الموضوع: ابو السعود والميكروبات

لو مش مناسب احذف
سلسلة حكايات من واقع حياتى مع الميكروباص

كل يوم نحكى لكم حكايه لعلها تفيد وان لم تفيد فهى تخرجكم من ضغط الحياه ولو للحظات

اول حكايه
عادتة سواقين الميكروباص بيكون معاهم تباع (كمسرى)
شغلته يقف ع الباب وينادى عتبه عتبه واحد عتبه
ويقوم بلم الاجره من الزبائن
انا بقى مبشغلش العيال دى معايا لانهم بيبقى اغلبهم لصوص وبيعملوا مشاكل مع الناس وفى جاءنى ولد وقال لى اخد ورديه معاك ياحاج ابو السعود صعب عليا قلت له ماشى بس متعملش مشاكل مع الزباين قال حاضر
اشتغلنا لحد العصر فركنت السياره وقلت له تعالى نصلى العصر يامحمود لانه قال لى ان اسمه محمود كان عمره حوالى 14 سنه دخلنا المسجد واثناء الوضوء لقيته مبيعرفش يتوضىء فشمرته كم قميصه لا علمه الوضوء فجدت صليب
فعملت نفسى مش واخد بالى وبعدين اديته فرصه ان يخرج من المسجد فخرج وانتظرنى فى السياره فرحنا الموقف نحمل فرده ونروح (نشطب شغل) فلم الاجره من الناس
اول ماركبوا ثم نط من السياره وطار (جرى)
واستغل فرصة انى لم اجرى وراءه لان برستيجى لايسمح ههههههه فضحكت فى نفسى ضحكة غيظ
ثم قابلت الواد ريشه السواق زميلى ههههه وقلت له انت شفت الواد اللى كان شغال معايا قال لى اه الواد ميلاد
ماله عمل حاجه قلت له اخد الفرده وجرى وقف ريشه شويه وقال يابن ............... دانا هطلع روح ........
وبعد يومين لقيت ريشه جايبه لى لحد البيت ومكتفه فى القائم بتاع السياره وبينادى على ياحاج ابو السعود الواد الحرامى اهه انا شفت منظر الوا اتخضيت من الضرب اللى ادهولوا ريشه قلت سيبه سيبه قال ريشه لا واحد نصرانى زى ده يضحك علينا
قلت له ياعم انا مش عايز حاجه انا متنازل ياعم ريشه عن المحضر
السعود والميكروباص السعود والميكروباص السعود والميكروباص السعود والميكروباص السعود والميكروباص السعود والميكروباص السعود والميكروباص
ريشه ربنا يهديه مايسكتش وياخد الواد وعايز يسلمه للكمين اللى جنبنا قلت له خلاص ياعم ريشه بقى هى شغلانه كل غيظ ريشه وحميته ان ازاى نصرانى يضحك على مسل رغم ان ريشه ده عمره مادخل مسجد ولا يعرف يقراء الفاتحه حتى مره بقول له اقراء الفاتحه ياريشه كده لقيته بيقول ولا الضاليم امين يعنى حتى الفاتحه مش عارفه
وراح البيت عند ابو الواد وجابه وجه ولقيت الراجل بيطلع حق الفرده الللى ابنه خطفها فتنازلت وقلت له د عيل صغير وخدتهم منه واعطيتهم لميلاد بنية ان ربنا يهدى ابوه
وطبعا لم انسى ريشه اديته خمسه جنيه يشرب شاى

وشكرته على تعب محبتهالسعود والميكروباص السعود والميكروباص السعود والميكروباص السعود والميكروباص من اجلى
وتوته توته خلصت الحدوته
حقيقيه وليست حدوته
والى قصه اخرى من واقع حياة ابوالسعود مع الميكروباص

الاخت عاشقه لدينى شرفنى مرورك الطيب

اقتباس

واستغل فرصة انى لم اجرى وراءه لان برستيجى لايسمح ههههههه فضحكت فى نفسى ضحكة غيظ

شو يعني برستيجي

اقتباس

وعايز يسلمه للكمين اللى جنبنا

الكمين هو الفخ؟؟ ولا انت باقي ناصبلة كمين

ستحملني يا ابو السعود
استكفي بهذا القدر من الكلمات الصعبة
والباقي لاحقا

اقتباس

شو يعني برستيجيانا اصلا معرفهاش بس بسمع البنات وهى راكبه معايا الميكروباص بقولوا حافظى على بستيشك امام خطيبك على شان ميستهترش بيكى فرحت ناقلها زى ما سمعتها وقلت دى باين كلمه حلوه

الاخ الكريم اللى فى اسمه حرف الواى هو ده اللى عرفت اقراءه من اسمك لان ثقافتى فلاحى ههههههه

سامحنى وياريت تحط اى علامه بالعربى على شان اعرفك شرفنى مرورك الجميل

جزاكم الله خيرا

بارك الله فيك يا أستاذ أبو السعود

كل موضوعاتك جميلة جدا

بسم الله ما شاء الله

دي شهادة حق ( و الله ) مش مجاملة

شاكر ذوقك اخى الباشمهندس احمد