يوميات عم رمضان ولكن الله يهدى من يشاء

آخـــر الـــمـــشـــاركــــات

قيامة يسوع الإنجيلي من بين الأموات حقيقة أم خيال! ــــ (وقفات تأملية في العهد الجديد) » آخر مشاركة: أبو سندس المغربي | == == | ما معنى كلمة المتعبدين فى العهد الجديد » آخر مشاركة: الاسلام دينى 555 | == == | الجزء الثالث من سيرة المصطفى صلى الله عليه وسلم » آخر مشاركة: السعيد شويل | == == | الاخوة الافاضل اسالكم الدعاء » آخر مشاركة: *اسلامي عزي* | == == | لاويين 20 :21 يسقط الهولي بايبل في بحر التناقض !!! » آخر مشاركة: *اسلامي عزي* | == == | صلب المنصر هولي بايبل على أيدي خرفان الزريبة العربية ! » آخر مشاركة: *اسلامي عزي* | == == | ابحاث على الكتاب المقدس قويه جدا مفيده لكل دارس مقارنة اديان » آخر مشاركة: ابا عبد الله السلفي | == == | ابحاث على الكتاب. المقدس قويه جدا مفيده لكل دارس مقارنة اديان وكل باحث عن الحق » آخر مشاركة: ابا عبد الله السلفي | == == | ابحاث على الكتاب المقدس قويه جدا مفيده لكل دارس مقارنة اديان وكل باحث عن الحق » آخر مشاركة: ابا عبد الله السلفي | == == | رد شبهة:نبيُّ يقول : إِنَّ الْمَرْأَةَ تُقْبِلُ فِي صُورَةِ شَيْطَانٍ،وينظر للنساء... » آخر مشاركة: أكرم حسن | == == |

مـواقـع شـقــيـقـة
شبكة الفرقان الإسلامية شبكة سبيل الإسلام شبكة كلمة سواء الدعوية منتديات حراس العقيدة
البشارة الإسلامية منتديات طريق الإيمان منتدى التوحيد مكتبة المهتدون
موقع الشيخ احمد ديدات تليفزيون الحقيقة شبكة برسوميات المرصد الإسلامي لمقاومة التنصير
غرفة الحوار الإسلامي المسيحي مكافح الشبهات شبكة الحقيقة الإسلامية موقع الدعوة الإسلامية
شبكة البهائية فى الميزان شبكة الأحمدية فى الميزان مركز براهين شبكة ضد الإلحاد

يرجى عدم تناول موضوعات سياسية حتى لا تتعرض العضوية للحظر

 

       

         

 

    

 

 

    

 

يوميات عم رمضان ولكن الله يهدى من يشاء

النتائج 1 إلى 9 من 9

الموضوع: يوميات عم رمضان ولكن الله يهدى من يشاء

  1. #1
    الصورة الرمزية showman
    showman غير متواجد حالياً عضو مميز
    تاريخ التسجيل
    Jan 2007
    المشاركات
    573
    الدين
    الإسلام
    آخر نشاط
    14-10-2016
    على الساعة
    09:05 PM

    افتراضي يوميات عم رمضان ولكن الله يهدى من يشاء

    يوميات عم رمضان
    ولكن الله يهدي من يشاء
    الشيخ حسن
    خلاص وصلنا لدارعمك الشيخ رمضان ؟
    سلامة
    أيوه يا شيخ حسن
    أخبطلك على الباب ؟
    الشيخ حسن
    لأ روّح إنت كتر خيرك على كدة
    قولتلى إسمك إيه ؟
    سلامة
    سلامة ياشيخ حسن
    إنت لحقت تنسى ؟
    الشيخ حسن
    أيوه أيوه إفتكرت
    إبن مين يا سلامة ؟
    سلامة
    إبن عطية المنجد
    إنت ما تعرفوش ؟
    الشيخ حسن
    هو حد يتوه عن عطية المهبب
    سلامة
    مهبب إيه يا شيخ حسن إنت واكل تاتورة ولا إيه ؟كدة حتخلينى أزعل منك
    الشيخ حسن
    خلاص ياوله ما تزقش كدة وخليك حلو
    انا إفتكرت لما كنت بأندهله زمان
    إيه الجيل المهبب ده
    سلامة
    هو كله عندك مهبب ?
    الشيخ حسن
    هو أنا كنت عملتلك حاجة ياولّه ؟
    أنا باكلم نفسى
    سلامة
    ياسلام ياخويا
    ما انت طول مااحنا ماشيين وانت قاعد تُزغًد فيّا وانا ساكت
    الشيخ حسن
    مش كنت قاعد تجر شكل العيال وتزقلوا بعض بالطوب وجتنىِ طوبة فى قصبة رجلى
    سلامة
    خلاص يا شيخ حسن سماح النوبة
    مش حاقول لأبويا إنك غلطت فيه
    الشيخ حسن
    سماح إيه يا منيل على عينك
    سلامة
    طيب ما يلزموش أى خدمة تانى ؟
    الشيخ حسن
    لأ ياسيدى ما يلزموش أى خدمة
    روّح إنت وإبقى سلملى على أبوك وقوله الشيخ حسن زعلان منك علشان المرتبة إللي عملتهاله من سبع سنين هبطت وبقت زى ورقة السوجارة
    سلامة
    سبع سنين ومش عاوزها تهبط وتبقى زى ورقة السوجارة ؟
    الشيخ حسن
    إنت بس قول لأبوك يمكن يقدر يعالجها
    سلامة
    أبويا مبقاش ينجد مراتب دلوقت ياشيخ حسن
    إحنا بقينا نجيب مراتب جاهزة من بره ونبيعها
    الشيخ حسن
    إهيه حتى المراتب بقينا نجيبها من بره ؟
    إومال إيه إللي إحنا بنعمله لما كل حاجة بنجيبها من بره حتى المراتب
    ومش بعيد تكونوا بتجيبوا المخدات هى كمان من بره ؟
    سلامة
    أيوه بنجيبها من بره مع المراتب
    الشيخ حسن
    بره من فين ؟
    سلامة
    من توركيا
    الشيخ حسن
    هو أبوك يعرف حد هناك ؟
    سلامة
    يعرف إيه بس يا شيخ حسن
    ده فيه تجار بيستوردوا المراتب دى وإحنا بناخدها منهم ونبيعها
    الشيخ حسن
    لا حول الله
    سلامة
    مبقاش حد ينجّد دلوقت يا شيخ حسن والناس المرتاحة بقوا يشتروا مراتب جاهزة
    وأبويا بيقول إن المراتب الجاهزة أحسن من المراتب إللي كان بينجّدها علشان مريحة وصحية وبتريّح الواحد وكمان بيكسب فيها أكتر ومن غير ما يتعب
    الشيخ حسن
    بتقول إن أبوك بيقول المراتب مريحة وصحية
    لاهو إنتوا ماعندكمش مراتب جاهزة فى البيت ؟
    سلامة
    لأ معندناش مراتب جاهزة
    أبويا قال إن المحل أولى من البيت
    وامى لما إتحايلت عليه إنه يجيب لها مرتبة منهم تنام عليها وتشوفها أبويا جابلها مرتبة بالليل وأخدها الصبح حطها فى المحل وقال نبيعها ونكسب فيها أحسن لأن المراتب دى للناس المرتاحة
    الشيخ حسن
    والناس المرتاحة محتاجين المرتبة الجاهزة ليه لماهما مرتاحين أصلاّ ؟
    الواجب إن الناس إللي مش مرتاحة هما إللي يشتروها علشان يرتاحوا
    سلامة
    ماهى قلة الراحة سببها قلة الفلوس
    الشيخ حسن
    تصدق ياواد عندك حق
    فعلاّ قلة الفلوس بتجيب قلة الراحة
    وقلة الراحة محتاجة مرتبة جاهزة ومريحة والمرتبة المريحة دى محتاجة فلوس والفلوس مع الناس المرتاحة والناس المرتاحة بيشتروا المراتب الجاهزة المريحة علشان يرتاحوا أكتر
    فهمت حاجة ؟
    سلامة
    هى لفة شوية بس مفهومة
    الشيخ حسن
    والمراتب دى غالية ياسلامة ؟
    سلامة
    أيوه غالية يا شيخ حسن وميقدرش على تمنها إلآ الناس المرتاحة إللي معاهم فلوس
    الشيخ حسن
    طيب والناس إللي مش مرتاحة وعلى قدهم كدة زي حالاتى يعملوا إيه ؟
    سلامة
    يناموا على ورقة السوجارة إللي بتقول عليها
    الشيخ حسن
    يعنى المراتب القديمة خلاص راحت عليها ؟
    سلامة
    أومال إيه يا شيخ حسن
    الدنيا بتتغير
    الشيخ حسن
    تصدق كلامك كله حكم
    فعلاّ كل حاجة بتتغير ماعدا النسوان بتوعنا
    سلامة
    وهو إنت بتشوف علشان تغير ؟
    الكلام ده للي بيشوفوا ومش عاجبهم إللي بيشوفوه وعاوزين يغيروه
    إنما إنت كله عندك صابون

    الشيخ حسن
    مش بقولك إن كلامك كله حكم
    سلامة
    عاوز حاجة تانى يا شيخ حسن
    الشيخ حسن
    لأ مع السلامة وإبقى سلملى على ابوك
    سلامة
    حاضر
    ولو محتاج مرتبة جاهزة تعالى المحل وحنريحك على الأخر
    الشيخ حسن
    إيه حتنيمونى شوية على المرتبة ؟
    سلامة
    أنا قصدى نخدمك فى السعر
    الشيخ حسن
    أما أرتاح الأول وبعدين أبقى أجيب المرتبة

    ***********
    الشيخ حسن
    يا شيخ رمضان
    ياجماعة ياللي جوه
    أم السعد
    إتفضل يا شيخ حسن
    الشيخ رمضان جوه
    الشيخ حسن
    لوحده ؟
    أم السعد
    أيوه لوحده مانا واقفة قدامك أهو
    الشيخ حسن
    قصدى يكون فيه حد غريب معاه ؟
    أم السعد
    وحيجيلنا الغريب منين يا شيخ حسن
    وإحنا كلاتنا فى الكفرعارفين بعض ؟
    الشيخ حسن
    بردو الأمر ما يسلمش ياام السعد
    عم رمضان
    بتحدتى مع مين ياام السعد ؟
    أم السعد
    ده الشيخ حسن يا شيخ رمضان
    عم رمضان
    إتفضل يا شيخ حسن
    الشيخ حسن
    السكة سالكة ؟
    عم رمضان
    إستنى أنا جايلك أخد بإيدك
    يامرحب يامرحب
    ناولنى العصايا وهات إيدك
    الشيخ حسن
    ياخد عدوك يا شيخ رمضان
    عم رمضان
    على مهلك واحدة واحدة
    بس كدة زى مانت
    إرتاح هنا بقى
    الشيخ حسن
    إنت إشتريت مرتبة جاهزة ؟
    عم رمضان
    وأشترى مرتبة ليه ؟
    مانا منجد أول السنة
    الشيخ حسن
    مش قابلت الواد سلامة
    عم رمضان
    سلامة مين ؟
    الشيخ حسن
    إبن عطية المهبب
    عم رمضان
    قابلته فين ؟
    الشيخ حسن
    عند أول الكوبرى وهو إللي سحبنى لحد هنا
    عم رمضان
    عطية ما ساب الكار بتاعه
    الشيخ حسن
    أيوه يا سيدى إشتغل فى الجاهز
    عم رمضان
    أيوه عرفت لما رحتله علشان ينجدلى المراتب قاللي ماكانش يتعز يا شيخ رمضان لو عاوز مراتب جاهزة أنا تحت أمرك
    الشيخ حسن
    إُمال مين إللي نجدلك ؟
    عم رمضان
    الواد صابر إللى كان شغال صبى عنده زمان
    الشيخ حسن
    ياأخى الواد إبنه مع إن عمره عشر سنين بس عليه حبة لماضة
    عم رمضان
    طالع زى أبوه
    الشيخ حسن
    ياااه كنت حاانسى
    عم رمضان
    خير ؟
    الشيخ حسن
    الولّه رومانى قابلنى وأنا مروح بعد صلاة المغرب
    وقاللي أنا عاوزك يا شيخ حسن إنت وعم رمضان فى مسئلة
    قلتله خير ؟
    قاللي حاقولك لما أجى
    وحاولت أعرف هو عاوزنا فى إيه مرضاش يتكلم
    عم رمضان
    يمكن زعلان مع محمد وجاى يشتكيلنا منه
    الشيخ حسن
    أنا كمان قلت كدة
    عم رمضان
    ماقالش حيجى إمتى ؟
    الشيخ حسن
    قال حيجى متأخر شوية
    عم رمضان
    أهو بعد هنيه تبان المخفية
    وعقبال مانشرب الشاى حيظهر الجاى
    سنكمل بمشيئة الله عند التواصل

  2. #2
    الصورة الرمزية showman
    showman غير متواجد حالياً عضو مميز
    تاريخ التسجيل
    Jan 2007
    المشاركات
    573
    الدين
    الإسلام
    آخر نشاط
    14-10-2016
    على الساعة
    09:05 PM

    افتراضي

    الشيخ حسن
    إلا ما تعرفش يطلع إيه الفينيس يا شيخ رمضان ؟
    عم رمضان
    فينيس إيه ؟
    الشيخ حسن
    ده الواد سلامة قال إنه بيكون فى المراتب
    عم رمضان
    يمكن قصده على الأكلان ؟
    الشيخ حسن
    جايز
    عم رمضان
    يمكن مكسوفين يقولوا الأكلان وبيقولواعليه الفينيس
    الشيخ حسن
    فيه حد بيخبط على الباب يا شيخ رمضان الظاهر إنه رومانى
    عم رمضان
    شوفى مين إللي بيخبط على الباب ياام السعد
    أم السعد
    ده رومانى يا شيخ رمضان
    إتفضل يابنى ادخل ياأهلاً وسهلاً
    رومانى
    يزيد فضلك ياخالة
    عم رمضان
    يا مرحب يا مرحب
    أهلاً وسهلاً
    رومانى
    الله يرحب بيك ياعم رمضان
    عم رمضان
    تعالى إتفضل جوه
    مفيش حد إلآ الشيخ حسن
    رومانى
    العواف عليك يا شيخ حسن
    الشيخ حسن
    يامرحب يارومانى
    عم رمضان
    تشرب إيه يارومانى ؟
    رومانى
    شاى ياعم رمضان
    وياريت قبل الشاى تشيع لمحمد عديلى علشان يجى
    الشيخ حسن
    أنا وعمك الشيخ رمضان قلنا أكيد تكون زعلان مع محمد وعاوز تشتكيلنا منه
    رومانى
    دلوقت تعرفوا الحكاية لما محمد يجى
    عم رمضان
    لما أأقوم أبعت أم السعد تنده لمحمد
    الشيخ حسن
    متعرفش يطلع إيه الفينيس ده يارومانى
    رومانى
    ده دوا كتبهولك الحكيم يا شيخ حسن ؟
    الشيخ حسن
    يبقى ما تعرفش
    رومانى
    مش تقوللي الحكاية إيه بالظبط
    الشيخ حسن
    ده عطية المنجد قريبكم بيقول إنه بيكون فى المراتب
    وعمك الشيخ رمضان بيقول يمكن قصده على الأكلان
    قلت أسئلك يمكن بتسموا الأكلان فى الكنيسة فينيس
    زى القساوسة بيتسموا باأسامى تانية غير أساميهم
    ورمزى يبقى إسمه أغباتيوس
    رومانى
    وإيه علاقة الأكلان بالكنيسة ؟
    الشيخ حسن
    قلت يمكن فيه مشكلة محيراكم بالنسبة للأكلان
    رومانى
    أزاى ؟
    الشيخ حسن
    أصلى أعرف لما الواحد منكم لما بيتعور وينزل منه نقطة دم يقوم يمصها علشان ما تقعش على الأرض قال يعنى الرب إللي جواكم إتعور وده الدم بتاعه
    طيب لما الأكلانة تمص دمكم حتّرجّعوا منها الدم إللي مصته إزاى ؟
    عم رمضان
    يبقى المفروض ياكلوا الأكلانة
    رومانى
    ههههههههه
    الشيخ حسن
    الباب بيخبط
    عم رمضان
    يبقى محمد جه
    أم السعد
    إتفضل يابنى
    الشيخ رمضان جوه
    محمد
    يارب ياساتر
    عم رمضان
    تعالى يامحمد إتفضل
    محمد
    السلام عليكم ورحمة الله
    عم رمضان
    وعليكم السلام ورحمة الله وبركاته
    محمد
    الله ده رومانى هنا
    تصدق أنا سمعت واحد بيضحك وأنا على الباب قلت لنفسى ده بيضحك زى رومانى بس قلت إيه إللي حيجيبك هنا
    خير إن شاء الله
    رومانى
    خير إن شاء الله
    أم السعد
    إتفضلوا الشاى
    الشيخ حسن
    يجعله عامر ياشيخ رمضان
    عم رمضان
    ناولينى الصينية ياام السعد وروحى إنت إرتاحى
    كتر خيرك
    رومانى
    طبعاً إنت متعرفش يا محمد أنا جاى ليه ؟
    محمد
    وحاأعرف منين أنا كنت معاك العصر وماقلتليش حاجة ولا قلت إنك جاى هنا
    وبعدين ما صدرش منى حاجة تزعلك
    رومانى
    وأنا لما بأزعل منك باعاتبك فى وقتها وإنت بردو كدة
    محمد
    ده صحيح وعلشان كدة مستغرب مجيتك هنا
    رومانى
    طيب بصوا بقى ياجماعة
    أنا جاى هنا الليلة علشان عاوز أأسلم
    مالكم كدة ياجماعة سهم الله نزل عليكم
    محمد
    معقول إللي باأسمعه ده
    إنت بتتكلم جد ياولّه
    رومانى
    وهى الحكاية دى فيها هزار
    عم رمضان
    الله أكبر الله أكبر
    الحمد لله والشكر لله
    الشيخ حسن
    تعالى ياوله خد بيدى ووقفنى على رجلى علشان أخدك بالحضن
    محمد
    سبحان الله وصدق الله
    إنك لا تهدى من أحببت ولكن الله يهدى من يشاء
    الشيخ حسن
    وهو أعلم بالمهتدين
    محمد
    وطبعاً اختى متعرفش حاجة
    رومانى
    إنتوا أول ناس أعلن قدامكم إنى عاوز أأسلم
    عم رمضان
    إسمها عاوز أسلم
    رومانى
    عاوز أسلم ياجماعة أعمل إيه علشان أبقى مسلم
    الشيخ حسن
    الأول إحكيلنا إزاى إقتنعت بالإسلام وإيه إللي غيرك كدة مرة واحدة
    يتبع بمشيئة الله


  3. #3
    الصورة الرمزية ولاء قناوى
    ولاء قناوى غير متواجد حالياً عضو جديد
    تاريخ التسجيل
    Oct 2013
    المشاركات
    12
    الدين
    الإسلام
    الجنس
    أنثى
    آخر نشاط
    20-11-2013
    على الساعة
    01:11 PM

    افتراضي

    قصة رائعة ماشاء الله بس فها حقيقة ولا أغلبها خيال

  4. #4
    الصورة الرمزية showman
    showman غير متواجد حالياً عضو مميز
    تاريخ التسجيل
    Jan 2007
    المشاركات
    573
    الدين
    الإسلام
    آخر نشاط
    14-10-2016
    على الساعة
    09:05 PM

    افتراضي

    اقتباس
    اقتباس المشاركة الأصلية كتبت بواسطة ولاء قناوى مشاهدة المشاركة
    قصة رائعة ماشاء الله بس فها حقيقة ولا أغلبها خيال
    اختنا الفاضلة تعتبر هذه اليوميات التى أقوم بكتابتها عمل أدبى أناقش من خلالها عقيدة الأخر وما يعتريها من باطل مع إظهار الحق رغم وضوحه
    والشخصيات الحوارية باليوميات مرتبطة ببعضها ومعروفة للقارىء المتابع ويمكنك بالضغط على رابط اليوميات الموجود فى توقيعى قراءة باقى اليوميات
    كما يمكنك متابعة دروس الأحد التى أقوم بكتابتها أيضاً من خلال الرابط الخاص بها
    سرنى متابعتك اختنا الفاضلة وأرجو أن تستمر لبقية اليوميات

  5. #5
    تاريخ التسجيل
    Dec 2005
    المشاركات
    1,017
    الدين
    الإسلام
    آخر نشاط
    30-10-2014
    على الساعة
    10:16 AM

    افتراضي

    كعهدي بك اخي العزيز شومان متالق في دمج احداث السيناريو مع الواقع
    (((عم رمضان
    يبقى المفروض ياكلوا الأكلانة))) ههههههههههه
    يعطيك العافية والصحة كمان وكمان
    ومتابع ............. ويسعدك ربنا
    لا اله الا الله محمد رسول الله

  6. #6
    الصورة الرمزية showman
    showman غير متواجد حالياً عضو مميز
    تاريخ التسجيل
    Jan 2007
    المشاركات
    573
    الدين
    الإسلام
    آخر نشاط
    14-10-2016
    على الساعة
    09:05 PM

    افتراضي

    ن
    اقتباس
    اقتباس المشاركة الأصلية كتبت بواسطة عبد الرحمن احمد عبد الرحمن مشاهدة المشاركة
    كعهدي بك اخي العزيز شومان متالق في دمج احداث السيناريو مع الواقع
    (((عم رمضان
    يبقى المفروض ياكلوا الأكلانة))) ههههههههههه
    يعطيك العافية والصحة كمان وكمان
    ومتابع ............. ويسعدك ربنا
    حبيبى عبدالرحمن
    أكرمك الله وأسعدك على متابعتك الدائمة لليوميات والدروس
    ودائماً ما تسعدنى مشاركاتك التى أفتقدها من باقى الأعضاء

  7. #7
    الصورة الرمزية gardanyah
    gardanyah غير متواجد حالياً عضوة ماسية
    تاريخ التسجيل
    Oct 2007
    المشاركات
    7,679
    الدين
    الإسلام
    الجنس
    أنثى
    آخر نشاط
    25-09-2016
    على الساعة
    12:10 AM

    افتراضي

    اقتباس
    أبويا قال إن المحل أولى من البيت
    وامى لما إتحايلت عليه إنه يجيب لها مرتبة منهم تنام عليها وتشوفها أبويا جابلها مرتبة بالليل وأخدها الصبح حطها فى المحل وقال نبيعها ونكسب فيها أحسن لأن المراتب دى للناس المرتاحة

    ههههههههههههههههههه
    ومازلت
    ههههههههههههههههههه
    اقتباس
    يمكن بتسموا الأكلان فى الكنيسة فينيس
    اقتباس
    زى القساوسة بيتسموا باأسامى تانية غير أساميهم
    ورمزى يبقى إسمه أغباتيوس

    لزوم التخفى
    اقتباس
    أصلى أعرف لما الواحد منكم لما بيتعور وينزل منه نقطة دم يقوم يمصها علشان ما تقعش على الأرض قال يعنى الرب إللي جواكم إتعور وده الدم بتاعه
    طيب لما الأكلانة تمص دمكم حتّرجّعوا منها الدم إللي مصته إزاى ؟
    يمكن يكلوها تانى وبكده يخلصوا من الاكلان اللى ميتسماش
    اعوز بالله منه
    المهم ح يطلع ايه ال اسمه الفينيس
    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

  8. #8
    الصورة الرمزية showman
    showman غير متواجد حالياً عضو مميز
    تاريخ التسجيل
    Jan 2007
    المشاركات
    573
    الدين
    الإسلام
    آخر نشاط
    14-10-2016
    على الساعة
    09:05 PM

    افتراضي

    الواد سلامة أصله صغير وما عرفش يقول عيبها فى الفينيش بتاعها وقال الفينيس وجايز يكون سمعها كدة من أبوه ويقصد بالفينيش التشطيب بتاع المرتبة مش أد كدة
    بس الواد سلامة وضحها بطريقة تانية لما قال الفينيتو بتاعها وحش
    شكراً لمرورك اختنا الفاضلة gardanyah على اليومية

  9. #9
    الصورة الرمزية showman
    showman غير متواجد حالياً عضو مميز
    تاريخ التسجيل
    Jan 2007
    المشاركات
    573
    الدين
    الإسلام
    آخر نشاط
    14-10-2016
    على الساعة
    09:05 PM

    افتراضي

    رومانى
    والله يا شيخ حسن أنا من زمان وأنا متزعزع وإللي كنت بأسمعه من الكنيسة كنت باأصدقه علشان لا بأعرف أقرا ولا أكتب كنت لا مؤاخذة زى البهيم صاحبه يربطه مكان ماهو عاوز وكنت أسمع حكايات من ناس على حاجات بتحصل لهم وبيقولوا عليها معجزات وماتدخلش العقل لإنها كذب وهما عارفين إنهم بيكدبوا وبيصدقوا كدبهم علشان يوهموا نفسهم إنهم على حق وإللي بيسمعوهم عارفين كمان إنهم بيكدبوا وإن ده ما حصلش ورغم كدة بيصدقوهم علشان بردو يوهموا نفسهم إنهم على حق
    وكنت أأقول لنفسى مانا أهو مفيش ولا معجزة حصلت معايا من وانا صغير لحد دلوقت ولا محمد جوز اختى حصلت معاه أى معجزة ومفيش حد عندنا فى العيلة حصلتله أى معجزة
    ده حتى لما أكلت اللبخة إللي عملتها مراتى وإفتكرتها سد الحنك وبطنى ساعتها كانت بتتقطع وقعدت أنادى على أبو سيفين ومارى جرجس والبابا كيرلس سريع الندهه علشان حد فيهم يغيتنى ويعمل معايا معجزة مفيش حد فيهم سئل فيه ، ومانجدنيش إلآ ربنا سبحانه وتعالى والدكتور إللي جابه عم رمضان وربنا جعل الشفا على إيديه
    كنت أسمع القسيس وهو بيقول لما نكون مؤمنين ندوس على الحيات ونشرب السم ولا يحصل لنا حاجة
    طيب هو فيه حد ياخواتى يستجرى يرمى نفسه فى التهلكة ويقول مش حيحصلى حاجة حتى لو مؤمن ؟
    إذا كان المسيح نفسه مارضاش يرمى نفسه فى التهلكة وينط من فوق الهيكل لما الشيطان طلب منه إنه يرمى نفسه
    طيب مانا مؤمن وكنت بأصدق كل حاجة بتتقال ليا فى الكنيسة ومع ذلك كنت حاأموت لما أكلت اللبخة مش حال لو كنت شربت سم زى المسيح ماقال
    والقسيس يقوللنا لما نكون مؤمنين
    مش عارف يعنى إيه لما نكون مؤمنين
    لما إحنا بنبصم على كل حاجة وبنصدق أى كلمة بيقولوها فى الكنيسة ومابندورش وراهم
    كنا بنصدق إن الرب مات وقام وإنه نزل الجحيم وإنه بيحل فى الفطيرة وبناكله ونشرب دمه كنت مؤمن بكدة مع إنى سئلت نفسى لو كل المسيحيين الموجودين فى العالم بالملاين
    لو كل واحد فيهم أكل رب حياكلوا كام رب
    محمد
    فكرتنى بيوم ماكان القسيس إللي إسمه مخادع موجود هنا وكنت عاوز عم رمضان يتناول وقلتله كل ياعم رمضان أنا ياما أكلت
    ده انت لو تحسب كام رب انا أكلتهم لغاية دلوقت مش حتصدق مش أأقل من ألفين رب وزيادة
    عم رمضان قاللى تاكل ألفين رب يا مفترى فى بطنك
    وأنا رديت عليه بعفوية وقلتله
    يعنى بعقلك كدة ياعم رمضان حيفضلوا قاعدين لغاية دلوقت جوه فى بطنى هو انا مش بادخل الحمام وبعمل زى الناس
    رومانى
    ههههههههه
    وكنت باأصدق التثليث مع إنه مش داخل دماغى
    لأن فيه الشيىء وضده
    يقولوا الأب والأبن والروح دول تلاتة ولكنهم واحد
    والمسيح قال أنا والأب واحد ويرجعوا يقولوا الأب غير الأبن
    والقسيس يقول لماتكونوا مؤمنين
    هو فيه إيمان أكتر من كدة ياجماعة
    ومع ذلك كنت حاأموت من اللبخة إيش حال لو شربت سم
    كنت واقف مرة مع أبونا فى الكنيسة وجه واحد بيسئله
    الراجل قال لأبونا يابونا مكتوب فى الكتاب المقدس فى سفر التكوين إن الرب قال لأبونا ابراهيم
    خذ إبنك وحيدك، الذي تحبه، إسحق، وإذهب إلى ارض المريا، وأصعده هناك محرقة"
    مع إن اسحاق مكانش إبنه الوحيد لأن كان فيه اسماعيل وهو أكبر من اسحاق بتلتاشر سنة
    قام القسيس قال للراجل اسحاق هو إبن الوعد أما اسماعيل فهو إبن الجارية
    الراجل قال يعنى إيه إبن الجارية ؟ وهى الجارية دى مش زوجة أبونا إبراهيم وإسماعيل يبقى إبنه
    القسيس قال للراجل الرب وعد أبونا ابراهيم إن وعده حيكون لإسحاق يعنى نعتبر اسماعيل ده مش موجود ، لأن جواز أبونا ابراهيم من الجارية كان ضد خطة الرب ويبقى اسماعيل إتولد ضد خطة الرب
    الراجل قال لأبونا يعنى على كدة نسل اسماعيل كله ضد خطة الرب ؟
    القسيس قال أهو انت فهمت
    الراجل بقى يحاول يفهم القسيس إن كلمة وحيده ما تنفعش فى وجود اسماعيل القسيس قال للراجل إنت مش مؤمن ؟ ولما إلتفت وشافنى واقف قاللي إنت واقف بتعمل إيه ؟ قلتله بأسمع قاللي سمعت الرعد فى ودانك إمشى ياخروف
    بينى وبينكم روحت البيت وأنا بأفكر فى الحديت بتاعهم إزاى يعنى ضد خطة الرب وإيه حكاية الخطة دى إللي كل قسيس يقولك إعرف خطة الله من أجلك
    فى الخطية قالوا إن الله بعت إبنه علشان يفدينا وعمل خطة علشان الشيطان ما يكشفش الإبن ويعطل الفداء
    وهنا بيقولوا إن أبونا ابراهيم تزوج هاجر وده كان ضد خطة الرب
    طيب وهو ربنا محتاج يعمل خطة ليه ؟
    ده إله ياجماعة وأمره نافذ
    وبعدين زى ما اسحاق إبن أبونا ابراهيم اسماعيل بردو إبنه لأن الأب هو العصب
    إشمعنى المسيح فى سلسلة النسب نسبوه لداود وجم عند إسماعيل وعاوزين ينسبوه لأمه ويقولوا إبن الجارية
    الشيخ حسن
    وبعدين
    رومانى
    المهم إن ربنا علشان ينور بصيرتى بعدها بيوم كان الراديو بتاع جارنا الحاج فاضل شغال على إذاعة القرءان الكريم وسمعت المقرىء بيجيب سيرة أبونا ابراهيم وبيقول
    فَبَشَّرْنَاهُ بِغُلَامٍ حَلِيمٍ
    فركزت معاه علشان أسمع حكاية الغلام ده يطلع مين وبعدين كمل القراءة
    فَلَمَّا بَلَغَ مَعَهُ السَّعْيَ قَالَ يَا بُنَيَّ إِنِّي أَرَىٰ فِي الْمَنَامِ أَنِّي أَذْبَحُكَ فَانظُرْ مَاذَا تَرَىٰ قَالَ يَا أَبَتِ افْعَلْ مَا تُؤْمَرُ سَتَجِدُنِي إِن شَاءَ اللَّـهُ مِنَ الصَّابِرِينَ
    قلت لنفسى هو ده الكلام المظبوط وإنه بيتكلم عن غلام مش طفل يبقى الكلام عن إسماعيل لأن اسحاق كان لسه طفل وكان لسه مفطوم وقال فلما بلغ معه السعى
    وبعدين أبونا ابراهيم حكى لإسماعيل عن الرؤيا إللي شافها فى المنام وإنه بيذبحه وسئله إنت رأيك إيه ؟
    وإسماعيل كان مدرك للكلام إللي بيقوله أبونا إبراهيم ويعلم إن الله هو من أمر أباه بذبحه فقال ياأبت إفعل ما تؤمر ستجدنى إن شاء الله من الصابرين فى حين إنهم بيقولوا إن اسحاق وقتها كان عنده سنتين
    طيب وهو أبونا إبراهيم حيقدر ياخد اسحاق من امه وهو عنده سنتين ويمشى بيه علشان يدبحه
    وهل امنا سارة كانت حتسكت على الأقل كانت حتقوله إنت شايله ورايح فين
    إنما كتاب المسلمين بيبين إن الذبيح كان قادر على السعى مع أبوه وأبوه سئله عن الرؤيا إللي شافها وإنه بيذبحه والإبن قال ياأبت إفعل ماتؤمر
    الشيخ حسن
    إللي حدث ده عمره ما يحدث مع اسحاق لإنهم بيقولوا إن اسحاق كان عنده سنتين يعنى كان لسه مفطوم وغير قادر على السعى بمفرده ولا يستطيع أبونا ابراهيم أن يحكيله عن الرؤيا التى رأها ويأخذ رأيه ولا اسحاق وقتها كان يقدر يستوعب ما يقوله أبوه ولا يستطيع أن يقول له ياأبت إفعل ماتؤمر لأن طفل عمره سنتين ليس له هذا الإدراك والطاعة والإيمان بأن الأمر جاء من الله
    فإسحاق ليس هو الإبن الوحيد
    كمل يارومانى
    رومانى
    ولما فكرت شوية قلت طالما إن الكتاب قال الوحيد يبقى الأحداث دى حدثت قبل ميلاد اسحاق وكان اسماعيل وقتها هو الإبن الوحيد لأبونا ابراهيم
    وحصل تحريف لما أضافوا إسم اسحاق بعد
    كلمة وحيدك
    الشيخ حسن
    وحتى لو كان اسحاق موجود وقتها مع أبوه واسماعيل رحل مع امه ما ينفعش يقول عن اسحاق إنه وحيده طالما اسماعيل موجود وحى يرزق
    كان ممكن يقول
    خذ إبنك الذي تحبه إسحق
    أو خذ إبنك الذى معك
    عم رمضان
    يعنى إتأكدت فعلاً إن الذبيح هو اسماعيل
    رومانى
    أيوه إتأكدت من القرءان إنه اسماعيل لأن بعد الأحداث دى مكتوب
    وَامْرَأَتُهُ قَائِمَةٌ فَضَحِكَتْ فَبَشَّرْنَاهَا بِإِسْحَاقَ وَمِنْ وَرَاءِ إِسْحَاقَ يَعْقُوبَ
    يعنى اسحاق كان لسه بشارة حتتحقق واسحاق يخلف يعقوب بعد كدة
    وإللي غاظنى القسيس إللي كان بيرد على الراجل ويقول إن اسماعيل يبقى إبن الجارية لأن أبونا ابراهيم تزوج هاجر وهذا كان ضد خطة الرب
    وعلشان كدة رحت للواد ميلاد فى البيت وسئلته هو إبن الجارية ما يتحسبش قاللي إزاى يعنى مايتحسبش؟ قلتله يعنى لو فيه ورثملوش فى الورث
    قاللي مين إللي قال إنه ملوش ؟
    قلتله أصل واحد مسلم قاللي إن الانجيل بتاعكم ما بيعترفش بإبن الجارية
    الواد ميلاد قاللي أنا مش فاهم حاجة ؟
    قلتله لو واحد إتجوز جارية عنده فوق مراته وخلف منها يبقى إبنه ما يتحسبش ؟
    قاللي وهو عندنا ياحمار جواز لأكتر من واحدة ؟
    قلتله يابنى ده فى العهد القديم إنت ماتعرفش إصة أبونا ابراهيم وجوازه من هاجر
    قاللي وإحنا مالنا بالعهد القديم الكلام إللي فيه إتلغى
    قلتله إومال إحنا ضامينه فى الانجيل ليه ؟
    قاللي إنت عاوز إيه من الأخر ؟
    قلتله عاوزك تدور عندك هل الكلام ده صحيح ولا لأ قاللي ماانت عارف يارومانى إن مفيش حد فينا بيقرا الانجيل
    بس أنا حاأبحثلك فى جوجل
    قلتله طيب ما تبحثلى فى الكتاب المقدس أحسن
    قاللي يابنى حاأبحث فين ولا فين دول ستة وستين سفر وساعات يبقوا تلاتة وسبعين سفر
    قلتله بتقول ساعات هو بالمزاج
    قاللي خلينا دلوقت فى السؤال بتاعك بتاع إبن البطة السودة قصدى إبن الجارية
    أيوه بص بقى ياسيدى مكتوب فى سفر التثنية
    إذا كان لرجل امرأتان إحداهما محبوبة، والأخرى مكروهة، فإن كان الابن البكر للمكروهة، فيوم يقسم لبنيه ما كان له لا يحل له أن يقدم ابن المحبوبة بكراً على ابن المكروهة البكر بل يعرف ابن المكروهة بكراً ليعطيه نصيب اثنين في كل ما يوجد عنده، لأنه هو أول قدرته له حق البكورية "
    قلتله بس ده بيتكلم عن المحبوبة والمكروهة مش على الحرة والجارية
    قاللي ياحمار مهو إتجوزها يعنى بقت إمرأته وكدة يكون أبونا ابراهيم له إمرأتان
    وبعدين مكتوب فى سفر التكوين
    21: 13 و ابن الجارية ايضا ساجعله امة لانه نسلك
    الشيخ حسن
    وكمان سيدنا ابراهيم تزوج قطورة بعد وفاة امنا سارة وخلف منها ستة
    زمران ويقشان ومدان ويشباق وشوحا ومديان
    رومانى
    ودول كمان كانوا ضد خطة الله ؟
    الشيخ حسن
    القسيس بتاعكم ما يعرفش حاجة
    إيه هو إللي ضد خطة الرب
    لما ربنا سبحانه وتعالى أمر ابراهيم وإبنه اسماعيل أن يرفعوا قواعد البيت
    وَإِذْ يَرْفَعُ إِبْرَاهِيمُ الْقَوَاعِدَ مِنْ الْبَيْتِ وَإِسْمَاعِيلُ رَبَّنَا تَقَبَّلْ مِنَّا إِنَّكَ أَنْتَ السَّمِيعُ الْعَلِيمُ
    رومانى
    بيت إيه ؟
    محمد
    يعنى الكعبة بيت الله الحرام فى مكة
    الشيخ حسن
    وكانت دعوتهم وهما يرفعان قواعد البيت
    رَبَّنَا تَقَبَّلْ مِنَّا إِنَّكَ أَنْتَ السَّمِيعُ الْعَلِيمُ ( 127 )
    رَبَّنَا وَاجْعَلْنَا مُسْلِمَيْنِ لَكَ وَمِنْ ذُرِّيَّتِنَا أُمَّةً مُسْلِمَةً لَكَ وَأَرِنَا مَنَاسِكَنَا وَتُبْ عَلَيْنَا إِنَّكَ أَنْتَ التَّوَّابُ الرَّحِيمُ
    ( 128 ) رَبَّنَا وَابْعَثْ فِيهِمْ رَسُولا مِنْهُمْ يَتْلُو عَلَيْهِمْ آيَاتِكَ وَيُعَلِّمُهُمُ الْكِتَابَ وَالْحِكْمَةَ وَيُزَكِّيهِمْ إِنَّكَ أَنْتَ الْعَزِيزُ الْحَكِيمُ ( 129 ) .
    وقد إستجاب الله لدعوتهما وخرج من ذرية اسماعيل النبى الخاتم محمد صلى الله عليه وسلم
    عم رمضان
    كمل يارومانى عملت إيه بعد كدة ؟
    رومانى
    أنا ماسكتش
    محمد
    عملت إيه ؟
    رومانى
    رحت للواد ويصا إبن مينا الخياط وقلتله إنت تعرف مين الأبن البكر لأبونا ابراهيم قاللى ليه هو إنت متعرفش ؟
    قلتله إنت عارف إنى جاهل مبعرفش أفك الخط
    قاللي طيب ياجاهل امنا سارة مكانتش بتخلف فأعطت جاريتها هاجر لأبونا ابراهيم ليتزوجها وأبونا ابراهيم بعد ماتزوج بهاجر خلف منها اسماعيل
    يعنى اسماعيل هو الأبن البكر لأبونا ابراهيم
    وبعد تلتاشر سنة امنا سارة ولدت اسحاق بمعجزة لإنها كانت عقيم
    قلتله على كدة اسحاق مش وحيد أبوه ؟
    قاللي لأ ياجاهل
    قلتله بس أنا سمعت القسيس بيقول إن اسماعيل ما يتحسبش لإنه إبن جارية واسحاق يعتبر وحيد أبوه لإنه إبن الحرة وهى امنا سارة
    وكمان أبونا ابراهيم تزوج هاجر وده كان ضد خطة الرب وعليه فيكون اسماعيل إتولد ضد خطة الرب
    قاللي ياستين حمار فى بعض ما أبونا يعقوب تزوج ببلهة جارية راحيل وخلف منها دانا ونفتالى وتزوج من زلفة جارية ليئة وخلف منها جاد وأشير
    هل زواج أبونا يعقوب من بلهة جارية راحيل
    وزواجه من زلفة جارية ليئة ضد خطة الرب
    وهل أولاد أبونا ابراهيم دانا ونفتالى وجاد وأشير أولادهم ضد خطة الرب
    قلتله ده أبونا قال إن نسل اسماعيل كله يعتبرضد خطة الرب لإنه إبن هاجرالجارية
    قاللي يامليون حمار فى بعض لو ولاد الجارية ضد خطة الرب مكانش دانا ونفتالين وجاد وأشير ولاد أبونا يعقوب من بلهة وزلفة يبقوا من ضمن رؤساء أسباط اسرائيل
    قلتله يعنى أبونا غلطان قاللي أيوه غلطان بس ماتروحش تقوله ويصا قاللي الكلام ده
    قلتله طيب بالأمانة كدة تفهم إيه من الكلام ده
    خذ إبنك وحيدك، الذي تحبه، إسحق، وإذهب إلى ارض المريا، وأصعده هناك محرقة"
    قاللي أنا حاقولك بصراحة لو شيلنا اسم اسحاق من النص ده
    وقرينا المكتوب بعد ماشيلنا الاسم
    خذ إبنك وحيدك الذى تحبه وإذهب إلى أرض المريا وأصعده هناك محرقة
    فكر الواحد حيروح فين على طول ؟
    حيروح لإسماعيل لإن اسحاق مش موجود مش كدة ؟
    طيب لو اسحاق موضوع زى ماهو فى النص حنلاقى غلطتين
    إيه هما ؟
    أولاً اسحاق مش الوحيد لإن اسماعيل موجود
    تانى غلطة
    كلمة الذى تحبه مش معقول أبونا ابراهيم حيحب اسحاق بس ويكره اسماعيل لإن اسماعيل بردو إبنه
    طيب نستنتج من كدة إيه ؟
    نستنتج إن إسحاق مكانش موجود وقتها وحنلاقى الحكاية كلها إتظبطت وبقت تمام ويبقى اسماعيل هو إبنه الوحيد الذى يحبه لأن اسحاق لسه مكانش إتولد
    ومن الطبيعى لما يكون أبونا ابراهيم عنده ولد وحيد إنه يحبه
    قلتله يعنى إيه ؟
    قاللي يعنى اسحاق ملوش محل فى الإعراب
    قلتله إعراب إيه ؟
    قاللي يعنى زنقوه فى النص عن قصد
    قلتله أنا خلاص فهمت
    قاللي بصراحة أول مرة أشوف خروف بيفهم
    وبعدين قاللي طيب إنت فهمت إيه ؟
    قلتله فهمت إن الولد الوحيد إللي أبونا ابراهيم بيحبه وربنا أمره بذبحه علشان يبتليه ويمتحنه هو اسماعيل وإن اسحاق مكانش لسه إتولد
    قاللي طيب تعرف ليه هما أضافوا إسم اسحاق للنص
    قلتله لأ ما أعرفش
    قاللي علشان يقولوا إن دى إشارة لفداء المسيح
    وإن الرب لما فدى اسحاق من الذبح المسيح فدانا من الخطية
    الشيخ حسن
    وبعدين
    رومانى
    وأنا أهو قدامكم وبقوللكم عاوز أسلم
    الشيخ حسن
    طيب قول ورايا
    أشهد أن لا إله إلآ الله
    رومانى
    أشهد أن لا إله إلآ الله
    الشيخ حسن
    وأشهد أن محمد رسول الله
    رومانى
    وأشهد أن محمد رسول الله
    الشيخ حسن
    وأشهد أن عيسى عبد الله ورسوله
    رومانى
    وأشهد أن عيسى عبد الله ورسوله
    الشيخ حسن وعم رمضان ومحمد
    الله أكبر الله أكبر الله أكبر
    رومانى
    خلاص كدة بقيت مسلم ؟
    عم رمضان
    أيوه بقيت مسلم وباقى إنك تعرف أركان الإسلام
    فالإسلام بني على خمس
    شهادة أن لا إله إلآ الله وأن محمد رسول
    إللي إنت نطقتها دلوقت
    وإقام الصلاة
    وإيتاء الزكاة
    وصوم رمضان
    وحج البيت لمن إستطاع إليه سبيلا
    وكيفية الصلاة وعدد الركعات محمد يبقى يعلمهالك
    محمد
    الحمد لله رب العالمين إن صاحبى ونسيبى ربنا هداه ونجّاه من النار
    وربنا يهدى اختك واختى
    عم رمضان
    أمين

يوميات عم رمضان ولكن الله يهدى من يشاء

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

المواضيع المتشابهه

  1. يوميات عم رمضان الدين لله
    بواسطة showman في المنتدى منتدى نصرانيات
    مشاركات: 2
    آخر مشاركة: 23-03-2013, 09:42 PM
  2. يوميات عم رمضان سد الحنك
    بواسطة showman في المنتدى منتدى نصرانيات
    مشاركات: 6
    آخر مشاركة: 24-01-2013, 02:51 PM
  3. يوميات عم رمضان لماذا يعذب الله عباده
    بواسطة showman في المنتدى منتدى نصرانيات
    مشاركات: 1
    آخر مشاركة: 24-11-2012, 03:57 PM
  4. يوميات عم رمضان المندل
    بواسطة showman في المنتدى منتدى نصرانيات
    مشاركات: 0
    آخر مشاركة: 16-10-2012, 06:32 PM
  5. يوميات عم رمضان الإعتراف
    بواسطة showman في المنتدى منتدى نصرانيات
    مشاركات: 0
    آخر مشاركة: 15-09-2012, 12:47 AM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

يوميات عم رمضان ولكن الله يهدى من يشاء

يوميات عم رمضان  ولكن الله يهدى من يشاء