نفسك تسمع حاجة تخلي كل حياتك تتغير ؟؟

آخـــر الـــمـــشـــاركــــات

بيان ان يسوع هو رسول الله عيسى الذى نزل عليه الانجيل وبلغه وبالادله المصوره من كتابكم المقدس » آخر مشاركة: عبد الرحيم1 | == == | بالروابط المسيحيه:البطريرك مار إغناطيوس زكا الأول الرئيس الأعلى للكنيسة السريانية الأرثوذكسية في العالم يعترف بإباحيه نشيد الإنشاد!(فضيحة) » آخر مشاركة: نيو | == == | سؤال جرىء(الحلقه 11):لو كان محمد نبيا كاذبا..لماذا يحمل نفسه مثل هذا؟؟ » آخر مشاركة: نيو | == == | نواقض الإسلام العشرة .....لابد ان يعرفها كل مسلم » آخر مشاركة: نيو | == == | صلب المنصر هولي بايبل على أيدي خرفان الزريبة العربية ! » آخر مشاركة: نيو | == == | لتصمت نساؤكم في الكنائس : تطبيق عملي ! » آخر مشاركة: نيو | == == | يسوع اكبر كاذب بشهاده العهد الجديد » آخر مشاركة: محمد حمدان 99 | == == | سيدنا عيسى عليه السلام في عين رسول الله سيدنا محمد صلى الله عليه و سلم » آخر مشاركة: محمد حمدان 99 | == == | على كل مسيحي ان ياكل كتاب العهد الجديد ويبتلعة ثم يتبرزة ليفهم كلمة الله حتى يصبح مؤ » آخر مشاركة: محمد حمدان 99 | == == | تجاهل التهابات المثانة يمكن أن يجلب لك الأسوأ !! » آخر مشاركة: *اسلامي عزي* | == == |

مـواقـع شـقــيـقـة
شبكة الفرقان الإسلامية شبكة سبيل الإسلام شبكة كلمة سواء الدعوية منتديات حراس العقيدة
البشارة الإسلامية منتديات طريق الإيمان منتدى التوحيد مكتبة المهتدون
موقع الشيخ احمد ديدات تليفزيون الحقيقة شبكة برسوميات المرصد الإسلامي لمقاومة التنصير
غرفة الحوار الإسلامي المسيحي مكافح الشبهات شبكة الحقيقة الإسلامية موقع الدعوة الإسلامية
شبكة البهائية فى الميزان شبكة الأحمدية فى الميزان مركز براهين شبكة ضد الإلحاد

يرجى عدم تناول موضوعات سياسية حتى لا تتعرض العضوية للحظر

 

       

         

 

    

 

 

    

 

نفسك تسمع حاجة تخلي كل حياتك تتغير ؟؟

النتائج 1 إلى 1 من 1

الموضوع: نفسك تسمع حاجة تخلي كل حياتك تتغير ؟؟

  1. #1
    تاريخ التسجيل
    Apr 2013
    المشاركات
    5,572
    الدين
    الإسلام
    الجنس
    ذكر
    آخر نشاط
    04-12-2016
    على الساعة
    12:51 PM

    افتراضي نفسك تسمع حاجة تخلي كل حياتك تتغير ؟؟





    أنا بافكر في فكرة عبقرية و محتاج مساعدتكم فيها ..

    إيه رأيكم نقعد كده زي (تنابلة السلطان ) منعملش أي حاجة في حياتنا ومايبقاش لينا أي لازمة

    يعني لا نشتغل و لا نذاكر ولا نتعب نفسنا خالص


    انت باين عليكم كده ولاد حلال و بتسمعوا الكلام فأنا (هاسوق فيها ) و اقوللكم على حاجة كمان

    عاوزين كمان اللي يجوع أو يعطش .. ماياكلش ولا يشرب

    و اللي يعيا (يمرض يعني) مياخدش دوا.



    - حد يطرد الواد ده من المنتدى يا جدعان ..
    .. فين المشرفين اللي هنا ..؟؟؟


    - فيه إيه بس يا عم .. و أنا اللي باقول عليكم طيبين و هتسمعوا كلامي

    - نسمع كلام مين يابني .. إنت باين عليك اتجننت

    - اتجننت ليه بس .. طيب فهمني أنا غلطت في إيه ..

    - إنت شايفني مختوم على قفايا (زي هيت مان) ولا راكن الفيل على باب المنتدى ؟؟
    إزاي يعني الكلام اللي بتقوله ده .. إزاي الواحد ميشتغلش ولا ياكل ولا يشرب .. أمال نعيش إزاي


    - خضيتني يا كابتن .. كنت فاكر إنك هتقول حاجة صعبة معرفش أرد عليها
    إنت كل اللي همك يعني إنك هتعيش إزاي .. بسيطة .. يعني إنت جيت في جمل .. ولا في فيل ؟؟


    بكل بساطة .. لما تكون عاوز فلوس .. أو عاوز أكل أو شرب .. اطلب من ربنا و استنى ربنا يجيبلك اللي انت عاوزه

    إيه مش عاجبك ؟؟؟

    اعترضوا بقى على كلام ربُـنا


    - لا طبعا مش هنعترض على كلام ربنا .. بس ربنا ما قالش كده .. ربنا جعل لكل حاجة سبب .. يعني عشان ربنا يرزقنا لازم ناخد بالأسباب و نشتغل .. و بعد ما ناخد بالأسباب .. نتوكل على ربنا و ربنا هيرزقنا
    مش ربنا بيقول " فَامْشُوا فِي مَنَاكِبِهَا وَكُلُوا مِنْ رِزْقِهِ وَإِلَيْهِ النُّشُورُ" الملك 15


    - طب ما انت حلو اهو و حافظ الآيات كمان ..

    أمال اشمعنى يعني لما بنيجي نقول يا جماعة عاوزين نتوب و نرجع لربنا بتقول لي :

    إن شاء الله لما ربنا يهدينا .. ادعيلنا يا عم الشيخ
    اشمعنى دي مش بناخد فيها بالأسباب



    - امممممممممم .. اصــــــــــــــل



    -يا عم أقعد بقى ..ده انت منظرك بقى نيلة خالص قدام الأعضاء ..
    و فرحان بس (اطردوه من المنتدى) و تصحي المشرفين من النوم



    -مش يا عم الشيخ ربنا هو اللي بيهدينا برضه ؟؟



    -دلوقت بقيت عم الشيخ ..؟؟
    ما علينا ..

    أيوة طبعا ربنا اللي بيهدينا


    و ربنا برضه هو اللي بيرزقنا


    و هو اللي بيشفينا


    اسمع كده كلام سيدنا ابراهيم في سورة الشعراء :

    (الَّذِي خَلَقَنِي فَهُوَ يَهْدِينِ (78) وَالَّذِي هُوَ يُطْعِمُنِي وَيَسْقِينِ (79) وَإِذَا مَرِضْتُ فَهُوَ يَشْفِينِ (80) وَالَّذِي يُمِيتُنِي ثُمَّ يُحْيِينِ (81) وَالَّذِي أَطْمَعُ أَنْ يَغْفِرَ لِي خَطِيئَتِي يَوْمَ الدِّينِ)





    يعني زي ما هدايتنا بإيد ربنا ..

    برضه رزقنا و أكلنا و شربنا و شفاءنا ..

    و كل حاجة بإيد ربنا سبحانه و تعالى


    يبقى زي ما بناخد بأسباب الرزق بإننا نشتغل ..

    و بناخد بأسباب الشفاء بإننا نتعالج


    لازم ناخد بأسباب الهداية بإننا نتوب و نطيع ربنا



    -بس يعني دايما اللي بنسمعه ..
    مثلا الممثلين اللي بيتوبوا .. في يوم وليلة بيتحولوا من قمة الفساد لقمة الهداية

    أومثلا فلان الفلاني حصل له موقف ..

    أبوه مات في حادثة ..

    واحد صاحبه اتحرق ..

    اخوه انتحر ...

    و بعدين حياته كلها بتتغير 180 درجة و بيبقى (إنسان جديد)





    -واضح إنك بتتفرج على سبيس تون كتير


    الممثلين اللي بتقول عليهم دول .. إنت بتشوف قصتهم من آخرها

    انما هما بيمروا برحلة مجاهدة كبيرة .. يمكن أكبر من اللي انت ممكن تمر بيها بكتير
    و بيضحوا بالشهرة و الفلوس و بيتعرضوا لانتقادات كتير ..
    و بيتعبوا

    يعني مش يوم و ليلة ولا حاجة

    ثم هو يعني سيادتك مستني حاجة من الحاجات دي تحصل لك عشان تتوب


    مين يا عم قال الكلام العجيب ده


    ما هو ده اللي خلاني أتكلم معاك النهارده


    إن الشيطان راسم عندك صورة في دماغك ..

    إنك هتسمع كلمة أو يحصل لك موقف ..

    هتنام بالليل (هوووووووب) تصحى تلاقي نفسك الإمام البخاري


    و الفكرة دي هي نفس الفكرة العبقرية اللي انا قلت عليها فوق

    إننا نستنى الرزق يجيلنا لوحده من غير ما ناخد بالأسباب


    ربنا بيقول في الحديث القدسي

    ( إذا تقرب العبد مني شبرا تقربت منه ذراعا) صحيح البخاري


    أول حاجة إيه .. (من تقرب إلي شبرا)


    يعني لازم إنت تاخد خطوة ..

    شبر بس ..

    هتلاقي ربنا بيسهل لك التوبة و بيتقرب إليك اكتر


    أهم حاجة إنك...

    تبدأ

    و تاخد الخطوة دي


    إنما هتفضل واقف كده مستني الهداية تنزل عليك من السما


    مستني لما يحصل لك موقف مؤثر


    أو تسمع درس أو خطبة يأثر فيك جامد


    أو واحد يقول لك كلمة (تهزك )


    أو مستني لما أخوك ينتحر


    يبقى خليك مستني ..


    هتلاقي أخوك برضه مستنيك تنتحر عشان يتوب هو كمان

    من غير ما تاخد خطوة عملية

    برضه مفيش فايدة

    برضه لازم إنت اللي تاخد الخطوة و تجاهد نفسك



    ربنا بيقول :

    (وَالَّذِينَ جَاهَدُوا فِينَا لَنَهْدِيَنَّهُمْ سُبُلَنَا وَإِنَّ اللَّهَ لَمَعَ الْمُحْسِنِينَ) العنكبوت 69


    يعني لازم تجاهد و تشتغل لربنا عشان ربنا يرزقك الهداية


    اتفقنا ؟؟؟



    الرسالة اللي عاوز أوصلها من الكلام اللي فات باختصار (عشان اللي مش بيحب الرغي)

    إن مفيش عصاية سحرية .. هتخلي الواحد يتغير مرة واحدة و يتوب و يبقى من أولياء الله الصالحين

    الموضوع محتاج مجاهدة و صبر ..

    و لازم و انت ماشي في طريقك لربنا هتقع .. و تقوم .. و تبتلى ..

    فكل المطلوب منك إنك تاخد الخطوة و تحاول تقرب لربنا


    و ده هيجرنا للكلام عن حاجة تانية ..

    إن البعض بيقول .. إن أنا مش همشي في طريق ربنا دلوقت .. لأن دي مسؤلية كبيرة أنا مش قدها !

    و أنا لو التزمت دلوقت هاسئ للمتدينين و للدين عشان أنا عارف نفسي مش هعرف أثبت .. و هرجع تاني

    فانا هستنى لحد ما أصلح شوية حاجات كده .. عشان لما أتوب .. أتوب (على نضيف)

    و ده من أشهر مداخل الشيطان

    و رده بسهولة إنك تعرف إنك مش مطلوب منك تبقى معصوم من الذنوب

    و محدش من الناس الملتزمين اللي انت بتشوفهم ولا حتى المشايخ معصوم من الخطأ

    اسمع كلام حبيبك صلى الله عليه و سلم

    (كل ابن آدم خطاء و خير الخطائين التوابون)

    فانت مش مطلوب منك إنك تكون معصوم

    المطلوب إنك تتوب لما تخطئ ..

    مش انك تبدأ (على نضيف) و تفضل كده على طول !!!!
    حد فاهمني ؟؟
    منقول من منتدى أحلى حياة في طاعة الله


    التعديل الأخير تم بواسطة صاحب القرآن ; 04-10-2014 الساعة 04:49 PM
    أرجو من الإدارة الكريمة الموقرة حذف رتبة محاور من عضويتي وإرجاعي عضو عادي


نفسك تسمع حاجة تخلي كل حياتك تتغير ؟؟

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

المواضيع المتشابهه

  1. لا تحزن - رسالة لكل مهموم - كلمات اروع ما تسمع في حياتك
    بواسطة صاحب القرآن في المنتدى منتدى الصوتيات والمرئيات
    مشاركات: 0
    آخر مشاركة: 16-09-2014, 01:23 AM
  2. غير أفكارك تتغير حياتك
    بواسطة ronya في المنتدى منتدى الأسرة والمجتمع
    مشاركات: 5
    آخر مشاركة: 18-11-2011, 08:28 PM
  3. هل يموت الماضي؟! مقال لـ د. سلمان العودة / سوف تتغير حياتك بعد قرائتها !!
    بواسطة نعيم الزايدي في المنتدى المنتدى العام
    مشاركات: 4
    آخر مشاركة: 15-04-2011, 11:09 PM
  4. مغاسل تخلي الي ما يشتري يتفرج *_*
    بواسطة مريم في المنتدى منتدى الديكور والأثاث المنزلي
    مشاركات: 0
    آخر مشاركة: 04-02-2010, 02:51 AM
  5. تخلي هيمانوت المجنح
    بواسطة عبد الرحمن احمد عبد الرحمن في المنتدى من ثمارهم تعرفونهم
    مشاركات: 0
    آخر مشاركة: 20-11-2006, 10:59 AM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

نفسك تسمع حاجة تخلي كل حياتك تتغير ؟؟

نفسك تسمع حاجة تخلي كل حياتك تتغير ؟؟