يوميات عم رمضان أية يونان وجهة نظر

آخـــر الـــمـــشـــاركــــات


مـواقـع شـقــيـقـة
شبكة الفرقان الإسلامية شبكة سبيل الإسلام شبكة كلمة سواء الدعوية منتديات حراس العقيدة
البشارة الإسلامية منتديات طريق الإيمان منتدى التوحيد مكتبة المهتدون
موقع الشيخ احمد ديدات تليفزيون الحقيقة شبكة برسوميات المرصد الإسلامي لمقاومة التنصير
غرفة الحوار الإسلامي المسيحي مكافح الشبهات شبكة الحقيقة الإسلامية موقع الدعوة الإسلامية
شبكة البهائية فى الميزان شبكة الأحمدية فى الميزان مركز براهين شبكة ضد الإلحاد

يرجى عدم تناول موضوعات سياسية حتى لا تتعرض العضوية للحظر

 

       

         

 

    

 

 

    

 

يوميات عم رمضان أية يونان وجهة نظر

النتائج 1 إلى 4 من 4

الموضوع: يوميات عم رمضان أية يونان وجهة نظر

  1. #1
    الصورة الرمزية showman
    showman غير متواجد حالياً عضو مميز
    تاريخ التسجيل
    Jan 2007
    المشاركات
    573
    الدين
    الإسلام
    آخر نشاط
    14-10-2016
    على الساعة
    09:05 PM

    افتراضي يوميات عم رمضان أية يونان وجهة نظر

    يوميات عم رمضان
    أية يونــــان
    رؤيا خاصــة
    ***********
    عبد العاطى
    يا شيخ رمضان ياجماعة ياللي هنا
    أم السعد
    إتفضل يابو سماحة
    عبد العاطى
    يزيد فضلك ياأم السعد
    وألف سلامة للشيخ رمضان
    أم السعد
    ربنا قدرّ ولطّف
    عبد العاطى
    أول ما عرفنا إللي حصل ما تعرفيش زعلنا أد إيه
    أم السعد
    كله بأمره
    عم رمضان
    إتفضل يا عبد العاطى
    عبد العاطى
    حمد لله على سلامتك يا شيخ رمضان أجر وعافية
    عم رمضان
    الحمد لله نحمده ونشكر فضله
    يا شيخ رمضان يا شيخ رمضان
    عم رمضان
    ده صوت الحاج شرقاوى
    قوليله يتفضل يام السعد
    أم السعد
    إتفضل ياحاج
    الحاج شرقاوى
    معايا ضيوف
    أم السعد
    إتفضلوا يا مرحب
    الحاج شرقاوى
    إتفضلوا يا جماعة
    إتفضل يا شيخ محسن
    إتفضل يا عم سيد
    إتفضل ياحاج سلامة
    يارب ياساتر
    أم السعد
    إتفضلواهو راقد جوه فى القاعة ومعاه الشيخ حسن وعبد العاطى أبو سماحة
    الحاج سلامة
    سلامة الشيخ رمضان ألف سلامة
    يارب ياساتر
    يا عم رمضان
    عم رمضان
    تعالوا ياجماعة إتفضلوا
    الحاج شرقاوى
    أجر وعافية يا شيخ رمضان
    عم رمضان
    الله يعافيكم من كل سوء
    الشيخ محسن
    حمدلله على سلامتك يا راجل يا طيب
    عم رمضان
    الله يسلمك يا شيخ محسن
    الشيخ حسن
    يا مرحب يا جماعة
    الشيخ رمضان لو يعرف إنكم بتحبوه أوى كدة
    كان عمل حادثة كل يوم
    عم رمضان
    وطى صوتك أحسن أم السعد تسمعك
    الحاج شرقاوى
    إنما إيه إللي حصل وخلاك تقع فى الترعة
    عم رمضان
    أنا كنت رايح السوق إللي فى أول البلد
    و كنت متعود لا مؤاخذه أروح بالحمارة
    النوبة دى أم السعد قالتلى بقولك إيه يا شيخ رمضان
    ما بدل ما تاخد الحمارة وتبقى شايل همها تربطها فين والسوق زحمة والخلق ياما ما تاخد التوك توك أحسن وأهى التكاتك ملت الكفر منها يوصلك بسرعة ومنها تريح الحمارة
    الحاج سلامة
    والله التكاتك علمت الناس الكسل وريحت حمير الكفر
    عم سيد
    ووجعت دماغنا
    الشيخ محسن
    وبعدين يا شيخ رمضان ؟
    عم رمضان
    قلتلها زى بعضه مع إن عمرى ما ركبته
    قالتلى أهو من نفسك
    قلتلها على البركة توكلت على الله
    وأول ما خرجت من باب الدار لاقيت توك توك قدامى لما شافنى وقف ولقيت إللي سايقه الواد رامى إبن فلتس
    قاللي على فين يا عم رمضان ؟
    قلتله طيب قول الأول إزيك أو حتى صباح الخير
    قاللي لو قلت لكل واحد يركب معايا إزيك مش حاأخلص
    لأن كل الركاب أعرفهم ويعرفونى
    الشغل شغل وده أكل عيش ولما أأقولك إزيك وتقوللى إزيك الكلام حيجيب بعضه وكلمة منك على كلمة منى وضحكة منك وضحكة منى حاأتكسف آخد منك الأجرة والتوك توك بياكل بنزين مش برسيم كمان أنا شغال عليه باليومية
    قلتله يا ساتر يارب إنت بالع راديو
    أنا فاكره بتاعك وبعدين إطمن لو إبنى هو إللي شغال على التوك توك حاأدفعله حق التوصيلة
    قاللي ما تزعلش منى ياعم رمضان التوك توك أصله بتاع أبونا أبو طرحة وبيحاسبنى بالمليم
    ووقعتى تبقى سودة لو كان الإيراد بتاعى أأقل من إيراد الواد ميخا أو الواد حنوكة أو الواد سلعوة
    قلتله وإنت مالك ومال العيال دى ؟
    قاللي ماهى التكاتك إللي ركباها العيال دى بتاعة أبونا بردو
    قلتله ياااه عنده أربع تكاتك ؟؟
    قاللي أيوه
    البطل الرومانى وأم النور والسلطانة
    قلتله إومال التوك توك إللي أنا راكبه ده إنت مسميه إيه ؟
    قاللي هو أنا إللي مسميه ده أبونا هو إللي مسميه
    قلتله مسميه إيه ؟
    قاللي الإسم مكتوب عليه من بره
    قلتله معلش أنا ماأخدتش بالي
    قاللي التوك توك إللي إنت راكبه إسمه الشيطان
    قلتله أعوذ بالله من الشيطان الرجيم طيب نزلنى هنا إعمل معروف
    قاللي ما تخافش ياعم رمضان
    قلتله الواحد بيخرج من بيته بيستعيذ بالله من الشيطان الرجيم ويقول توكلت على الله
    وإنت تقوللي الشيطان أعوذ بالله أعوذ بالله
    قاللي ماتخافش صدقنى
    أصل أبونا بيقول إحنا تحت سيطرة رئيس سلطان الهوا فلازم نرضيه علشان ما يقلبش التوك توك وهو ماشى
    يعنى عملية محلسة
    قلتله محلسة ؟؟
    وأبوك يتمحلس للشيطان ليه ؟
    مانا كمان سئلت أبونا نفس السؤال بتاعك وقلتله وإحنا نتمحلس للشيطان ليه ؟
    قاللي إنت أصلك غلبان ما تعرفش حاجة مكتوب فى الانجيل
    (لاويين 16: 8) ويلقي هارون على التيسين قرعتين قرعة للرب وقرعة لعزازيل.
    قلتله مش فاهم يابونا يعنى إيه قرعتين ؟
    قاللي ياخروف كان هارون رئيس الكهنة يأخذ تيسين ويلقى عليهما قرعة واحد منهم للرب والتيس التانى لعزازيل
    قلتله وعزازيل ده يطلع مين ؟
    قاللي إللي هو رئيس سلطان الهوا
    فهمت أنا ليه ياخروف سميت توك توك على إسمه ؟
    قلتله يابونا أنا توك إللي فهمت
    قلتله يا مغفل هو الهوا له سلطان ؟
    قاللي جرا إيه يا عم رمضان إنت مش بتشوف لما الجو يتقلب مرة واحدة وتقوم زعبوبة والريح تقعد تلف فى الأرض زى البريمة مش بيقولوا إنها فاسية عفريت
    أهى الريح الجامدة دى نتيجة الفاسية بتاعته
    وأبونا قال زى ماالنوم ليه سلطان ألهوا بردو ليه سلطان
    قلتله يا سيد المغفلين الريح دى ربنا مسخرها علشان بتنقل حبوب اللقاح لـ
    قاللي من غير قطع كلامك ما تحاولش تحلل وتشرحأبونا ما بيكديش
    وبعدين لازم تصدق الكلام إللي بأقولهولك
    إنت الأول رايح فين ؟
    قلتله رايح السوق
    قاللي طيب ما تروح السوق إللي فى شبلنجه أحسن من السوق التعبان بتاعنا ؟
    قلتله ده مشوار
    قاللي ولا مشوار ولا حاجة إنت مش راكب توك توك إنت راكب شيطان وفى غمضة عين نبقى هناك
    قلتله يابنى قول إن شاء الله
    قاللي وطى صوتك إعمل معروف أحسن يقلبنا بالتوك توك
    سامحه يارئيس سلطان الهوا هو ما يقصدش
    قلتله سيبك من الكلام الفارغ ده وقوللي أبوكم يعرف منين إنك عملت كام توصيلة
    قاللي ده بيكون قاعد فى الأوضة إللي فوق جنب الشباك وشايفنى وأنا رايح وأنا جاى ومعاه دفتر بيكتب فيه أنا كام مرة عديت من قدامه ونفس الشيىء مع العيال التانية
    قلتله بيقعد فى أنهى اوضه
    قاللي الاوضه إللي فوق فى المبنى إللي تبع الكنيسة
    قلتله بس الظاهر إن أبوك متريش جامد علشان يجيب أربع تكاتك مرة واحدة
    قاللي ده كمان عنده عشر موتسيكلات مسلمهم للواد نونّنا علشان يأجرهم الساعة بعشرة جنيه للموتسيكل الواحد
    قلتله ياه وجاب الفلوس دى كلها من فين؟
    قاللي يعنى حيكون جابها من فين أهو من الغلابة إللي زى حالاتى
    قلتله طيب إعمل معروف كلمنى وإنت باصص قدامك وبلاش الكلاكس إللي إنت مشغله على طول
    الطريق فاضى قدامك أهو

    قاللي ماتخافش أنا حافظ السكة وممكن أسوق وأنا مغمض
    قلتله يابنى الأمر ما يسلمش وإحنا ماشيين جنب ترعة وجل من لا يسهو
    قاللي طيب إنت شايف الملف إللي هناك ده
    قلتله ماله ؟
    قاللي أنا حاأغمض عينيا دلوقت وحأوصل عنده وألف معاه وكمان حاأزود السرعة
    قلتله إعمل معروف نزلنى ينوبك ثواب وبعدين إعمل إللي عاوز تعمله لوحدك
    الحاج سلامة
    قصدك على المنحنى إللي قدام عزبة الخواجة
    عم رمضان
    أيوه
    عم سيد
    يخرب بيت عقله ده مكتوب عليه منحنى خطر
    وبعدين ؟
    عم رمضان
    قاللي ما تخافش
    قلتله أنا مش خايف العمر واحد والرب واحد بس ربنا ماقالش إننا نرمى نفسنا فى التهلكة
    قاللي صدقنى ماتخافش التوك توك بإسم شوشو وعليه إسمه وراح مغمض عينيه
    أنا أول ما غمض عينيه قلبى وقع فى رجليا ورحت متشاهد على نفسى
    الحاج شرقاوى
    إيه الجنان ده ؟
    عم سيد
    كان أول ما غمض عينيه كنت إديته بالكف على قفاه علشان يفوق
    الشيخ محسن
    وبعدين ؟
    عم رمضان
    الواد راح مزود السرعة وبقى ماشى فى وسط الطريق وماشافش العربية النقل إللي كانت داخلة بسرعة على المنحنى وكان السواق قاعد يولع الكشافات بتاعة العربية علشان ينبهنا الظاهر إن معندهوش كلاكس
    أنا ساعتها صرخت يخرب بيتك عربية نقل عربية نقل
    الواد إتفاجىء لما فتح عينيه وشاف العربية داخلة عليه قام حادف جامد ناحية اليمين وما درتش بنفسى إلآ وإحنا فى الترعة
    وربنا ستر إن فيه عربية كانت جاية ورانا محملة أنفار ولما شافوا إللي حصل الشباب نزلوا وقلعوا هدومهم بسرعة ورموا روحهم فى الترعة وطلعونا قبل ما نغرق
    الحاج شرقاوى
    سبحان الله الجرأة دى جابوها من فين ده معروف عنهم الجبن
    الشيخ محسن
    الأساوسة بيأثروا عليهم تأثير مغناطيسى بالكلام إللي بيزرعوه فيهم يعنى مثلاً زى حكاية رئيس هذا العالم وإنه إبليس وإنه رئيس سلطان الهوا ، والحية القديمة ، وبلعزبول ، وإله هذا الدهر, ورئيس سلطان الظلمة , والمجرب ، والكذاب ، وأبو الكذاب إلى أخره
    وهما بيقتنعوا بالكلام ده وبيصدقوا وزى الشيخ رمضان لما حاول يفهم الواد إن الريح بتنقل حبوب اللقاح مش فاسية عفريت زى ما فاكر الواد راح مقاطعه ومارضيش يسمع منه والمسيحية كلها مبنية على صدق ولابد أن تصدق
    الشيخ حسن
    وهما كدة عملوا أربع ألهة يعنى التثليث بتاعهم بقى تربيع
    يعنى خلوا إبليس إله تحت وسموه إله هذا الدهر ورئيس هذا العالم
    الشيخ محسن
    ومكتوب عندهم إن معبودهم إتصلب وإندفن مساء الجمعة وقام الأحد الصبح بدرى وإن دول الثلاثة أيام والثلاث ليال كما فى أية يونان ولما تناقشهم وتقول دول مش ثلاثة أيام ولا ثلاثة ليال يقولوا لأ تلاتة
    لأن ألأساوسة قالوا إنهم ثلاثة أيام وثلاثة ليال ولابد أن تصدقوا وإللي ما يصدقش يخسر إيمانه
    الشيخ حسن
    تعرف يا شيخ محسن أنا فكرت فى الكلام إللي مكتوب فى متى عن يسوع بالنسبة لأية يونان
    حِينَئِذٍ قَالَ قَوْمٌ مِنَ الْكَتَبَةِ و َالْفَرِّيسِيِّينَ: «يَا مُعَلِّمُ نُرِيدُ أَنْ نَرَى مِنْكَ آيَةً». فَقَالَ لَهُمْ: جِيلٌ شِرِّيرٌ وَفَاسِقٌ يَطْلُبُ آيَةً وَلاَ تُعْطَى لَهُ آيَةٌ إِلاَّ آيَةَ يُونَانَ النَّبِيِّ. لأَنَّهُ كَمَا كَانَ يُونَانُ فِي بَطْنِ الْحُوتِ ثَلاَثَةَ أَيَّامٍ وَثَلاَثَ لَيَالٍ هَكَذَا يَكُونُ ابْنُ الإِنْسَانِ فِي قَلْبِ الأَرْضِ ثَلاَثَةَ أَيَّامٍ وَثَلاَثَ لَيَالٍ"
    ( متى 38:12-40 ).
    الشيخ محسن
    منك نستفيد يا شيخ حسن
    الشيخ حسن
    العفو يا شيخ محسن إنت استاذنا
    عم رمضان
    الشيخ حسن أصله مطلع حبتين على كتاب الجماعة إياهم
    الشيخ محسن قوللنا إيه هى وجهة نظرك يا شيخ حسن
    الشيخ حسن


    نستكمل بمشيئة الله بيان وجهة النظر فى أية يونان
    برجاء التفاعل

  2. #2
    تاريخ التسجيل
    Oct 2012
    المشاركات
    108
    الدين
    الإسلام
    آخر نشاط
    01-05-2013
    على الساعة
    10:23 PM

    افتراضي

    شكرا جزيلا على مجهودك جزاك الله خيرا معلومات غريبه جدا لايقبلها العقل ابدا واضحه انها تخاريف الغريبه انهم يدعون بان القران كلام الشيطان معاذ الله والشيطان له مكانه رفيعه عندهم وله سلطان وهو سبب الريح ويتحكم بها اي عقل يقبل بذالك بل الشيطان له قدره عندهم ننتظر باقي القصه راي الشيخ حسن في اية يونان بارك الله فيك
    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

  3. #3
    الصورة الرمزية showman
    showman غير متواجد حالياً عضو مميز
    تاريخ التسجيل
    Jan 2007
    المشاركات
    573
    الدين
    الإسلام
    آخر نشاط
    14-10-2016
    على الساعة
    09:05 PM

    افتراضي

    اقتباس
    اقتباس المشاركة الأصلية كتبت بواسطة روح الريحان مشاهدة المشاركة
    شكرا جزيلا على مجهودك جزاك الله خيرا معلومات غريبه جدا لايقبلها العقل ابدا واضحه انها تخاريف الغريبه انهم يدعون بان القران كلام الشيطان معاذ الله والشيطان له مكانه رفيعه عندهم وله سلطان وهو سبب الريح ويتحكم بها اي عقل يقبل بذالك بل الشيطان له قدره عندهم ننتظر باقي القصه راي الشيخ حسن في اية يونان بارك الله فيك
    ربنا يبارك فى حضرتك اختنا الفاضلة
    وأشكرك على المتابعة
    ونأمل من بقية الأعضاء التفاعل


  4. #4
    الصورة الرمزية showman
    showman غير متواجد حالياً عضو مميز
    تاريخ التسجيل
    Jan 2007
    المشاركات
    573
    الدين
    الإسلام
    آخر نشاط
    14-10-2016
    على الساعة
    09:05 PM

    افتراضي

    الشيخ محسن
    قوللنا إيه هى وجهة نظرك يا شيخ حسن

    الشيخ حسن
    أنا قلت لنفسى لو المسيح قال الكلام ده بعضمة لسانه يعنى مش فبركة من الكتبة يبقى قعد فعلاً تلات أيام وتلات ليالى لأن النبى لا يكذب
    طيب نمسك النبؤة ونفسرها ونشوف فين التشابه بينه وبين النبى يونان
    أولاً النبؤة بتقول
    لأَنَّهُ كَمَا كَانَ يُونَانُ فِي بَطْنِ الْحُوتِ ثَلاَثَةَ أَيَّامٍ وَثَلاَثَ لَيَالٍ هَكَذَا يَكُونُ ابْنُ الإِنْسَانِ فِي قَلْبِ الأَرْضِ ثَلاَثَةَ أَيَّامٍ وَثَلاَثَ لَيَالٍ"
    طيب ليه قال هنا بطن الحوت وقال هنا قلب الأرض
    ليه ماقالش بطن الأرض كما كان يونان
    طيب إيه الفرق بين القلب والبطن
    طيب إحنا نعرف إن القلب بيكون فى القفص الصدرى وأعلى من البطن ومحاط بالضلوع
    والبطن بتكون أسفله ويونان كان فى بطن الحوت ومعلوم إن الحوت بيغطس لأعماق بعيدة
    والمسيح لم يذكر كلمة القبر ولكن قال فى قلب الأرض
    ولم يذكر إن كان سيكون حياً أو ميتاً فى هذه الحالة
    ومعروف إن يونان كان حياً فى بطن الحوت
    والحوت كان فى الماء
    وهو قال مثل يونان يعنى كان حياً
    وعلشان يكون زى يونان لازم يكون فى حوت أو شيىء أشبه بالحوت ويكون فى الماء
    طيب إيه إللي ءاشبه بالحوت ويكون فى الماء
    مفيش غير السفينة
    الحاج شرقاوى
    صحيح السفينة تشبه الحوت ولو بصينا لأى سفينة لما بيبتدوا يبنوها بتكون شبه الضلوع بتاعة الصدر وبعد كدة يبتدوا يبطونها بالخشب
    الشيخ محسن
    كمل يا شيخ حسن
    الشيخ حسن
    قلنا قبل كدة إن الجنود ورؤساء الكهنة عندما جاءوا للقبض على يسوع كانوا يحملون المشاعل لأن الوقت كان ليلاً والمشاعل يكون لها ظلال وعندما خرج إليهم مع تلاميذه وسئلهم من تطلبون تقدم إليه يهوذا ليقبله وخلفه الجنود فسقط شبهه على يهوذا وهو يقبله وهذا ما أرعب الجنود وجعلهم يسقطون على الأرض خاصة عندما قال لهم يهوذا وهو فى شبه يسوع أنا هو
    وفى اللحظة التى حصل فيها الهرج وسقوط الجنود والمشاعل فى أيديهم جاز يسوع من وسطهم ومعه بعض تلاميذه وتركوا يهوذا للجنود ورؤساء الكهنة وهو فى شبه يسوع فقبضوا عليه على إنه يسوع
    قلت لنفسى أكيد يا شيخ حسن إنهم أخفوا يسوع فى قلب السفينة حتى لا يراه أحد خاصة اليهود لأنها ءأمن مكان
    فظل مختفى بها ثلاثة أيام وثلاثة ليال
    عم سيد
    بس يا شيخ حسن هو قال فى قلب الأرض
    الشيخ حسن
    ماهو البحر بيشق الأرض يعنى موجود فى قلب الأرض والسفينة موجودة فى البحر إللي فى الأرض
    الشيخ محسن
    طيب يا شيخ حسن تقول إيه فى ظهوره لمريم المجدلية لما ذهبت عند القبر وكان صباح الأحد وكان لابس ملابس بستانى
    الشيخ حسن
    حصل تلبيس على مريم لإقناعها بقيامه من الموت
    الشيخ محسن
    الكتاب بيقول إنه كلمها وقال لها لاتلمسينى
    الشيخ حسن
    لم يجعلها تقترب منه فقال لها لا تلمسينى
    الحاج سلامة
    فسر الحتة دى يا شيخ حسن
    الشيخ حسن
    الروح ليس له لحم وعظم زى ما المسيح بين بعد كدة
    وإللي ظهر لمريم عند القبر فى ملابس بستانى وقال لها لا تلمسينى
    لم يكن المسيح إنما كان شيطان والشيطان روح ليس له لحم وعظم وعلشان كدة قال لمريم لا تلمسينى خشى أن تلمسه أو تحتضنه فلا تجد شيىء
    لذلك نجد عند ظهور المسيح بعد ذلك لتلاميذه إعتقدوا إنه روح وخافوا فقال لهم الروح ليس له لحم أو عظم وأكل إمامهم وكأنه اُحيط بما حدث لمريم من تلبيس إبليس لها
    ثم بعد ذلك رفعه الله إليه
    الشيخ محسن
    الله سبحانه أعلى وأعلم
    بس نظريتك محتملة وتفسر حاجات كتير
    المدة إللي مكثها يسوع فى قلب السفينة تكون فعلاً ثلاثة أيام وثلاثة ليال
    وكمان حكاية إن تلاميذه لم تهرب ولكن إنصرفوا معه عند حدوث الهرج وسقوط الجنود على الأرض فتركوا يهوذا للجنود ورؤساء الكهنة لرؤيتهم وقد وقع الشبه عليه
    عم رمضان
    طيب ما قلتلناش عن حكاية البطن والقلب
    الشيخ حسن
    القلب بيكون فى القفص الصدرى محاط بالضلوع وبيكون فى الأعلى وده المكان إللي كان فيه يسوع فى قلب السفينة ، والسفينة يغوص جزء صغير منها فى الماء
    أما البطن فهى أسفل القفص الصدرى وده المكان إللي كان فيه يونان فى بطن الحوت والحوت معروف إنه بيغوص فى الماء فى الأسفل لفترات طويلة وبعدين يطلع يتنفس
    الشيخ محسن
    عموماً دى وجهة نظر
    الشيخ حسن
    ههههههه
    وجهة نظر لواحد مفتح

يوميات عم رمضان أية يونان وجهة نظر

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

المواضيع المتشابهه

  1. يوميات عم رمضان طلعت أوت
    بواسطة showman في المنتدى منتدى نصرانيات
    مشاركات: 8
    آخر مشاركة: 10-05-2013, 04:30 PM
  2. يوميات عم رمضان الدين لله
    بواسطة showman في المنتدى منتدى نصرانيات
    مشاركات: 2
    آخر مشاركة: 23-03-2013, 09:42 PM
  3. يوميات عم رمضان سد الحنك
    بواسطة showman في المنتدى منتدى نصرانيات
    مشاركات: 6
    آخر مشاركة: 24-01-2013, 02:51 PM
  4. يوميات عم رمضان المندل
    بواسطة showman في المنتدى منتدى نصرانيات
    مشاركات: 0
    آخر مشاركة: 16-10-2012, 06:32 PM
  5. يوميات عم رمضان ( النهـــاية )
    بواسطة showman في المنتدى منتدى نصرانيات
    مشاركات: 10
    آخر مشاركة: 06-10-2012, 01:51 PM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

يوميات عم رمضان أية يونان وجهة نظر

يوميات عم رمضان  أية يونان وجهة نظر