درس الأحد خروف الفصح

آخـــر الـــمـــشـــاركــــات


مـواقـع شـقــيـقـة
شبكة الفرقان الإسلامية شبكة سبيل الإسلام شبكة كلمة سواء الدعوية منتديات حراس العقيدة
البشارة الإسلامية منتديات طريق الإيمان منتدى التوحيد مكتبة المهتدون
موقع الشيخ احمد ديدات تليفزيون الحقيقة شبكة برسوميات شبكة المسيح كلمة الله
غرفة الحوار الإسلامي المسيحي مكافح الشبهات شبكة الحقيقة الإسلامية موقع بشارة المسيح
شبكة البهائية فى الميزان شبكة الأحمدية فى الميزان مركز براهين شبكة ضد الإلحاد

يرجى عدم تناول موضوعات سياسية حتى لا تتعرض العضوية للحظر

 

       

         

 

    

 

 

    

 

درس الأحد خروف الفصح

النتائج 1 إلى 4 من 4

الموضوع: درس الأحد خروف الفصح

  1. #1
    الصورة الرمزية showman
    showman غير متواجد حالياً عضو مميز
    تاريخ التسجيل
    Jan 2007
    المشاركات
    573
    الدين
    الإسلام
    آخر نشاط
    14-10-2016
    على الساعة
    09:05 PM

    افتراضي درس الأحد خروف الفصح

    درس الأحد
    الخروف المشوى
    الواعظ الأب نفتالين
    سعيده عليكم
    التلاميذ
    سعيده عليكم يابونا
    الأب نفتالين
    أنا الأب نفتالين ووعظتنا النهاردة عن لاهوت وناسوت السيد المسيح ولازم نفرق هنا بين اللاهوت والناسوت من حيث عمل كل منهم يعنى مثلاً الناسوت هو إللى كان بينام وياكل ويبوس ويشرب الخمرة ولذلك السيد المسيح قالوا عليه شريب خمر مش كده ياولاد ؟
    حد يدينى مثال عن نوم الناسوت
    ماتيلدا
    لما نام فى السفينه
    الأب نفتالين
    برافو
    حد تانى يدينى مثال لما أكل
    بلحة
    الأمثلة كتيرعن أكله السمك وكسره الخبز
    الأب نفتالين
    حد يعرف السيد المسيح كسر الخبز كام مرة ووزع على تلاميذه ؟
    يالا شدوا حيلكوا وفكروا
    التلاميذ
    سكوت
    الأب نفتالين
    بلاش دى
    طيب أخر مرة السيد المسيح كسر فيها الخبز ووزع على تلاميذه كانت إمتى وفين ؟
    مايكل
    كان فى الفصح لما كانوا مجتمعين عند فلان
    إللى أعد لهم الخروف المشوى مع بطرس ويوحنا
    الأب نفتالين
    برافو
    مايكل
    مع إن يوحنا ماجبش سيرة للحكاية دى فى انجيله ولا حتى جاب سيرة الخروف المشوى مع إنهم بيقولوا إنه أعد الفصح هو وبطرس وفلان
    الأب نفتالين
    بس ذكره فى الرؤيا بتاعته
    وعلى فكرة فلان ده مش إسم واحد يعنى مش واحد إسمه فلان علشان مفيش حد يقول هو فيه حد إسمه فلان أو حد تانى يقول إن السيد المسيح كان ناسى إسمه وقال عنه فلان ، لأ ده المسئلة إن الراجل فلان ده إللى عمل الفصح قدم العمل ده كرجل محسن ورفض يبوح بإسمه وطلب إن إسمه يكون مخفى
    مايكل
    إزاى بقى لما هو عمل الفصح وكان معاه بطرس ويوحنا
    مينا
    هو الخروف فى الرؤيا كان مشوى ؟
    الأب نفتالين
    لو سمحت مفيش حد طلب منك إنك تعلق
    مايكل
    مش الكلام ده لو بصحيح كان يوحنا ذكره فى الانجيل بتاعه ؟
    الأب نفتالين
    طيب ياولاد حد يقوللى السيد المسيح لما كسر الخبز ووزع على تلاميذه قال لهم إيه ؟
    نبيه
    البشيىر متى قال وفيما هم ياكلون اخذ يسوع الخبزوبارك وكسر واعطى التلاميذ وقال خذوا كلوا هذا هو جسدي
    والبشير لوقا قال لأ ده قبل ماياكلوا
    اخذ خبزا وشكروكسرواعطاهم قائلا هذا هو جسدي
    الذي يبذل عنكم اصنعوا هذا لذكري ولم يقل كلوا جسدى
    الأب نفتالين
    إومال كان بيكسر الخبز ويوزع عليهم ليه ؟
    علشان ياكلوه ولا يحلفوا عليه ؟
    نبيه
    هو كان قدامهم إيه ؟
    الأب نفتالين
    مش فاهم ؟
    نبيه
    مش كان قدامهم خروف مشوى والسيد المسيح كسر الخبز ووزعه عليهم ؟
    الأب نفتالين
    أيوه كان قدامهم خروف مشوى
    نبيه
    والسيد المسيح كسر الخبز ووزع على تلاميذه ليه ؟
    الأب نفتالين
    ولو إنى مش فاهم حاجة بس حاامشى معاك
    هو كسر الخبز ووزع عليهم علشان ياكلوا الخروف المشوى
    نبيه
    مايمكن لما قال هذا هو جسدى كان قصده على الخروف المشوى
    الأب نفتالين
    خلينى معاك وحاافرض إن قصده كان على الخروف
    طيب يوحنا مش شافه فى الرؤيا على هيئة خروف ؟
    نبيه
    حيث كده العملية حتتغير
    الأب نفتالين
    عملية إيه إللى حتتغير ؟
    نبيه
    الافخارستيا
    الأب نفتالين
    حتتغير فى إيه ؟
    إحنا مش بنقول إن الخبز بيرمز لجسد الرب وإن الرب بينزل يحل فى الفطيرة ؟
    إنتَ بتقصد إيه أنا مش فاهم حاجة ؟
    نبيه
    إحنا فى التناول بناكل إيه ؟
    نجفة
    بناكل القربانة
    نبيه
    والقربانة دى عبارة عن إيه ؟
    نجفة
    عن حتة من الفطيرة إللى الرب جواها
    الأب نفتالين
    إسكتى إنتِ وخلينى أنا إللى أرد عليه
    أيوه ياحبيبى أنا معاك عاوز تقول إيه ؟
    نبيه
    لوالسيد المسيح كان بيقصد بالخبز جسده غير لو كان السيد المسيح بيقصد بيه الخروف المشوى
    الأب نفتالين
    يابنى إنت سيحت نافوخى مش فاهم منك حاجة
    نبيه
    يابونا أنا باقول لحضرتك إن السيد المسيح لما كسر الخبز ووزع على التلاميذ لو كان بيقصد بالخبز إنه جسده والتلاميذ أكلوا جسده بالفعل يبقى خلاص
    الأب نفتالين
    خلاص إيه ؟
    نبيه
    يعنى التلاميذ أكلوه وخلاص
    الأب نفتالين
    برضو مش فاهم
    نبيه
    هو قال لمين كلوا جسدى ؟
    نجفة
    قال للتلاميذ
    نبيه
    بس يا نجفة لو سمحتى وسيبى أبونا هو إللى يرد
    الأب نفتالين
    ماهى ردت عليك
    نبيه
    أنا عاوز حضرتك إنت إللى ترد
    الأب نفتالين
    يابنى نشفت ريقى إعمل معروف عاوز تقول إيه
    نبيه
    السيد المسيح قال لمين خذوا كلوا هذا هو جسدي ؟
    الأب نفتالين
    ياسيدى قال لتلاميذه
    خلاص إرتحت ؟
    نبيه
    يبقى خلاص
    الأب نفتالين
    خلاص إيه يازفت الطين ؟
    نبيه
    هو قال لنا ولا قال لتلاميذه ؟
    الأب نفتالين
    ياسلام
    نبيه
    ماهو لو الكلام موجه لتلاميذه بس وده إللى حصل يبقوا أكلوه وانتهى خلاص
    الأب نفتالين
    إنت مشوفتش مكتوب إيه فى لوقا هو مش قال إصنعوا هذا لذكرى
    نبيه
    ده يبقى صحيح لو كان بيقصد بالجسد الخروف المشوى واجتماعهم مع بعض وقت الكل ودى تبقى مناسبة يتذكروا فيها المسيح كل عيد فصح
    نجفة
    اصنعوا هذا لذكرى معناها إننا فى عيد الفصح نجيب خروف مشوى والناس تقعد تاكل الخروف المشوى وتتذكر جسد السيد المسيح مش كده ولا إيه ياجماعة ولا انا غلطانه ؟
    وجيه
    أيوه المسيح كان قصده على الخروف المشوى مش الخبز لأن الخبز بناكله كل يوم والخروف المشوى بيكون فى عيد الفصح بس يعنى كل سنه وتبقى ذكرى سنوية
    نبيه
    ولا جاب سيرة فطيرة ولا قال إنه حيحل فيها ولا قال إن ده يبقى فى الكنيسة
    الأب نفتالين
    طيب ياسيد الحمير ياحمار لو كان بيقصد الخروف وقال هذا هو جسدى
    إزاى بقى الخروف حينزل ويتجسد فى الفطيرة ؟
    نجفة
    معلش يا نبيه أصل لما بيتزنقوا بيشتموا
    نبيه
    وهو المسيح قال إنه حينزل ويحل فى الفطيرة أو الخبز ؟
    هاتلى تصريح على لسان السيد المسيح بيقول فيه
    أنا حانزل وأحل فى الفطيرة أو حاانزل وأحل فى الخبز
    الأب نفتالين
    يعنى إنت غبى ومش فاهم وضيعتلنا نص الوعظة
    نبيه
    طيب أنا أأقطع دراعى لو مكانش المسيح بيقصد الخروف المشوى إللى حياكلوه لأن يوحنا شافه خروف فى الرؤيا ويوحنا المعمدان قال إنه حمل الله
    ده لو المسيح بيقصد بالخبز جسده
    مش حنحتاج نروح الكنيسة خالص لاننا بناكل خبزعلطول فى البيت وفى الشارع وفى المدرسة ومش معقول لو ماما عملالى سندوتش علشان اخده معايا فى المدرسة ان المسيح ينزل فى السندوتش
    مايكل
    ياسلام لو مامتك جابت الخبز وعملتلك سندوتش ملوخية والمسيح نزل وحل فى السندوتش وتبقى ملوخية باللحمة
    مينا
    ده لو السيد المسيح بيقصد إن الخبز هو جسده يبقى كل لقمة نمسكها يطلعلنا فيها مسيح
    نبيه
    مهو علشان كده باقول ان المسيح كسر الخبز ووزع على تلاميذه وقال خذوا كلوا جسدى وهو بيشاور على الخروف المشوى
    الأب نفتالين
    ياعم الحميركلها إحنا مش فى الكنيسة بنبخّر سبع دورات بخور ونرتل
    علشان المسيح ينزل ويحل فى الفطيرة
    حد يرد على الواد ياجماعة أنا خلاص قرفت
    نبيه
    إيش جاب الفطيرة للخبز ؟
    الأب نفتالين
    يابنى الخبز إيه والفطيرة إيه ماهم واحد
    مايكل
    أبونا قصده واحد فى الجوهر
    الأب نفتالين
    مش عاوزين تهريج
    نبيه
    الفطير بيضيفوا على الدقيق زيت أو سمن والخبز بيضيفوا للدقيق ماء فقط
    يبقى فيه فرق ولا لأ
    يعنى لو فرضاً مثلاً زى ما بتقولوا إن المسيح لما ضربوه بالحربة خرج ماء ودم
    وفرضاً فرضاً لو قلنا إن الدم إللى خرج من جنبه خلتوه نبيذ فى الكاس
    والماء أخدتوه وعجنتوا بيه الخبز
    طيب جبتوا منين الزيت إللى عجنتوا بيه الفطيرة
    هو المسيح خرج من جنبه دم وماء ولا دم وزيت ؟
    مايكل
    لما ضافوا الزيت بدل الميا غيروا فى الخلطة
    نجفة
    ماهو نبيه عنده حق يابونا السيد المسيح كسر خبز
    ما كسرش فطير وطلب من تلاميذه بس ماطلبش مننا كمان ماقالش اعملوا فطيرة فى الكنيسة وبخروا ورتلوا وزمروا وأنا حاأنزل فيها
    الأب نفتالين
    زمروا
    نجفة
    قصدى يقروا مزامير
    الأب نفتالين
    أنا إللى جبت لنفسى تعب القلب
    نبيه
    تعرفوا ياجماعة هما غيروا الخبز وخلوه فطيرة ليه ؟
    علشان لوكان خبز العالم كله بياكل خبز طول اليوم يعنى مثلاً كل ثانية بيتاكل كام رغيف على مستوى العالم حيكون ملاين فى الثانية الواحدة إومال على مستوى اليوم حيكون كام ؟ طيب المسيح لو نزل وحل فى كل رغيف خبز يبقى حينزل من فوق كام مرة ؟ فلقوا إن ده حيبقى مستحيل
    ومش معقول فخلوها فطيرة بدل الخبز وتتعمل فى الكنيسة والمسيح ينزل يحل فيها ، بس زى أنا ما قلت المسيح كان بيقصد بجسده الخروف مش الخبز وعلشان تصدقوا ياجماعة إن كلامى صح هما بيسموا الفطيرة فى الكنيسة الحمل يعنى الخروف ، عرفت بقى يابونا إن الخروف هو المقصود مش الخبز ؟
    الأب نفتالين
    طيب لما مسك الكاس وقال هذا دمى ؟ حلوها إنتوا بقى
    نبيه
    هى الكاس كان فيها إيه ؟
    الأب نفتالين
    كان فيها نبيذ ياغلباوى
    نبيه
    كام واحد بيشرب نبيذ متعدش ده حتى فى الخمارات ولو تحسب كام واحد فى العالم بيشرب نبيذ فى الثانية الواحدة حتلاقيهم بالملاين طيب فى اليوم يبقوا كام واحد
    وبعدين المسيح لم يكن صلب بعد
    طيب ده كلام يخش العقل ؟
    الأب نفتالين
    خلونا دلوقت فى موضوع اللآهوت والناسوت وعمل كل منهم وقولنا إن الأكل والنوم وشرب الخمر والبوس ومصاحبة الحريم زى مريم ومرثا ويونا ومريم أم يعقوب هى من أعمال الناسوت
    حد يدينى مثال تانى عن عمل ناسوت السيد المسيح
    وجيه
    ركوب الأتان والجحش
    نجفة
    بخصوص الأتان والجحش كنت عاوزة أعرف إزاااى
    الأب نفتالين
    أنا عارف إنتِ عاوزة تقوللى إيه
    بصوا ياولاد أنا شايف من وجهة نظرى إن مفيش إنسان يقدر يركب أتان وجحش مع بعض مهما كان حتى لو كان بيمشى على السلك وعليه فالناسوت مايقدرش يعمل ده
    وعلشان كده ومن وجهة نظرأبوكم نفتالين باقول إن لاهوت السيد المسيح هو إللى ركب الأتان والجحش مع بعض وخلوا بالكوا إن ده حيحل مشكلة كبيرة لأن المسلمين عملاينها شبهة وبيقولوا إزاى يركب الأتان والجحش الأتنين مع بعض ولم يقتنعوا بتفسير البابا لما قال كان بيغير عليهم يعنى بيركبهم بالتناوب إنما لما أأقول إن لاهوت السيد المسيح هو إللى ركب على الأتنين المسلمين مش حيقدروا يتكلموا لأن لاهوت السيد المسيح ممكن يعمل أى حاجة
    وعلى كده نقدر نقول إن أى عمل بشرى من طبيعة البشرده من عمل الناسوت أما عمل اللاهوت فهى الأعمال الخارقة التى لا يستطيع البشر فعلها زى إبراء الأبرص والأكمه والمجنون والمشلول وعمل عينين للأعمى وتكثير السمك وإحياء الموتى وركوب الأتان والجحش مع بعض
    نبيه
    إنتوا مش بتقولوا إن اللاهوت لم يفارق الناسوت طرفة عين بمعنى إن اللاهوت مشترك مع الناسوت فى كل الأعمال ؟
    الأب نفتالين
    أيوه بس فيه نقطة مهمة لازم ناخد بالنا منها
    نبيه
    إللى هى إيه ؟
    نتابع بمشيئة الله تعالى


  2. #2
    الصورة الرمزية alimontasar
    alimontasar غير متواجد حالياً عضو جديد
    تاريخ التسجيل
    Oct 2015
    المشاركات
    26
    الدين
    الإسلام
    الجنس
    ذكر
    آخر نشاط
    05-08-2016
    على الساعة
    10:26 PM

    افتراضي

    تسجيل متابعة أخي الكريم

  3. #3
    الصورة الرمزية showman
    showman غير متواجد حالياً عضو مميز
    تاريخ التسجيل
    Jan 2007
    المشاركات
    573
    الدين
    الإسلام
    آخر نشاط
    14-10-2016
    على الساعة
    09:05 PM

    افتراضي

    اقتباس
    اقتباس المشاركة الأصلية كتبت بواسطة alimontasar مشاهدة المشاركة
    تسجيل متابعة أخي الكريم

    شكراً لمتابعتك أخى الفاضل

  4. #4
    الصورة الرمزية showman
    showman غير متواجد حالياً عضو مميز
    تاريخ التسجيل
    Jan 2007
    المشاركات
    573
    الدين
    الإسلام
    آخر نشاط
    14-10-2016
    على الساعة
    09:05 PM

    افتراضي

    الأب نفتالين
    بص الناسوت واللآهوت موجودين مع بعض ولا يفترقوا عن بعض ولا طرفة عين ورغم كده موجودين مع بعض بدون إمتزاج أو إختلاط يعنى تقدر تقول انهم
    موجودين مع بعض أه بس كل واحد فى حاله لأن ده له عمله وده له عمله وحاديك مثال
    لما كان يسوع نايم فى السفينة والبحر هاج والريح عصفت بالسفينة والناس خافت ودوروا على الرب ولقوه نايم فى آخر السفينة وقعدوا يندهوا عليه علشان يصحى فالناسوت هو إللى كان نايم حتقوللى طيب اللآهوت كان فين فى الوقت ده أأقولك كان موجود لم يفارق الناسوت ولا طرفة عين ولكنه صاحى لأن اللآهوت طبيعى مش بينام
    يعنى يسوع لو قابلته حالة مثلاً محتاجة لعمل بشرى اللاهوت يقول للناسوت إتفضل دى بتاعتك إنت ولو حالة محتاجة لعمل قوات يعنى معجزات الناسوت يقول للاهوت إتفضل دى بتاعتك إنت والحكاية دى حصلت لما واحد حب يزنق المسيح وقال أرنا الله اللاهوت هنا قال للناسوت وسع إنت ورد على السائل وقال أنا والأب واحد
    شنودة
    وعلشان كده بنقول لاهوته لم يفارق ناسوته
    نبيه
    طيب ممكن سؤال ؟
    الأب نفتالين
    عاوز تقول إيه قبل ماتتكلم ؟
    نبيه
    طيب أسئل إزاى
    الأب نفتالين
    بص أنا بشوف التعابير المرسومة على وش الواحد منكم بأفهم منها إذا كان حيقول حاجة خايبة ولا حاجة هامة
    ومن ملامحك كده باين عليك إنك غبى وحتتعبنى معاك زى ماتعبتنا فى موضوع الخروف المشوى
    نبيه
    ماتخافش ده سؤال سهل
    الأب نفتالين
    إذا كان كده معلش
    إتكلم لما اشوف حتقول إيه
    نبيه
    الصراحة هما كام سؤال بس صغننين خالص
    الأب نفتالين
    لما نشوف حيطلعوا صغننين ولا مش صغننين
    نبيه
    انتوا بتقولوا إن المسيح إبن الله الوحيد وقانون الايمان بيقول عنه
    نور من نور، إله حق من إله حق ومساو للأب فى الجوهر
    الأب نفتالين
    غيره غيره الكلام ده حافظينه
    نبيه
    وإله من إله يعنى روح من روح أو لاهوت من لاهوت
    لأنه مساو لله فى الجوهر
    الأب نفتالين
    باقولك الكلام ده عارفينه وحافظينه
    نبيه
    طيب اللاهوت إللى هو عبارة عن روح حينزل يتجسد فى الفطيرة إزاى وناكله إزاى ؟
    ولا الناسوت بس إللى بينزل يتجسد فى الفطيرة ؟
    الأب نفتالين
    الظاهر الغباء متأصل فى عيلتكم
    ياسيد الحمير بيتجسد بناسوته ولاهوته إومال حنخلص إزاى ؟ وإيه فايدة ناسوته بدون لاهوته
    نبيه
    يعنى لما بنتناول بنتناول الناسوت واللاهوت مع بعض ؟
    الأب نفتالين
    أيوه يا مغفل
    نبيه
    مابلاش شتيمة اومال
    الأب نفتالين
    علشان تفهم
    نبيه
    طيب حنتناول اللاهوت إزاى والمسيح قال لتلاميذه لما ظهر لهم فى العليه وجزعوا وخافوا عند رؤيته انظروا فان الروح ليس له لحم و عظام
    الأب نفتالين
    قولولى أعمل إيه مع الواد ده ؟
    نجفة
    ترد عليه من غير شتيمة
    ولا لما بتتزنقوا تشتموا
    الأب نفتالين
    خلصت كلامك ؟
    نبيه
    لسه فيه سؤال صغنن
    الأب نفتالين
    إوعى يكون سؤال صغنن زى السؤال إللى سئلته دلوقت
    نبيه
    بيقولوا إن يسوع هو إبن الله وهو عقل الله الناطق
    الأب نفتالين
    أيوه هوعقل الله الناطق أو نطق الله العاقل زى ماقال البابا
    نبيه
    السؤال هو
    الأب نفتالين
    هو أنا فى امتحان يابنى ؟
    نبيه
    حلمك عليا
    الأب نفتالين
    عندما تجسدت الكلمة أوعقل الله الناطق أو نطق الله العاقل فى العدرا وظل فى بطنها مدة الحمل ثم ولدته حتى بلغ عمره ثلاثين عاما ثم كرز لمدة ثلاث سنوات
    هل فى خلال الفترة الزمنية التى هى ثلاثة وثلاثون سنة وتسعة أشهر ظل الأب بدون عقل وبدون نطق طوال هذه المدة ؟
    الأب نفتالين
    لأ إنت زودتها أوى ومش زودتها وبس ده انت أفسدت على زمايلك الوعظة
    أنا ماشى علشان تستريح
    وآخر دعوانا
    ان الحمد لله رب العالمين
    لا شريك له
    التعديل الأخير تم بواسطة showman ; 25-11-2015 الساعة 07:54 PM

درس الأحد خروف الفصح

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

المواضيع المتشابهه

  1. الأصول الوثنية للمسيحية : أرنب الفصح
    بواسطة *اسلامي عزي* في المنتدى منتدى نصرانيات
    مشاركات: 7
    آخر مشاركة: 14-04-2017, 08:26 AM
  2. درس الأحد خروف وخرفان
    بواسطة showman في المنتدى منتدى نصرانيات
    مشاركات: 6
    آخر مشاركة: 27-09-2012, 01:45 PM
  3. عيد القيامة ويسمى عيد الفصح
    بواسطة ابوغسان في المنتدى منتدى نصرانيات
    مشاركات: 0
    آخر مشاركة: 04-04-2011, 08:23 PM
  4. خروف الفصح هوالمسيح اله النصارى.
    بواسطة ريم الحربي في المنتدى منتدى نصرانيات
    مشاركات: 3
    آخر مشاركة: 11-02-2011, 07:33 AM
  5. كعكة عيد الفصح
    بواسطة مريم في المنتدى مائدة المنتدى
    مشاركات: 0
    آخر مشاركة: 10-04-2010, 02:00 AM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

درس الأحد خروف الفصح

درس الأحد   خروف الفصح