الموضوع: باركوا لاخوكم ميجو

باركوا لاخوكم ميجو

اخوكم ميجو 650 افتتح سايبر فى السكن اللى هو فيه فى السعوديه وسايبر يعنى محل بينزل نسخ الويندوز وتظبيط الكومبيوتر وكمان ببلاش
هههههههههههههههههههههه
احكى لكم الحكايه الفيديو عندى كان مش شغال يعنى معرفش احمله فسألت بعض الاخوه ع الخاص زى الاستاذه ساجده ام ميار فقالت لى المشوار بعيد ياعم ابو السعود ولوكنت قريبه من منزلك كنت عملته لك فى دقيقه
رحت لاخونا الفاضل سيل الحق المتدفق قال لى نزل تونى بلير او بلاير
المهم قلت فى نفسى ايه دخل تونى بلير فى الموضوع دا تونى بلير ده فضل ماشى ورا كلام بوش زى الكلب الوفى ودمر العراق اجيبه انا هنا ع الكومبيوتر بتاعى علشان يدمره هو كمان المهم معرفتش انزل بلاير رحت بقى لابننا عبد الرحمن السلفى
سلمت عليه ازيك ياعبد الرحمن قلت لما اسايسه الاول على شان ميتخنقش منى
المهم حكايت له الحكايه قال طب بص امشى ورايا خطوه خطوه سمعت كلامه من الساعه اتناشر بليل لحد اذان الفجر وانا ماشى وراه خطوه خطوه لما نفسى اتقطع المهم بردوا علشان اديله حقه وصلنى فى الاخر لايقونه زرقاء لونها حلو كده وبعد كده قال لى معلش بقى يعنى من الاخر جاب اخره ثم قال لى اصل اللى بيفهم فى الموضوع ده الاخ ميجو
طب ياعبد الرحمن لما انت مش فاهم قطعت نفسى وراك طول الليل ليه ههههههههه يعنى كنت بتتعلم فيا المهم انا لقطت اسم اخونا ميجو من على لسان عبد الرحمن وجريت عليه فى السعوديه بردوا سايسته سنه سنه كده وسلمت عليه ورحت داخل فى الموضوع مباشرة وحكيت له على اللى حصل مع عبد الرحمن اللى كان بيتعلم فيا ههههههههههه
اخونا ميجو بقى لسه هيبدأ ويعيد الخطوات بتاعت عبد الرحمن قلتله لا انت عايز الايقونه الزرقا موجوده قال طب كويس امشى بقى ورايا خطوه خطوه هههههههه قلت بس مدام قال خطوه خطوه يبقى الموضوع فاشل من اولها لان بقى عندى عقده من خطوات عبد الرحمن ههههههههههه
المهم مشيت ورا اخونا ميجو وبعدين قالى ياحاج قلت نعم ياميجو قال لى جهازك عندى فى المحل ههههههههه فى السايبر
اركن بقى ياحاج شويه وروح اشرب الشاى ومتخفش الجهاز فى مركز الخدمه او فى التوكيل وهيرجع لك عشره على عشره
بقيت قاعد مستغرب ايه الحكايه الجهاز عنده ازاى ومين اللى وداه اصل هو ميجو بيهزر معايا ولا فكرت المهم قعدت ادام الجهاز ابص ع الشاشه الاقى الماوس عمال يلعب لوحده زى ميكون ركبه ستين عفريت
ابص ع السهم الاقيه طالع نازل فوق وتحت لا حول ولا قوة الا بالله
المهم علشان اطول عليكم ومقصرش هههههههه بعد شويه لقيت الجهاز رجع لى تانى ومتظبط ميه ميه والفيديو شغال وبحمل وكل حاجه بقيت تما م التمامشكرت الاخ ميجو ربنا يصلح حاله ويرزقه من حيث لايحتسب

وبعدين فكرت فى قدرت الله عز وجل الانسان المخلوق الضعيف وصل لهذا القدر من العلم نت وفيس بوك وصعود للقمر وواحد ياخد الجهاز منى وانا قاعد فى البيت ويظبطه وحاجات كتير تعلمه الانسا ن قلت فى نفسى اذا كانت هذه قدرت الانسان التى وهبها الله اياها فكيف بقدرة الخالق
سبحانه وتعالى

قلت فى نفسى اذا كانت هذه قدرت الانسان التى وهبها الله اياها فكيف بقدرة الخالق
سبحانه وتعالى

اقتباس

باركوا لاخوكم ميجو

مبروووووووووووووووووووووووك

اقتباس

وكمان ببلاش

الاجر عظيم

اقتباس

ساجده ام ميار فقالت لى المشوار بعيد ياعم ابو السعود ولوكنت قريبه من منزلك كنت عملته لك فى دقيقه

ربنا بحاسبها على نيتها

اقتباس

رحت لاخونا الفاضل سيل الحق المتدفق قال لى نزل تونى بلير او بلاير
المهم قلت فى نفسى ايه دخل تونى بلير فى الموضوع دا تونى بلير ده فضل ماشى ورا كلام بوش زى الكلب الوفى ودمر العراق اجيبه انا هنا ع الكومبيوتر بتاعى علشان يدمره هو كمان المهم معرفتش انزل بلاير رحت بقى لابننا عبد الرحمن السلفى
سلمت عليه ازيك ياعبد الرحمن قلت لما اسايسه الاول على شان ميتخنقش منى
المهم حكايت له الحكايه قال طب بص امشى ورايا خطوه خطوه سمعت كلامه من الساعه اتناشر بليل لحد اذان الفجر وانا ماشى وراه خطوه خطوه لما نفسى اتقطع المهم بردوا علشان اديله حقه وصلنى فى الاخر لايقونه زرقاء لونها حلو كده وبعد كده قال لى معلش بقى يعنى من الاخر جاب اخره ثم قال لى اصل اللى بيفهم فى الموضوع ده الاخ ميجو

قيمة المرء ما يحسنة = وللرجال على الافعال سيماء

اقتباس

بقيت قاعد مستغرب ايه الحكايه الجهاز عنده ازاى ومين اللى وداه اصل هو ميجو بيهزر معايا ولا فكرت المهم قعدت ادام الجهاز ابص ع الشاشه الاقى الماوس عمال يلعب لوحده زى ميكون ركبه ستين عفريت
ابص ع السهم الاقيه طالع نازل فوق وتحت لا حول ولا قوة الا بالله
المهم علشان اطول عليكم ومقصرش هههههههه بعد شويه لقيت الجهاز رجع لى تانى ومتظبط ميه ميه والفيديو شغال وبحمل وكل حاجه بقيت تما م التمامشكرت الاخ ميجو ربنا يصلح حاله ويرزقه من حيث لايحتسب

الفضل لاهل العلم منهم = والهدى لمن استهدى ادلاء

اقتباس

وبعدين فكرت فى قدرت الله عز وجل الانسان المخلوق الضعيف وصل لهذا القدر من العلم نت وفيس بوك وصعود للقمر وواحد ياخد الجهاز منى وانا قاعد فى البيت ويظبطه وحاجات كتير تعلمه الانسا ن قلت فى نفسى اذا كانت هذه قدرت الانسان التى وهبها الله اياها فكيف بقدرة الخالق
سبحانه وتعالى

ضد المرء ما كان يجهلة = واهل الجهل لاهل العلم اعداء

اقتباس

ركبه ستين عفريت

بسم الله ما شاء الله تحليل رائع يااستاذ سلام على ياسين

يا حج سايبر الله يخليك ، دا كله عشان دخلت على جهازك ، أمال لو شوفت اللي بيعمله الأخ مسلم هتقول عليه أيه !؟

اقتباس

يا حج سايبر الله يخليك ، دا كله عشان دخلت على جهازك ، أمال لو شوفت اللي بيعمله الأخ مسلم هتقول عليه أيه !؟

مين الاخ مسلم ده ياميجو علشان اتعامل معاه واسحب الزباين منك هههههههههههه

اضحك الله سنك اقولك ابق عند الاخ ميقو ولا تبدل
وبالمناسبة مبروك لك اخانا ميقو :

لا حول ولا قوة الا بالله ، بقى عندي سايبر !

مسالم يا حج مسالم صاعق الناموس دا واحد بيعمل كدا زي اللي عملته فيك بس على كبير شوية يعني من غير ما تحس ولا تشوف الماوس بتعلب ولا حاجة من دي بيدخل بطاقية الأخفى زي ما تقول كدا ...

اقتباس

وبالمناسبة مبروك لك اخانا ميقو :

مبروك على ايه الله يبارك فيك الحج بيهزر أو قولي أنبهر من اللي عملته معاه عن بعد فقرر بدل ما يقول أني محترف يملكني سايبر مع أنه خلاص معدش تقريبا فيه سيابر لأن النت بقى في كل حته السايبر تقريبا حاليا بقى عبارة عن قهوة بس فيها خدمة أنترنت ....

اقتباس

وبالمناسبة مبروك لك اخانا ميقو :

اسمه ميجو بالجيم مش بالقاف يااخت هاديه ولسه لم يتزوج

انت فهمتى الموضوع غلط ياختنا سمر باركو لميجو ع السايبر مش ع الزواج