نصائح للتايبست

آخـــر الـــمـــشـــاركــــات

الرد على مقطع خالد بلكين : الوحي المكتوم المنهج و النظرية ج 29 (اشاعة حول النبي محمد) » آخر مشاركة: محمد سني 1989 | == == | الإعجاز في القول بطلوع الشمس من مغربها » آخر مشاركة: *اسلامي عزي* | == == | الكاردينال روبيرت سارا يغبط المسلمين على إلتزامهم بأوقات الصلوات » آخر مشاركة: *اسلامي عزي* | == == | لمسات بيانية الجديد 8 لسور القرآن الكريم كتاب الكتروني رائع » آخر مشاركة: عادل محمد | == == | الرد على شبهة زواج النبي صلى الله عليه وسلم من عائشة رضي الله عنهما بعمر السادسة و دخوله عليها في التاسعة » آخر مشاركة: محمد سني 1989 | == == | المصلوب بذرة ( الله ) ! » آخر مشاركة: *اسلامي عزي* | == == | كاهن يعلنها بصدق من داخل الكنيسة : الإسلام أكثر منطقية من المسيحيّة ! » آخر مشاركة: *اسلامي عزي* | == == | إجابة عن سؤال : من نسب لله الصّاحبة و الولد ؟؟ » آخر مشاركة: *اسلامي عزي* | == == | Moses PBUH in the river » آخر مشاركة: *اسلامي عزي* | == == | قـُــرّة العُــيون : حلقة 01 » آخر مشاركة: *اسلامي عزي* | == == |

مـواقـع شـقــيـقـة
شبكة الفرقان الإسلامية شبكة سبيل الإسلام شبكة كلمة سواء الدعوية منتديات حراس العقيدة
البشارة الإسلامية منتديات طريق الإيمان منتدى التوحيد مكتبة المهتدون
موقع الشيخ احمد ديدات تليفزيون الحقيقة شبكة برسوميات شبكة المسيح كلمة الله
غرفة الحوار الإسلامي المسيحي مكافح الشبهات شبكة الحقيقة الإسلامية موقع بشارة المسيح
شبكة البهائية فى الميزان شبكة الأحمدية فى الميزان مركز براهين شبكة ضد الإلحاد

يرجى عدم تناول موضوعات سياسية حتى لا تتعرض العضوية للحظر

 

       

         

 

    

 

 

    

 

نصائح للتايبست

النتائج 1 إلى 9 من 9

الموضوع: نصائح للتايبست

  1. #1
    تاريخ التسجيل
    Apr 2013
    المشاركات
    5,607
    الدين
    الإسلام
    الجنس
    ذكر
    آخر نشاط
    20-08-2023
    على الساعة
    10:39 PM

    افتراضي نصائح للتايبست

    السلام عليكم ورحمة الله وبركاته

    هذه النصائح مقتطفات ممن لديهم الخبرة في هذه المهنة الأستاذة شيماء حسن، آثرت تجميع هذه النصائح ليعم النفع، ونسأل الله أن يجعل ذلك في ميزان حسناتها ...........

  2. #2
    تاريخ التسجيل
    Apr 2013
    المشاركات
    5,607
    الدين
    الإسلام
    الجنس
    ذكر
    آخر نشاط
    20-08-2023
    على الساعة
    10:39 PM

    افتراضي

    نصيحة للتايبست الجديد
    أستاذي وأستاذتي التايبست الجديد
    لو سمحت
    لما تسمع عن موزع ان معاملته وحشة وبيعامل الناس بتعالي متتعاملش معاه
    لما تسمع عن موزع محاسبش الناس علشان اخطاء في الملف لا تذكر متتعاملش معاه
    متتعاملش مع موزع سعره بسيط لو سمحت
    متتعاملش مع موزع يهينك ويشهر بيك
    متتعاملش مع موزع مشاكله كتير
    متتعاملش مع موزع إلا لما تسأل عنه كويس لو سمحت
    ايه اللي جابرك تتعامل مع موزع بالشكل ده
    انت أصلا لو شغلك كويس صدقني الشغل اللي هيجيلك ومش هتلاحق عليه
    والناس هي اللي هتدور على شغلك من غير تعب منك وهيتمنوا بس تشتغل معاهم
    وفي لآخر الرزق من عند ربنا
    طور نفسك واتق الله وسيب الباقي على ربنا هو بس اللي عنده الرزق
    أستاذي وأستاذتي الموزع الجشع اللي قبل على نفسه فلوس الناس
    افرح بالفلوس في الدنيا
    هياخدها من حسناتك يوم القيامة مش تقلق
    وساعتها هيتمني أنه كان أضعاف مضاعفة
    اتق الله اتق الله اتق الله
    بينهم وبينك ربنا

  3. #3
    تاريخ التسجيل
    Apr 2013
    المشاركات
    5,607
    الدين
    الإسلام
    الجنس
    ذكر
    آخر نشاط
    20-08-2023
    على الساعة
    10:39 PM

    افتراضي

    جديد في المهنة ومش عارف أعمل ايه حتى أتقن المهنة
    أنا جديدة في الجروب ومش عارفة أبدأ منين أو أنا جديد في المجال ومش عارف اشتغل ازاي، وحاسس ان الدنيا تايهة أوي شوية ناس بتتنزل شغل مستعجل وشوية ناس بتتخانق وأنا لسة معرفش أي حاجة اعمل ايه؟
    دا السؤال اللي بيتسأل في الأول من معظم الناس في البداية وتقريبا كلنا كنا كدة
    ودول بيكونوا نوعين ياما ناس فعليا بتعرف تشتغل من مكتبة أو دورات أو غيره لكن أول مرة تشتغل أون لاين
    وناس تانية متعرفش أصلا يعني ايه وورد
    طب يا سيدي أنا هقولك تعمل ايه
    مبدأيا كدة حتى لو بتعرف تشتغل على الوورد اوعي تاخد شغل، الشغل على النت غير الشغل على الطبيعة خالص
    طب أنا يا أستاذة بعرف اشتغل يبقى ليه ما خدش شغل
    لأ حضرتك متاخدش شغل لأنك أولا ممكن تتعرض لعمية نصب وتشتغل وصحيح هيكون مبلغ صغير لكن انت كأول تجربة ليك هتبقى مشكلة غالبا هتيأس وهتبطل شغل من أولها يا اما مش هتعرف المصطلحات والمواصفات بتاعتنا وساعتها مش هيحاسبك ولو حاسبك هتقع من أولها ريح نفسك أنا بكلمك بواقع خبرة مش قليلة
    طب اعمل ايه؟
    حضرتك هتفضل أد شهرين كدة مش هتعمل حاجة غير انك تتابع جروبات التايبست دا لو انت بتعرف وورد يعني وتحاول تقوي نفسك في الوورد كمان وتاخد بالك أوي من أسماء الناس اللي دايما بتوزع شغل واسمها بيتكرر
    أه أه هي دي الناس الكويسة بس؟ لأ حضرتك في ناس تانية كويسة وانت ورزقك بقى لكن مش بتعلن في الجروبات
    طب دول هيعرفوني ازاي؟
    ما انت لما هتتعرف في الجروب شوية بشوية انت كمان الناس دي هتعرفك وهتدخل تكلمك على الخاص وساعتها بقى يبقى ربنا كرمك هيبقى معاك عميلين ولا تلاتة ومش هتحتاج الموزعين اللي ع الجروب دول لو محصلش نصيب مع حد من دول اصبر بقى وخد شغل من الموزعين دول لكن متخليش حد ييشتغلك ما انت بقى خلاص من خبرة شهرين ع الجروب بتشوف بس عرفت السعر المناسب وعرفت الناس الكويسة
    بالنسبة بقى للناس اللي لسة مش عارفة حاجة في الوورد لأ انتوا لسة قدامكم شوية اوعى تخاطر وتاخد شغل هتوقع من قبل ما تبدأ
    كلمة السر هي التعليــــم، النت مليان كتب ومواقع عن الوورد ، اليوتيوب مليان فيديوهات، نزل وورد مناسب اتعلم على أد ما تقدر اكتب لوحدك اشتغل وابدأ على نفس اللي الأولاني عمله لكن كون انك تعتمد على حد يعلمك من البداية انسى محدش فاضي لحد صدقني كل الناس الكبيرة مشغولة عقبالك زيهم واسأل على فكرة السؤال مش عيب.
    ربنا يرزقنا جميعا يارب

  4. #4
    تاريخ التسجيل
    Apr 2013
    المشاركات
    5,607
    الدين
    الإسلام
    الجنس
    ذكر
    آخر نشاط
    20-08-2023
    على الساعة
    10:39 PM

    افتراضي

    ايه يعني تايبست وازاي أحسن من نفسي في هذه المهنة
    السلام عليكم: أزيك يا أستاذة شيماء أنا جديد في الجروب ومش عارفة يعني ايه تايبست
    حضرتك يعني بيجيلك ملف بي دي اف وبتكتبه في الوورد مع مراعاة شوية حاجات كدة
    تمام يا أستاذة أنا قرأت وشفت كلامك في منشور المرة اللي فاتت وقررت انتظر كام شهر أتعلم واتنور كدة وابقى شاطر في مهنتي ونزلت يوتيوبات وبدأت اسمع وبتدرب الحمد لله لوحدي
    لا برافو جدا انت دلوقت احسن من ناس كتير بتدخل على الخاص وتقولي علميني من الألف للياء (على دماغي لكن أنا كمان مش عندي وقت وعندي شغلي)
    وغالبا مش بعلمهم برضه ببعتلهم فيديوهات ما انا قلت لكم قبل كدة محدش فاضي لحد
    طب تمام اتعلمت شوية ابدأ اخد شغل من اللي بيتعرض اللي هو بنص جنيه ده
    لأ اوعي خليك واثق في نفسك اوعي حد يستغلك أبدا هيصادفك شغل صعب وهتتعب وهتعتزل من أولها وانت فاكر ان اللي اداك الشغل على نص جنيه ده هيرحمك لأ طبعا مش هيرحمك وهيشهر بيك على الفيس وفي كل حتة ويقول عليك مبتعرفش تشتغل ويقول للناس اوعوا تشتغلوا مع فلان دا فاشل وخسرني 50 الف جنيه.
    طب هعرف منين اني مستواي كويس من غير شغل ومن غير خبرة ما الشغل كله بيطلب خبرة والخبرة مش هتيجي من غير شغل
    لأ هقولك كل ما توصل لمرحلة كويسة كدة وتتدرب عليها كويس في الوورد نزل حاجة كدة من النت كتاب أو مذكرة مدرس النت مليان حاول تكتب ولما تتعلم تنسيق بسيط كمان كدة وكل مرحلة اعمل كدة واكتب ورقتين ولا حاجة وابعتهم لحد خبرة من الجروب وانت وحظك بقى يا ما تقع في حد كويس ويشوف ويقولك تقييمك يا اما تقع في واحد مش هيفتح رسايلك أصلا وشوية بشوية اللي بيقيمك ده هيقول لحد عليك لما توصل لمستوى كويس كدة ويمكن رزقك من ربنا عن طريق الشخص ده ويمكن يكون بيوزع وتشتغل ان شاء الله
    (أنا مستعدة لموضوع التقييم ده اللي عايز يعرف مستواه يبعتلي على الخاص ورقة يكون هو اللي عاملها وانا هقيم مستواه)
    يكون هو اللي كاتبها انا مش بعمل اختبار لشغل بشرط ميكونش اشتغل قبل كدة
    #تمام؟

  5. #5
    تاريخ التسجيل
    Apr 2013
    المشاركات
    5,607
    الدين
    الإسلام
    الجنس
    ذكر
    آخر نشاط
    20-08-2023
    على الساعة
    10:39 PM

    افتراضي

    ازاي أختار الشغل المناسب
    خلاص سمعت كلامك قعدت شهرين على الجروب اشوف نفس الناس اللي بتوزع هي هياها نفس الخناقات اشوف بوستاتك اللي ملهاش لازمة، مفيش حاجة اتغيرت واتعلمت وبقيت شاطر في الوورد واسد يعني في أي شغل، أعمل ايه تاني يا أستاذة؟؟؟؟؟؟؟؟؟
    هقولك بقى تعمل ايه يا سيدي
    هتبدأ بقى تاخد شغل من الناس اللي بتوزع دي على شرط يكون سعرها مناسب وسعرها مناسب دي شيء نسبي هنتكلم فيه بعدين مش موضوعنا
    المهم دلوقت لما تاخد شغل ميبقاش مستعجل بمعنى انك لما تاخذ شغل تبقى عارف انك هتخلصه وبرضه دي مسألة نسبية يعني مثلا أنا عندي أخذ لحد 150 ورقة لكن يعدي 24 ساعة واخلصهم مفيش مشكلة لكن تيجي تقولي اكتبي ورقة واحدة لبعد ساعة أقولك لأ.
    واحد تاني يناسبه جدا الشغل المستعجل ده جدا
    لو انت مش متفرغ تماما لشغل التايبنج بلاش مستعجل
    لو انتي أم وعندك ولاد صغيرين بلاش مستعجل
    لو معندكش لاب بطاريته كويسة تسد معاك لو قطعت الكهرباء بلاش مستعجل
    لو معندكش فلاشة نت للطوارئ بلاش مستعجل
    متقولش الشغل على أد فلوسه لأ حضرتك دي مش في شغلنا أدام قبلت الشغل ارضي ضميرك
    مش عاجبك محدش ضربك على ايدك تستلم
    هتبدأ بقى يا فندم تسوق لنفسك في المجال
    طب ازاي بقى اسوق لنفسي
    لأ انتظرني بقى المنشور اللي جاي...
    رد على سؤال جاني على الخاص (انتي ليه بتعملي كدة دي عصارة سنين ليه تديها للناس ع الجاهز هتستفيدي ايه شكلك بتعملي لنفسك شو)
    إجابتي
    لأ حضرتك أنا مش بعمل لنفسي شو أنا معروفة الحمد لله جدا ومش محتاجة اعرف نفسي للناس ولا حاجة
    وبعدين محدش هياخد رزقي هو رزقي مكتوب ومش هيروح لغيري كوني بقى اعلم غيري لأني كنت من كام سنة في نفس الموقف وكنت بتمنى بس حد من الكبار يرد عليه فبدل ما برد على الناس كل واحد لوحده على الخاص وفي ناس مش بتسأل قلت اعرفهم هنا لعل حد يستفيد إن شاء الله ولو طلبوا ابطل هبطل حاضر)

  6. #6
    تاريخ التسجيل
    Apr 2013
    المشاركات
    5,607
    الدين
    الإسلام
    الجنس
    ذكر
    آخر نشاط
    20-08-2023
    على الساعة
    10:39 PM

    افتراضي

    ازاي أسوق لنفسي.. ازاي أجيب شغل
    يا معشر التايبنج
    اتنشن بليز
    البوست دا مهم
    #جدا
    ازاي اسوق لنفسي... ازاي اجيب شعل
    الاول لازم يكون عندك يقين ان الرازق الوحيد هو الله ومفيش انسان هيرزقك ولا هيحوش عنك رزق كل اللي علينا السعي بس.
    هنتكلم عن 3مراحل هيتعملوا بالتدريج ممكن مش تمر غير بمرحلة واحدة او اتنين كله على ربنا
    اول مرحلة.... مرحلة الموزعين... بتعمل حصر للموزعين.... وطبعا سبق وعملت ليهم بوست والناس اتكلمت عن احسن موزعين.. هتجيب الاسامي دي وتبعت لكل الناس دي رسالة مضمونها اسمك وخبراتك وانه لما يكون معاه شغل يبلغك... واظن البوست كان شامل كتابة وصياغة وتفريغ.
    وممكن مش تحتاج غير المرحلة دي ويكون افضل الاستقرار حلو برضه
    تاني مرحلة بعد ما تكون فهمت تنسيق كويس.. مرحلة اساتذة الجامعة والمشايخ والكتاب والصحفيين وعلى اكونتات معظمنا ناس منهم كتير وتكرر نفس اللي عملته في المرحلة الاولى...
    المرحلة التالتة... مرحلة مكاتب الصف والتنسيق ودور النشر ... وطبعا لازم ع الاقل تكون عرفت تنسق كتب كويس وتكرر نفس اللي حصل المرحلتين الاولى والتانية
    في اكتر من رسالة جات لي من ناس جديدة اتنصب عليها في مبالغ صغيرة... مع اني قلت قبل كدة اوعى تشتغل مع حد متعرفوش
    يا جماعة الناس اللي بتظهر قليل توزع ورقتين و10و500دول مش موزعين غالبا دول ناس اخدوا شغل ملحقوش يخلصوه بس يعني في كل الاحوال العملية مش هتجيب همها
    الناس اللي مبعتتش للناس دي فلوسها عارفين نفسهم لو فلوس الناس موصلتش انا هعمل بلاك ليست فيها اساميكم لأن جات لي رسايل كتير بتشتكي من ناس كتير مش معروفة وساعتها ضحاياكم كلها هتظهر

  7. #7
    تاريخ التسجيل
    Apr 2013
    المشاركات
    5,607
    الدين
    الإسلام
    الجنس
    ذكر
    آخر نشاط
    20-08-2023
    على الساعة
    10:39 PM

    افتراضي

    التعامل مع الموزعين والعملاء
    السلام عليكم
    اتمنى تكون منشوراتي بتفيدكم ومش تكون رغي ع الفاضي
    كان المفروض أتكلم عن التعامل ع الموزعين والعملاء لكن قلت أتكلم في كذا نقطة بتسأل فيهم في التعليقات أو ع الخاص.
    أول نقطة: الدنيا هنا مش غامقة يا جماعة ولا حاجة في شغل بس مش بيعلنوا هنا على العام لأنهم مكتفيين بالناس اللي معاهم أو خايفين حد يتكلم عن الأسعار لكن معظم الموزعين الي ذكروا في بوست التوزيع بيوزعوا فعليا في جروبات خاصة بينهم أو على الخاص عشان كدة قلت لكم ابعتوا ليهم رسايل وكلهم أحسبهم على خير ناس كويسة.
    تاني نقطة: الناس مهتمة أول بشغل دكاترة الجامعة هو حلو بس مش واو يعني هو كويس في انه بحث بيتنسق في ساعتين والورقة بجنيه زي الفل لكن فيهم عيوب في شغلهم ممكن تجيبلك انهيار عصبي وانت قاعد مكانك أولا في وسوسة زايدة في شغلهم أه احنا كتايبست المفروض نتسم بالأمانة دا امر بديهي وهما كمان دا تعبهم سنين لكن بيكونوا مسجلينه يعني لكن لما يبقى واحد كل دقيقة يقولك شغلي أمانة مش عايز يشوفه انت تشك في نفس أساسا غير انهم مترددين جدا يعني بعد ما تعمل فهارس وتظبط الدنيا يغيروا كل حاجة في لحظة يزودوا وينقصوا فلازم تبقى معاهم على نور في الأول ان أي تغيير بحسابه
    ثالث نقطة ودي اهم نقطة: السادة اشباه الموزعين اللي بيوزعوا شغل على الناس الجديدة نوعا في الجروب ومش بيحاسبوهم، انتوا كدة خلاص بقيتوا كويسين يعني انتوا بقيتوا نكرة للأسف ولا عمركم هتبقوا موزعين هتقضوا طول عمرهم كدة ولا حاجة في الظل ولا محصلين موزعين ولا محصلين تايبست طول عمركم السرقة من أكونت لأكونت تمصوا دم الناس الغلابة. يا جماعة أنا جاني الأسبوع ده أكتر من 10 رسايل سرقة من ناس جديدة أه مبالغ صغيرة بس دول ناس جديدة يعني قعدوا يكتبوا في الشغل ده يوم ولا يومين وكمان مستعجل وأنا بقول اهو للناس اللي اتنصب عليهم انشروا ومش تخافوا هما اجبن مما تتخيلوا اكشفوهم لا يضيع حق وراءه مطالب
    اتقوا الله... اتقوا الله... اتقوا الله... هتروحوا من ربنا فين

  8. #8
    تاريخ التسجيل
    Apr 2013
    المشاركات
    5,607
    الدين
    الإسلام
    الجنس
    ذكر
    آخر نشاط
    20-08-2023
    على الساعة
    10:39 PM

    افتراضي

    برامج تهم التايبست

    يمكنك تحميل هذه البرامج من خلال الدخول لهذا الرابط

    اضغط هنا


  9. #9
    تاريخ التسجيل
    Apr 2013
    المشاركات
    5,607
    الدين
    الإسلام
    الجنس
    ذكر
    آخر نشاط
    20-08-2023
    على الساعة
    10:39 PM

    افتراضي

    نصيحة للتايبست المبتدئين والمحترفين
    إخواني التايبست المحترمين والمحترفين
    السلام عليكم
    نصيحة من أختكم اللي لسة بتتعلم التايبنج
    اشتغلوا بالأنماط لو سمحتم
    هتوفر معاكم في الوقت لو بتكتب بس 20%
    لو تنسق بس هتوفر معاك 40% (هي الأساس في التنسيق)
    لو بتكتب وتنسق يبقى انت اختصرت خطوتين في خطوة واحدة
    دعوة للشغل بالأنماط styles
    (ملحوظة: محدش يقولي عايز شغل. أنا مش بوزع) (محدش يقولي علميني لأني معايا مجموعة بعلمها ولما اخلصها ابقى اخد غيرها)
    #اتعلموا_الأنماط

نصائح للتايبست

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

المواضيع المتشابهه

  1. نصائح لكل الفتيات .......
    بواسطة ronya في المنتدى منتديات المسلمة
    مشاركات: 26
    آخر مشاركة: 15-10-2012, 11:57 AM
  2. مشاركات: 1
    آخر مشاركة: 16-06-2011, 09:50 PM
  3. نصائح
    بواسطة مريم في المنتدى قسم العناية بالبشرة والصحة والجمال
    مشاركات: 1
    آخر مشاركة: 04-06-2011, 06:15 PM
  4. نصائح طهاة العالم ، نصائح الطهاة ، نصائح للمطبخ أهم النصائح للمطبخ ، نصائح
    بواسطة ســاره في المنتدى منتدى التجارب والأشغال اليدوية
    مشاركات: 0
    آخر مشاركة: 27-02-2010, 02:00 AM
  5. نصائح ابن حزم
    بواسطة om miral في المنتدى المنتدى العام
    مشاركات: 0
    آخر مشاركة: 04-01-2010, 02:09 PM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

نصائح للتايبست

نصائح للتايبست