أهبل لو صدقت يوميات عم رمضان

آخـــر الـــمـــشـــاركــــات

قيامة يسوع الإنجيلي من بين الأموات حقيقة أم خيال! ــــ (وقفات تأملية في العهد الجديد) » آخر مشاركة: أبو سندس المغربي | == == | ما معنى كلمة المتعبدين فى العهد الجديد » آخر مشاركة: الاسلام دينى 555 | == == | الجزء الثالث من سيرة المصطفى صلى الله عليه وسلم » آخر مشاركة: السعيد شويل | == == | الاخوة الافاضل اسالكم الدعاء » آخر مشاركة: *اسلامي عزي* | == == | لاويين 20 :21 يسقط الهولي بايبل في بحر التناقض !!! » آخر مشاركة: *اسلامي عزي* | == == | صلب المنصر هولي بايبل على أيدي خرفان الزريبة العربية ! » آخر مشاركة: *اسلامي عزي* | == == | ابحاث على الكتاب المقدس قويه جدا مفيده لكل دارس مقارنة اديان » آخر مشاركة: ابا عبد الله السلفي | == == | ابحاث على الكتاب. المقدس قويه جدا مفيده لكل دارس مقارنة اديان وكل باحث عن الحق » آخر مشاركة: ابا عبد الله السلفي | == == | ابحاث على الكتاب المقدس قويه جدا مفيده لكل دارس مقارنة اديان وكل باحث عن الحق » آخر مشاركة: ابا عبد الله السلفي | == == | رد شبهة:نبيُّ يقول : إِنَّ الْمَرْأَةَ تُقْبِلُ فِي صُورَةِ شَيْطَانٍ،وينظر للنساء... » آخر مشاركة: أكرم حسن | == == |

مـواقـع شـقــيـقـة
شبكة الفرقان الإسلامية شبكة سبيل الإسلام شبكة كلمة سواء الدعوية منتديات حراس العقيدة
البشارة الإسلامية منتديات طريق الإيمان منتدى التوحيد مكتبة المهتدون
موقع الشيخ احمد ديدات تليفزيون الحقيقة شبكة برسوميات المرصد الإسلامي لمقاومة التنصير
غرفة الحوار الإسلامي المسيحي مكافح الشبهات شبكة الحقيقة الإسلامية موقع الدعوة الإسلامية
شبكة البهائية فى الميزان شبكة الأحمدية فى الميزان مركز براهين شبكة ضد الإلحاد

يرجى عدم تناول موضوعات سياسية حتى لا تتعرض العضوية للحظر

 

       

         

 

    

 

 

    

 

أهبل لو صدقت يوميات عم رمضان

النتائج 1 إلى 4 من 4

الموضوع: أهبل لو صدقت يوميات عم رمضان

  1. #1
    الصورة الرمزية showman
    showman غير متواجد حالياً عضو مميز
    تاريخ التسجيل
    Jan 2007
    المشاركات
    573
    الدين
    الإسلام
    آخر نشاط
    14-10-2016
    على الساعة
    09:05 PM

    افتراضي أهبل لو صدقت يوميات عم رمضان

    يوميات عم رمضان
    أهبل لو صدقت
    محمد
    صباح الخير ياعم رمضان
    عم رمضان
    صباح النور يا محمد
    خير يابنى فيه حاجة
    محمد
    قلقان ياعم رمضان من ليلة امبارح
    عم رمضان
    قلقان من إيه كفاالله الشر ؟
    محمد
    مش عارف أأقولك إيه بس ياعم رمضان
    عم رمضان
    طيب هَدّىِ نفسك وقوللى حصل إيه ؟
    محمد
    تعالى الأول نقعد هناك تحت الجميزة
    عم رمضان
    تعالى يابنى
    إللى خلاك تسيب زرعك وبهايمك وتيجى لحد عندى يبقى فيه حاجة كبيرة حصلت
    الطف يارب
    قوللى يابنى فيه إيه وقعّتً قلبى
    محمد
    صلى على النبى
    عم رمضان
    اللهم صل على سيدنا النبى
    محمد
    ليلة امبارح بعد ما اتعشينا أنا ومرثا وشربنا الشاى قلتلها مش عارف يا مرثا ضهرى واجعنى ليه مع إنى ما شلتش أى حاجة تقيلة
    قالتلى يمكن أخدت برد
    قلتلها من صباحية ربنا وانا مش قادر أصلب طولى
    قالتلى ناديت على أبو حربة ؟
    قلتلها ناديت عليه قاللى مش قادرأجيلك أنا كمان ضهرى واجعنى من ركوب الحصان
    قالتلى إنت بتهرأ ياتادرس
    قلتلها يامرثا هو فيه حد فاضى لحد اليومين دول
    الراجل كتر خيره مشاغله كتير حيلاحق على مين ولآ مين
    قالتلى خلاص نادى على ابوسيفين هو كمان سريع الندهة زى أبو حربة
    قلتلها بصراحة مش عارف هوتخصصه إيه ؟ وليه فى وجع الضهر ولا لأ
    قالتلى أبو سيفين بتاع ضهر وبطن وراس ومسالك وبواسير وكمان شاطر فى الدمامل والخراريج وبيوقّف النزيف وبيجيب التايهه
    وبعدين سريع الندهة ما بيهنش عليه حد من ولاده يقع فى ضِيقه ، دول بيقولوا ان خوخه بنت خالتى لما جت تولد وجالها الطلق والعيل مش عاوز ينزل خالتى نادت على أبو سيفين
    وقالت إلحقنا يا سريع الندهة بنتك فى خطر ويادوب خلصت الكلمة من هنا وراح دراع العيل خارج من هنا ولقوه ماسك فى إيده صورة أبو سيفين وبعد كده خرجت راسه ، ساعتها كل إللى كانوا حواليها قالوا بركاتك تكون معانا ياابو سيفين أمين
    والواد عسليه إبن خالى كان ميح خالص فى الفرنساوى
    قلتلها مين عسليه ده ؟ قالتلى مولكا إبن خالى ناعوم السايح إنت مش عارفه
    قلتلها عارفه يا ستى بس ماكنتش أعرف حكاية عسلية دى
    قالتلى أصل زمايله بينادوه بعسليه بدل مولكا
    قلتلها ماله بقى عسليه
    قالتلى حصلت معاه معجزة كبيرة
    قلتلها إزاى يعنى ؟
    قالتلى مانا باقولك إنه كان ميح خالص فى الفرنساوى
    والحمارأشطر منه ولما جه يمتحن وجتله ورقة الأسئلة مكانش عارف حتى يقراها وفاتت نص ساعة وورقة الاجابة لسه بيضا قدامه زى ما هى ماكتبش فيها حرف واحد وماحدش من زمايله رضى يغششه
    وخلاص إتأكد إنه ساقط ساقط
    وأخرما غلب قال لما أجرب أبو سيفين وقام منادى عليه وقال إلحقنى ياابوسفين إبنك حيسقط يا سريع الندهه وحتحصل مشكلة كبيرة ومش حيرضيك إن بابا ياكلنى علقة ويطردنى من البيت وثوانى ولقى صوت بيكلمه وبيقوله أنا أبو سيفين يا عسليه ما تخافش أنا جايلك مخفى علشان مفيش حد يشوفنى غيرك
    كلامك جابنى على ملا وشى ياحبيبى
    قوم انت وانا حااحل الاسئلة بدالك
    الواد عسليه قام من على الكرسى وأبوسيفين قعد مكانه وقعد يحل الأسئلة وبيقولوا إن المراقب لما شاف عسليه واقف سئله انت واقف ليه ؟ عسليه قال أنا بأفك رجليا علشان نملت من القعدة المراقب قال للواد عسليه أأقعد مكانك ممنوع الوقوف أبو سيفين لما سمع كده قال لعسليه تعالى ياعسليه أأقعد على حجرى وامسك القلم منظر بس قدام المراقب
    ساعة ما مرثا قالت ان أبو سيفين قال تعالى ياعسليه أأقعد على حجرى أنا قلت فى نفسى إللى فيه داء ما بيسلهوش حتى وهو ميت
    عم رمضان
    هههه
    هم يضحك وهم يبكى
    وبعدين
    محمد
    قلت لمرثا وإبن خالك عمل إيه ؟
    قالتلى الواد عسليه بيقول إنه لما قعد على حجرأبوسيفين شعرلأول مرة فى حياته براحة غريبة وإنبسط جداً جداً وكان حيطير من الفرح ومسك القلم مجرد منظر بس قدام المراقب زى ماقال أبوسيفين وأبو سيفين هو إللى كان بيحل فى الورقة وبعد ما أبو سيفين خلص قال لعسليه إنبسطت ياعسليه أدينى جاوبتلك على كل الأسئلة وقام وأخد عسليه بالحضن وباسه من هنا ومن هنا ومن هنا وقال مبارك عليك مقدماً يا عسليه ولما طلعت النتيجة عسليه مكانش مصدق إنه جاب النمرة النهائية
    ومرات خالى لما عرفت الحكاية وان أبوسيفين له فى الامتحانات إتندمت
    وقالت لو كنا نعرف كده من الأول كنا وفرنا فلوس الدروس الخصوصية والملازم إللى مصت دمنا ، والكتب الخارجية والكشاكيل إللى حشت وسطنا ، واجرة المواصلات والسندوتشات والمصاريف رايح جاى إللى كنا بنقطعها من دخلنا
    والتبرعات والرحلات إللى كانت المدرسة بتضحك بيها علينا ووجعت قلبنا ، ده غير صحيَان عسليه من بدرى قبلنا ، وأصحابه إللى كانوا بيجوا يذاكروا معاه ويطفحوا عندنا ، ومكانش عسليه تعب نفسه من الأساس فى المذاكرة وخاب زينا
    يا سلام لو كان الواد عسليه يكلمه على الناسور إللى تاعبنى
    بركاته تكون معانا آمين
    عم رمضان
    لسه بيصدقوا الكلام الفارغ ده ؟
    يعنى مفيش حد منهم بيفتكر ربنا وقت الزنقة أبداً
    محمد
    مفيش حد منهم وقت الضيقه بيقول يارب
    مفيش قدامهم إلآ أبو حربة وأبو سيفين والبابا كيرلس وإلحقينا ياعدرا ودلوقت البابا شنودة دول إللى عليهم الطلب
    عم رمضان
    إيه الاسامى دى أبو حربة وأبو سيفين وأبو منجل
    اومال بيقولوا ليه انهم بتوع سلام وان المسيح ملك السلام
    محمد
    لازم القديس عندهم يكون أبو حاجة
    أبو نفر ، أبو الليف ، أبو سيفين ، أبو طرحه ، أبو حربة
    أبو قسطور ، أبو فانا ، أبو للو ، أبو تربو ، أبو دقن ، أبو طاقية ، أبو شخشيخه ، أبو سطل ، أبو قليطه
    عم رمضان
    لما القديسين عندكوا
    محمد
    عندهم ياعم رمضان
    عم رمضان
    قصدى لما القديسين عندهم
    بيعالجوا ويعملوا عمليات زى العدرا وأبو سيفين ومعجزات الشفاء عندهم ملهاش عدد وكل قديس متخصص فى فرع من فروع الطب ده باطنه وده قلب وده مخ وأعصاب وده عظام وده جلدية وده عيون وده أنف واذن وحنجرة وده مسالك
    اومال اكتر الدكاترة إللى بيتخرجوا من كليات الطب مسيحيين ليه ؟
    طيب لما الدكاترة ملهاش لازمة والقديسين هما إللى بيعالجوا ويعملوا العمليات اومال إيه فايدة كليات الطب إللى بيجروا عليها والصيدليات إللى أغلب أصحابها مسيحيين
    يكنش بيدخلوا كليات الطب علشان يبقوا دكاترة ويعالجوا المسلمين ؟
    محمد
    إنت مصدق ياعم رمضان ان القديسين بيعملوا حاجة
    ماانت عارف المثل إللى بيقول كان مش عارف إيه نفع نفسه
    كل ده أونطه ده المسيحى من دول أول ما بيحس بأى حاجة حتى لو مغصه بيجرى على الدكتور وحكاية المساعدة فى الامتحان دى كدب ومرثا بتكدب وتلاقى إبن خالها إللى اسمه عسليه سقط وبيعيد السنة
    تعرف الصدف إللى بتحصل مع أى واحد منا بيسموها عندهم معجزات القديسين هما إللى بيعملوها
    عم رمضان
    أجيبلك حباية فلدين لضهرك ؟
    محمد
    أنا ما كنتش تعبان ولا حاجة أنا كنت عاوز ألآقى فرصة علشان أروح أصلى العشا
    عم رمضان
    وعملت إيه ؟
    محمد
    قلتلها أنا مش عاوز أتعب حد معايا أنا حاادخل أريح على السريرشوية
    قالتلى طيب عندك الشال الصوف بتاعى إبقى لف بيه وسطك وانا شوية وجايه بعد مااسمع الوعظة بتاعة البابا شنودة علشان ماكملتهاش
    قلتلها بس إبقى وطى التسجيل شوية
    قالتلى حاضر
    سبتها ملخومه فى التسجيل ورحت بسرعة إتوضيت وبعدين دخلت الاوضه وقفلت الباب عليا وصليت العشا وقعدت أدعى لمرثا إن ربنا يهديها
    وبعد ما صليت رقدت على جنبى وصوت التسجيل سامعه بالعافية
    والظاهرإن مرثا جسمها سخن من الكلام إللى بتسمعه لأنها رجعت الشريط من الأول وعلت صوت التسجيل علشان تسمّعنىِ
    عم رمضان
    شريط إيه ده ؟
    محمد
    دى بتبقى وعظات البابا بيقولها كل يوم أربع والكاتدرائية بتطبعها على شرايط كاسيت وتوزعها على الكنايس علشان شعبها
    عم رمضان
    ببلاش ولا بفلوس ؟
    محمد
    بفلوس ياعم رمضان
    هى الكنيسة فى مصر حتطبع مليون شريط أو أكتر على حسابها
    عم رمضان
    ياااه مليون شريط كل اسبوع ؟
    محمد
    وأكتر كمان
    ده جرجس الشماس إبن خالة مرثا بيقول إن الشريط الواحد بيتباع بعشرين جنيه عشرة جنيه للكنيسة قصاد تكلفة الشريط والطبع وعشرة جنيه للبابا تمن الكلام بتاع الوعظة واضرب بقى عشرين جنيه فى مليون شريط واكتر كل يوم أربع الكنيسة بتاخد النص والبابا بياخد النص
    عم رمضان
    هو الميت بياخد حاجة معاه غير الكفن والسدادة يعنى حتة القطن ؟
    ومش عارف الوضع عندهم إيه بيكون فيه سداده ولا بيسيبوها مفتوحة
    محمد
    مش عارف صدقنى بس متهيألى بيسبوها مفتوحة
    بس البابا كان فاكر إنه حيعيش علطول لحد ما يسلم الكنيسة للمسيح لما يجى آخر الزمان
    والشعب كان يقوله إلى نهاية الأعوام يا سيدنا وهو كان مصدق
    عم رمضان
    كانت دامت لغيره
    محمد
    أستغفر الله العظيم كان عامل فيها ربنا
    يمنع ده وياخد من ده ويحرم ده ويشلح ده
    عم رمضان
    مش عيب يشلحّهم ؟
    محمد
    يشلحهم يا عم رمضان مش يشلحّهم يعنى يشيلهم من مناصبهم
    عم رمضان
    متأخذنيش يابنى أنا إفتكرت إنه بيشلحهم ويسيبهم عريانين أستغفر الله العظيم
    إن بعض الظن اثم
    محمد
    ماانت برضو ما غلطتش يا عم رمضان لأنه بيشلحهم من هدومهم يعنى بيقلعوهم اللبس الكهنوتى
    عم رمضان
    إيه بقى يا سيدى كنت قلقان ليه ؟
    محمد
    مرثا عرفت إنى أسلمت
    عم رمضان
    ومين إللى قاللها ؟
    محمد
    أنا
    عم رمضان
    وليه قلتلها دلوقت
    محمد
    كانت لازم تعرف ولقيت الوقت مناسب لما كانت بتسمع الشريط
    بس الدنيا ولعت لما عرفت
    عم رمضان
    طيب بالهوادة وإحكيلى إللى حصل
    يتبع بمشيئة الله


    التعديل الأخير تم بواسطة showman ; 15-11-2015 الساعة 12:12 AM

  2. #2
    الصورة الرمزية showman
    showman غير متواجد حالياً عضو مميز
    تاريخ التسجيل
    Jan 2007
    المشاركات
    573
    الدين
    الإسلام
    آخر نشاط
    14-10-2016
    على الساعة
    09:05 PM

    افتراضي

    محمد
    مرثا كانت مندمجه فى الوعظة ومصدقه البابا وهو قاعد بيضحك عليهم والكلام إللى بيقوله هو الكلام إللى بيقوله كل مرة ويرجع يقول عكسه فى نفس الوقت وهى تسقف بإيديها مع إللى بيسقفوا ولا هى فاهمة حاجة ولا هما فاهمين حاجة بس قاعدين يزغرطوا ويهيصوا وانا بأستعجب من كلامه إللى ما يدخلش العقل
    يا سبحان مغيرالأحوال بقى ده الكلام إللى كنت بأسمعه لما كنت مسيحى وكنت أسقف زيهم وأهيص وانا مش فاهم حاجة ومش بس كده ده انا كنت زى بقية المسيحيين بصدّق معجزات الشفاء لما كان الأسيس فى الكنيسة يقعد يحكيهلنا مع إننا عارفين إنه بيكدب ومفيش ولا حكاية منها حصلت بس علشان إحنا عاوزين نصدق فبنصدق
    مع إننا عارفين إن الكنيسة هى إللى بتألف الحكايات دى
    لزيادة مجد الرب وعلشان مفيش مسيحى يأسلم
    الحمد لله بعد ما أسلمت بقيت دلوقت أفكر بعقلى واقول ده انا أهبل لما كنت بااصدق معجزات الشفاء وإن كل قديس ماسك حتة فى الجسم أومال لازمة الدكاترة إيه ؟ ده الدكاترة أغلبهم مسيحيين والعيادات بتاعتهم ياما وأغلب مرضاهم مسيحيين والصيدليات كمان أغلب أصحابها مسيحيين وأغلب زباينها مسيحيين
    طيب لما القديسين بيشفوا وشغالين عمليات على ودنه طيب ليه المسيحيين بيروحوا للدكاترة ويدخلوا مستشفيات ويدفعوا دم قلبهم مع إن المحتاج عملية منهم ممكن القديس يعملها له بشمعة يولعها ، وليه بيدخلوا ولادهم من الأساس طب وصيدلة مدام مش حيحتاجولهم
    ولا يمكن زى ما بتقول ياعم رمضان هما بيدخلوا كليات الطب علشان يعالجوا بس المسلمين كنوع من المحبة
    طب ماانتوا لو فكرتوا شوية حتفهموا وانت يامغفل ياكبير يا متعلم يابتاع المدارس ياللى عندك ولاد أطبا وفاتحين عيادات مصدق الكلام الفارغ ده وقاعد تسقف ومبسوط على الآخروالدموع نازلة من عينك وانت بتسمع الأسيس وهو بيحكى عن معجزات الشفاء وانت عارف إنه بيكدب
    ده لو المعجزات بصحيح يبقى ولادك عواطليه وكل واحد فيهم ماسك منشا وقاعد يهش الدبان لأن مفيش مريض مسيحى داخل عندهم العيادة
    والبركة فى العدرا وأبو سيفين وشنودة
    عرفت بقى إن كل معجزات الشفاء أونطة ومتفبركة
    طيب إيه الفرق بينك وبين الواد حنتش الجاهل إللى مش متعلم إللى أخد امه وراح الكنيسة فى مصرعلشان أى قديس يعمللها عملية الحصوة
    أنا إكتشفت ياعم رمضان إن المسيحية الديانة الوحيدة إللى كل واحد فيهم بيضحك على التانى والكنيسة بتضحك عليهم وبولس ضحك على الكل
    ده أنا حتى قبل ما أسلم لماكنت مسيحى ماكنتش باأصدق حكاية ظهورات العدرا وإتأكدت أكتر لما المسلمين إكتشفوا الملعوب بتاع البابا شنودة لما اخترع حكاية الظهورات بتاعة العدرا
    عم رمضان
    فى دى عندك حق ومن ساعة ماجه البابا الجديد إللى إسمه تاضروس مابقيناش نسمع عن الحكايات دى
    محمد
    تصدق ياعم رمضان إنه فى مرة من المرات إللى كانوا بيقولوا إن العدرا ظهرت على الكنيسة فى مصر إن مرثا قالتلى ما تيجى ياتادرس ننزل مصر علشان نشوف العدرا
    قلتلها حننزل مصر بالليل والوقت متأخر
    قالتلى وماله إنت مش عاوز تاخد بركة
    قلتلها يا ستى العدرا مش عاوزة تشوفنا
    قالتلى ليه بتقول كدة
    قلتلها لو عاوزة تشوفنا كانت ظهرت على الكنيسة إللى عندنا هنا فى البلد
    قالتلى إنت عاوزها تظهر هنا وتسيب الناس إللى منتظراها فى مصر
    قلتلها لو مش فاضية كانت بعتت الحمار إللى كانت ركباه لما جت مصر وبلاش تبعت يوسف النجار علشان راجل تعبان ولما الحمار يظهرهنا فوق الكنيسة نقول إنها عملالنا خاطر وبعتت حمار العائلة المقدسة علشان يظهر على الكنيسة حدانا
    عم رمضان
    أهى خالتك أم السعد جاية هناك أهى كويس علشان ناكل لقمة مع بعض
    محمد
    بالأمانة سبقتك ياعم رمضان أنا كنت جايب معايا أكل وقبل ما أجيلك أكلت لقمة
    عم رمضان
    زود معايا وإفتح نفسى
    محمد
    صدقنى لو قادر كنت أكلت
    حأفوتك وأروح أشقر على البهايم أحسن تكون سابت وأجيلك تانى
    عم رمضان
    وانا مستنى
    يتبع بمشيئة الله





  3. #3
    الصورة الرمزية showman
    showman غير متواجد حالياً عضو مميز
    تاريخ التسجيل
    Jan 2007
    المشاركات
    573
    الدين
    الإسلام
    آخر نشاط
    14-10-2016
    على الساعة
    09:05 PM

    افتراضي

    عم رمضان
    إطمنت على البهايم
    محمد
    الحمد لله
    هى خالتى أم السعد مشيت ؟
    عم رمضان
    لسه ماشية مش كنت أكلت لقمة معايا ولا مرثا دبحالك بطه
    محمد
    مرثا لو طالت تدبحنى حتدبحنى لولاش رومانى
    عم رمضان
    أنا مش فاهم حاجة
    محمد
    ماهو لولا إنها بتحب رومانى كانت إطربئت على دماغى
    عم رمضان
    برضو مش فاهم حاجة
    وإيه دخل أخوها فى الموضوع ؟
    محمد
    لما عرفت إنى أسلمت قعدت تلطم على وشها وتقوللى تأسلمت ياتادرس تأسلمت ياتادرس
    خنت المسيح ياتادرس خنت المسيح ياتادرس
    هنت عليك تسيبنى وتروح تأسلم
    إلحقنى يارومانى صاحبك خان المسيح وتأسلم
    وراحت تلبس هدومها قلتلها بس إسمعينى قالت سبنى ما تلمسنيش إنت بقيت خاين للمسيح
    قولتلها أنا ماخنتش المسيح بالعكس أنا سمعت كلام المسيح
    هو مش كان بيكرز بالانجيل زى مهو مكتوب عندنا
    كان بيقول إيه وهو بيكرز ؟
    مش كان بيقول توبوا لأنه اقترب ملكوت السموات وملكوت السموات بيقصد بيه الإسلام يعنى إن الإسلام قد إقترب
    حتقولى إنه بيقصد بيه نفسه
    لو بيقصد بيه نفسه كان قال لأنه جاء ملكوت السموات ولكنه قال لأنه اقترب ملكوت السموات
    يعنى الملكوت إللى هو الإسلام إقترب وحيجى بعده وذكر إسم نبى الاسلام مرتين قال إن إسمه احمد وحيجى من بعدى بس اليهود حرفوا فى الانجيل بتاعنا وشالوا الأسم منه ومرة ذكره بإسم المعزى
    قالتلى بقولك سبنى وإلا حاولع فى نفسى
    قولتلها الوقت متأخر وحتروحى فين ومفيش حد دلوقت فى الكنيسة
    قالت أنا رايحة لرومانى وحنروح الكنيسة الصبح نبلغ عنك
    قولتلها طب إيه رأيك إن أخوكِ رومانى أسلم هو كمان
    قالت ياخراب بيتك يامرثا وراحت طابه فى الأرض
    قعدت إفوق فيها لحد مافاقت وقعدت تولول وتقطع فى هدومها وتشد فى شعرها وتقول ده انا عليت صوت التسجيل علشان تسمع وعظة البابا شنودة أتاريك تأسملت وانا مش دريانه أتاريك ضليت وأنا سهاينه إلحقنى يابونا أنا إتصبت فى جوزى واخويا
    قولتلها طب بذمتك يامرثا مصدقه كلام البابا وهو بيقول
    عن المسيح وكان هو في الطريق إلى جثسيماني إلى الجلجثة، فيقول له "أنت الإله الحقيقي وحدك، والفداء الذي أرسلته ابنك للأرض"ويسوع المسيح الذي أرسلته
    عمر المسيح ماقال الكلام ده فى الانجيل ولا جاب سيرة الفداء من أصله
    وقال
    أنت الإله الحقيقي وحدك وأنااللوغس أنا عقلك الناطق ونطقك العاقل، أنا لستُ غريبًا عنك، ولا أنا بعيدًا عنك، ولا منفصلًا عنك أنا كما ورد فيكورنثوس الأولى(1: 23،24) "قوة الله وحكمة الله".. أنت الإله الحقيقي وحدك، وأنا قوتك وحِكمتك وعقلك الناطق وابنك الذي أرسلته للعالم لكي يفديه.. فلست منفصلًا عنك ولا غريبًا عنك، أنت الإله الحقيقي وحدك
    بذمتك المسيح قال الكلام ده ولا البابا شنوده إللى قاله وبيستشهد بكلام بولس وبولس ده إللى أضل أتباع المسيح وخلاهم يشركوا بالله لإنه يهودى متمسك بيهوديته وتظاهر إنه من أتباع المسيح علشان يضل أتباعه وتلاميذ المسيح كانوا بيحاربوه ، عمر المسيح ماقال أنا اللوغس أنا عقلك الناطق ونطقك العاقل ولا قال الكلام ده خالص ده واحد غير عاقل إللى بيقول كده
    وقال أن كلمة "وحدك" هذه قد تأمل فيها لقديس امبروسيوس بطريقة عجيبة جدًا وقال: "ليست في كل مرة تُقال فيها كلمة "وحدك"يُقصَد الآب وحدة منفصلًا عن الابن أبدًا". فمثلًا إذا قُلنا أن الله هو وحده الخالِق، فهل هو وحده بدون الابن؟! الابن الذي قيل عنه في كولوسي (1:16) "أنه خُلِقَ به الكل، وله قد خُلِقَ"، والذي قيل عنه في (يوحنا أصحاح 1): "كل شيء به كان، وبغيرة لم يكن شيء مما كان"، والذي قيل عنه في (العبرانيين 1): "هذا الذي به عملت العالمين" أو "خلقت العالمين" . فكلمة "الله وحده الخالق" تعنى إنه الخالق، ولكن الخالق بواسطة الابن. فكيف الله خلق؟ خلق العالم بالابن، خلق العالم بعقله الناطق أو بنطقه العاقِل.. فأصبح مَنْ هو الخالق؟الآب أم الابن؟ الآب هو الذي خلق "في البدء خلق الله السموات والأرض"، والابن هو الذي خلق "كل شيء به كان وبغيرة لم يكن شيء مما كان"، والله خلق بالابن أي الله خلق بعقله الناطق، والله وابنه شيء واحد،
    لو بنى أدم مخه شطح من الخمرة وابليس لعب فى دماغه زى امبروسيوس يقولوا إنه تأمل بطريقة عجيبة جداً وياخدوا بكلامه
    وشوفى إنتِ السنة إللى فاتت فى عيد راس السنه لما إبن عمك إللى فى مصر عطانا أزازة وسكى وقعدنا نشرب وانتِ زودتى فيها وبقيتى تتطوحى وإنتِ واقفة ورايحه تلبسى هدومك وقولتلك رايحة فين قولتيلى رايحه اشوف امى قلتلك وانا باضحك إنتِ ناسيه إن امك ماتت من سنتين قولتيلى إنشالله انت قولتلك يابت صدقينى امك ماتت من سنتين إنت ناسيه وإلآ إيه ؟
    قولتيلى مانا عارفه إنك مش طايقها
    قولتلك طب أحلفك بإيه علشان تصدقى ، وإنتِ راسك وألف جزمة قديمة مصممه تروحى تشوفى امك لولا مجية أخوكِ رومانى لما قولتله قدامك إزى امك يارومانى قاللى إيه ياتادرس إنتِ سكرت والا إيه ماانت عارف إن امى ماتت من سنتين قولتله أصل اختك مش مصدقه إن امك ماتت ، وفين وفين لما صدقتى شوفتى بقى الخمرة بتعمل إيه أهو كل القديسين إللى بيتأملوا شريبة خمر
    عم رمضان
    أستغفر الله العظيم
    طيب هما شافوا ربنا سبحانه وتعالى وهو بيخلق السموات والأرض أو شافوه بيستعين بحد معاه
    ده سبحانه وتعالى بيقول فى سورة الكهف
    مَا أَشْهَدتُّهُمْ خَلْقَ السَّمَاوَاتِ وَالْأَرْضِ وَلَا خَلْقَ أَنفُسِهِمْ وَمَا كُنتُ مُتَّخِذَ الْمُضِلِّينَ عَضُداً (51
    محمد
    كل الكلام إللى بيستشهد بيه من رسائل بولس المضل ويوحنا التابع بتاعه يعنى لما يتقال الله وحده الخالق يقولوا لأ مش لوحده ده معاه إبنه إللى هو المسيح والمصيبة إن كلام الله إللى مفروض إنهم قروه فى التوراة قال فى البدء خلق الله السموات والأرض قالوا إن الأب هو إللى خلقهم فى البدء وبعدين خلق بالأبن كل شىء بعد كده
    طيب هما بيقولوا إن الأبن هوعقل الله الناطق معنى كده إن الله خلق السموات والأرض بدون عقل أو نطق ؟
    دول بيلعبوا بالكلام يامرثا .
    وقال إن آية "يعرفوك أنت الإله الحقيقي وحدك"، فكيف يعرفوك؟ يعرفونك عن طريقي أنا اللي عرَّفتهم بك، أنا عَرَّفتهم اسمك، أنا عرفتهم كلامك.
    إذ يقول السيد المسيح"عرفتهم وسوف اعرفهم" لكي يعرفوك بواسطتي، فأنا أقنوم المعرفة.
    فين قال المسيح إنه اقنوم المعرفة
    مهو طبيعى إن الرسول بيعرّف الناس بخالقهم وإن خالقهم هو الله وطبيعى إن الناس بتعّرف ربها عن طريق الرسول إللى أرسله إليهم هما زودوا كلمة فأنا أقنوم المعرفة هل المسيح قال عن نفسه أنا أقنوم المعرفة أو حتى جاب سيرة الأقانيم
    وبينى وبينك ياعم رمضان كنت بااتمنى يكون الشيخ حسن معانا
    عم رمضان
    وهى عملت إيه بعد كلامك ده ؟
    محمد
    هى مش مصدقانى وكانت مصممة تمشى
    عم رمضان
    وبعدين
    محمد
    قولتلها فكرى كويس فى الكلام إللى قولته وقمت خارج وقافل عليها باب الدار من بره وجريت على رومانى ولما شافنى إتخض وقاللى فيه إيه ؟ مرثا حصللها حاجة ؟
    قولتله اختك عرفت إنى أسلمت وانت كمان أسلمت ومبهدلة الدنيا قاللى وعرفت منين ؟ قولتله يعنى حيكون منين منى ياأخى
    المهم دلوقت تيجى معايا أنا عارف إنها بتحبك ومش حيهون عليها تبلغ عنك الكنيسة
    أنا قعدت أكلمها بس مش مقتنعة
    ومكنتش عارف أعمل إيه فقمت وقفلت عليها الدار من بره وجتلك علشان تيجى معايا
    قاللى واختك لما تصحى ومتلاقنيش أعمل إيه ساعتها ؟ قولتله يااخى إبقى قوللها إنك عرفت إنى تعبان ومرضتش تصحيها علشان ما تتخضش
    المهم إنه جه معايا وقاللى وإحنا ماشيين فى السكة وإيه إللى فتح السيرة دى ؟
    قولتله كانت مشغلة شريط وعظه للبابا شنودة وكان قاعد يتكلم كلام من عنده مش فى الانجيل والغلابة مصدقين المهم دلوقت تأثرعلى مرثا وتقنعها إنك أسلمت برضاك ومفيش حد ضغط عليك
    قاللى طيب لو مرثا مصدقتش حنعمل إيه ؟
    قولتله حاول معاها دى روحها فيك
    قاللى مهو لازم نعمل حسابنا لوالكلام معاها ما جبش نتيجة
    قولتله يعنى حنعمل إيه ؟
    قاللى أنا شايف إننا نهج من البلد دلوقت
    يتبع بمشيئة الله
    التعديل الأخير تم بواسطة showman ; 20-11-2015 الساعة 10:28 PM

  4. #4
    الصورة الرمزية showman
    showman غير متواجد حالياً عضو مميز
    تاريخ التسجيل
    Jan 2007
    المشاركات
    573
    الدين
    الإسلام
    آخر نشاط
    14-10-2016
    على الساعة
    09:05 PM

    افتراضي

    قولتله ليه نهج يا أخى ، هو انت فاكرنى خايف من الكنيسة لأ مش خابف من الكنيسة محدش يقدر يعمللى حاجة المسلمين هنا ياما
    أنا خايف على اختك وعلى البيت وكمان اختى لوعرفت إنك أسلمت حتعمل إيه هى كمان ؟
    قاللى يالا زى ما يحصل بقى
    قولتله اختك لو فضلت كده على حالها يبقى بكرة إن شاء الله نجيب الشيخ حسن يقعد معانا
    قاللى ماشى
    عم رمضان
    وبعدين ؟
    محمد
    مرثا أول ما شافتنى داخل الدار ومعايا رومانى إستلقته
    انت كمان خنت المسيح يارومانى
    ضحك عليك تادرس ياخويا ياابن امى وابويا
    رومانى قاللها إنتِ عارفة يا مرثا أنا بحبك أد إيه
    ده مليش حد فى الدنيا غيرك بعد ابونا وامنا ما ماتوا
    لو شكتك شوكة كإنها شكتنى أنا
    أنا كنت عاوز أخليكى تسلمى من بدرى لإنى بحب ليكى الخير ومش عاوزك تفضلى فى الضلال وكنت مستنى بس الوقت المناسب وعلى فكرة أنا عملت إللى عملتيه وأكتر لما عرفت إن تادرس صاحبى وجوز اختى أسلم وخاصمته فترة بس لما عرفت الحق وإن بولس غير كلام المسيح عن قصد وقال إنه شريك فى انجيل المسيح وإدعى إن المسيح ظهرله وجعله من الرسل وكل ده علشان يضل اتباع المسيح لإنه كان بيقبض عليهم الأول ويسلمهم للحبس وكان بيسرق الكنايس بتاعتهم ولما لقى اتباع المسيح بيزيدوا يوم عن يوم ومش حيقدر يقبض عليهم كلهم فكر فى طريقة تانيه وإزاى يخليهم يضلوا ويشركوا بالله والرب يغضب عليهم وبكده يكون أفسد دين المسيح فإدعى إن المسيح ظهرله وخلاه يكون شريك معاه فى الانجيل وبكده فسرلهم كلام المسيح غلط وقال عن المسيح إنه إبن الله واخترع حكاية الثالوث وانا لما فكرت بعقلى قلت المسيح كان بيقول دايماً عن نفسه إبن الانسان وهما بيقولوا إنه الله طيب هو الله إبن إنسان ؟ حشاه أو أبو الله أستغفر الله العظيم انسان ؟ مفيش بنى أدم عاقل يقول كده ، وبيقولوا إن المسيح قال أنا والأب واحد ويرجعوا يقولوا الأب غير الأبن يعنى على كلامهم كده وبالعقل يبقوا مش واحد حتقولى إن المسيح كان بيقول ياأبتى أأقولك إن الله سبحانه وتعالى كان بيرسل الرسل بلسان الناس المرسل إليهم علشان يفهموا يعنى مثلاً لو ملك حب يرسل رسالة لناس بتتكلم انجليزى يبعت لهم واحد بيتكلم انجليزى زيهم فرنساوى يبعت لهم واحد بيتكلم فرنساوى زيهم يهود يبعت لهم واحد بيتكلم بلغتهم زى رسول الاسلام لما بعته ربنا سبحانه وتعالى لقومه وهم العرب علشان يتكلم بلسانهم علشان يفهموه برضو ربنا سبحانه وتعالى أرسل المسيح لليهود لإنه يهودى مثلهم ويتكلم بلسانهم واليهود أصلاً بيقولوا إنهم إبناء الله يعنى كل واحد منهم بيعتبر نفسه إبن لله فطبيعى إن المسيحى يكون زيهم ويقول أبتاه طب إيه رأيك إن مكتوب فى سفر العدد
    لَيْسَ اللهُ إِنْسَانًا فَيَكْذِبَ،وَلاَ ابْنَ إِنْسَانٍ فَيَنْدَمَ. هَلْ يَقُولُ وَلاَ يَفْعَلُ؟ أَوْ يَتَكَلَّمُ وَلاَ يَفِي؟
    طبعاً علشان إنت مبتعرفيش تقرى مابتشوفيش إللى مكتوب فى الكتاب المقدس وبتسمعى القساوسة وخلاص
    وهما ما بيذكروش الأعداد إللى زى دى علشان مايفتحوش على نفسهم فتحه ويفضلوا يضلوا فى الشعب
    فهمتى يامرثا ؟
    وعلى فكرة تادرس بقى إسمه محمد
    عم رمضان
    ومرثا عملت إيه ؟
    محمد
    مرثا لما سمعت إن إسمى بقى محمد
    قالت كمان بقى إسمه محمد ! يالهوك ياخراب بيتك يامرثا
    رومانى قاللها وأنا بقى إسمى عبد الله فقعدت تلطم شوية على وشها
    وبعد كده فضلت ساكته ودموعها نازلة على خدها
    والأخررومانى قام طبطب عليها وقاللها قومى تعالى معايا وأخدها وراح داره
    عم رمضان
    طيب أختك لما تعرف من مرثا إنك أسلمت حتعمل إيه ؟
    محمد
    متهيألى إن مرثا حتخاف تقول لمريانا أحسن تروح تفضحنا فى الكنيسة
    عم رمضان
    يعنى مرثا حتخاف على رومانى
    ومريانا مش حتخاف عليك ؟
    محمد
    مش عارف يا عم رمضان
    أصل فى النقطة دى بالذات الكنيسة بتقول لو حد عندك تأسلم روح بلغ عنه الكنيسة ولا تشفق عينك عليه حتى لو كان أبوك وكلام الكنيسة عندهم مقدس
    عم رمضان
    ياساتر يارب اللهم احفظنا هى الكنيسة بتتحكم كمان فى عواطف الناس لدرجة إن الواحد يسلمهم ضناه علشان يعذبوه لو أسلم
    محمد
    عواطف إيه ياعم رمضان هى الخرفان عندها عواطف أو إرادة دى لا مؤاخذة ما بتفهمش
    عم رمضان
    زيها زى الحمار لو واحد ماشى بعربية على الزراعية ولقى قدامه حمار أو خروف يفضلوا متنحين قدامه لازم ينزل من العربية ويسحبهم بعيد عن سكته
    المهم إنك ما تقلقش إنتَوا وسطنا ومحدش يقدر يكلمكم
    وربنا يهدى حريمكم
    محمد
    أنا لا قلقان ولا خايف وربنا يهدى الجميع
    عم رمضان
    يارب ، عموماً النهاردة إن شاء الله تجيلى الدار وانا حاشيع للشيخ حسن والشيخ محسن ونروح لرومانى ده لو الموضوع إتطور ومريانا عرفت
    محمد
    خلاص يا عم رمضان إللى تقول عليه ماشى



أهبل لو صدقت يوميات عم رمضان

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

المواضيع المتشابهه

  1. يوميات عم رمضان
    بواسطة showman في المنتدى منتدى نصرانيات
    مشاركات: 12
    آخر مشاركة: 08-11-2015, 09:26 PM
  2. يوميات عم رمضان طلعت أوت
    بواسطة showman في المنتدى منتدى نصرانيات
    مشاركات: 8
    آخر مشاركة: 10-05-2013, 04:30 PM
  3. يوميات عم رمضان سد الحنك
    بواسطة showman في المنتدى منتدى نصرانيات
    مشاركات: 6
    آخر مشاركة: 24-01-2013, 02:51 PM
  4. يوميات عم رمضان المندل
    بواسطة showman في المنتدى منتدى نصرانيات
    مشاركات: 0
    آخر مشاركة: 16-10-2012, 06:32 PM
  5. يوميات عم رمضان ( النهـــاية )
    بواسطة showman في المنتدى منتدى نصرانيات
    مشاركات: 10
    آخر مشاركة: 06-10-2012, 01:51 PM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

أهبل لو صدقت يوميات عم رمضان

أهبل لو صدقت  يوميات عم رمضان