضحكوا وقالوا إحنا حروف يا ألس أنا حرف (ع) وصاحبتى عصفورة وأخويا حرف (غ) صاحبته غزالة.

وتقابل ألس حروف جديدة وهى حرف (ف، ق) وتحكى الحروف أنها تشبه الطبق الذى له رأس جانبية ، حرف الـ (ف) له نقطة واحدة وصحبة الفيل أبو زلومة أما (ق) قالت أنا عندى نقطتين وصحبتى القطه بوسى. عرفت ألس الحرفين وهى بتكلمهم لقيت من بعيد مرجيحتين فقال سوف ألعب عليهم، ضحكت الـ (ف) والـ (ق) وقالت دى مش مرجيحه يا ألس ده حرف (ك) وجواه الهمزة بتاعت الألف قاعدة معاة شوية أما (ل) دى أخت (ك) الصغيرة، ضحكت ألس وراحت تتعرف عليهم لقيتهم بيلعبوا مع الكلب صاحب (ك) وصاحبة (ل) اللمبة عمالة تنور لهم، وعلى فكرة يا ألس لازم تحتاجى لها علشان تكتبى إسمك.

شافت ألس جنينه جميلة شعرها طويل قالت إنتى اسمك إيه قالت أنا أسمى حرف (م) وفعلاً شعرى طويل صحبتى الموز، تعالى يا ألس أعرفك على صحابى فرحت ألس وقالت يلا بينا وبعد كده قابلت حرف (ن) وقالت هو أنتى مش عارفنى يا حرف (ب) فضحكت الـ (ن) وقالت أنا مش (ب) أنا شبها بس أنا طبق غويط وفرولتى جوايا وصحبتى النملة، ومشيت ألس وقالت توكتى أهية أنا هروح ألبسها، قالت (هـ) لا يا ألس أنا مش توكه، أنا شبه التوكه لكنى حرف وأسمى (هـ) وصحبى الهدهد.

وقعدت ألس ترتاح شويه لقت واحدة قاعدة جمبيها قالت لها أنا شيفاكى من زمان ونفسى أقولك أنا أسمى إيه أنا إسمى (و) وبحب أقعد بجوار صحبتى الوردة، وفجاه قالت ألس البطة بتاعت ماما ماشية أهيه ضحكت الحروف قالت إلحق يا حرف الـ (ى) بتقول أنت بطه قالها يا ألس أنا فعلاً شبة البطة أوعى تنسينى يا ألس كل ما تأكلى اليستفندى هتفتكرينى ولما تشوفى اليمامة معاها هتلاقينى.

قالت ألس أنا احبكم كلكم سلام يا أجمل حروف.

منقول





منقول