وَبِالْوَالِدَيْنِ إِحْسَاناً

آخـــر الـــمـــشـــاركــــات


مـواقـع شـقــيـقـة
شبكة الفرقان الإسلامية شبكة سبيل الإسلام شبكة كلمة سواء الدعوية منتديات حراس العقيدة
البشارة الإسلامية منتديات طريق الإيمان منتدى التوحيد مكتبة المهتدون
موقع الشيخ احمد ديدات تليفزيون الحقيقة شبكة برسوميات المرصد الإسلامي لمقاومة التنصير
غرفة الحوار الإسلامي المسيحي مكافح الشبهات شبكة الحقيقة الإسلامية موقع الدعوة الإسلامية
شبكة البهائية فى الميزان شبكة الأحمدية فى الميزان مركز براهين شبكة ضد الإلحاد

يرجى عدم تناول موضوعات سياسية حتى لا تتعرض العضوية للحظر

 

       

         

 

    

 

 

    

 

وَبِالْوَالِدَيْنِ إِحْسَاناً

النتائج 1 إلى 7 من 7

الموضوع: وَبِالْوَالِدَيْنِ إِحْسَاناً

  1. #1
    الصورة الرمزية showman
    showman غير متواجد حالياً عضو مميز
    تاريخ التسجيل
    Jan 2007
    المشاركات
    573
    الدين
    الإسلام
    آخر نشاط
    14-10-2016
    على الساعة
    09:05 PM

    افتراضي وَبِالْوَالِدَيْنِ إِحْسَاناً

    يوميات عم رمضان
    وَبِالْوَالِدَيْنِ إِحْسَاناً
    ام السعد
    إتفضل الشاى يا شيخ حسن
    عم رمضان
    مد إيدك
    الشيخ حسن
    فكرتنى يا شيخ رمضان بالمد على الفلكة لما كنت فى كتّاب الشيخ توفيق الحامى ، كانت أيام
    عم رمضان
    إهيه وهو انت حتعرف تقرا ولآ تكتب علشان تتمد
    الشيخ حسن
    المد كان علشان الحفظ يا شيخ رمضان
    عم رمضان
    طيب خلي بالك علشان ده شاى فتلة
    الشيخ حسن
    ما شاء الله فتلة مرة واحدة !!!
    عم رمضان
    هى يعنى جت علينا يا شيخ حسن
    الشيخ حسن
    صحيح الدنيا بتتقدم
    فكرك أول مرة أشرب فيها شاى الفتلة ده لما الواد فارق إبن أبو سليم مسك فيا وقعدنا على القهوة وطلب إتنين شاى وقاللي ده شاى فتلة ياعم الشيخ حسن وسيبه يخرط شوية فى الكوباية وبعدين إبقى إرمى الفتلة
    بعديها مديت إيدى وحسست لما عترت فى الفتلة إللي بيقول عليها رحت ماسكها ومطوحها بعيد لقيت إللي بيقول بصوت عالي
    إيه ده مش تحاسب يا شيخ حسن هو انت بتّطير طيارة
    عم رمضان
    الله يضحكك يا شيخ حسن فيه حد يعمل كده انت مش قاعد وسط ناس المهم إيه أخبار الكفر
    الشيخ حسن
    بيقولوا ان محفوظ أبو عباية عقبال أملتّك كانوا ولاده الأتنين إللي شغالين فى الخليج كل واحد منهم بعتله موبايل وبقى يعرف فيهم زى الجن وبقوا يتصلوا عليه من بره علشان يطمّنوه ويطمّنوا عليه، وسمعت إنه تعب اليومين إللي فاتوا وإفتكر نفسه خلاص حيموت وبناته ومراته قعدوا يولولوا ، فوصاهم وصية إنه بعد ما يغسلوه يحطوا موبايل فى إيده اليمين والموبايل التانى فى إيده الشمال ويكفنوه والموبايلات فى إيديه بس بعد ما يشحنوهم كويس وبعدين يدفنوه
    قال إيه ، قال يمكن حد يتصل عليه من ولاده
    ولما بناته سمعوا كده ماقدروش يمسكوا نفسهم من الضحك
    عم رمضان
    هاهاها
    بس أنا شفته النهاردة ما شاء الله صحته حلوة وزى الفل
    الشيخ حسن
    ماهم بعد ما شيعوا وجابوا الدكتور والدكتور كشف عليه سمع الدكتور وهو بيقول لجماعته هو معندوش حاجة دول شوية مغص من اللخبطة فى الأكل
    قام فط من على السرير زى الجن ولآ كأن فيه حاجة
    أم السعد
    صحيح البنى أدم منا ممكن يموت من الوهم
    الشيخ حسن
    كمان الوليه ام الواد ميلاد الصايغ
    ام السعد
    حنة العامية ؟ لآ مؤاخذة يا شيخ حسن يقطعنى
    الشيخ حسن
    ولا يهمك ، أيوه هى
    عم رمضان
    ودى كمان مالها يا شيخ حسن ؟
    الشيخ حسن
    راسها وألف سيف لازم تروح مولد العدرا إللي فى المنيا والواد ميلاد مش عاوز يروح معاها علشان ما يقفلش الدكان بتاعه ولما لقاها مصممة تروح ركبّها الاتوبيس إللي الكنيسة بعتته ووصى عليها المشرف بتاع الرحلة والناس إللي رايحة
    وبعد ما زاروا وخلصوا والناس بدأت تركب الأتوبيس علشان يرجعوا قعدوا يدوروا على حنة مش لاقينها والظاهر انها دخلت الحمام وقتها أوحد قصد إنه يتوهها المهم ما تعرفش إيه إللي حصل
    أصل جيرانها إللي معاها مضايقين منها لأنها زى العقربة ولسانها عامل زى الفرقلة ومش سايبه حد إلآ لما تتكلم عليه فقالوا للمشرف لما لاحظ غيابها بعد ما بص فى الكشف إللي معاه وهما بيركبوا الاتوبيس
    والظاهرإن كلهم بيكرهوا بعض ومش عاوزين الأتوبيس يقعد ينتظرها علشان ما يتأخروش
    فقالوا للمشرف إنها مشيت مع ابنها وإنه جه وخدها
    ولما الأتوبيس وصل حدانا الوله ميلاد فضل واقف قدام باب الاتوبيس مستنى امه لما تنزل علشان ياخد بإيدها لغاية ما كل إللي فى الاتوبيس نزلوا وملقاش امه معاهم وسئل الناس قالوا ما نعرفش حاجة قدامك المشرف إسأله
    فسأل المشرف المشرف قال مشيت مع ابنها
    الواد ميلاد ركبه ميت عفريت غير العفاريت إللي راكباه من الأول وقال للمشرف أنا ابنها وملهاش ولاد غيرى وانا موصيك عليها لما ركبتها الاتوبيس ده أنا حاوديك فى داهية لازم تاخدنى دلوقت أروح أدورعلى امى المشرف قال ما أقدرش أرجع المنيا تانى دلوقت انت بتتكلم إزاى
    وبعدين المشرف قلبه حن بعد ما صعب عليه الواد ميلاد إللي كان مقطع نفسه من العياط وقعد يشعتف كدة وكدة علشان يصعب على المشرف وسواق الاتوبيس ، المشرف قال طيب لو معاك خمسمية جنية تكلفة الرحلة أرجع معاك المنيا دلوقت ولو إنى تعبان وهلكان ياإما تستنى أنا مُودّى رحلة تانى بكرة وواخد ناس معاى من هنا فتبقا تيجى معاى وندّور عليها
    الواد ميلاد زى ما تقولوا كده إستخسر فى امه الفلوس وقال خلاص أروح معاك بكرة
    ام السعد
    ياعينى دى الولية ضريرة ما بتشوفش حتتصرف إزاى وحتبات فين ؟
    عم رمضان
    وإيه إللي وداها من أساسه
    الشيخ حسن
    أنا سمعت انهم فى مولد العدرا كل واحد ليه طلب بيطلبه من العدرا وبيقولوا حاجات كفرية
    زى إستجيبى ياأم الإله وياأم النور حققيلي طلبى وماتبخليش عليّا وبيطلبوا منها الشفا وفك الضيقة وقضاء الحاجات
    ام السعد
    أستغفر الله العظيم ده شرك بالله
    عم رمضان
    أستغفر الله العظيم
    إذا سألتَ فاسألِ الله ، وإذا استعنت فاستعنْ بالله ، واعلمْ أن الأمة لو اجتمعوا على أن ينفعوك بشيءٍ ، لم ينفعوك إلا بشيءٍ قد كتبه اللهُ لك
    وماتنساش يا شيخ حسن انه موجود عندنا احنا كمان بعض الجهلة إللي بيروحوا الموالد ويوسطوا الأوليا وأهل البيت فى قضاء حاجاتهم
    وتلاقى إللي بيقول نظرة ياأم هاشم مدد ياحسين
    مع ان الرسول صلى الله عليه وسلم قال لفاطمة
    يا فاطمة بنت محمد ... لاأغني عنك من الله شيئا
    الشيخ حسن
    دول قلة يا شيخ رمضان وجهلة بس نيتهم سليمة وعايشين بالبركة
    أما إللي بالي بالك فبتلاقى الكل من الأغبى للأنبا بيطلبوا قضاء حوائجهم من العدرا والقديسين
    والواد خالد ابن الحاج عصفور الطاير ماإنت عارفه كان رايح يشترى كتاب اسمه سلاح التلميذ قام قابل الواد حنا ابن عطية الاعرج إللي معاه فى المدرسة الاعدادية وكمان معاه فى الفصل فاالواد حنا سئله على فين يا خَلوُدّا ؟
    عم رمضان
    خلودا ؟!!
    الشيخ حسن
    بيهزروا مع بعض مش عيال
    عم رمضان
    عشنا وشوفنا
    المهم وبعدين
    الشيخ حسن
    خالد قال إنا رايح أشترى كتاب سلاح التلميذ فى التاريخ ياحنونة وسئل الواد حنا هو انت مش حتشتريه ؟
    الواد حنا قال انا مش محتاج سلاح التلميذ
    علشان معاى أبو سيفين شفيع التاريخ
    أتارى يا شيخ رمضان أى تلميذ عندهم بيبقى حاطط إيديه على شوية قديسين ويقولك ابو سفين ده شفيع التاريخ ومارجرجس شفيع الحساب ومكسيموس شفيع الانجليزى ودوماديوس شفيع الفرنساوى والقديس إسكارس شفيع الكميا والقديس بولآ السايح شفيع الجغرافيا
    عم رمضان
    ومين بتاع العربى ؟؟؟؟؟
    الشيخ حسن
    مفيش شفيع عندهم بيفهم فى العربى علشان القديسين أغلبهم رومان
    عم رمضان
    وصاحبك إياه ما بيتشفعش فى حاجة ؟
    الشيخ حسن
    ده تخصص تفاضل ومثلثات
    وخصوصاً لما يجيى يفسر التثليث ويشبهه بمثلث بس أهم حاجة إن المثلث يكون من الدهب الخالص
    ومش عارف يفرق فى إيه لو كان دهب خالص أو صفيح صادء
    المهم تكون النظرية صح مش لمجرد إثبات باطل
    عم رمضان
    بسم الله الرحمن الرحيم
    وَيَعْبُدُونَ مِن دُونِ اللَّـهِ مَا لَا يَضُرُّهُمْ وَلَا يَنفَعُهُمْ وَيَقُولُونَ هَـٰؤُلَاءِ شُفَعَاؤُنَا عِندَ اللَّـهِ قُلْ أَتُنَبِّئُونَ اللَّـهَ بِمَا لَا يَعْلَمُ فِي السَّمَاوَاتِ وَلَا فِي الْأَرْضِ سُبْحَانَهُ وَتَعَالَىٰ عَمَّا يُشْرِكُونَ ﴿يونس: ١٨﴾
    الشيخ حسن
    صدق الله العظيم
    عم رمضان
    المهم إيه إللي حصل بعد كدة لحنة ام الواد ميلاد ؟
    الشيخ حسن
    تانى يوم المشرف إتصل بالواد ميلاد وقال يا ميلاد أنا طالع دلوقت وتعالى معاى علشان تدور على امك
    الواد ميلاد ماهانش عليه يقفل المحل بتاعه ويخسر زبونة تكون جاية تشترى كردان ولآ غويشة فقال للمشرف أنا عندى موزمة دلوقت ومزنوق على الآخر ومش فاضى ياريتك تدور عليها ولو لقيتها هاتها معاك
    عم رمضان
    شوف الواد الكداب ، يكدب علشان مايروحش يدور على امه
    أم السعد
    وهو فيه حد يعامل امه كده ويبقى قلبه مش عليها
    الشيخ حسن
    ياستى ماهو عندهم فى كتابهم المسيح نفسه إللي بيقولوا أستغفر الله العظيم إنه معبودهم قال لامه
    مالي ومالك ياإمرأة
    ومرة تانية كانت بتسئل عليه هى واخواته ومارضيش يرد عليهم ولا يخرج لهم لما كانوا عاوزين يشوفوه
    عم رمضان
    مع ان رسولنا صلى الله عليه وسلم قال
    امك ثم امك ثم امك ثم أبيك
    ام السعد
    صلى الله عليه وسلم
    هو فيه بعد الأم ؟؟
    الشيخ حسن
    وربنا سبحانه وتعالى بيقول
    وقضى ربّك ألا تعبدوا إلا إياه وبالوالدين إحسانآ
    أم السعد
    اومال مرثا مرات تادرس بتقول إنه ما بيكسرش بخاطر امه إزاى ؟
    عم رمضان
    امتى حصل الكلام ده ؟
    ام السعد
    من قيمة يومين كانت بتسئلنى عن تادرس إن كنت شفته ولآ لأ والكلام جاب بعضه
    وقالت إنها لما بتحتاج حاجة بتطلبها من العدرا الأول
    والعدرا بترفع الطلب لابنها وهوعمره ما كسر بخاطرها
    يبقا إزاى عمره ما كسر بخاطرها وهو بيعاملها بالشكل ده ؟
    عم رمضان
    إهيه بقا ربنا سبحانه وتعالى إللي وصى على الوالدين وقال
    وَاخْفِضْ لَهُمَا جَنَاحَ الذُّلِّ مِنَ الرَّحْمَةِ وَقُل رَّبِّ ارْحَمْهُمَا كَمَا رَبَّيَانِي صَغِيرًا ﴿الإسراء: ٢٤﴾
    يعامل … أستغفر الله العظيم العالم دى حتخلي مخ الواحد يطرشق
    سبحانك لم تتخذ صاحبة ولآ ولد
    الشيخ حسن
    والله فكرتينى ياام السعد بحكاية ترفع الطلب دى
    تصدق يا شيخ رمضان لما يكون واحد منهم فىضيقة ما بيعملش زينا ويدعوا الله فى صلاته وهو ساجد إن ربنا سبحانه يفرج كربه
    عندهم ما بيحصلش الكلام ده وبتلاقى فى الحالات إللي زى دى المحتاج منهم يقوم يقدم طلب إسمه طلب صلاة خاصة بالمسئلة بتاعته ويروح الكنيسة ويدى الطلب للأسيس والأسيس قبل ما يمد إيده وياخد منه الطلب ياخد منه فلوس الأول على أد ما يقدر وعلى حسب الحالة وبعدين يصلي للراجل
    عم رمضان
    معقول الكلام ده ؟
    الشيخ حسن
    الواد ميلاد هو إللي قاللي كده
    وتلاقى الأسيس بعد ماياخد الفلوس ويحطها فى جيبه لآ بيصلي ولآ حاجة
    عم رمضان
    وحتى لو صلى حيفيده بإيه
    وهو فيه واسطة بين العبد وربه
    بس تقول إيه .. إمخاخ
    الشيخ حسن
    خرفان ربنا يهديهم
    هما الجماعة اتأخروا ليه ؟
    عم رمضان
    انت متأكدة ياام السعد ان مريانا قالت انها جاية عندنا النهاردة
    ام السعد
    هى لما قابلتنى فى السوق قالت إنها عاوزة تزورنا هى ورومانى وحيجيبوا تادرس معاهم
    عم رمضان
    تادرس أسلم ياام السعد وإسمه بقا محمد
    ام السعد
    الله أكبر ما شاء الله طيب مش تعرفونى
    عم رمضان
    هو كان مسلم فى السر بس دلوقت أشهر إسلامه فى الأزهر وطلع أوراقه وغير إسمه وبقت الحكاية رسمى
    الشيخ حسن
    الست مريانا قالتلك الليلة ؟
    ام السعد
    أيوه يا شيخ حسن
    عم رمضان
    يا مسهل
    ام السعد
    ربنا يستر وماتكنش مريانا جاية مع رومانى علشان تعمل زيطة بخصوص تادرس أخوها
    أنا أسمع ان لسانها طويل ومش سهلة
    عم رمضان
    مااظنش يا ام السعد
    لو كانت عاوزة تعمل حاجة كانت راحت بلغت الكنيسة من يومها بس الظاهر انها بتحب أخوها وعارفة عنه إنه عاقل وبيفكر كويس وصعب ينضحك عليه
    الشيخ حسن
    وهو إحنا بنضحك على حد ؟
    إحنا بنبين الحق وبنقوللهم ياجماعة إنتواعلى ضلال ولو فكرتوا شوية حتكتشفوا إنكم عايشين فى وهم وتصدقوا إننا خايفين عليكم من نار جهنم وبالنسبة لمريانا لولا هى متشككة فى عقيدتها وفى الكلام إللي بتسمعه من الكنيسة مكانتش وافقت تيجى معاهم ولو غير كدة كانت راحت بلغت عن أخوها حتى لو بتحبه وبتموت فيه
    عم رمضان
    عمومآ لسه بدرى وان كانوا جايين فعلآ الليلة حيجوا متأخرين علشان مفيش حد يلحظهم وهما داخلين هنا وخصوصآ مرثا مراة تادرس علشان لسه ماتعرفش إن جوزها أسلم
    الشيخ حسن
    هو مش كان المفروض ان محمد يقوللنا إنهم جايين الليلة
    ام السعد
    يمكن محمد مايعرفش
    عم رمضان
    هو احنا حنقعد نضرب أخماس فى أسداس
    خلاص وقت ما يجوا ياأهلآ وسهلآ
    الشيخ حسن
    انت علمّت محمد إزاى يصلي ياشيخ رمضان ؟
    عم رمضان
    علمته كيفية الوضوء والصلاة وعدد الفروض وعلمته ضرورة التطهر من الجنابة حتى إنه قاللي بعد كدة ان مرثا بقت مستغربة إنه بيقوم يتسبح بعد ما بيناموا مع بعض لأنها مكانتش متعودة ده منه قبل كدة ، وأنا عرفتّه ان الجماع مش نجاسة زى عندكم ولكنه جنابة لأن المسلم عمره ما كان نجس وعلمته صلاة الاستخارة
    إومال هو صلى إزاى فى الحسين يا شيخ حسن لما نزل مصر وأشهر إسلامه ده كمان هو قاللي ياشيخ حسن حاجة غريبة
    الشيخ حسن
    قالك إيه ؟
    عم مضان
    قاللي إنه مرة كان فى الكنيسة وفيه واحد سئل الأسيس وقال يابونا هو المفروض علياّ إنى أستحمى بعد الجماع كنوع من الطهارة ؟
    تتصور الأسيس رد عليه وقال إيه ؟
    الشيخ حسن
    أكيد قال مفيش عندنا طهارة
    عم رمضان
    ده رد عليه رد غريب وقال للراجل إللي سئله إنت لو شايل شوال خيار ووقعت منهم خيارة فى الطين تغسل الخيارة ولآ تغسل الشوال كله
    قام الراجل قال أغسل الخيارة إللي وقعت
    الأسيس قال للراجل تمام أهو هو ده إللي تعمله !!!!
    يعنى الأسيس بيحلل ويحرم
    الشيخ حسن
    والله يا شيخ رمضان إللي مكتوب عندهم فى الانجيل مايشجعش خالص على النضافة
    يعنى لما تعرف ان معبودهم كان بياكل هو وتلاميذه من غيرما يغسلوا إيديهم والناس إللي حواليهم إستغربوا ده منهم مع إن أغلب أكلهم سمك مشوى والسمك كله زفارة وماكنوش يغسلوا إيديهم بعد الأكل والغريبة إنهم بيقولوا أكل سمك وشهد عسل يعنى زفارة مع حلو يركبوا الاتنين مع بعض إزاى ؟
    فيه صوت حد على الباب يا شيخ رمضان
    محمد
    ياأهل الله ياللي جوه ياعم الشيخ رمضان
    الشيخ حسن
    ده صوت محمد
    عم رمضان
    ماشاء الله على السمع بتاعك يا شيخ حسن
    إتفضل يامحمد تعالى
    الشيخ حسن
    ربنا معوضنى عن البصر بقوة السمع
    محمد
    السلام عليكم ورحمة الله
    عم رمضان
    وعليكم السلام ورحمة الله وبركاته
    محمد
    إزيكوا
    الشيخ حسن
    بخير والله
    محمد
    محمد معلش أنا طبيت عليكم فجأة بس علشان أقوللكم ان اختى مريانا شيعت لجرجس إبن خالتى الشماس علشان يجي معاها هى ورومانى فحبيت أعرفكم قبل ما يحضروا
    الشيخ حسن
    هو انت مش حتكون معاهم
    محمد
    دى قالتلي أنا محضرالك مفاجأة
    ورومانى قاللي ان المفاجأة هو جرجس الشماس إبن خالتى
    عم رمضان
    يابنى يامرحب بأى حد يجي
    الشيخ حسن
    احنا جاهزين يا محمد وان شاء الله إستبشر خير
    استعنا بالله ولو إنى عارف إن جرجس إبن خالتك إللي بتقول عليه إنه شماس مش حيرضى يجي معاهم وحيتهّرب منهم لأنهم بيخافوا من المواجهة مع المسلمين
    ********





















































































  2. #2
    تاريخ التسجيل
    Aug 2012
    المشاركات
    143
    الدين
    الإسلام
    آخر نشاط
    15-05-2013
    على الساعة
    08:10 PM

    افتراضي

    الله يطول بعمر الوالد والوالده ويديمهم تاج فوق راسي

    شكرا اخي العزيز

  3. #3
    تاريخ التسجيل
    Sep 2012
    المشاركات
    299
    الدين
    الإسلام
    آخر نشاط
    12-10-2013
    على الساعة
    06:54 AM

    افتراضي

    عم رمضان
    يعني هي جات على توهان حنة العامية ما هى بردك معذورة فالست كبيرة وعامية ومال حتقول إيه فى أمة كاملة تائهة وحنا بندورعليها من زمان أوى مافيش فائدة .
    شيخ حسن
    ياخي مدور كويس يمكن نلاقى ناس حيصة وتعبانة من كثر ما فى طريقهم مطبات وحفر وخرفان وطيوربأربع رجلين وغيرها نشيلهم ملى هم فيه ينالنا فيهم ثواب.
    بارك الله فيك يأخ شومان أمتعتينا كالعادة
    ونرجوا أن تنال رضى الله ورضى والديك بكل ما تقدمه
    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

  4. #4
    الصورة الرمزية showman
    showman غير متواجد حالياً عضو مميز
    تاريخ التسجيل
    Jan 2007
    المشاركات
    573
    الدين
    الإسلام
    آخر نشاط
    14-10-2016
    على الساعة
    09:05 PM

    افتراضي

    اقتباس
    اقتباس المشاركة الأصلية كتبت بواسطة مهاجر إلى الله مشاهدة المشاركة
    الله يطول بعمر الوالد والوالده ويديمهم تاج فوق راسي

    شكرا اخي العزيز
    رحم الله والدينا وبارك فى والديكم ورحم جميع المسلمين الأحياء منهم والأموات
    شكراً لمرورك أخى الفاضل

  5. #5
    الصورة الرمزية showman
    showman غير متواجد حالياً عضو مميز
    تاريخ التسجيل
    Jan 2007
    المشاركات
    573
    الدين
    الإسلام
    آخر نشاط
    14-10-2016
    على الساعة
    09:05 PM

    افتراضي

    اقتباس
    اقتباس المشاركة الأصلية كتبت بواسطة صحوةصالحة مشاهدة المشاركة
    عم رمضان
    يعني هي جات على توهان حنة العامية ما هى بردك معذورة فالست كبيرة وعامية ومال حتقول إيه فى أمة كاملة تائهة وحنا بندورعليها من زمان أوى مافيش فائدة .
    شيخ حسن
    ياخي مدور كويس يمكن نلاقى ناس حيصة وتعبانة من كثر ما فى طريقهم مطبات وحفر وخرفان وطيوربأربع رجلين وغيرها نشيلهم ملى هم فيه ينالنا فيهم ثواب.
    بارك الله فيك يأخ شومان أمتعتينا كالعادة
    ونرجوا أن تنال رضى الله ورضى والديك بكل ما تقدمه
    بارك الله فيك اختنا الفاضلة صحوة صالحة
    وأنأ ممتن لمتابعتك لما أكتبه
    وشكراً لدعواتك الطيبة اختاه
    اللهم إغفر لوالديِ كما ربيانى صغيراً وإرحمهما وسائر المسلمين الأحياء منهم والأموات إنك سميع الدعاء
    وشكراً على الديالوج الذى كتبتيه ويمكنك أن تنمى هذه الموهبة

  6. #6
    الصورة الرمزية شعشاعي
    شعشاعي غير متواجد حالياً خادم في المنتدى
    تاريخ التسجيل
    Feb 2009
    المشاركات
    1,673
    الدين
    الإسلام
    آخر نشاط
    16-06-2013
    على الساعة
    05:43 PM

    افتراضي

    بسم الله ما شاء الله

    بارك الله فيك أخي الحبيب

    دائماً تمتعني بما تكتب

  7. #7
    الصورة الرمزية showman
    showman غير متواجد حالياً عضو مميز
    تاريخ التسجيل
    Jan 2007
    المشاركات
    573
    الدين
    الإسلام
    آخر نشاط
    14-10-2016
    على الساعة
    09:05 PM

    افتراضي

    اقتباس
    اقتباس المشاركة الأصلية كتبت بواسطة شعشاعي مشاهدة المشاركة
    بسم الله ما شاء الله

    بارك الله فيك أخي الحبيب

    دائماً تمتعني بما تكتب
    بارك الله فيك أخى الحبيب شعشاعى
    الحمد لله إن اليومية نالت إستحسان البعض وشكراً على إطرائك وإن كنت ما أزال أحبو على السلم

وَبِالْوَالِدَيْنِ إِحْسَاناً

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

المواضيع المتشابهه

  1. وَبِالْوَالِدَيْنِ إِحْسَانًا
    بواسطة أسد الإسلام في المنتدى المنتدى الإسلامي
    مشاركات: 13
    آخر مشاركة: 20-06-2009, 07:23 PM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

وَبِالْوَالِدَيْنِ إِحْسَاناً

وَبِالْوَالِدَيْنِ إِحْسَاناً