يوميات عم رمضان الأب الروحى

آخـــر الـــمـــشـــاركــــات


مـواقـع شـقــيـقـة
شبكة الفرقان الإسلامية شبكة سبيل الإسلام شبكة كلمة سواء الدعوية منتديات حراس العقيدة
البشارة الإسلامية منتديات طريق الإيمان منتدى التوحيد مكتبة المهتدون
موقع الشيخ احمد ديدات تليفزيون الحقيقة شبكة برسوميات المرصد الإسلامي لمقاومة التنصير
غرفة الحوار الإسلامي المسيحي مكافح الشبهات شبكة الحقيقة الإسلامية موقع الدعوة الإسلامية
شبكة البهائية فى الميزان شبكة الأحمدية فى الميزان مركز براهين شبكة ضد الإلحاد

يرجى عدم تناول موضوعات سياسية حتى لا تتعرض العضوية للحظر

 

       

         

 

    

 

 

    

 

يوميات عم رمضان الأب الروحى

النتائج 1 إلى 8 من 8

الموضوع: يوميات عم رمضان الأب الروحى

  1. #1
    الصورة الرمزية showman
    showman غير متواجد حالياً عضو مميز
    تاريخ التسجيل
    Jan 2007
    المشاركات
    573
    الدين
    الإسلام
    آخر نشاط
    14-10-2016
    على الساعة
    09:05 PM

    افتراضي يوميات عم رمضان الأب الروحى

    يوميات عم رمضان
    الأب الروحـــــــــى
    مرثا
    عواف ياخالة أم السعد
    ام السعد
    عواف عليك يا مرثا
    مرثا
    انت ما شفتيش تادرس النهاردة ياخالة
    ام السعد
    لآ يامرثا النهاردة ما شفتوش
    خير هو فيه حاجة ؟
    مرثا
    أبدآ أصله خرج قبل العصر ولسه ما رجعش واحنا أهو بقينا بعد العشا
    ام السعد
    الغايب حجته معاه ، دلوقت يرجع بالسلامة وتتطمنى عليه
    مرثا
    مش عارفة ليه قلبى واكلنى عليه
    ده حتى لما كلمت مريانا وسئلتها عن تادرس إتخضت عليه وقالتلى لازم زعلتى أخويا فى حاجة فساب البيت
    وطلبت من أخويا رومانى يخرج يدور عليه
    ام السعد
    هو عيل صغير علشان تدوروا عليه ، أكيد راح يقضى طلب أويكون راح لحد من قرايبكم
    تعالي يابنتى إتفضلي ندخل جوه بدل مااحنا واقفين كده على الباب ده انت عمرك ما دخلتى عندنا
    مرثا
    أجيلك كدة فى الأفراح ياخالة
    أنا قلت أسئلكم عن تادرس أصل ما خلتش حد إلآ وسئلته وصليت للعدرا علشان ترجعه
    ام السعد
    يابنتى قولي يارب وهى العدرا فى إيدها إيه تعمله ؟
    مرثا
    ماهى امه وليها خاطر عنده وحتخليه يرجّعه
    ام السعد
    ام مين ؟
    مرثا
    ام الرب له المجد
    ام السعد
    سلامة عقلك يامرثا هوغياب تادرس أثر عليكى ؟
    مرثا
    أنا كويسة ياخالة ، أصل إحنا لما بنطلب حاجة ما بنطلبهاش من الرب طوالي الأول بنطلبها من العدرا وهى توصل طلبنا للرب إبنها والرب عمره ما كسر بخاطر امه
    ام السعد
    لآ حول الله لسه بتقولي امه
    ده ربنا قبل ما يخلق الخلق كان وحده ولآ شيىء قبله ولا شيىء بعده يبقى حيتولد من مين ؟
    مرثا
    صدقينى ياخالة إنه إتولد من العدرا وفضل يكبر يكبر لما بقا راجل
    أم السعد
    انت بتتكلمى عن مين ؟
    مرثا
    أنا بأكلمك عن الرب يسوع
    ام السعد
    هو الرب بتاعكم إسمه يسوع
    مرثا
    يسوع إللي انتوا بتقولوا عليه عيسى
    ام السعد
    بس سيدنا عيسى عليه السلام نبى ورسول وعمره ماكان إله
    مرثا
    ده هو الله وإتولد من العدرا
    ام السعد
    يابنتى إستغفرى ربنا إللي بتقوليه ده كفر بالله احنا
    ده ربنا سبحانه وتعالى
    لَمْ يَلِدْ وَلَمْ يُولَدْ وَلَمْ يَكُن لَّهُ كُفُوًا أَحَدٌ
    ولو لينا طلب فبندعى الله من غير واسطة وسبحانه بيقول
    وَإِذَا سَأَلَكَ عِبَادِي عَنِّي فَإِنِّي قَرِيبٌ أُجِيبُ دَعْوَةَ الدَّاعِ إِذَا دَعَان
    مرثا
    صدقينى ياخالة ام السعد
    كان فيه فرح فى الجليل وكانت العدرا واقفة بتّخدم على المعازيم قالت لابنها الرب دول ماعندهمش خمرة فراح علطول محول الميا العادية لخمرة وكمان إيه خمرة بالهبل ست براميل خمرة أصلى والمعازيم إنبسطوا على الأخر
    ام السعد
    ده بدل ما يعمللهم عصير أو شربات يقوم يعمللهم خمرة
    لأ . لأ . أنا مصدقش أبدآ ان سيدنا عيسى يعمل كدة
    مرثا
    أصل الخمرة رمز لدمه وعلشان كده احنا بنشربها فى التناول
    ام السعد
    أعوذ بالله خمرة ودم
    الحمد لله الأتنين ربنا محرمهم علينا
    تعرفى يامرثا أنا كنت فاكرة إنكوا بس بتنكروا سيدنا محمد ومش معترفين بيه
    ومكنتش أعرف إنكوا كمان مش مأمنين بربنا سبحانه وتعالى وانكوا بتعبدوا إنسان زينا زيه
    ومش كده وبس ده انتوا مش مكسوفين من نفسكم واإنتوا بتقولوا إنكوا بتعبدوا خروف
    مرثا
    لآ يا خالة انت مش واخدة بالك
    يسوع هو ناسوت يعنى انسان فى الظاهر بس هو من جواه لآهوت يعنى إله
    أو زى ما تقولي كده لاهوته جوه ناسوته
    أم السعد
    ويطلع إيه ناسوته ده ؟
    مرثا
    قصدى إللي يشوفه يقول عليه ناسوت يعنى يفتكره إنسان بس هو أصلاً لاهوت يعنى إله
    ام السعد
    إنتِ لخبطتينى يابنتى مابقتش فاهمة منك حاجة
    مرثا
    يعنى يسوع إله فى صورة إنسان
    أم السعد
    قصدك على سيدنا عيسى ؟
    مرثا
    انتوا بتقولواعليه عيسى ، بس هو فى الحقيقة اسمه يسوع
    ام السعد
    هو قال إنه إنسان من بره وإله من جوه وان لاهوته مستخبى فى ناسوته ؟
    مرثا
    مش عارفة بس أخويا رومانى قال هو ماقالش إنه الله علشان كان خايف من اليهود يموتوه وكمان لما نزل من فوق كان مخبى نفسه من الشيطان أحسن يفقسه ويبوظ
    الطبخة
    ام السعد
    طبخة إيه ؟
    مرثا
    قصدى يبوظ الخطة إللي الرب كان عاملها
    ام السعد
    يابنتى سلامة عقلك هو نزل من فوق ولآ إتولد من تحت ؟
    مرثا
    هو لما نزل من فوق إتجسد فى بطن العدرا
    ام السعد
    إهيه إنت عاوزة تقولي إنه لما نزل من فوق كان خايف من الشيطان وعلشان كده خبى نفسه فى بطن العدرا
    مرثا
    مش عارفة
    ام السعد
    بس الشيطان لو عرف إنه فى بطن العدرا كان سقطّها قبل ما تولده
    مرثا
    مش عارفة الصراحة حتى أخويا رومانى قاللي ان الرب بتاع المسلمين إسمه أكبر
    ام السعد
    الظاهر يابنتى ان أخوك رومانى هو كمان عقله على أده
    الله أكبر يعنى الله أكبر من أى حاجة تشغل الانسان
    يعنى إللي بيشتغل فى غيطه أو بيبيع فى دكانه أو مشغول بيعمل أى حاجة
    لما يسمع الأدان وهو بيقول الله اكبر الله أكبر يعنى سيب إللي فى إيدك لأن الله أكبر من كل حاجة انت بتعملها وشغلاك وروح صلي لله
    و مكتوب عندنا فى القرأن
    وَأَقِمِ الصَّلَاةَ إِنَّ الصَّلَاةَ تَنْهَىٰ عَنِ الْفَحْشَاءِ وَالْمُنكَرِ وَلَذِكْرُ اللَّـهِ أَكْبَرُ وَاللَّـهُ يَعْلَمُ مَا تَصْنَعُونَ
    مرثا
    مش عارفة ياخالة ام السعد انت ليه بتحاولى تشككينى ومش عاوزة تصدقينى ان ربنا إتولد من العدرا
    ام السعد
    أستغفر الله العظيم
    ده انت عملتى زى الأسيس إللي زارنا وكان بيقول عن نفسه إنه خروف وعزم عمك الشيخ رمضان على عيدالميلاد بتاع الرب بتاعكم
    حتى عمك رمضان قاللي انت سمعتى الأسيس يا ام السعد وهو بيقول على نفسه إنه خروف وأى مسيحى خروف
    وأستغفر الله العظيم ، أستغفر الله العظيم قال عن ربنا إنه خروف
    وبقا عمك رمضان طول الليل ياولداه وهو قاعد يستغفر ربنا ويخبط كف على كف ويقول رب إيه ده إللي يتولد من مخلوق ويعملوله عيد ميلاد ويطاهروه زى العيال الصغيرة وأكيد لما جم يفطموه موت نفسه من العياط خصوصآ مكانتش فيه ببرونات وقتها
    مرثا
    أهو تادرس جاى هناك أهو
    شكرآ ياام النور إنك رجّعتي تادرس بالسلامة
    ام السعد
    قولي الحمد لله إنه رجع بالسلامة
    تادرس
    مسا الخير ياخالة ام السعد مسا الخير يامرثا
    ام السعد
    حمد لله على السلامة مرثا كانت قلقانة عليك
    تادرس
    الله يسلمك إومال الشيخ رمضان فين ؟
    ام السعد
    الظاهر إنه قاعد بيتكلم مع الشيخ حسن بعد ما صلوا العشا عمومآ زمانه جاى
    مرثا
    تعالي ندخل جوه ياتادرس
    بعد إذنك ياام السعد
    ام السعد
    دلوقت بقيت ام السعد بس من غير خالة
    تادرس
    ياخالة ام السعد ما تزعليش من مرثا دى زى بنتك هى بس نسيت
    وإبقى قولى للشيخ رمضان إنى حاجيله أقعد معاه شوية
    ام السعد
    تنور يابنى الدار دارك
    أهو عمك الشيخ رمضان جاى هناك أهو ومعاه الشيخ حسن
    تادرس
    طيب عال عال عمومآ أنا حاجيله بعد شوية
    بعد إذنك
    ام السعد
    إتفضل يابنى إذنك معاك
    عم رمضان
    على مهلك يا شيخ حسن أدينا وصلنا تحب نقعد على المصطبة ولآ ندخل جوه أحسن
    الشيخ حسن
    والله يا شيخ رمضان كلك نظر
    بره ضلمة وجوه ضلمة مش فارقة معاى المهم الشاى يجي
    عم رمضان
    تعالى ندخل جوه أحسن إتفضل
    الشيخ حسن
    أنا كمان شايف ان جوه أحسن
    هاهاهاها حلوة دى
    ام السعد
    يامرحب يا شيخ حسن إتفضل
    الشيخ حسن
    يدوم فضلك يا أم السعد
    ام السعد
    تادرس قال إنه جاى كمان شوية يقعد معاك ياشيخ رمضان
    عم رمضان
    يئانس ويشرف يا مرحب
    الشيخ حسن
    أكيد فيه حاجة ياشيخ رمضان
    عم رمضان
    لما يجي حنعرف
    استنى لما نولع على الشاى
    إلا ما قلتليش يا شيخ حسن
    إنت كنت غطسان فين ليلة إمبارح وماحدش شافك
    الشيخ حسن
    أبداً يا سيدى أصل ليلة إمبارح قلت لنفسى ياواد بلاش تخرج وخليك قاعد الليلة مع حلاوتهم بدل ماكل يوم بتقعد لوحدها بين أربع حيطان، المهم إنى قلتلها خلاص ياحلاوتهم أنا مش حاأخرج الليلة وحنسهر سوا بس حاأخطف رجلى دلوقت وأروح أشترى حاجة وأجيلك بسرعة
    ياأهل الدار ياعم الشيخ رمضان
    عم رمضان
    إتفضل يا محمد
    محمد
    أنا معاى رومانى
    عم رمضان
    إتفضلوا ياأهلاًً وسهلاًً يا تلتميت ألف مرحبا
    رومانى
    العواف عليكم
    محمد
    ياواد إتعلم بقى
    مش قلتلك تقول السلام عليكم
    عم رمضان
    سيبه براحته
    رومانى
    السلام عليكم
    الشيخ حسن
    السلام على من إتبع الهدى
    عم رمضان
    إتفضلوا هنا
    تشرب إيه يارومانى ؟
    تادرس
    ولا حاجة إحنا لسه شاربين شاى عند رومانى
    عم رمضان
    طيب علشان خاطر رومانى
    رومانى
    صدقنى يا عم الشيخ رمضان لسه شارب شاى أنا وتادرس
    عم رمضان
    طيب نخلى الشاى لكمان شوية
    كمل بقى يا شيخ حسن حصل إيه بعد كدة ؟
    الشيخ حسن
    رحت على المقلة بتاعة أبو سليم والراجل لما شافنى بقى مش مصدق علشان أول مرة أروح عنده وبقى طاير بيا إشتريت منه لب وسودانى وقاللي وأدى كمان كيس فشار هدية من عندى للشيخ حسن المهم إن حلاوتهم لخبطتهم على بعض وحطتهم فى طبق وجابت طبق فاضى علشان نحط فيه القشر وقعدنا وربعنا على الأرض وسندنا ضهرنا على الكنبة وبقينا نقزقز اللب وناكل سودانى وفشار
    حلو الكلام ؟؟؟
    عم رمضان
    جميل
    الشيخ حسن
    وبعدين حبيت أعمل جو فقلتلها ياريت ياحلاوتهم تقومى تطفى اللمبة الكبيرة لو كانت مولعة وولعى بدلها اللمبة السهارية علشان تعمل جو كإننا قاعدين فى السيما وبنقزقز اللب
    عم رمضان
    ينيلك يا شيخ حسن وبعدين ؟
    الشيخ حسن
    غلطت أنا فى كدة ؟
    عم رمضان
    لأ ما غلطتش
    الشيخ حسن
    أنا يا دوب قلت الكلمتين دول من هنا ودى إتفتحت من هنا
    قالتلى هو النور حيفرق معاك فى إيه ؟
    الكلام ده لو كنت مفتح كان معلش بس البعيد أعمى ما بيشوفش قال سيما قال
    دتك وكسه توكسك أكتر مانت موكوس خلقة
    وبعدين إرمى القشر فى الطبق ما ترميش على الأرض
    إومال أنا جايبالك الطبق الفاضى ليه مش علشان ترمى فيه القشر ؟
    لو مش شايفه حسس
    أنا طالعة عينيا فى الكنيس والخبيز والغسيل
    عم رمضان
    بقى كل ده يطلع من حلاوتهم ؟
    محمد
    يعنى الليلة خلصت على كدة
    الشيخ حسن
    أنا قلت يا واد خلى الليلة تعدى على خير وما تردش عليها وتديها الفرصة علشان ما تقلبهاش نكد فقعدت ساكت وكنت حاسس بيها وهى قاعدة تفرك وعلى نار ومستنية بس أفتح حنكى
    عم رمضان
    عين العقل إنك سكّت
    وبعدين ؟
    الشيخ حسن
    بعد شوية قلت هو أنا حاأفضل أقزقز لب وأنا ساكت
    من غير ولآ كلمة فحبيت أغير الجو وأحلىِ القعدة بعد الكلام السم إللي قالته فسئلتها إلآ صحيح إنت بتحبينى ياحلاوتهم
    عم رمضان
    مش كنت الأول تقوللها إنك بتحبها
    أهو كدة تقول عليك أنانى ما بتحبش إلآ نفسك
    الشيخ حسن
    ياجماعة أنا بأحكيلكم إللي حصل
    رومانى
    كمل يا عم الشيخ حسن
    الشيخ حسن
    طلعت فيا
    أحبك على إيه يا مبعجر
    مانت معذور مش شايف نفسك
    إحمد ربنا إنى وافقت وإتجوزتك
    دى كل واحدة تقوللى إيه ياختى إللي غاصبك على كدة علشان تعيشى مع واحد أد أبوكى وكمان كفيف
    هو فيه واحدة إترمت رميتى أو خابت خيبتى
    لا عيل ولا تيل ولا راجل يملا عليا البيت حسرة عليا وعلى شبابى
    تادرس
    ياااه مع إن إللي يشوفها يقول إنها أكبر منك فى السن يا شيخ حسن
    الشيخ حسن
    يابنى مانا عارف إنها كبيرة فى السن وكمان وحشه والكلب ما يرضاش يبصلها
    لا مؤاخذة يارومانى
    رومانى
    وليه لا مؤاخذة يا شيخ حسن هو أنا كلب ؟
    الشيخ حسن
    لأ ياواد لا سمح الله مش ده قصدى
    قصدى علشان إنتوا بتربوا كلاب وعارفين همابيحبوا إيه وبيكرهوا إيه


    يتبـــــــــــــــــع



  2. #2
    الصورة الرمزية showman
    showman غير متواجد حالياً عضو مميز
    تاريخ التسجيل
    Jan 2007
    المشاركات
    573
    الدين
    الإسلام
    آخر نشاط
    14-10-2016
    على الساعة
    09:05 PM

    افتراضي

    تادرس
    عاوز أقوللكم حاجة يا جماعة
    رومانى
    قبل ما يتكلم تادرس
    إوعى تكون لسه زعلان منى ياعم الشيخ رمضان من المرة إللي فاتت لما قلتلك مش عارف انت ليه مستقصدنى لما كنت باشيل الحبر من صباعى بعد ما خرجت من لجنة الاستفتا
    عم رمضان
    ياوله أنا كان قلبى عليك وبعدين المسامح كريم وانت زى إبنى
    رومانى
    العشم بردو
    عم رمضان
    عاوز تقول إيه ياتادرس
    تادرس
    أنا نزلت مصر النهاردة بعد صلاة العصر ورحت الأزهر وأشهرت إسلامى واخترت بردو اسم محمد
    عم رمضان
    الله أكبر الله أكبر ولله الحمد ألف مبروك يامحمد
    الشيخ حسن
    فإذا عزمت فتوكل على الله الحمد لله مبارك عليك إسلامك والله لقد فزت فوزآ عظيما
    محمد
    الحمد لله رب العالمين اللهم إغفر لى ما مضى وما كان منى فقد عدت إليك فتقبلنى بواسع رحمتك
    المهم إنى خلصت الورق بتاعى وبعدين صليت المغربفى سيدنا الحسين وكنت بأسئل نفسى أصارح رومانى بالحقيقة ولآ لأ وانتوا عارفين اننا نسايب أنا واخد اخته وهو واخد اختى فصليت صلاة إستخارة والحمد للهإستقر الرأى إنى أصارحه فعديت عليه بعد ما وصلت من مصر وإتكلمنا كتير وعرفت ان مرثا إتصلت بيهم تسئل عنى
    المهم لما إتكلمت مع رومانى لقيت عنده إستعداد إنه يقبل الحق ويركن كل الكلام إللي بيقولوه القساوسة فى الكنيسة
    وقلتله بص انت مش حتخسر حاجة احنا نروح لعم رمضان والشيخ حسن ولو عاوز تعرف الحق اسمع منهم ولو عاوز تفضل مغفل ومضحوك عليك انت حر
    الشيخ حسن
    ماهو الشيخ رمضان الأب الروحى بتاعنا
    رومانى
    وهو فيه حد يكره الحق ؟
    عم رمضان
    كتير بيكونوا عارفين إنهم على الباطل ومش عاوزين يدوروا عن الحق
    الشيخ حسن
    بص يارومانى الأول لازم تعرف ان الاسلام مش محتاج ليك بالعكس انت إللي محتاج للإسلام
    وربنا سبحانه وتعالى لما بيريد الخير لعبد من عبادهبيشرح قلبه للإسلام وييسر ليه معرفة الحق
    وانت لو بحثت فى كتابك كله من الجلدة للجلدة مش حتلاقى ان المسيح عليه السلام إدعى إنه إله أو اقنوم أو واحد من ثالوث أو إنه الله ومتخفى فى ناسوت أو إنه الله وإتجسد فى مريم وإتولد منها وكمان مش حتلاقى فى كتابك كلمة ناسوت أو لاهوت ولآ حتلاقى المسيح عليه السلام إتكلم عن أدم ولآ عن خطيته وأكله من الشجرة نهائيآ
    علشان يقولوا إنه نزل يرفعها عنا
    الحاجات دى إخترعوها بعد رفع المسيح عليه السلام
    وإذا كانوا فى الكنيسة بيقولولك ان المسيح كان بيقول يا أبتاه وبيقول عن الله الأب فاليهود كلهم بيقولوا نحن أبناء الله وأحباءه وربنا كذبهم فى القرءان وسبحانه وتعالى قال لما إنتوابتقولوا إنكم أبناء الله طيب ليه بيعذبكم لو ده صحيح ومريم عليها السلام كانت يهودية والعهد القديم مليان بإدعاءتهم للبنوة وهى بنوة مجازيآيعنى الحكاية مش غريبة ومتبعة عندهم
    كمان البنوة المجازية يارومانى متبعة عندكوا انتوا كمان
    رومانى
    يعنى إيه بنوة مجازية ؟
    الشيخ حسن
    يعنى بنوة كدة وكدة يعنى بنوة غير حقيقية
    زى ما إنتوا بتقولوا لشنودة البابا شنودة
    هل هو أبوكم فى الحقيقة ولآ ده مجازآ
    محمد
    وزى ماانت ما بتقول لأبونا مخادع لما كان بيجى حدانا يابونا فهل ده معناه إن مخادع يبقى أبوك ولآ انت بتقول أبونا كدة وكدة يعنى مجازآ
    عم رمضان
    حتى عندنا هنا فى الكفر الصغير بيقول للكبير أبويا فلان
    وإنت بتشوف بعينك لما الشاب الصغير يشوف واحد كبير فى السن والمقام ويقول أبويا الحاج خليفة جاى هناك أهو وهو فى الحقيقة مش أبوه عوضين أو صالح وغيرهم لما يقولوا الواحدمنهم أبويا الشيخ رمضان أو أبويا فلان
    رومانى
    فهمت يعنى المسيح كان بيقول أبتاه زيه زى اليهود
    الشيخ حسن
    الله ينور عليك وعلشان كده حتلاقى عندكم فى الانجيل لما المسيح عليه وعلى نبينا الصلاة والسلام فى وعظته على الجبل إتكلم عن الصلاة وقال
    و حينما تصلون لا تكرروا الكلام باطلا كالامم فانهم يظنون انه بكثرة كلامهم يستجاب لهم
    فلا تتشبهوا بهم لان اباكم يعلم ما تحتاجون اليه قبل ان تسالوه
    فقال عن الله أباكم
    رومانى
    أيوه احنا لما بنصلي بنقول
    ابانا الذي في السماوات ليتقدس اسمك
    ليات ملكوتك لتكن مشيئتك كما في السماء كذلك على الارض
    خبزنا كفافنا اعطنا اليوم
    و اغفر لنا ذنوبنا كما نغفر نحن ايضا للمذنبين الينا
    و لا تدخلنا في تجربة لكن نجنا من الشرير لان لك الملك
    والقوة و المجد الى الابد امين
    الشيخ حسن
    ده دعاء بدليل ان المسيح قال لا تكرروا الكلام باطلآ فليس بكثرة كلامهم يستجاب لهم فعلمّهم هذا الدعاء ليقولوه متى صلوا لأن صلاة اليهود تشبه صلاتنا نحن المسلمين وفيها ركوع وسجود والمسيح عليه السلام كان يصلي لله ويسجد له ويخرعلى وجهه
    والصلاة واحدة فى كل الرسالات ولكن اليهود ومن جاء بعدهم أضاعوها
    محمد
    فعلآ السيد المسيح فى بستان جيشمانى صلى وخر على وجهه
    وده الكلام إللي قلته لرومانى وقلتله لو المسيح هو الله طيب كان بيصلي لمين ؟
    الشيخ حسن
    وعندنا فى القرأن خطاب الله لمريم ام المسيح عليه السلام
    يَا مَرْيَمُ اقْنُتِي لِرَبِّكِ وَاسْجُدِي وَارْكَعِي مَعَ الرَّاكِعِينَ
    عم رمضان
    والمسيح لما نطق وهو فى المهد قال
    وَجَعَلَنِي مُبَارَكًا أَيْنَ مَا كُنتُ وَأَوْصَانِي بِالصَّلاةِ وَالزَّكَاةِ مَا دُمْتُ حَيًّا
    وقال الله سبحانه عن إسماعيل
    وَاذْكُرْ فِي الْكِتَابِ إِسْمَاعِيلَ إِنَّهُ كَانَ صَادِقَ الْوَعْدِ وَكَانَ رَسُولا نَّبِيًّا وَكَانَ يَأْمُرُ أَهْلَهُ بِالصَّلاةِ وَالزَّكَاةِ وَكَانَ عِندَ رَبِّهِ مَرْضِيًّا.
    وفى أمره سبحانه لسيدنا ابراهيم أبو الأنبياء
    وَإِذْ بَوَّأْنَا لِإِبْرَاهِيمَ مَكَانَ الْبَيْتِ أَن لّا تُشْرِكْ بِي شَيْئًا وَطَهِّرْ بَيْتِيَ لِلطَّائِفِينَ وَالْقَائِمِينَ وَالرُّكَّعِ السُّجُودِ
    الشيخ حسن
    فالصلاة كتبها الله على جميع الأمم و فيها ركوع وسجود وقنوت
    رومانى
    طيب وأنا إيش كان عرفنى بالكلام ده أنا حسب ما بيقولوا فى الكنيسة حتى ما كنتش أقدر أسئل عن حاجة بعد ما شفت واحد بيسئل أبونا عن حاجة مش عارفها وأبونا بص له حتة بصة وقعّت قلبه وقال ما تسئلش عن حاجة يا عديم الإيمان
    عم رمضان
    وطبعاً أبوك مجاوبش على السؤال ؟
    رومانى
    لأ مجاوبش
    بس أنا حقيقى مستعجب
    عم رمضان
    مستعجب من إيه ؟
    رومانى
    شايفك ياعم رمضان انت والشيخ حسن لما بتتكلموا عن المسيح بتقولوا عليه السلام وعليه وعلى نبينا الصلاة والسلام
    غير عندنا خالص بيقعدوا يسبوا فى الاسلام ورسول الاسلام
    الشيخ حسن
    لأن الله أمرنا أن نؤمن بجميع الرسل ولا نفرق بين أحد منهم وأن نؤمن برسالة كل رسول لأنها وحى من الله
    رومانى
    طيب ليه ما بتؤمنوش بالكتاب المقدس
    الشيخ حسن
    لأنهم حرفوا وبدلوا فيه
    رومانى
    طيب تقولوا إيه عن صعود السيد المسيح وجلوسه عن يمين الله زى ماقال القديس مرقس
    عم رمضان
    ربنا سبحانه وتعالى رفع المسيح حتى ينجيه من اليهود ومن الصلب
    وفى إنتظار أن يرسله مرة اخرى ليقتل الدجال ويقتل الخنزير ويكسر الصليب ويعيش ما قدر له الله من العمر مسلمآ بين المسلمين ويثبت لكم إنكم على الباطل
    الشيخ حسن
    بص يارومانى أنا عاوزك تشغل عقلك
    مكتوب فى انجيل لوقا
    و فيما هو يباركهم انفرد عنهم واصعد الى السماء
    بمعنى إنه لم يصعد من نفسه ولكن هناك من أصعده وهو الله وأصعد غير صعد
    صعد يبقا له إستطاعة أن يصعد ولكن المكتوب اُصعد أى هناك من أصعده وهو الله فليس للمسيح القدرة للصعود وحده ولكن تم هذا بقدرة الله
    وتلاقى فى نفس انجيل لوقا عبارة وظهر له ملاك ليقويه يعنى إنه ضعيف والملاك جاء ليقويه
    فهمت النقطة دى
    رومانى
    فهمت يعنى مش من نفسه
    عم رمضان
    براوة عليك
    الشيخ حسن
    ده أولآ
    ثانيآ عندكوا بيقولوا ان الأب والأبن والروح إله واحد
    وفى مرقس مكتوب
    ثم ان الرب بعدما كلمهم ارتفع الى السماء و جلس عن يمين الله
    يعنى بيقصد بالرب إللي هو المسيح جلس عن يمين الأب إللي هو الله سبحانه
    بمعنى واحد جلس عن يمين التانى
    يبقوا كام واحد ؟
    رومانى
    يبقوا إتنين
    الشيخ حسن
    عال أوى يعنى إتنين مش واحد
    ثالثآ
    عندكوا بيقولوا ان الله لم يراه أحد قط ولكنه عندما نزلوتجسد استطعنا أن نراه فى صورة عبد وهوالمسيح
    يعنى لو لم يتجسد الله فلن نستطيع أن نراه
    صح كدة
    رومانى
    صح
    الشيخ حسن
    يعنى بالفرض لو عندنا قوة إبصار مهولة نشوف بيها سماء السموات زى ما بيقولوا عندكوا بردو مش حنقدر نرى الله سبحانه
    مظبوط الكلام
    رومانى
    مظبوط الكلام
    الشيخ حسن
    طيب بعقلك كده تصدق مرقس لما قال إنه رأى المسيح وهو يجلس عن يمين الله
    كيف له أن يرى الله ؟
    رومانى
    صدقنى يا شيخ حسن انت وعم رمضان أنا ما بقتش عارف حاجة وكل حاجة بقت مشوشة قدامى
    محمد
    أنا عارف ان ده صعب وانا مريت بالحالة دى لأن تغيير الدين مش بالساهل بس الواحد لازم يتبع الحق علشان الواحد متعلق من عرقوبه وياإما جنة أو نار والواحد بعمله وربنا سبحانه وتعالى هو غفار الذنوب مش الأب الاعترافى ياعم رومانى
    عم رمضان
    طيب إيه رأيك يارومانى انت فكر كويس فى الكلام إللي قلناه الليلة ولو إقتنعت بالحق قول لمحمد ومحمد يجيبك ونقعد مع بعض ونجاوبك على كل حاجة تحب تسئل فيها
    محمد
    كده صح إحنا نديله فرصة يقعد بينه وبين نفسه
    ويفكر كويس ولو عاوز الحق يقول
    ولو حابب يفضل مغفل يبقا بخاطره وأكون عملت إللي عليا لأنه نسيبى ومتربين سوا وأكتر من الاخوات ومش هاين عليا أسيبه على الباطل وهو الوحيد إللي صارحته بإسلامى أول ما رجعت من مصر
    الشيخ حسن
    تمام كدة واحنا حنستناك يارومانى لأنى متأكد إنك عاوز تعرف الحق ومش حيجيلك نوم
    بس مش عاوزين نسبق الاحداث
    المطلوب منك إنك تشغل عقلك وتفكر كويس
    رومانى
    ماشى يا شيخ حسن
    ربنا يقدم إللي فيه الخير
    محمد
    نستأذن دلوقت وان شاء الله نتقابل بعدين
    السلام عليكم
    عم رمضان
    وعليكم السلام ورحمة الله وبركاته

  3. #3
    الصورة الرمزية شعشاعي
    شعشاعي غير متواجد حالياً خادم في المنتدى
    تاريخ التسجيل
    Feb 2009
    المشاركات
    1,673
    الدين
    الإسلام
    آخر نشاط
    16-06-2013
    على الساعة
    05:43 PM

    افتراضي

    ممتاز ممتاز ممناز


    بارك الله فيك أخي الحبيب

    و الله إني أستمتع بهذه القصص الرائعة

  4. #4
    تاريخ التسجيل
    Oct 2012
    المشاركات
    108
    الدين
    الإسلام
    آخر نشاط
    01-05-2013
    على الساعة
    10:23 PM

    افتراضي

    بارك الله فيك وجعله في ميزان حسناتك يوم القيامه
    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

  5. #5
    الصورة الرمزية showman
    showman غير متواجد حالياً عضو مميز
    تاريخ التسجيل
    Jan 2007
    المشاركات
    573
    الدين
    الإسلام
    آخر نشاط
    14-10-2016
    على الساعة
    09:05 PM

    افتراضي

    اقتباس
    اقتباس المشاركة الأصلية كتبت بواسطة شعشاعي مشاهدة المشاركة
    ممتاز ممتاز ممناز


    بارك الله فيك أخي الحبيب

    و الله إني أستمتع بهذه القصص الرائعة
    الحمد لله رب العالمين لأن جعلنا وسيلة لإسعادك أخى الحبيب
    كما نرجو أن تكون قد وصلت إليكم ما تضمنته اليومية من معلومات

  6. #6
    الصورة الرمزية showman
    showman غير متواجد حالياً عضو مميز
    تاريخ التسجيل
    Jan 2007
    المشاركات
    573
    الدين
    الإسلام
    آخر نشاط
    14-10-2016
    على الساعة
    09:05 PM

    افتراضي

    اقتباس
    اقتباس المشاركة الأصلية كتبت بواسطة روح الريحان مشاهدة المشاركة
    بارك الله فيك وجعله في ميزان حسناتك يوم القيامه
    وبارك الله فيك اختى الفاضلة
    وجوزيتم كل خير على متابعتك الدائمة

  7. #7
    تاريخ التسجيل
    Oct 2012
    المشاركات
    19
    الدين
    الإسلام
    آخر نشاط
    24-04-2013
    على الساعة
    06:21 PM

    افتراضي

    عمل رائع أخى showman متابعة عم رمضان من اول ماسجلت فى المنتدى
    جزاكم الله خيرا وجعله فى ميزان حسناتكم

  8. #8
    تاريخ التسجيل
    Sep 2012
    المشاركات
    299
    الدين
    الإسلام
    آخر نشاط
    12-10-2013
    على الساعة
    06:54 AM

    افتراضي يوميات عم رمضان الأب الروحي

    على فكرة أنت قفلت على كل الموضوع ومخلتش ولا حتة صغيرة أببني عليها أي حوار
    حتي بين السطورفتشت كويس و ملقتش ولفتفوتة صغنونة
    دا أنت كدى بقيت بخيل
    بحبحها الشوية وإما حعزل
    خالص

    [SIZE="5"] طبعا حوارك كالعادة هادف ومفيد ولم أجروأ أن أجاريك هذه المرة
    لأنك لم تترك مساحات لأنفذ منها
    و لا أستطيع أن أقول لك إلا أنك أوصلت ما أردت قوله
    أخ شومان أنت فعلا مبدع
    بارك الله فيك [/COLOR]وأشكرك كثيرا وزادك الله من نعيمه في الدنيا والأخيرة
    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

يوميات عم رمضان الأب الروحى

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

المواضيع المتشابهه

  1. يوميات عم رمضان البراغيت
    بواسطة showman في المنتدى من ثمارهم تعرفونهم
    مشاركات: 4
    آخر مشاركة: 15-04-2013, 07:54 PM
  2. يوميات عم رمضان الدين لله
    بواسطة showman في المنتدى منتدى نصرانيات
    مشاركات: 2
    آخر مشاركة: 23-03-2013, 09:42 PM
  3. يوميات عم رمضان سد الحنك
    بواسطة showman في المنتدى منتدى نصرانيات
    مشاركات: 6
    آخر مشاركة: 24-01-2013, 02:51 PM
  4. يوميات عم رمضان المندل
    بواسطة showman في المنتدى منتدى نصرانيات
    مشاركات: 0
    آخر مشاركة: 16-10-2012, 06:32 PM
  5. يوميات عم رمضان ( النهـــاية )
    بواسطة showman في المنتدى منتدى نصرانيات
    مشاركات: 10
    آخر مشاركة: 06-10-2012, 01:51 PM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

يوميات عم رمضان الأب الروحى

يوميات عم رمضان الأب الروحى