الموضوع: تماف ايرينى.....ملهاش حل

انا لقيت الموضوع ده هو طويل اه
بس اقسم بالله لحتضحكوا لما تشبعوا
انا جبته زى ما هو لا زودت ولا نقصت وحتى باسم صحبته
بجد على الكلام ده دحنا كان وسطنا super woman واحنا مش دريانين

+++ اما انا وبيتى ... فنعبد الرب +++

** حجر الايمان فى حياة تماف ايرينى **
---------------------------------------------
+ عائلتها :

عائلة مسيحية حقة .. ترتوى من تعاليم الكتاب المقدس , لذا .. نما وترعرع افرادها فى حياة الفضيلة والتقوى , اذ كانت تتجلى كافة الفضائل المسيحية من منزلها لارتباطهم بالكنيسة وممارسة الاسرار المقدسة , وكانت العشرة والدالة القوية مع القديسين وعمل الرحمة متأصلة فى العديد من افرادها .. " هوذا البنون ميراث من عند الرب " ..

+ تماف ايرينى

بزغت شمس حياتها ورأت النور فى 9 فبراير 1936 م بمدينة جرجا - محافظة سوهاج , ودعيت بأسم فوزية وكانت البكر شقيقة لاربع بنات وولدين ...

الاب : الخواجة يسى خله , كان تاجرا ناجحا فى كل ما امتدت اليه يداه , وكان الرب القدوس يرشده بحلم او رؤيا بما فيه الخير لتجارته ...

الآم : جنفياف متى الفيزى , ام قديسة وديعة , طاهرة القلب , ظلت طوال حياتها تعمل الخير مع الكل دون تمييز ...

لقد بارك الرب القدوس هذه الاسرة التى نبتت فى حضن الكنيسة فأثمرت سبع ثمار جيدة هم :

1- تماف ايرينى رئيسة دير ابى سيفين للراهبات بمصر القديمة ...

2- الام الراهبة ترفينا بدير ابر سيفين للراهبات بمصر القديمة ...

3- السيدة فايزة ...

4- السيدة فايقة ...

5- السيدة فوتينة ...

6- المهندس جرجس ...

7- المتنيح المهندس عزت ....

ميلادها :
-----------
تعثرت الام فى ولادتها , مما جعل والدها يتجه الى كنيسة مارجرجس للصلاة فى الوقت التى كانت الام تطلب معونة السيدة العذراء .. فأضاءت الحجرة بنور سمائى وظهرت ام النور ومعها مارجرجس خلفها .. فتقدم وخبط بيده بخفة على ظهرها 3 مرات ففى الحال نزلت طفلة جميلة تلقتها ام النور على يديها ورشمتها بعلامة الصليب وقدمتها لامها قائلة " دى مش بتاعتكم .. دى بتاعتنا , ولكن اهتموا بتربيتها ... "

معموديتها :
--------------
فى حفل عائلى نالت فوزية سر المعمودية على يد نيافة الانبا بطرس مطران اخميم وسوهاج فى دير الانبا شنودة رئيس المتوحدين الذى رأه نيافته وهو يباركها عند خروجها من جرن المعمودية .. واخبر اسرتها ...

+ ارصده .. ياأنبا شنوده ..

ذات يوم .. كان الوالدان فى منزل الخواجة متى الفيزى ومعهما طفلتهما فوزية التى لايتجاوز عمرها سنة ... وعند المساء لدغها عقرب وهم على السطح وفقدت الوعى وظنوا انها ماتت وصرخت امها ارصده .. باانبا شنوده .. الذى عادة ما يطلبه كل من يلدغ ..ففى الحال رأوا قديسنا الانبا شنودة طائرا فى الجو ثم اخذها من حجر والداتها ونفخ فى وجهها ورشم على جبهتها علامة الصليب وقال للآم " ماتخافيش عليها .. دى بتاعتنا .. " ... وعلى الفور استردت الطفلة وعيها ..

كانت الاسرة تجتمع يوميا عند الجد الخواجة متى الفيزى كل ليلة ليصلى الغروب والنوم ويقرأ اصحاحا من الانجيل ويتأمل فيه ... كان هذا الرجل بارا تقيا ...

++ ام النور ... مارجرجس ++
-------------------------------
روت تماف ايرينى عن صفحات مشرقة فى حياة اسرتها التقية وعلاقة والدتها القوية بأم النور العذراء مريم التى كانت تراها كثيرا ... فقالت " تعرضت والدتى لالام شديدة فى معدتها , وكانت تعانى كثيرا منها , ولم يتمكن الاطباء فى جرجا او القاهرة ان يجدوا علاجا شافيا لحالتها , وكانت لديها 4 اطفال فى ذلك الوقت ... وكانت ساكنة بجوار كنيسة العذراء .. فوقفت بجوارها فى البلكونة وعندما رأت الناس فى طرقهم الى الكنيسة .. صعبت عليها نفسها لعدم قدرتها على الذهاب فأخذت تبكى بشدة .. وعندما رأيت دموعها .. بكيت وقلت لها ياماما ماتبكيش , الست العدرا ح تشفيك .... وفى نفس الليلة ظهرت العدرا لها وكانت لابسة فستان لون السماء وبه نجوم لامعة وسألتها عن سبب بكائها فقالت لها :

اولادى مازالوا صغار .. ياست ياعدرا .. ومش عارفة مين يريبهم من بعدى .. بس لو ممكن ياست ياعدرا اعيش لغاية لما بنتى الكبيرة تكبر وتأخذ بالها من اخواتها .. فطمأنتها ام النور وقالت لها تعالى معايا وانا ح اوديك لدكتور شاطر قوى .. خرجت معها من البيت وكانت هناك عربة فى انتظارهما .. وسارت بهما فى وسط مزارع وحدائق جميلة ثم رأت والدتى مبنى كبير جدا دخلته ووجدت فيه بهو وحجرة بها سرير وطبيب .. ثم قالت ام النور تعالى يامارجرجس اكشف عليها فقال ياست ياعدرا انت عارفة ان قضيتها منتهية .. فقالت له هى تشفعت بى وانا طلبت من ابنى الحبيب , فالقضية تأجلت .. فهل ح نتركها عيانة ؟ ... فوضعت العدراء ام الاله يدها والشهيد مارجرجس حط ايده خلفها ثم خرج من فمها قطعة لحم سوداء كريهة الرائحة فوضعاها فى قطنة فى يدها وقالا لها خلاص دة كل المرض ... عاشت الام المباركة جنفياف وانجبت بعد ذلك اطفالا اخرين ومنحها رب المجد ماطلبت حتى كبرت الابنة البكر فوزية وذهبت للدير ...

++ ام النور .. فرحانة ++

رأت فوزية ان ليس هناك من يهتم بتنظيف كنيسة العذراء , ففكرت ان تمضى هى وصديقاتها ويقمن سويا بتنظيفها وبالفعل بذلن مجهودا خياليا حتى اصبحت فى صورة لائقة وكان ذلك فى تذكار ام النور .. وقبل مغادرة الكنيسة ظهرت لهن ام النور وهى تبتسم وقالت لهن ... " انا متشكرة .. انا فرحانة بكم , لانكم نظفتم بيت الهى وابنى اللى على اسمى .. ثم باركتهم واختفت ..

نمت فوزية فى محبة عريسها السماوى .. فقال لها والداها نبنى لك قلاية على السطوح .. ولكنى كنت اشتاق الى ممارسة حياة الرهبنة , وكانت تشاركنى هذا الاشتياق خالتى مفيدة .. كانت تكبر منى فى السن قليلا ونلعب سويا راهبات فى السطوح من كثرة حبنا وتفكيرنا المستمر فى الحياة الملائكية ...

كانت مفيدة جميلة جدا , لذلك اجبروها على الزواج وبالفعل تمت خطوبتها ولكن قبل الاكليل راحت تبكى امام صورة ام النور وتقول هايجوزونى ياام النور وانا عايزة اترهبن .. فظهرت لها العذراء مريم وقالت لها " قولى لوالدتك ان ماكنتوش هاترضوا اروح الدير العدرا هاتأخذنى عروسة لابنها .. "

لم تصدق امها كلامها وتصورت انها تود الهرب من الزواج وبينما كانت مفيدة تستعد لحفل الزفاف شعرت بصداع شديد فوقعت وهى نازلة على السلم وانتقلت فى الحال .. وعندما علمت فوزية بخبر انتقالها , تعبت جدا وبكيت بمرارة وحرقة ..

فرأيت فى رؤيا عذراىكثيرات منيرات فى ثياب بيضاء ومنهم خالتها مفيدة ففرحت بها جدا .. وعندما استيقظت قصت للعائلة مارأته فتعجبوا وارسل لها رب المجد يسوع المسيح الشهيد ابى سيفين بدعوة خاصة لزيارة ديره بمصر القديمة ..فظهر لها ليلتين متتاليتين وعرفها بنفسه وبالتالى كانت فى الصباح تذهب مسرعة لاب اعترافها فقال لها اصبرى .. هيعمل حاجة معاك .. وفعلا فى الليلة الثالثة ظهر لها باللبس الرسمى ضابط ودار بينهما هذا الحديث :

القديس : انا عايزك .. لديرى فى مصر ..

فوزية بأندهاش دير فى مصر ..

القديس : ايوه .. انا هأخذك على الدير وبعض الراهبات هناك تستضيف اقاربهن عندى , وستراك راهبة او اكثر ويسألونك انت قريبة مين ؟ فلا تجبيبين بكلمة .. ابتسمى فقط ...

القديس : ياللا .. متخافيش ..

ووجدت نفسها فوق حصان وفى ثوان كانت فى الدور الثانى فى الدير وبالفعل .. قابلتها راهبتان وقالتا لها .. انت ياحلوة قريبة مين من الامهات , فأبتسمت وصمتت كوصية الشهيد الذى لم يره احد من الراهبات واخيرا قال لها الشهيد .. شوفتى ديرى .. قالت اه بس اجى ازاى قال لها الهى حيدبرها لك وبعد ذلك رجعها الى بيتها بجرجا ...

النعمة دائما مستعدة انها تطلب الذين يقبلونها بكل ترحيب .. وهكذا اذ يرى سيدنا نفسا ساهرة ملتهبة حبا , يسكب عليها غناه بفيض وغزارة تفوق كل طلبتها ...

والموضوع له باقية .....

هدية السماء .. تماف ايرينى

زيزى جاسبرجر






"""""" 2 """"""

تشاء معونة ربنا ان امنا ماريا من الدير تحضر لزيارة شقيقتها فى بلدة قريبة من جرجا تعرفت عليها فوزية " تماف ايرينى " عن طريق احدى صديقاتها , فقامت بدعوتها لمنزلها واعلمتها بما يشغل فكرها فوعدتها بأنها ستخبر رئيسة الدير وتم مبادلة الرسائل بينهما ... وعلم والدها بما حدث , ولاصرارها الشديد لجأ الى الصلاة والصوم واقامة قداسات يومية لمدة 15 يوما ...

واذ بوالدتها ترى الرؤيا التالية : أضائت الحجرة بنور شديد وشاهدت ملايكة بتبنى , فسألتهم بتعملوا ايه ؟ فقالوا بنعمل الاساس علشان الملكة ام الملك جاية .. وحالا .. بنوا اساسا وجابو كرسى فخم جدا مرصع بالذهب والجواهر وجاءت العدرا وملايكة بيزفوها .. وقعدت على العرش ... فسجدت لها ام فوزية وقالتك السلام لك ياأم النور فردت عليها قائلة انت ناسية الكلام اللى قلته لك ساعة ولادة ابنتك البكر , دى بتاعتنا وانا خطبتها لابنى , فماتخافيش عليها وسيبها تترهبن وهى فى حماه ... فقالت لها خلاص ياست ياعدرا .. تترهبن ...

وبمجرد حضور زوجها من الكنيسة اخبرته بما حدث .. ولكنه رفض موضوع الدير وقال نبنى لها قلاية على السطوح ....

+ القديس يوحنا صاحب الانجيل الذهبى يتدخل فى الموضوع +
ذات ليلة .. جلست فوزية تقرأ سيرته فظهر لها وفى يده صليب والاخرى الانجيل الذهبى وعرفها بنفسه , فطلبت منه ان يسهل لها طريق الرهبنة , ومنذ ذلك الوقت بدأت تصلى وتطلب منه حتى ظهر لها وقال "خلاص .. انا كنت عند بابا وماما وهما خلاص هدأ .. " وباركها واختفى ثم قالت امها خلاص احنا وافقنا على ذهابك للدير .. وكان ترتيب ربنا ان امنا ماريا حضرت واخذتها معها الى الدير ....

وهكذا انطلقت عروس المسيح فى طريقها الى الحياة الملائكية وهى تنشد وتسبح وتمجد الله الذى حقق لها غايتها المنشودة وكان ذلك فى يوم 16 ابريل 1953 الموافق 8 برمودة 1670 ش ...

وفى 26 اكتوبر 1954م الموافق 16 بابه 1671ش تم سيامتها راهبة على دير ابى سيفين على يد الاب الورع القمص مقار المقارى بأسم امنا ايرينى ...

سجلت تماف ايرينى تقول اختارت لى امنا الرئيسة اسم ايرينى لشدة محبتها لراهبة تقية كانت تحمل هذا الاسم وتنيحت قبل دخولى الدير ..

وقد روت تماف ايرينى ماتعرضت له من متاعب وحروب شتى تتماثل مع مانقرأه فى سير الاباء والامهات القديسين الاوائل , لتؤكد لنا من اختباراتها الروحية فاعلية قوة الصليب ومدى ضعف الشيطان ..وتعلمنا كيف ننتصر على مكائده بطلب معونة الله لان فادينا لايمكن ان يخزى طالبيه ...

+ الملاك الحارس ... وامنا ايرينى +
روت تقول : كنت يوميا اشتغل من الساعة 4 صباحا الى 10 او 11 مساءا , مما يعنى اننى اظل خارج القلاية طوال هذا الوقت وامضى النهار بين خدمة المرضى وامنا الرئيسة ... ومن الطبيعى , ان اكون فى غاية الارهاق عند رجوعى للقلاية فى ذلك الوقت المتأخر , فكنت عند النوم ... افكر :
كيف سيمكننى القيام للصلاة ؟؟ وهل سيكفينى الوقت ؟؟؟

اقول لك ياربى يسوع المسيح بارك لى فى الساعة اللى ح انامها كأنها ساعات , واجعل الاربع او الخمس ساعات كأنها 8 ساعات ... وكنت اقول يارب انا خايفة ماأصحاش لان كل راهبة تستيقظ بأجتهادها , اذ لم يكن فى الدير منبهات ولا جرس للتسبحة , فكنت اسمع صوتا ينادينى ثلاث مرات : ايرينى .. ايرينى .. ايرينى .. قومى صلى ... ولما ابدأ .. اصحى وافتح عينى , ارى ملاكا فوق رأسى , ثم يستدير ويقف امامى عند مؤخرة السرير وعندما اقوم واجلس .. يختفى ...

ظل الملاك يوقظنى كل ليلة فى نفس الميعاد وبنفس الطريقة .. فأشكره واقول له : كتر خيرك .. وفى مرة قلت له : انت مين ؟ فقال انا ملاكك الحارس , اللى ملازمك على طول ...

اختبرت بحق بركة التعب والخدمة فى بيت ربنا وبركة حياة الشكر فى الخدمة ...

" لانقدر ان نجرى فى طريق الله الا محمولين على اجنحة الروح " ... القديس يوحنا ذهبى الفم ...

الصلاة مع السواح ... والموضوع له باقية ....

هدية السماء - تماف ايرينى " 2 "
زيزى جاسبرجر



+ الصلاة مع السواح +
-----------------------
وتكمل تماف ايرينى وتقول : أحكى لكم حكاية , توضح ان الواحد لما يعمل بفرح وشكر وبدون تذمر , تكون تعزية ربنا له عظيمة اكثر مما يطلب ...

لكونى اصغر راهبة , كان على الكثير من شغل الدير , وفى يوم الاحد , طلبت منى الام المسئولة القيامة بالعمل فى المطبخ .. فأستأذنتها فى حضور القداس اولا ... فقالت الاباء القديسين قالوا " الشغل زى الصلاة " .. قلت انا اعود نفسى على هذا الموضوع .. وبالفعل كنت اشتغل بفرح من قلبى , ومرت الايام ووعدتنى بحضور القداس الاول فى اليوم التالى , على ان اعود بسرعة للقيام بالعمل المطلوب منى , ففرحت جدا .. لانى كنت فى شدة الاشتياق للتناول من الاسرار المقدسة ولكن فى وقت متأخر من الليل , اخبرونى بعدم امكانية ذهابى للكنيسة فى الغد , لانه مطلوب منى شغل كتير ...وافقت دون ان اتضايق فقلت " حاضر .. دانا اخذ بركة زى القداس , وشكرت ربنا .. " , وفى هذه الليلة ... اثناء الصلاة , لقيت واحد بيقول لى " تعالى صلى مع السواح .. وح ارجعك قبل ميعاد شغلك .. سألته اروح ازاى ؟؟ قال لى امسكى فى جلابيتى ...

وعندما امسكتها .. ارتفعت ووجدت نفسى فى كنيسة عليها صليب فى الصحراء وكان لها باب على شكل قبو منخفض والداخل اليها , لابد ان ينحنى , كنيسة بسيطة , لكنها واسعة جدا وضخمة وفيها روحانية كبيرة ,... حضرت القداس وتنولت مع السواح , واعطونى فى النهاية قربانة فسألتهم احنا فين ؟؟ فأخبرونى بأننى فى كنيسة السواح فى جبل الانبا انطونيوس ... ثم وجدت نفسى فى القلاية وفى يدى القربانة وقلبى مملوء تعزية لاتوصف وبفرح روحى داخلى لمدة طويلة ...

قبل نزولى للعمل .. ذهبت الى امنا الرئيسة ومعى القربانة ورويت لها مارأيته فقالت لى انت اتناولت , اخذ انا القربانة , فأعطيتها لها وقامت بتوزيعها كبركة على الامهات ...

++ روت تماف ايرينى تقول ++

بعد مرور 3 سنوات على دخولى الدير وصلنى خبر نياحة والداتى ولم تكن قد زارتنى طوال هذه الفترة اذ كان والدى يحضر بمفرده لزيارة الدير لانه كان يتردد على القاهرة بحكم ظروف تجارته .. وعندما وصلنى الخبر .. تذكرت كلامها قبل المجئ للدير حين قالت لى : " مش تستنى , دا .. انا فاضل لى 3 سنين وح اسافر على السماء " ,,, فقلت لها ربنا يخليك لعيالك , وانا لما اروح الدير فى حياتك احسن ...

وهنا ....... امرتنى امنا الرئيسة بالذهاب لتعزية الاسرة , فسافرت ومعى امنا كيريا اسكندر ...... سافرنا فى قطار تحرك من القاهرة الساعة 4 بعد الظهر , وقبل وصوله الى محطة اسيوط , علمنا بوجود قطار مقلوب .. مما اضطر قطارنا الى التوقف , ونزول جميع الركاب منه, فكانوا يتسابقون فى النزول ليلحقوا بقطار اخر , كان على مسافة بعيدة نسبيا , وكان الظلام حالكا وبالطبع لم يكن معنا كبريت او بطارية , فكنا نصلى ونطلب معونة ربنا , فأنتظرنا حتى يقل الزحام ونتمكن من النزول .. خاصة ان القطار قد توقف بعيدا عن الرصيف وعلينا ان نقفز مسافة طويلة , واذ بنا نجد امامنا ضابط يسود ملامحه هدوء وروحانية وسلام وورع عجيب ...

قال لنا ياامهات ماتخافوش .. ربنا معاك .. قلنا له ربنا معانا .. ومعاكم .. فقال لى " ادينى ايديك علشان تنزلى السلم , فرفضت .. وقدمت له الشكر وقفزت .. ثم قال لامنا كيريا ادينى ايديك ..فقالت لا .. متشكرة ومسكت فى ايدى وقفزت ...

ومن العجيب .. اننا لاحظنا نورا ينبعث من هذا الضابط كأن كشافا يخرج منه ينير السكة الحديد لمسافات طويلة وكنت انا وامنا كيريا نسرع فى السير للحاق بالقطار ... فقال لنا متخافوش القطر مش ح يقوم غير لما انتم تركبوا فيه ... وصلنا القطار ... وكانت عرباته مزدحمة جدا , وجدنا عساكر جالسين , فقاموا لاداء التحية للضابط , فقال لهم دول راهبات تعبانيين ... فقالوا له امرك , فجلسنا وقدمنا الشكر وطلبنا منه ان نتشرف بمعرفة اسمه وان يتفضل بزيارة الدير ليأخذ بركة الشهيد... فأبتسم وقال انا ابو سيفين .. واختفى ... وتعجب جميع السامعين الناس والعساكر ...قالت لى امنا كيريا الله يسامحك ياايرينى ماخلتهوش يمسك ايدك ليه , كنت اخذت بركته ..وكان جميع الركاب يسألون عن سيرته , فمكثنا طوال الطريق نحكى لهم سيرته " ...

لما وصلنا بيت والدى , كل الناس قالوا لى : انت السبب فى وفاة والدتك ...فكنت اقول يعنى يارب .. انا السبب فى ان اخوتى يصبحوا يتامى ... فسمح لها رب المجد يسوع المسيح بتعزية كبيرة وهى رؤية مكانة والداتها فى السماء فتقول ..... " فى يوم اخذنى ملاك الى السماء ورأيت مالم تره عين كقول معلمنا بولس الرسول , لا استطيع ان اصف ماشاهدت لانه فى الحقيقة اعظم من قدرتى بكثير " ... رأيت والدتى ومعها واحدة زيها فقالت لها " دى بنتى الراهبة اللى قلت لك عليها " ومشيت معاها فى الفردوس , رأيت خضرة جميلة وشاهدت شبه انهار وزهور جميلة جدا ونورا بديعا يملآ القلب فرحا سماويا لاينطق به .... وبعد ذلك عدت الى الدير بسلام ...

احبائى
المهم اذن .. فى نهاية الطريق وليس فى بدايته , لذلك كنيستنا المحبوبة تحتفل بأيام نياحتهم او استشهادهم وفى صوات المجمع فى القداس الالهى نذكر اولئك الذين كملوا فى الايمان ...

خرافى تسمع صوتى , وانا اعرفكم فتتبعنى وانا اعطيها حياة ابدية .. يو 10 :27 ...

والموضوع له باقية .....نبؤات ورؤى ....

هدية السماء - تماف ايرينى 3
زيزى جاسبرجر





نبؤات ورؤى
------------
روت تماف ايرينى عن نبؤات ورؤى ورسائل السماء التى كانت تعلن بشتى الطرق انها ستكون رئيسة للدير واليكم :

1- نبؤة امنا افروسينا الحبشية

روت تماف ايرينى تقول : عند دخولى الدير , وانا مازلت بالزى العلمانى , اصطحبتنى امنا كيرية اسكندر لاخذ بركة هذه الام التقية " امنا افروسينا الحبشية " قرعت باب قلايتها وفتحت ودخلت , اما انا فكنت واقفة على العتبة من الخارج ولم ترنى امنا افروسينا , ولكنى سمعتها تنادى على وتقول : " تعالى يابنت ياجديدة تعالى .. اقعدى هنا .. انت ح تبقى ريسة هنا , انت ح تمسكى الدير .. " .. ثم وجهت كلامها الى امنا كيريا وقالت " بص ياامنا كيريا , البنت دى ح تبقى ريسة على الدير " ... فقالت لها ايه ياامى , هى لسة فيران الدير حست بها ...اى هى لسة حد حس بيها .. قالت فيران مافيران .. انا بأقولك هى دية .. انا مش ح ابقى قاعدة .. ح اكون فى السماء , وابقى شوفى ... لم اهتم بهذا الكلام وبالطبع لم يدخل الى ذهنى ولا قلبى وقلت " دى راهبة كبيرة ومش عارفانى لانها اول مرة تشوفنى ولكنى اعلم تماما قداستها " ...

2- نبؤة القمص مينا المتوحد " قداسة البابا كيرلس السادس "

بعد عدة اشهر من دخولها الدير , بدأت تعانى من صداع شديد والم فى عينيها , فتوجهت بها امنا كيريا اسكندر الى العديد من اطباء العيون ولكن دون جدوى ..

وبناء على طلب الام الرئيسة , اصطحبتها الى ابونا مينا المتوحد بكنيسة مارمينا فى مصر القديمة ليصلى لها ...

روت تماف ايرينى تقول " وضع ابونا مينا يده بالصليب على رأسى وصلى لى لمدة طويلة , ثم قال لامنا كيريا " البنت دى بتقرأ كثير وبتسهر والشيطان متغاظ منها , فالصداع اللى عندها حرب من عدو الخير .. بصى ياامنا كيريا دى ح تكون ريسة عليكم وح يكون ايامها كذا .. وكذا .. وح يبقى فى عهدها اكثر من مذبح فى الدير وراهبات كتار " ... قالت ايه ده ياابونا اللى بتقوله ؟ قال بصى ياامنا كيريا , انا لو كنت عايش ح افكرك ولو رحت السما افتكرى .. اجابت ربنا يخليك لينا ... وانصرفا....

3- الثلاثة مقارات :
روت تقول : ذات ليلة حلمت بثلاثة اشخاص منيرين لابسين صلبان على صدورهم وفى ايديهم صلبان , ورأيتهم يحضرون كرسيا ثم بدأوا يأخذون مقاسات , فأستفسرت منهم عما يفعلون ... اجابوا احنا بنعمل كرسى على قدك وبنقيسه علشان نعمله مضبوط ..سألتهم انتم مين ؟ قالوا احنا الثلاث مقارات ...

4- الانبا انكونيوس .. الانبا شنودة رئيس المتوحدين ... الانبا باخوميوس :

ثم تستطرد قائلة : ذات ليلة حلمت حلما كان اقرب الى الرؤيا وتعجبت منه جدا .. وعلى الفور قمت وذهبت الى قلاية امنا الرئيسة وكانت مريضة جدا فى ذلك الوقت فقلت لها :
" ياامى انا شفت حاجة كأنها رؤيا , كنت بين صاحية ونامية .. فسألتنى عما رأيت , فقلت رأيت كأنى عندك هنا فى القلاية , وحضر 3 اشخاص فى زى رهبان .. كانوا مضيئين جدا لابسين صلبان وفى ايديهم ايضا صلبان , وكنت ياامى واقفة وفى ايديك قنديل زيت وبه فتيلة , فأخذوا القنديل من ايدك اليمين ووضعوه فى يدى " ... فأبتسمت وقالت لى انا كنت بأصلى لربنا يكشف لى مين حتأخذ المسئولية بعدى , فشفت نفس المنظر قبل مجيئك مباشرة ... فقلت لها وايه ده ؟ ضحكت وقالت الثلاثة اشخاص هم الانبا انطونيوس والانبا شنودة رئيس المتوحدين والانبا باخوميوس .. والرؤيا معناها انك ح تمسكى المسئولية بعدى وياريت تمسكى فى حياتى وافرح ... وفضلت اعيط جامد قوى .. وفى الاخر قالت لى وماتعيطيش , بس الحلم تفسيره كده وانت اللى ح تمسكى بعدى ...

5- القديس ابى سيفين :

روت تقول : كانت امنا الرئيسة لازالت موجودة - حتى رأيت الشهيد ابى سيفين يقول لى " اسمعى انا مش عايز حد يمسك الدير غيرك .. تقولى اقدر , مااقدرش .. انا اصغر الكل .. انا مش عاوزة .. انا جاى اقول لك : الهى عاوز كده , وانا عاوز كده ...
ووجدته لم المفاتيح من كل راهبة مسئولة فى الدير وحطهم فى دوبارة وعاوز يرميها على .. حاولت اهرب , فراح معلقهم فى عنقى .. قعدت اقول له : ايه ده ؟ يقول دول مفاتيح ديرى مش عايز حد غيرك يمسكه .. انت اللى حاتمسكيه ...

++ توالت الايام وانتدبها قداسة البابا كيرلس السادس للآهتمام بشئون دير القديس مارجرجس للراهبات بمصر القديمة , فكانت تذهب فى الصباح وتعود لديرها فى المساء .. وكانت ترافقها امنا كيريا اسكندر التى تولت رئاسته فى 26-9-1961م ..

++ ولم يمر عام حتى تنيحت امنا كيريا واصف رئيسة دير ابى سيفين فى 24-9-1962م ... وفى اليوم التالى حضر للصلاة عليها نيافة الانبا كيرلس مطران البلينا , واذ به يعطى امنا ايرينى خطابا من قداسة البابا كيرلس السادس يطلب منها الاهتمام بشئون الدير .. فأخذت تبكى بشدة ...

++ تم سيامتها رئيسة للدير فى يوم :

الاثنين 15 اكتوبر 1962م الموافق 5 بابه 1679ش ...
وكان من الحاضرين :
- نيافة الانبا كيرلس مطران البلينا .
- نيافة الانبا يؤانس مطران الخرطوم .
- القمص بولس البرموسى اب اعتراف الدير فى ذلك الوقت ,"المنتيح الانبا مكاريوس اسقف قنا 1965م- 1991م.
- وقد ارسل قداسة البابا كيرلس السادس
" الاباركة وقربان الحمل من البطريركية واسكيمه الخاص لتلبسه " ...

++ بمجرد ان تولت رئاسة الدير .. خصصت 3 ايام صوم وصلاة وميطانيات ليرشدها رب المجد يسوع المسيح له المجد معرفة النظام الناجح ...

وفى ليلة وهى تصلى وتبكى , اخذها ملاك الى الفردوس , فرأت ربنا يسوع المسيح له المجد , فسجدت امامه وكان عن يمينه العذراء مريم ...

فقال الرب للملاك : خذها عند الانبا باخوميوس لتسمع منه عن النظام الديرى الذى اريدها ان تتبعه ...

فسار الملاك بها فى ممر طويل منير جدا حيث رأت عرشا كبيرا مرصعا بصلبان كأنها من الماظ وجالس عليه شخص بهى مضيئ جدا يرتدى ثيابا فاخرة كلها صلبان مذهبة وفى يده صليب , ورأت فى ذلك الممر اعدادا كثيرة جدا كم من رهبان وراهبات فى ثياب بيضاء على الصفين ..

فقال لها الملاك : ادخلى سلمى على الانبا باخوميوس , فهؤلاء هم اولاده الذين سلكوا فى حياة الطاعة لآبيهم , يأتون اليه بأستمرار ويجلسون معه .. وقفت مكانها تنتظر دورها , فسمعته يناديها " تعالى ياايرينى " فشعرت برهبة شديدة وتقدمت نحوه وضربت ميطانية , وقبلت يده والصليب الممسك به ...

فقال لها : انت لك 3 ايام صائمة وتطلبى من ربنا يرشدك لنظام الدير , فربنا يريدك ان تتبعى نظامكم" الشركة الديرية "لانه اسهل نظام يوصل اليه وهو امان لان الطريق الوسط يخلص كثيرين , فربنا عايزكم تعملوا به وانا احبك تنفذيه وح اصلى من اجلكم , ابدئى وربنا معاكم ويبارككم ...

فسألته : ايه هو نظام الشركة ؟ فشرح لها وانهى كلامه معها بأن فى مكتبة الدير مخطوط مكتوب فيه " نظام حياة الشركة وقوانينها " ...وفعلا ... وجدت المخطوط , وتعجبت جدا لانها لم يسبق لها قراءته .. فبدأت قراءته وتطبيق حياة الشركة الباخومية ...

وروت تقول .. حضر الانبا باخوميوس اب الشركة وبارك اول صلاة شركة واول مايدة ... وساد الفرح والسلام ...

" عجيبة هى ايضا المحبة .. هى لغة الملائكة ويصعب على اللغة ترجمتها .. أرنى ياالله بلد الحب لآتكلم عنه كما يستطيع ضعفى ... " الشيخ الروحانى "

كما روت تماف ايرينى عن امثلة عديدة تؤكد فرح السماء ومباركتها للصلاة والتسبيح فتذكر انه فى منتصف الليل واثناء صلاة تسبحة اول كيهك فى كنيسة الشهيد ابى سيفين , لاحظت جميع الراهبات ان الكنيسة تمتلئ ببخور ذى رئحة عطرة جدا وكثيف للغاية ...

فأندهش جدا ..وشعرن بفرح عجيب .. وبعد انتهاء الصلاة , اخبرتهن تماف ايرينى انها رأت السيدة العذراء متجسمة فى صورتها الموجودة على حجاب المذبح وامامها البابا كيرلس الخامس والقديس الانبا ابرام وفى ايديهم مجامر ... وقد دخلوا المذبح وداروا حوله 3 دورات بالبخور .. ثم مروا على جميع الراهبات وكانت السيدة العذراء تباركهن وخلفها البابا كيرلس الخامس والقديس الانبا ابرام ثم دخلوا الى المذبح مرة ثانية واختفوا ... وشعرت كل واحدة من الراهبات ببركة هذه الزيارة السمائية المعزية ... فمن كانت تعانى من الم فى المعدة زال المها ومن كانت تعانى من صداع لم يعاودها مرة ثانية

+ الشهادة لرب المجد يسوع المسيح ليست باللسان بل بحياة مقدسة , يشهد لها الروح ثم يشهد بها عن السيد المسيح له المجد ذلك يشهد لى ...

ان المسيحية الان اشد عن كل وقت مضى تحتاج الى مسيحية ترى حب تلمسه الايدى من خلال اولاد رب المجد القدوس الامناء الذين يرى فيهم الناس اعمال الحب الصادق الباذل فيمجدون رب المجد الذى فى السموات ...

ان المسيحية لاتطلب الكثيرين , يكفى ان يشهد لها القليلون فى كل جيل , ومن اراد ان يستنير بها , فليقتدى بهذه النماذج القليلة التى ظهرت متفرقة خلال اجيالها الطويلة ..

ان حياة القداسة ممكنة مهما كان هناك من معطلات امام الذى يطلبها .. وما امجدها من حياة .. حينما تنالها وانت وسط جيل فاسق ومعوج وملتوى .. وكأنك داخل اتون نار مع ابن الله ...

ان من يريد ان يصرف حياته فى منتهى درجات الكمال , عليه ان يطالع كلمة الله القدوس الحية .. الفعالة على الدوام , ويطيع كل ما تأمر به وبذلك يجعل له صلة عظمى مع عريس النفس البشرية ...

والموضوع له باقية .....

هدية السماء .. تماف ايرينى " 4 "
زيزى جاسبرجر




الاستشهاد فى حياة تماف ايرينى :
-----------------------------------------
برهبة شديدة نتابع فى ايجاز جانبا واضحا من حياتها وهو احتمالها العجيب لصليب المرض الذى قلدتها به السماء استجابة لطلبتها وصلواتها المقبولة امام العزة الالهية لتصير " شهيدة " مما يكشف امامنا قوة الروح الذى كانت تعيش به , لقد تعرضت للعديد من العمليات الجراحية بلغ عددها سبعة وعشرين عملية ...

وقد روت تماف ايرينى انها بينما كانت تصلى ذات ليلة من اجل موضوع معين لكى يتمجد الله فيه .. رأت امامها العدرا تتجسم من الصورة المدشنة الموجودة بقلايتها , فأنارات القلاية بنور سمائى بهى .. وكانت ترشم عليها علامة الصليب المحى وهى تتجه نحوها وتبتسم وتقول : " بنعمة ابنى الحبيب ناجحة ... ناجحة ... ناجحة " ...

وهكذا كانت السماء تعزيها وتبارك خطاها وتشعرها بحب من مات لاجلها . فأشتهت تماف ايرينى ان تبادله بشرارة صغيرة من ذلك الحب العجيب ...

مسيحنا يناجينا :
انه معى ... من يخرج من العالم ...
انه حاضر معى ... من غاب عن ذاته ...
انه مستوطن عندى ... من ينكر نفسه ...
انه بكليته لى ... من فقد حياته لاجلى " القديس امبروسيوس "

فى احدى زيارات العدرا لها , دار بينهما هذا الحديث :

ام النور : انت عايزة تستشهدى ..؟ ... تماف ايرينى : ياريت ياست ياعدرا .. بس انا ضعيفة وغلبانة لكن لو وقفت معايا استشهد , لان بدون معونتك ح اخور فى الطريق ...
ام النور : كل ماتحملينه من الام وامراض ومتاعب واوجاع وضغوط نفسية هو استشهاد ..

" هكذا .. تكرر حصولها على الوعود والتعزيات السمائية " ...

++ لقد احست تماف ايرينى بمعونة السماء لها واستجابتها لهذه الطلبة , فقالت " .. انها اثناء احدى رحلاتها العلاجية فى سويسرا , تصادف وجودها مع عيد تكريس اول كنيسة للشهيد ابى سيفين وكان ذلك فى الاول من اغسطس 2001م .. فعملت تمجيد للشهيد وهى تصلى بالليل فظهر لها وقال " ربنا سامح لك بالالام الجسدية دى لان ده صليب وح تأخذى عليه مجد , واحتمالك للآلام دى بشكر يعتبر استشهاد .. مش انت ديما بتطلبى من ربنا انك تستشهدى من اجله .. اهى الالام دى استشهاد , وانا بأصلى ديما من اجلك والهى معك .. " ...

++ لقد كرر لها الشهيد فى ظهوره فى اكثر من مرة ان امراضها والامها هى بمثابة استشهاد ووعدها ان ربنا ح يعطيها بركات وتعزيات , فالصبر والشكر له اكليل زى الشهداء ...

ان الكنيسة تزين بطريقين من الاستشهاد :

- الاستشهاد الاحمر الذى يتحقق فى فترات الاضطهادات ...

- الاستشهاد الابيض او الاخضر فى ازمنة السلام ...

من قبيل الصليب ادى يسوع له المجد شهادة الحياة , وفوق الصليب كانت شهادة الدم , وفى باكورة القيامة تجلت شهادة القوة , والى مدى الاجيال شهادة الروح " قداسة البابا كيرلس السادس " ...

لقد رأى الجميع جسدها ضعيفا ومنهك القوى من كثرة الامراض والالام , اما روحها فقد ظلت قوية جدا ...

++ تروى تماف ايرينى تقول ++

اثناء احدى رحلات العلاج فى الخارج كنت بمفردى فأنتهزت الفرصة وقلت اصلى , واذ بى اجد الحجرة نورت ولاول مرة تظهر الست العدرا ليس لتبليغ رسالة , بل لتصلى معى , فكانت تقف على يمينى والشهيد ابى سيفين على شمالى ...

وقالت لى : ياللا .. ياايرينى نصلى وبدأت هى بالصلاة ... وقالت :

" الهى العظيم .. وابنى الحبيب , اشكرك واسبحك وامجدك واقدسك .. ارجوك اقبل منى انا والداتك التى تجسدت منها واعطيتنى من مجدك ونورك .. ارفع غضبك , تأنى على العالم واصبر عليه , هو صحيح بيجرح حبك اللى غمرت به كل البشرية , وعملت اعمال حلوة كثيرة , منها قلت مش ح اقدر اوفيك حقك , لكن تأنى ياالهى العظيم وابنى الحبيب على البشر وارفع يدك , فهم ضعفاء وماتزعلش منهم من اجل محبتك وصليبك ودمك واللى بيرضوك زود محبتهم لك , والبعيدين عنك .. تأنى عليهم واجذبهم لك " ...

وذكرت فى صلاتها الكنيسة فى مصر والاديرة والاساقفة والكهنة وصلت للعالم كله واخيرا .. رفعت عيناها وقالت :

" ابنتك ايرينى تشتهى الاستشهاد , ولكن لتكن ارادتك , واعطيها لو اردت نعمة وقويها .. امين " ...

++ واليكم ... على سبيل المثال وليس الحصر ماتعرضت اليه فى حياتها من الام وامراض ++

+ لقد كانت تعانى من وجود قرحة بمعدتها تنزف بشدة مما سبب خطورة على صحتها وكانت لاتسطيع ان تأكل او تشرب حتى اللبن مما جعل التدخل الجراحى ضرورة عاجلة بعد ان دامت معاناتها حوالى 10 سنوات , ولكنها شفيت بعد ظهور ام النور لها فى الليلة السابقة لاجراء العملية اثناء وجودها فى المستشفى .. واكدت لها الشفاء الذى تيقنت منه بزوال جميع الالام الرهيبة التى كانت تعانى منها ...

وقد اعتقد الدكتور حليم جرجس انها تدعى هذا خوفا من التدخل الجراحى , فأصطرت تماف الى الموافقة على اجراء الجراحة لايمانها انها ارادة رب المجد القدوس , وبالفعل .. لقد ذهل الدكتور عندما وجد ندبة قديمة قد تعود الى عديد من السنوات وتدل على وجود قرحة برأت من فترة .. وبالتالى .. ادرك انها وافقت على اجراء العملية رغم تيقنها من شفائها " كان ذلك فى يناير عام 1970م " ...

+ عام 1976م اجريت عملية استئصال الرحم بعد عناء والام شديدة ...

+ عام 1989م عانت من تجربة قاسية عندما كانت على وشك ان تتعرض لعملية بتر للقدم اليمنى لحدوث غرغرينا بها ....
ولكن تم شفائها بمعجزة بحضور العدرا وابى سيفين وكان ذلك فى الثلاثاء الاول من اغسطس وهو عيد تكريس اول كنيسة للشهيد بمصر .

+ فى اواخر 1980 اصيبت بجلطة بالشريان التاجى ...

+ وفى عام 1992م استلزم عمل عملية جراحية لتوصيل الشرايين التاجية ...

+ وفى عام 2001م اصيبت بهبوط شديد فى عضلة القلب ... وتم تركيب منظم لضربات القلب وعمل قسطرة ...

+ كما كانت لاكثر من 20 عاما تعالج من مرض السكر بحقن الانسولين مرتين يوميا وكانت تأخذ كميات كبيرة من مدرات البول ...

+ وفى 16- 10- 2006م اصيبت بكسر بالقدم اليمنى وتم تجبيس القدم ولكن وظيفة الكلى تدهورت فجأة .. ولكن الامر كان خطيرا بالنسبة لها .. ولم تتحسن الحالة الى ان توقف القلب تماما ولم يستجب للعلاج بالمنشطات او الصدمات الكهربائية مما ادى الى الوفاة فى الساعة السادسة مساء يوم الثلاثاء 31 اكتوبر 2006م الموافق 21 بابه 1732ش .

انطلقت روحها الطاهرة بسلام فى تذكار ام النور القديسة العذراء مريم شفيعتها .. وكان نيافة الحبر الجليل الانبا ارسانيوس اسقف المنيا وابو قرقاس قد زارها فى ذلك اليوم وكانت فى هذا الوقت فى غيبوبة , وبعد ان قام بصلاة اوشية المرضى وقراءة التحليل ... سمع صوت تماف ايرينى تقول " الان ياسيدى .. تطلق عبدتك بسلام " فخرج خارجا وبكى بكاءا شديدا .. اذ ادرك ان روحها قد انطلقت بسلام ...

++ شهادة السماء لتماف ايرينى ++

مهما كتب عن تماف ايرينى لن يكفيها حقها .. فسجل حياتها لن يحتويه غير ذاك المكتوب فى السماء التى شهدت لقداستها قبل ان يشهد لها اى بشر ...

واصلت السماء منذ الايام الاولى لالتحاقها بالحياة الديرية , ارسال اشارات واضحة تبارك وتعضد هذه النفس الامينة والمؤتمنة على خزائن النعمة الالهية لتقود نفوسا كثيرة فى درب الحياة الملائكية الساعية وراء شخص المخلص يسوع المسيح له المجد , وكأن روحه يقودها فى الاعماق من مجد الى مجد لمواصلة هذه المسيرة الالهية المباركة ...

لقد كانت صاحبة رسالة واضحة , معينة من الاعالى حملتها على عاتقها بجهاد مضن بكل امانة .. وقدمتها كاملة على مذبح الحب الالهى .. فكللها الرب بالمجد والبهاء , نظير ماقدمته يداها الطاهرتين فى رحلة حياتها الذاخرة المضيئة ...

فى شهادة الروح جاءت الايات والعجائب التى اجراها الرب القدوس على ايدى قديسيه ومنهم تماف ايرينى التى سجل التاريخ لقداستها اسمى واعظم الاعمال لما تربطها بالسماء رباطات قوية فأنظارها كانت معلقة بأمجاد الميراث السمائى ...

اخى الحبيب .. ان نفسك كجنة شهية , فنظفها واعدها لقبول النعمة حتى تصلح لسكنى يسوع ...

امنا الغالية تماف ايرينى ...

وجدتى من تحبه نفسك .. وسرت فى الطريق الضيق ... هذاه الطريق الذى ساره اباء وامهات الكنيسة القديسين ... الهمينا طريقك الذى سلكتيه .. وصلى من اجل ضعفنا .. واعطينا من روحك .. كى نتعلم .. كيف وصلتى الى كل هذا ..؟ ونتعلم ...

صلى من اجل ابناء كاروز الديار المصرية والمسكونة كلها .. واذكرينا امام الفادى لكى نكون مستحقين ان نتنعم بلقياك فى سماء المجد ...

امنا ايرينى ...

اذكرى سيدنا قداسة البابا شنودة الثالث ....
واذكرى سيدنا نيافة الانبا ابرام اسقف الفيوم ...
واذكرى سيدنا نيافة الانبا جبرائيل اسقف النمسا ...
واذكرى ايضا كل اخواتى واخواتى المشرفين والمشرفات واعضاء هذا المنتدى العظيم

هدية السماء ... تماف ايرينى

ابنتك زيزى جاسبرجر




**** الحروب الروحية ... تماف ايرينى ****
--------------------------------------------------
تقول تماف ايرينى :

فى ذلك الحين كان والدى يرسل لى دائما ويلح على بالرجوع الى البيت وترك الدير ويعدنى بأنه سيجهز لى قلاية فى المنزل , ولكنى كنت ارفض .. وبعد فترة اعطونى قلاية فى الدور الثانى كانت مهجورة لمدة طويلة وغير مهيأة للآقامة .. فقمت بتنظيفها ووضعوا لى فيها كنبة للنوم , وعند المساء كانت مظلمة لعدم وجود شمعة او لمبة جاز ...

قضيت وقتا طويلا اصلى واشكر الله لآنه جعلنى مستحقة ان يكون لى قلاية استقر فيها , ولما انتهيت من الصلاة نمت على الكنبة ولعدم وجود غطاء استعنت بالبالطوا الذى حضرت به من السفر ... فى الحقيقة كنت فرحانة جدا ...

لم تكد الساعات الاولى من الليل تمضى حتى رأيت فجأة امامى شخصا اسود اللون .. طويل القامة .. رأسه تصل الى السقف ورجلاه على الارض .. له قرون وعيناه حمراء لون الدم , وفى يده سكينة ... وسمعته يتوعدنى ويقول فى حدة :

" وكمان جيتى وبقى لك قلاية !! .. طيب انا وراك والزمن طويل " ... وراح ضرب بالسكينة على الارض .. ومن هول منظره اتنطرت من فوق الكنبة وانا اصرخ واقول :

" انجدينى ياقوة الله ... احفظينى ياقوة الله ... "

ثم وقعت على الارض فى حالة رعب شديد .. فى ذلك الوقت سمعت امنا تواكليا صوت صراخى وارتطامى بالارض اذ كانت تقيم فى القلاية المجاورة لى , فخرجت منها وقرعت بابى , ولكنى لم استطع القيام لافتح لها .. ففتحت الباب بسكينة .. ووجدتنى منطرحة على الارض وجسمى عبارة عن كتلة ثلج , فأخذتنى فى حضنها حتى شعرت بالدفء ثم اصطحبتنى الى امنا الرئيسة , الام كيريا واصف .. رويت لها ماحدث , فصلت لى ودهنتنى بالزيت المصلى .. ومن كثرة خوفى قلت لها " انام عندك ياامى " ...

اجابت " لا .. متخافيش .. الشيطان ده زى القش .. تنفخى فيه بعلامة الصليب .. يمشى فى الحال , وهو بيعمل كده علشان يخوفك .. ارجعى قلايتك وماتخافيش " ...

وبالفعل رجعت الى القلاية , ولكنى لم استطع النوم وظللت ماسكة بالصليب فى يدى طول الليل ...

واحيانا اخرى كنت ارى عند قيامى بالصلاة وعمل الميطانيات تعابين وعقارب امامى .. عند رؤيتى لهذا المنظر لاول مرة تعجبت فى نفسى وقلت " القلاية نظيفة , جات منين التعابين ؟؟ " اصابنى خوف شديد وغادرت القلاية على الفور , فوجدت احدى الراهبات امامى فقلت لها " الحقينى ياامنا عندى تعبان فى القلاية " ...

وللحال ادركت الموقف , فقالت لى " لو شفت تعابين او عقارب ماتخافيش , ده الشيطان .. ارشمى عليهم الصليب وسيختفوا " ... وفى اليوم التالى رأيت ثعبانا غليظا وقد تلامست جبهتى مع جسمه عند سجودى فى المطانيات ... كان هذا المنظر يتكرر باشكال مختلفة .. ولكن اب اعتراف الدير .. القمص مقار المقارى , كان يطمئننى ويشجعنى ويقول لى " حطى رأسك عليهم متخافيش " فكنت اؤكد له انها عقارب وتعابين حقيقية .. فكان يكرر لى قوله .....

" متخافيش حطى رأسك عليهم " ولكى لا اترك قانونى الروحى , اطعت كلامه .. وعندما كانت رأسى تتلامس فعلا مع اجسامهم وانا بأضرب الميطانية وفى يدى الصليب , كانوا يختفون .. لان الصلاة هى اكثر سلاح يخيف الشياطين .. وبالصبر والمثابرة يخزى الشيطان وننتصر عليه ...

وفى مرة اخرى كنت امسك فى يدى لمبة جاز - لان الدير لم يكن به كهرباء فى ذلك الوقت - وكان الظلام يسود المكان تماما , ففوجئت بأن احدا نفخ فى اللمبة واطفأها ووجدت نفسى محاطة بأشكال ذات الوان متعددة .. احمر واخضر واصفر واسود وسمعت صراخا من كل جانب واحسست بمن يخبط فى .. فكنت اردد :

" انجدنى ياقوة الله ... احفظينى ياقوة الله " ...

وللحال شعرت بقوة حملتنى من وسطهم ووضعتنى فى القلاية , فكنت اقول له :

" خلاص انا عرفت حركاتك .. وكيف تغلبك قوة الهى " ...

وتروى مثالا اخر لحرب عدو الخير , فتقول :

" ذات يوم نزلت بمفردى مبكرا الى المطبخ وملآت الوابور واشعلته , وكانت صفيحة الجاز بجواره , عند محاولتى تقوية النار فوجئت بأنها هبت لدرجة مرتفعة .. وفى لمح البصر مسكت فى صفحية الجاز .. كنت فى احد اركان المطبخ , ولكى اغادره لابد ان امر فى النار المشتعلة التى تعالت فى لحظات وكانت على وشك ان تمسك فى سقف المطبخ الخشبى , فصرخت بايمان :

" انجدنى يااله ابى سيفين ... الحقنى ياشهيد الرب .. وحافظ على ديرك " ...

وفى الحال رأيت الشهيد امامى يرشم الصليب على النار التى انطفأت فى الحال , ففرحت بنجاة الدير من الحريق ومجدت الله وشكرت الشهيد .. عندما رويت لامنا الرئيسة ماحدث قالت لى :

" الحزين " الشيطان " مش عارف يحاربك ازاى " " ...

كانت كل هذه الحروب ظاهرية ولكن عدو الخير اتخذ بعد ذلك اسلوبا اخر , فألقى داخلى الفكر بأن كثرة الاشغال المطلوبة منى تجعلنى خارج القلاية طوال اليوم , وبالتالى لاتتيح لى الوقت الكافى للصلاة واتمام قانونى الروحى من مطانيات وقراءات روحية كما اعتدت وانا فى منزل والدى , ورأيت انه من الافضل العودة الى منزل الاسرة .. وكان الفكر يردد داخلى " انا جاية علشان اصلى مش اخدم بس .. انا ح ارجع منزل والدى واعيش كراهبة هناك " ...

لجأت الى الصلاة وطلبت ارشاد ربنا , فرأيت ذات ليلة الشهيد ابى سيفين يقول لى "

" انت فى البيت ح تعملى ايه بعد انتقال والديك ؟ الراهب اذا خرج من ديره يموت .. زى السمك اذا خرج من الميه .. خليك وح تنبسطى وح تتعزى حتى فى وسط الشغل .. بس رددى المزامير على طول وانت رايحة وجاية ولو فى اية من الانجيل بتعزيك , احفظيها " ...

شكرت ربنا على محبته وعنايته .. ومن ساعتها , احرص فى كل ثانية اكون فاضية فيها , اصلى اى مزمور على قدر الوقت وبأستمرار تكون الاجبية فى جيبى ... وفعلا منذ ذلك اليوم وانا اشعر دائما اننى فى الفردوس مهما كثر العمل ...

بركة الطاعة
-------------
واصلت ابنة المسيح السلوك فى الطريق الملوكى الذى احبته بكل جدية وتدقيق وامانة , فلم تعد ترهب حروب عدو الخير بل كانت تواجهها فى يقظة وشجاعة حاملة سيف الروح الذى هو كلمة الله ومتسلحة بدرع الايمان والمحبة ورجاء الخلاص .. فعاشت وسط الامهات الراهبات واخواتها طالبات الرهبنة بالمحبة والاتضاع وخدمت الكل واضعة امامها الوصية الانجلية فى محبة الجميع فكانت مثالا حيا فى حياة الطاعة وانكار الذات ...

تروى لنا تماف ايرينى الغالية عن هذه الايام :

" سوف احكى لكم يابناتى عن بعض خبراتى التى مررت بها فى الايام الاولى لدخولى الدير " ...

كنت فى قلايتى وقالت لى احدى الراهبات الكبار " يابنت ياجديدة تعالى اكنسى الحضير " .. قلت " حاضر ياامى " ... يدوبك مسكت المقشة وكنست جزءا صغيرا واذ بها تقول " انت يابنت ياجديدة ماتكنسيش " ... قلت حاضر ياامى .. ودخلت قلايتى .. لم تمر عدة دقائق حتى قرعت الام الراهبة باب قلايتى بشدة وسمعتها تقول لى " يابنت ياجديدة تعالى اكنسى الحضير .. قلت حاضر .. خرجت وبدأت اكنس الا انها عادت مرة اخرى وطلبت منى الا اكنس الحضر .. فتركت المقشة ودخلت القلاية .. تكرر الموقف عدة مرات .. فى كل مرة تقول اه ثم لا .. واقول لها حاضر , وفى الاخر قالت لى " انت متربية من بيت ابوك والدير مش هايكون له فضل عليك " ....

فاح عبير فضائلها من خضوع وطاعة وبذل بين الراهبات ... وهنا اعلنت الام الرئيسة تزكيتها للرهبنة ...

كلما تقدم القديسون فى الفضيلة , فأن روح الله يسكن فيهم ويريحهم فى جميع اعمالهم , ويحلو لهم حمل نير المسيح بلا تعب فى عمل الفضائل او فى الخدمة او فى سهر الليالى .. لان فرح الله معهم ليلا ونهارا يربى عقولهم ويغذيها , فتنمو النفس بالفرح الدائم ... " الانبا انطونيوس " ...

من كتاب تماف ايرينى
جوهرة السماء ومنارة الرهبنة

زيزى جاسبرجر

وشويه صور على معجزات بقى الرد اللى جاى ان شاء الله

[CENTER]

كام صوره ليها ليكون حد ميعرفهاش
ومعاهم كام معجزه



شايفين الغبره ......اللهم ارحمنا يا ارحم الراحمين





والمعجزات بقى متعدوش
والله دى كتبين انها معجزه معجزه فى ايه مش عارفه

اقتباس

نا انهرده جيبلكم صورة اكيد لحببتى تماف ايرينى و ديه عن بنت كانت تعبانة اوى و تماف شافتها و اتفضلو الصورة اتمنا ان تنال اعجابكم

اقتباس

المشاركة الأصلية كتبت بواسطة Rina_markorios

SIZE]
+++



[/B][/FONT]

الطاعة أهم من تقديم القرابين

تقول إحدى الراهبات :-

" فى السنوات الأولى لى فى الدير وانا مازلت مبتدئة كنت أحب أعمل رحمة فى الخفاء ، وبالذات فى يوم الجمعة الخاص بزيارة الأهالى ..
لثقل عبء العمل على الراهبات فى المطبخ فى ذلك اليوم بالتحديد ،
فكن بعد انقضاء اليوم مع الأهالى وضيافة اكثر من 70-80 اسرة ،
يقمن بغسيل كمية رهيبة من الأوانى وبتنظيف المطبخ والمايدة ..
فحدث ذات مرة بعد انتهاء زياردة الأهالى ان رجعت كل واحدة من مجموعة المطبخ الى قلايتها من شدة الإرهاق والتعب ونامت ...
فقلت فى نفسى " فرصة انزل من الساعة 11 بالليل – بعد ما الكل يكون
نام الى الساعة 2 صباحاً قبل ميعاد التسبحة وانتهى من كل اعمال التنظيف وارجع الى قلايتى قبل ان يرانى احد "

نزلت فعلاً الساعة 11 وقفلت الباب بالمفتاح لانى كنت خايفة الى حد ما..
وكانت ارض المطبخ مليئة بالأوانى والاطباق لدرجة انه لايوجد موضع
لقدم، فاخذت أغسل .. أغسل .. أغسل الى ان انتهيت من كل الاوانى والاطباق والادوات ولم يتبق سوى مسح الأرض.

ولكنى فجأه وجدت نفسى محاطة بعدد رهيب من الشياطين واتكتفت ،
وأصبحت غير قادرة على الحركة لأرشم الصليب وفقدت القدرة على النطق ، فلم أستطع ان أقول" ابانا الذى .."
أو أن استغيث بأى حد .. وتسمرت فى مكانى ..

وإذ بى أرى تماف أمامى مرتفعة عن الأرض بحوالى 60 سم
وقامت برشم الصليب على ّ وعليهم ، فاختفوا فى الحال ..
وانا اتفكيت والسلام ملأ كيانى ... ثم اختفت تماف....
كيف؟!لا أعرف!

وهنا قررت الرجوع على الفور الى قلايتى وترك ماتبقى من العمل
خشية من رجوع الشياطين مرة تانية ، ففتحت الباب وجريت على القلاية
وكانت الساعة الثانية بعد نصف الليل ، فاستقليت على السرير ونمت.

نزلت الراهبات فى اليوم التالى الى المطبخ ، فوجدن الأوانى نظيفة ،
فتوجهن الى تماف وقلن لها " ياتماف هو الملاك الحارس الخاص بكل
راهبة ممكن يعمل لها شغلها؟! ... واخبرنها بما حدث .
فقالت لهم : " لأ .. كويس انتم فكرتونى ، نادوا لى (فلانة)

حضرت فى الحال فقالت لى :
" أنا مش موصياكم لازم تنزلوا اتنين اتنين مع بعض ،
ليه ماسمعتيش الكلام؟ الطاعة اهم من تقديم القرابين ..
كويس اللى حصل بالليل ؟

قلت لها :" دى كانت حاجة صعبة قوى ، لكن أنا لافكرت فيكى
ولا طلبتك ياتماف .. حسيتى بىّ إزاى؟

فقالت لى :" أنا كنت بأصلى فى القلاية وحسيت إنك فى ضيقة،
فقليت حاجة شلتنى وودتنى فى المطبخ تحت ..
فما تعمليش كده تانى، وياريت تطيعى ...
فقلت لها:" اخطيت ياتماف ... سامحينى..
فليتمجد إسم الله فى قديسيه
بركة شفاعة وصلوات تماف إيرينى والشهيد العظيم أبى سيفين فيلوباتير مرقوريوس أبو سيفين
تكون مع جميعكم
[B
(بنت أبى سيفين)Rina[/LEFT]
<!-- / message --><!-- sig --><!-- / message --><!-- sig -->[/B]

اقتباس

المشاركة الأصلية كتبت بواسطة looklook012

احب اقولكم ان امنا ايرينى ديه عظيمة جدا جدا وانا هاحكلكم هى عملت ايه معايا مع العلم انى كنت اثناء وجودها على الارض اسمع عنها اشياء كثيرة ولكنى كنت لا اصدق عنها اى شىء وحتى نياحتها لم تفرق معى كتير
انا عايشة فى بلد عربى واثناء وجودى فى مصر بعد نياحة تماف ايرينى اعطت لى اختى الصغيرة نبذة عن تماف ليلة رجوعى الى البلد العربى مرة اخرى ومع انى عمرى ما اهتميت بيها او حتى بسيرتها لكنى صممت انى اضع النبذة ديه فى شنطة السفر رغم ان اختى قالت لى انها مللك صديقتها ولازم ترجعها ولكنى صممت على اخذها ويوم السفر الصبح ذهبت الى المطار وكان معايا وزن كتير جدا ولكنى كان معايا واسطة زى كل مرة بتعدينى من الوزن ولكن المرة ديه حدث شىء غريب هو ان الراجل الى كان هايتوسطلى جاتله ماءمورية خارج المطار ولكنه ارسلنى الى شخص اخر ليهتم بي ولك الشخص الاخر عاملنى وحش جدا وقالى خليكى واقفة فى الطابور لغاية لما يجى دورك وانا هابقى اجيللك وانا حسيت انه بيتهرب منى فضلت واقفة وكان فاضل على ميعاد طيارتى نصف ساعة ومش عارفة اعمل ايه افتكرت على طول انى معايا النبذة بتاعة تماف وقولتلها انتى بيقولى عليكى قوية جدا وانا اول مرة اطلب منك طلب وهاشوفك قوية ولا لاء انتى لازم تقفى معايا انا مش عارفة اعمل ايه وتقدمت الى الامام لاوزن الشنط واذا بى افاجىء بالراجل اللى كان عاملنى وحش ومعاه نفس الراجل اللى كان عنده مامورية خارج المطار ويقولوا لى اتفضلى يا مدام انتى استريحى واحنا هانخلص كل شىء لدرجة انى شكيت انهم عاوزين الطيارة تفوتنى وخلصوا لى كل الاوراق ووصلونى الى الاتوبيس بتاع الطيارة وكمان لما طلعت الطيارة اتصلوا بى ليطمئنوا على وده عمره ما حصل معايا ولكنى سافرت ونسيتها ونسيت حتى اشكرها او حتى احكى لزوجى واتمحى تماما من ذاكرتى كل ما حدث ولكن بعد سفرى بثلاث ايام حلمت بتماف حلم جميل قوى قمت من النوم عرفت انها عايزة تفكرنى وحكيت لزوجى ومن ساعتها بنطلبها فى اشياء كثيرة وهى بتعمل معانا معجزات كتيرة جدا
شفاعتها تكون معانا


معجزة قلب منور :.......
الاستاذ/ سامى ...... احد خدام دير ابى سيفين ومحبيه اصطحب زوجته واولاده يوم 10 يناير 2007 م لاخذ بركه الدير وزيارة المزار الخاص بامنا ايرينى يقول :..........
فوجئت بتعليمات على باب الدير ان زيارة غير مسموحه حتى يوم 26 يناير .. ونظرا لان اولادى عندهم امتحانات واحتياجى لكى يسمحوا فقد استعطفت القديس ابى سيفين انه يشفع لى عند الراهبات لكى يسمحوا لى بزيارة خاطفه واخذ البركه فسمحت لنا الام الراهبه بالزيارة وشعرنا ببشاشتها وودها
وبعد اخذ البركه من القديس ابى سيفين وبركه المزار الخاص بامنا ايرينى وطمعا فى مزيد من البركه استاذنت اصور امنا ايرينى بصورتها الكبيرة جوة المزار

لكن عند تحميض الصورة فوجئت بان احدى صور امنا المحبوبه بيسطع عليها من جهة القلب نور يتوسطه "" قلب منور ""
ولشدة انبهارى بالصورة بالصورة عرضتها على بعض الامهات بالدير فى زيارة تاليه بعد فتح الدير وفى وجود ابونا الراهب القمص ....
فكان تعليفهن : ده قلب أمنا ايرينى الابيض ..... قلب منور .............




تماف ايرينى وصلت لدرجة السياحة
كثيراً كانوا يبحثون عنها داخل الدير ولم يجدوها فكان يسمح لها رب المجد الانتقال بجسدها إلي أماكن كثيرة متفرقة لبعض الوقت فأنا أتذكر قصة واحد اسمه عم حنا، كان عنده مشكلة قضية رأي عام وكان موقفه في هذه المشكلة صعب جداً فجاءت للدير زوجته وابنته لمقابلة تماف ايريني وهما في حالة انهيار لأنه مهدد بالسجن وعند مقابلتها تكلمت معهما وبعثت لهما الهدوء والطمأنينة والسلام وقالت لهم «متخفوش هيطلع براءة» بس خدوا الزيت ده وخلوه يدهن منه. وبعد مرور 3 أيام ببركة رب المجد كنت في الدير ففوجئنا بدخول عم حنا وزوجته وابنته وعلي وجوههم علامات السعادة وعندما سألناه عما حدث قال أنا حصلتلي معجزة، وبدأ يقص لنا المعجزة وهي: إن القديس العظيم أبوسيفين ظهر لابنته قبل القضية بيوم وقال لها «متخفيش باباكي هيطلع براءة بكره وعلشان تتأكدي انك مبتحلميش خدي الزيت ده وخليه يدهن منه الصبح» وفعلاً في الصباح وجدت زجاجة الزيت موجودة ودهنت منه وبعد قليل جاءني استدعاء النيابة ففي كل مرة كانوا يحطوا الحديد في ايدي واركب العربية مع المتهمين في الخلف ولكن في هذه المرة قال لي الضابط «تعالي يا عم حنا اركب معايا العربية من قدام» وعندما ذهبت إلي المحكمة انتابني قلق شديد فاضطرب قلبي وقال مش معقول أنا هطلع براءة فصرخت من أعماق قلبي إلي أبوسيفين وتماف ايريني. وأشهد أمام هذا المذبح الطاهر أني وجدت تماف ايريني أمامي بجسدها وشكلها وابتسامتها فشعرت بسلام داخلي فقالت «براءة يا عم حنا» وفي نفس اللحظة سمعت نطق المحكمة ببراءتي. الدكتور ايهاب ويقول انا متذكر موقف تماف ايريني عندما زعلت منه بسبب إعلان الرؤية أمامنا جميعاً وقالت له ده ابوسيفين يا عم بس انت اتهيأ لك، ولكن عم حنا يؤكد أنها تماف ايريني بجسدها.



معجزة لامنا ايريني جميلة جدا ***


هو شاب يعمل بأحد المطابع التى كُلفت بطباعة صور طماف إيرينى .

ولما رأى القداسة فى الصور وكذلك عدد الصورالكبير الذى يطلب من المطبعة بأستمرار..

طلب من الخادم الذى يوصل الصور الى الدير أن يخذ منه ورقه ويضعها عند قبر أمنا ايرينى وفعل الخادم ...

وفى الزيارة التاليه للخادم للمطبعة ..

فوجئ بهذا الشاب يسأله " أيه الىّ عملته فىّ ده"..

رد الخادم "عملت فيك أيه؟ ..

" قال الشاب ماذا فعلت بالورقة التى أعطيتها لك"..

رد الخادم "حطيتهالك عند أمنا أيرينى زى ماطلبت !"

ففوجئ بالشاب يبكى ويقول له سأحكى لك ماحدث بسبب هذه الورقة

أنا معتاد السهر يوميا مع أصدقاء السوء

وفى الليله التى أعطيتك فيها الورقة ..

سهرت معهم وكالمعتاد كان هناك أشياء خطاءة كثيرة من شرب خمر وخلافه

وعدت الى المنزل بعد منتصف الليل ودخلت أنام فورا

وبعد قليل أحسست بشئ يوقظنى من النوم

وفوجئت بأمنا معى فى الحجرة

صرخت "أنتى أمنا إيرينى أنا عارفك من الصور"

ردت عليه أيوه أنا

هو أنت مش طلبت منى أصلى لك

قلت لها "أنا؟"

قالت أيوه أنت مش بعتلى ورقه أنهارده

هو يصّح برده تطلب منى أصلى لك وبعدين تعمل اللى بتعمله ده ...

أنا مش عيزاك ترجع للحجات الوحشه دى تانى ... وأختفت بعد ذلك

وطلب هذا الشاب من الخادم أن يأخذه معه للدير لزيارة أبى سيفين وطماف إيرينى ويوعدهم مش حيرجع تانى للى كان بيعمله

ًصلاتها تكون معنا...
اشفعى فى انا كمان ياامى ...





انا عاوزه اقول حاجه حصلت معايا منذ فتره قريبه, انا اعانى منذفتره و حتى هذا اليوم من ضيقه شديده تجعلنى اشعر كأنى أختنق, انا بأصلى و لأول مره لتماف ايرينى و طالبه مساعدتها و معتمده عليها تماماً لحل مشكلتى مع ابويا البابا كيرلس و طبعاً ماما العدرا, انى اظل انادى على امنا طول النهار حتى و انا اعمل و فى أحد الأيام و بعد نزولى من موقع عملى وجدت احدى السيارات و لا أعلم ما جعلنى انظر بداخلها رغم الظلام و وجدت صوره لأمنا ايرينى و البابا كيرلس اى من أطلبهم ممكن ناس كتير نرى ان دى حاجه عاديه و بسيطه لكن بالنسبه لى تعنى كثير خاصه انى فى صباح اليوم التالى رأيت نفس السياره يقف امامها صاحبها و ميكانيكى مما كشف لى ان السياره توقفت تحت مقر عملى و عاد صاحبها ليصلحها فى اليوم التالى و لم ارى السياره مره أخرى, لقد شعرت انهم يقولون لى نحن نشعر بالآمك و ده كان احساس حلو و انا مازلت اترجاهم يساعدونى و يلحقونى بسرعه


مايكل

واديها اهى بتنزل زيت من الانف كمان

ومش لقيت ليها معجزات تانيه
شكلهم لسه متدلسوش معجزات ليها

جزاك الله خيرا

ههههههههه

لأ دى مباركة أوووووووى

بس ليه سؤال هو شنودة بييحيي الموتى زى يسوع الخروف؟؟؟

جايبين القديس ابو سيفين ده وحاطينه جنبها ليه ... هل كانت من المجاهدين في افغانستان ولا ايه؟



يا حرام لازم يعمل blurr على الصورة علشان متبانش انها متركبة وتبان انها مهزوزة ؟!

ربنا يبارك في الفوتوشوب ومعجزاته
والافتر افكت وتجلياته ...

وربنا يشفي !

فقط عندما تقرأون هذه الاشياء تعلمون طريقة غسيل مخ هؤلاء البسطاء من المسيحيين ... فعلا غسيل مخ يتم دوريا بهذه القصص الكاذبة والصور المفبركة !

ولو كانت كذبة واحدة لما صدقها احدهم لكن الالاف الاكاذيب كل يوم -وصدق ولابد ان ايه؟...ان تصدق - ... وهناك مبدأ اعلامي يقول
"ما تكرر تقرر"

ربنا يهدي عوام النصارى ويفيقوا من الطاحونة الكاذبة التي وضعوهم بها معصوبة اعينهم !

ربنا يهدي

لو فعلا حاول أي نصراني او نصرانية الوصول للفضيلة
فلن يجدونها إلا في الإسلام فنحن ارباب الفضائل
وفقط يا ريت لو نصراني يجرب يكون مسلم لمدة سنة أو شهر لكن كما جاء سيد الأنام وستعلمون الفرق
عموما كل النصرانية مبنية عند اتباعها على :
رؤاهم المنامية [يعني لعب عيال]، ضحك بابواتهم عليهم كذبا ،الصور الوثنية
طيب بيقولوا يسوع جاء ليلقي سلاما
في الصورة اعلاه لما حامل هو ـ لعنه الله من مبير ـ سيفا
لاء وايرني هذه مصورة معاه ! كأنها رسالة انه جاء بالسيف لا بالسلام

فيه سؤال للأخت : حضرتك مسلمة ؟!
لو مسلمة فلا تنقلي لنا خزعبلاتهم ، رجاءٍ فوقنا أغلى من ضياعه في مثل هذه التفاهات الإيرنية
وبرجاء اهتمام إداري المنتدى فهذه قصص لا طائل منها أختنا إلا ان نرى صورا للنساء [وهو محرم في الإسلام إذ لا ضرورة]دون داعي شرعي ولا حتى علمى إلا قص القصص

اخى انا الحمد لله مسلمه
وجزاك الله خيرا وسامحك الله يا اخى
وحين اتيت بصور لها لكى اعرف من لا يعرفها فقط
ولتنظر يا اخى لوجهها ولصفرته وهى ملقاه
الا يدل وجهها على الفزع مما ترى امامها
واسفه اخى الكريم على اضاعه وقتك واسفه على نقلى للخزعبلات والتفاهات
جزاك الله كل خير يا اخى
وسامحك الله

اقتباس

المشاركة الأصلية كتبت بواسطة راناا

اخى انا الحمد لله مسلمه
وجزاك الله خيرا وسامحك الله يا اخى
وحين اتيت بصور لها لكى اعرف من لا يعرفها فقط
ولتنظر يا اخى لوجهها ولصفرته وهى ملقاه
الا يدل وجهها على الفزع مما ترى امامها
واسفه اخى الكريم على اضاعه وقتك واسفه على نقلى للخزعبلات والتفاهات
جزاك الله كل خير يا اخى
وسامحك الله

اختنا حفظكن الله بتوحيده
انتي فهمتي كلامي خطأ
أنا لا أسألكم عن إسلامكم لأنكره عليكم إنما أسألكم لأقرره لكم ! فتنبهي
ومن الأسلام : الا نصور النساء هكذا فتنبهي ! هداك الله
ومن الإسلام : ألا نضيع الوقت في الخزعبلات التي يفركها النصارى
فقط لو سألوا سؤالا او حدثت عندهم شبهة رددناها لهم بديننا المعصوم على لسان المعصوم
فماذا سنستفيد عندما نرى وجه امراة ! بل وكافرة ! بل ومن حصب جهنم !
فخدي بالك يا اختنا لأنك هنا بمنتدى اسلامي نصراني
فهنا شرعا عندنا حسن الظن على حسب مدى صدق الكلمة ودلالتها التشريعية
وصحتها النبوية
حتى لا يظن ظآن انك غير مسلمة بالمرة
واعتذر لو فهمتيني خطا لكن ألزم تفهمينا صح
منتظرين اختنا ـ حفظك الله ـ ما تفيدنا به
ممكن حضرتك مثلا لو سمحتي طبعا ؛
تكتبي لنا موضوع عن الطهارة في الإسلام بالنسبة للنساء وتفرقي بعد ذالك بين الإسلام والنصرانية وايهما أصح علميا واجتماعيا
ونساعدكم جميعا بعون الله
ممكن ؟ جزاك الله خيرا وهدانا الله لما يحب الله

جزاك الله كل خير يا اخى
سؤ تفاهم بسيط
واقسم بالله الذى لا اله الا هو ان اعتذراك لم يكن يلزم
فلله الحمد انا لا اكن لاى احد اى ضغينه او بغضاء
وبارك الله فيك يا اخى
وان كان هكذا الموضوع
انتظر منى اشياء لا تتخيلها عنهم وبيننا وبينهم
ومنهم ومما يفعلوه
واعتذر يا اخى على سوء الفهم الغير مقصود بالمره
وبارك الله فيك
وجزاك الله كل خير اخى فى الله
واعتذر لك ايضا لاننى كلفتك رد اخر لتبرر فيه
ردك جزاك الله كل خير
ونعم الاخ الكريم

الأخت رانا
لآ عليك فإن قصدك هو ما آل إليه فساد عقولهم وهم محتاجون لمثل هذه الترهات لتثبيت إيمانهم الضعيف . والكذب عندهم مقدس تمامآ مثل صليبهم وإيمان المرء لا يستقيم بغيرهم . ولكن هذا الهراء بغير طائل ولربما يصدقه ضعاف النفوس ومن ليس لهم دراية كافية بالدين ممن يدخلوا إلى المنتديات بمحض الصدفة لمجرد المشاهدة فتكونى قد إرتكبتى إثمآ . ونحن بحمد الله أدرى بالمقصود من وراء هذه الحكايات والمشاهدات والمعتبرة فى نظرهم معجزات وقد يكون البعض منها صحيحا حيث تتمثل الشياطين بصور قديسيهم وبأصحاب الحظوة عندهم ويتراؤا لهم ويحدثوهم إمعانآ فى إضلالهم . فهؤلاء القوم هم الذين ضل سعيهم فى الحياة الدنيا كما أنبئنا ربنا سبحانه فى قرءانه . فلنعتبر ولا نردد ما يشيعوه حتى ولو عن طريق التفكه فلهم دينهم ولنا دين ونجادلهم فى عقيدتهم وما أحدثوه فيها من باطل ونعمل على أن نهديهم إلى الطريق االذى ضلوا عنه وهو طريق رب العالمين الإله الواحد المعبود بحق الذى لم يتخذ صاحبة ولا ولد ونردهم عن إشراكهم بخالقهم وكفرهم به . وهذا ما أراد الأخ عبد مسلم أن يلفت نظرك إليه . والله نسئل أن يتقبل من صالح الأعمال فهو الكبير المتعال .