يااااااه هو الفجر لحق يأذن

يادوبك قفلت الموبايل معاه

وانا طبعا قافله باب اوضتى عليا

وطول الليل بكلم فيه

حبيبى

وصاحبى فى الكلية

هو وعدنى نتجوز لما نخلص

قفلت معاه وطلعت اقف فى البلكونة والمؤذن بيقول الله أكبر

أول مرة احس الاذان كده

وأول مرة اترعش لما اسمعه

هو بجد عندى الله أكبر؟؟

لو كان عندك ياقلبى الله أكبر

كنت خفت منه وانت سهران بالساعات تتكلم وتتنهد

زى ما خفت من اهلى وقفلت الباب :((

لو كان عندك ياقلبى الله أكبر

كنت تقيم الليل

ساجد بين ايدين ربنا تحكيله وشكيله

بدل ما بتقيم الليل فى الحب

وأنا واقفه فى الشباب لمحت شاب صغير

تقريبا ادى فى السن

بس لابس عبايته البيضة ونازل يصلى يسجد لله

وكانت نغمة موبايله اللى رن فى جيبه "أما استحييت تعصينى "

ياااااااه أكيد دى رساله من ربنا ليا

هقول لربنا ايه لما اقف بين ايديه

هقوله كلمت حد اجنبى وسهرت ايام وليالى عشانه

هو هينفعنى فى قبرى ؟!!
هينفعنى على الصراط ؟!!

اااااااااه منك ياقلبى

ايه اللى انا بعمله ده ؟

ياااارب سامحنى يارب

يارب تبت ليك

مش هكلمه تانى ولا هعرفه

ولو عاوزنى بجد يجى البيت ويطلبنى هنا فى الحلال

تبقى راسى مرفوعه ادام الناس

وقبلها انك متغضبش عليا يارب

يارب قوينى واعنى على نفسى وشهواتى

ربى لا تعلق قلبى بما ليس لى وما لا يرضيك واجعل لى خير نصيب فيما تحب وترضى

وانا بدعى ربنا

كان الامام بدء الصلاة

ولأول مرة احس بالأيه دى تزلزل قلبى :"قُلْ يَا عِبَادِيَ الَّذِينَ أَسْرَفُوا عَلَى أَنفُسِهِمْ لَا تَقْنَطُوا مِن رَّحْمَةِ اللَّهِ

إِنَّ اللَّهَ يَغْفِرُ الذُّنُوبَ جَمِيعًا إِنَّهُ هُوَ الْغَفُورُ الرَّحِيمُ "

عرفت انها رساله من ربنا واستجابة لتوبتى

ساعتها كانت اجمل دموع نزلت على خدى

وقبلها كانت نزلت على قلبى وطهرته من ذنوبه

بحبك يااااااارب

رجعالك يارب

احبكم فى الله :)