تزيين الاكل له عامل مهم جدا فى جمال سفرتك
فالعين تاكل اولا
وممكن باقل التكاليف زينى اكلك يجذب الاكلين حتى ولو كان الطعام بسيط لا يحتوى على افخم الانواع
تعالو نشوف اهم معدات التزيين اللى لازم تكزن فى مطبخك
مبشرة
قوالب حلويات
قشارة خضار
قطاعات خضار
قطاعة فاكهه
فرش
قشارة ليمون
اقماع تزيين مختلفة المقاس
كيس للتزيين
سكينه مشرشرة
سكاكين عادية
قطاعات عجين باشكال مختلفة
مقصات
التزيين بالليمون
اغسلى الليمونه كويس وقشريها بالقشارة
نظفى الجزء الابيض اللى على القشرة بالسكينة
قطعى القشرة شرايح رفيعة
اربطيها زى الفيونكة
وده هيبقى شكلها النهائى
تزيين بالخيار
اغسلى الخيار كويس وقطعى اطرافه بالسكينة وقطعيه شرايح مايله
اعملى بالسكينه خط صغير لحد نص الشريحة
افتحى الشريحه بايديكى الاتنين بس كل ايد تبقى فى ناحيه غير التانية
فى الاخر هتبقى كده وممكن تعملى كده مع البرتقال والليمون
تزيين بالجزر
قشرى الجزر واقطعى الطرفين بالسكينه وبعدين اقسميها نصين وقطعيها بالقطاعه بس مش للاخر علشان تفضل متماسكة
وبراحه تقطعى الجزء اللى فى النص بالسكينه
وبعدين حطى فى النص زتونه
تزيين بالبصل الاخضر
هاتى البصلة واقطعى جدورها بالسكينة
قطعى الاطراف الخضرا من البصل لشرايح رفيعة جنب بعضها بس متقطعيش للاخر وماسكين فى بعض
حطى قطع البصل فى ميه ساقعة بس مش مثلحة لمده 30 ثانية
لحد ما تلاقى الاطراف اتجعدت ولفت على بعضها وتبقى شكل ورده
وبالهنا والشفااااااااااااااااااااااااا
بارَكَ الله في كل من نقلت منه واجزه اللهم عني وعن المسلمين خيرا
رد مع اقتباس
المفضلات