يوميات صعيدي...مع التنصير

آخـــر الـــمـــشـــاركــــات

قيامة يسوع الإنجيلي من بين الأموات حقيقة أم خيال! ــــ (وقفات تأملية في العهد الجديد) » آخر مشاركة: أبو سندس المغربي | == == | ما معنى كلمة المتعبدين فى العهد الجديد » آخر مشاركة: الاسلام دينى 555 | == == | الجزء الثالث من سيرة المصطفى صلى الله عليه وسلم » آخر مشاركة: السعيد شويل | == == | الاخوة الافاضل اسالكم الدعاء » آخر مشاركة: *اسلامي عزي* | == == | لاويين 20 :21 يسقط الهولي بايبل في بحر التناقض !!! » آخر مشاركة: *اسلامي عزي* | == == | صلب المنصر هولي بايبل على أيدي خرفان الزريبة العربية ! » آخر مشاركة: *اسلامي عزي* | == == | ابحاث على الكتاب المقدس قويه جدا مفيده لكل دارس مقارنة اديان » آخر مشاركة: ابا عبد الله السلفي | == == | ابحاث على الكتاب. المقدس قويه جدا مفيده لكل دارس مقارنة اديان وكل باحث عن الحق » آخر مشاركة: ابا عبد الله السلفي | == == | ابحاث على الكتاب المقدس قويه جدا مفيده لكل دارس مقارنة اديان وكل باحث عن الحق » آخر مشاركة: ابا عبد الله السلفي | == == | رد شبهة:نبيُّ يقول : إِنَّ الْمَرْأَةَ تُقْبِلُ فِي صُورَةِ شَيْطَانٍ،وينظر للنساء... » آخر مشاركة: أكرم حسن | == == |

مـواقـع شـقــيـقـة
شبكة الفرقان الإسلامية شبكة سبيل الإسلام شبكة كلمة سواء الدعوية منتديات حراس العقيدة
البشارة الإسلامية منتديات طريق الإيمان منتدى التوحيد مكتبة المهتدون
موقع الشيخ احمد ديدات تليفزيون الحقيقة شبكة برسوميات المرصد الإسلامي لمقاومة التنصير
غرفة الحوار الإسلامي المسيحي مكافح الشبهات شبكة الحقيقة الإسلامية موقع الدعوة الإسلامية
شبكة البهائية فى الميزان شبكة الأحمدية فى الميزان مركز براهين شبكة ضد الإلحاد

يرجى عدم تناول موضوعات سياسية حتى لا تتعرض العضوية للحظر

 

       

         

 

    

 

 

    

 

يوميات صعيدي...مع التنصير

صفحة 3 من 3 الأولىالأولى ... 2 3
النتائج 21 إلى 25 من 25

الموضوع: يوميات صعيدي...مع التنصير

  1. #21
    الصورة الرمزية طالب عفو ربي
    طالب عفو ربي غير متواجد حالياً الله ربي ومحمد رسول الله
    تاريخ التسجيل
    Nov 2007
    المشاركات
    1,600
    الدين
    الإسلام
    آخر نشاط
    29-11-2014
    على الساعة
    05:10 PM

    افتراضي

    هريدي

    امال مين ده اللي قال
    على ربكم اكده ؟!!

    الاب اسحق

    الذي اعلن ذلك هو الرب بكتابه المقدس
    "هؤُلاَءِ سَيُحَارِبُونَ الْخَرُوفَ، وَالْخَرُوفُ يَغْلِبُهُمْ،
    لأَنَّهُ رَبُّ الأَرْبَابِ وَمَلِكُ الْمُلُوكِ،
    وَالَّذِينَ مَعَهُ مَدْعُوُّونَ وَمُخْتَارُونَ وَمُؤْمِنُونَ».
    سفر رؤيا يوحنا اللاهوتي 17: 14
    فلنقرأ في رؤيا يوحنا الإصحاح الأول
    والآية الأولى "إِعْلاَنُ يَسُوعَ الْمَسِيحِ،
    الذي أَعْطَاهُ إِيَّاهُ اللهُ، لِيُرِيَ عَبِيدَهُ مَا لاَ بُدَّ
    أَنْ يَكُونَ عَنْ قَرِيبٍ". إذن فهو إعلان الله بيسوع
    المسيح وليس منا نحن! وأول من أطلق
    هذا اللقب على المسيح كان واحد من
    من الانبياء وهو يوحنا ( يحيى بن زكريا )
    فقد قال حين رآه " وَفِي الْغَدِ نَظَرَ يُوحَنَّا يَسُوعَ
    مُقْبِلاً إِلَيْهِ فَقَالَ: هُوَذَا حَمَلُ اللَّهِ الَّذِي
    يَرْفَعُ خَطِيَّةَ الْعَالَمِ " ( يوحنا 29:1)

    هريدي

    يمثبت العقل يا رب !!!
    الرب خروف ؟!!
    يامخبول انت وهو
    كيف يعنى الرب يقول على نفسه خروف !!!!
    ورحمة بوي عوضين اللي يقول عليه
    او على بوي خروف اطخه بالنار يا بوي
    اعمل فيكم ايه اقوم اطخكم
    وخلص من حديتكم الماسخ دهه
    محمدين

    السلام عليكوا
    هريدي

    وعليكوا السلام ورحمة الله وبركاته
    اتفضل يا محمدين يا ولد خوي
    قعمز وشرب الشاي حدانا

    محمدين

    مشكرين قوي قوي يا بوي
    مش قلتلك قبل سابق
    يا هريدي يا ولد العم
    بلاش تحلف بغير الله صح ولا لع
    هريدي

    صح يا ولد خوي
    محمدين

    وانا معدي جنبكم دلوقتي سمعتك
    وانته بتحلف ورحمة بوك
    هريدي

    حُصل يا محمدين ولد خوي
    مش بخاطري
    اعمل ايه بس الناس دول طيروا الشويه
    اللي فضلين من مخي بحديتهم الماسخ ده



    محمدين

    يا هريدي يا ولد العم
    أمير المؤمنين عمر بن الخطاب
    رضي الله عنه

    هريدي

    رضى الله عنه يا بوي
    محمدين

    قال أن "النبي"
    صلى الله عليه وسلم
    هريدي

    عليه الصلاه والسلام
    محمدين

    قال:
    ((إن الله ينهاكم أن تحلفوا بآبائكم فمن
    كان حالفاً فليحلف بالله أو ليصمت))
    وفي الصحيحين عن أبي هريرة
    رضي الله عنه
    أن "النبي"
    صلى الله عليه وسلم قال:
    ((من حلف فقال في حلفه باللات
    والعزى فليقل: لا إله إلا الله))

    هريدي

    بس انا بحب بوي قوي قوي قوي يا بوي
    ومبحلفش بيه كدب واصل يا ولد خوي
    محمدين

    يا هريدي يا ولد العم
    اسمع الحديت مليح
    الحالف بغير الله شرك
    فعن ابن عمر رضي الله عنهما
    أن النبي صلى الله عليه وسلم قال
    ((من حلف بغير الله فقد كفر أو أشرك))
    هريدي

    به.به.. كفر !!! و شرك !!!
    لع لع يا بوي الا الكفر والشرك بالله

    ميلاد

    اقولك يا هريدي يا ولد العم
    بلاش تحلف برحمة بوك
    وحلف بالامانه

    محمدين

    ولا بالامانه كمان
    عن بريدة بن الحصيب رضي الله عنه
    أن النبي صلى الله عليه وسلم قال
    ((من حلف بالأمانة فليس منا))

    هريدي

    طاب قلي اعمل ايه دلوقتي
    يا محمدين يا ولد خوي


    محمدين

    كفارة ذلك يا ولد العم كلمة التوحيد
    {لا اله الا الله }
    عن صدق وإخلاص ليكفر بها ما وقع منك من الشرك
    وفي الصحيحين عن أبي هريرة رضي الله عنه
    أن النبي صلى الله عليه وسلم قال:
    ((من حلف فقال في حلفه باللات والعزى فليقل: لا إله إلا الله))
    وعن سعد بن أبي وقاص رضي الله عنه أنه حلف
    باللات والعزى فسأل النبي صلى الله عليه وسلم عن ذلك
    فقال صلى الله عليه وسلم
    ((قل لا إله إلا الله وحده لا شريك له، له الملك
    وله الحمد وهو على كل شيء قدير، وانفث عن يسارك
    ثلاثاً وتعوذ بالله من الشيطان الرجيم ولا تعد))

    هريدي

    لا اله الا الله ..عوذ بالله من الشيطان الرجيم
    توبه يا بوي ورحمة بوي محلف برحته واصل
    محمدين

    وبعدهالك امال يا ولد العم قلتلك
    متحلفش ورحمة بوك واصل
    هريدي

    لا اله الا الله ..عوذ بالله من الشيطان الرجيم
    اعمل ايه بس اتعودت عليها؟!!!
    حبطلها خالص يا ولد خوي
    قعمز بقى وشرب الشاي حدانا
    محمدين

    اعفيني يا ولد العم اصلى واصل مشوار
    به !!!!
    طاب ده ميلاد وخبرينه مليح
    وامال مين ده وايه اللي مقعده معاكم؟!!!
    ميلاد

    ده ده ابونا اسحق قريبي جيه يزرني من مصر
    يا ولد العم واحنا بنتمشى دق فينا هريدي
    وحلف ورحمة بوه نقعد نشرب الشاي
    حداه والا طخنا بالنار
    ودينا اهه بنشرب الشاي والحديت خدنا
    متقعد بقى واسمع حديت ابونا اسحق
    دى حديته حلو قوي قوي يا ولد العم
    محمدين

    اروح مشوري ورجعلكم قوام
    هريدي

    بكيفك يا ولد خوي
    ميلاد

    نعود لحديتنا
    اتحدت يا بوي اسحق
    وشرح لولد العم هريدي ليه بنقول
    عن الرب يسوع له المجد خروف
    هريدي

    خروف الرب خروف يا ولد البرطوش انت
    وهو والله لو عرف محمدين بالحديت
    ده لطخكم بالنار
    ميلاد

    به عاد جرالك ايه يا ولد العم ؟!!
    متكدر ليه روق اكده وفهم الحديت
    الاب اسحق

    افهم معنى هذا اللقب يا ابني يا هريدي..
    لكل لقب من ألقاب المسيح معنى يعلن جانب
    من جوانب عمله الخلاصي أو علاقته بالله والإنسان،
    هريدي

    لقب ايه ..وخلاص ايه ونيلة ايه دي يا بوي
    خروف !! تقولوا على الرب خروف
    يا خروف انت وهو
    ميلاد

    به عاد وليه الغلط امال يا ولد العم
    عيب اكده!!!
    هريدي

    فين الغلط ده ؟!!
    ميلاد

    قلت علينا انا وبوي اسحق خروف
    صفحة الأحاديث النبوية

    http://www.facebook.com/pages/الاحاد...01747446575326

  2. #22
    الصورة الرمزية طالب عفو ربي
    طالب عفو ربي غير متواجد حالياً الله ربي ومحمد رسول الله
    تاريخ التسجيل
    Nov 2007
    المشاركات
    1,600
    الدين
    الإسلام
    آخر نشاط
    29-11-2014
    على الساعة
    05:10 PM

    افتراضي

    هريدي

    به وهو الخروف وحش يا ولد خوي ؟!!

    ميلاد

    وحش يا هريدي وحش

    هريدي

    انا بقصد انو انت وبوك اسحق
    وديع كيف الخروف يا ولد خوي

    ميلاد

    متلوعش الحديت يا هريدي يا ولد العم
    الخروف راح او جيه حيوان ومينفعش
    واصل تقول عليا انا وبوي اسحق اكده
    قال السيد المسيح له المجد قبل السابق في
    إنجيل متى 12/12 "فَالإِنْسَانُ كَمْ هُوَ
    أَفْضَلُ مِنَ الْخَرُوفِ! إِذًا يَحِلُّ فِعْلُ الْخَيْرِ
    فِي السُّبُوتِ!"

    هريدي

    انت قلت اهه الانسان افضل من
    الخروف يا ولد خوي

    ميلاد

    صح يا ولد العم

    هريدي

    اما هو صُح كيف تقول على ربك خروف
    وبعدين اوزنها معى اكده واعقلها مليح
    يا ولد خوي يعني انت احسن من ربك
    صُح ولا لع ؟

    ميلاد

    لع يا بوي ...كيف تقول اكده

    هريدي

    مش انا اللي بقول يا ولدي خوي
    دى انت اللي بتقول
    ميلاد

    آناِ قلت اكده يا ولد العم ؟

    هريدي

    ايو قلت اكده
    مش انته قلت الانسان افضل
    من الخروف يا ولد خوي

    ميلاد

    صُح قلت اكده لكن مقلتش اني
    افضل من ربي يا ولد العم

    هريدي

    انتوا بتقولوا على الرب ايه يا
    ولد الخوي

    ميلاد

    خروف يا هريدي يا ولد عمي

    هريدي

    آناِ مش خروف واعدل حديتك
    امال يا ولد البرطوش ومتلوعش
    بتقولوا على ربكم خروف
    وانت قلت انو المسيح عليه السلام
    قال الانسان افضل من الخروف
    بالعقل اكده يكون الانسان افضل
    من ربك فهمت ولا لع

    ميلاد

    لع مينفحش اكده واصل يا ولد
    العم ربنا بيقول في الكتاب المقدس بسفر
    المزامير 8/ 4" فَمَنْ هُوَ الإِنْسَانُ
    حَتَّى تَذكُرَهُ؟ وَابْنُ آدَمَ حَتَّى تَفْتَقِدَهُ؟
    " من هو الانسان حتى يكون افضل
    من الرب يا بوي

    هريدي

    سبحان الله ..يا ميلاد يا ولد خوي
    فكر في الحديت اللي انته بتقوله ده

    ميلاد

    وبعدهالك امال يا هريدي خلصنا
    عاد اطلع من نفوخي ..اللي عوزك
    تفهمه مليح اني مقبلش تقول عليا
    انا وبوي اسحق خروف خابرالحديت
    دهه ولا لع

    هريدي

    به متقبلهاش على نفسك ولا
    على بوك اسحق وتقبلها على
    ربك يا واكل ناسك

    ميلاد

    به وانا مالي عاد يا ولد العم مش
    هو اللي قال على نفسه خروف في
    الكتاب المقدس وبعدين هو حر
    يقول على نفسه خروف او ميقلش
    يقبل على نفسه او ميقبلش
    لكن انا مقبلش حد يقول عليا
    خروف واصل
    الاب اسحق

    يا ابني يا هريدي ..هذا اللقب
    الذبيحي يتجه للإعلان عن
    وظيفة المسيح كحمل الله الذي
    يرفع خطية العالم. فالمسيح سُمى
    بالحمل، لأنه هو الذبيحة التي
    ارتضاها الله تعالى ليقوم بالتكفير
    عن الجنس البشري. فقديماً
    كان يقدم حمل الناس لله، أما
    في العهد الجديد يقدم " حمل الله "
    للناس، ومن أجل الناس.



    هريدي

    مين اللي حامل ده يا بوي

    الاب اسحق

    الحمل هو الخروف يا ابني يا هريدي
    لقد رآه إشعياء بعين النبوة المفتوحة فقال
    " ظُلِمَ أَمَّا هُوَ فَتَذَلَّلَ وَلَمْ يَفْتَحْ فَاهُ كَشَاةٍ
    تُسَاقُ إِلَى الذَّبْحِ وَكَنَعْجَةٍ صَامِتَةٍ أَمَامَ جَازِّيهَا
    فَلَمْ يَفْتَحْ فَاهُ " ( إشعياء 7:53 ). إذاً إعلان
    الوحي عن المسيح أنه " حمل الله " ليس
    تحقيراً لشخصه الكريم، إنما تعظيماً لعمله
    الفدائي من أجل الإنسان. فكما فدا الله
    قديماً ابن سيدنا إبراهيم بذبح عظيم،
    هكذا فدانا الآن جميعاً بهذا الذبح الأعظم.
    فالوضع لم يتغير ونحن دائماً بحاجة إلى
    حمل من الله ليفدينا من الموت ويُذبح
    بدلاً عناً.
    هريدي

    مش خروف بس وكمان بتقول على ربك نعجه
    ربك حرمة الخروف !!!!
    ميلاد

    افهم الحديت مليح يا ولد العم
    هريدي

    ورحمة بو ...لع بلاش ورحمة بوي عشان حرام
    والله اقوم اجيب البندقيه واطخك عيارين
    انت وهو يا ولد البرطوش
    الاب اسحق

    باركك الرب يا هريدي يا ابني
    " بَارِكُوا لاَعِنِيكُمْ، وَصَلُّوا لأَجْلِ الَّذِينَ
    يُسِيئُونَ إِلَيْكُمْ."..لوقا 6/ 28
    خلينا في موضوعنا
    ومحبة الله لنا المتمثلة في التضحية بابنه
    وحيده من اجلنا
    هريدي

    انا بقول ده ميلاد مخبول طلع مشهو وحده
    اللي مخبول يا بوي ربنا يشفي كيف يعني
    الرب يولد ولد انا خدت ميلاد على كد
    عقله لكن انت رجل كبير وشايب وبتفهم
    وباين عليك متعلم كمان ..لع وكمان تقولي
    ضحى بولده عشان بيحبنا حب ايه ده يا بوي
    انا عملت ايه في دنيتي يا رب عشان تبليني
    بالمخابيل دهما

    الاب اسحق

    انا سوف اشرح لك موضوع ولادة الله
    بعدين يا انبي يا هريدي خلينا في الخلاص
    والفداء ..يعني انت مضحيش بابنك عشان
    اللي بتحبهم ؟

    هريدي

    به ودي محتاجه سؤال وهو في اعز من الولد
    يابوي انا اطخ بوي ولا اطخ ولدي

    الاب اسحق

    ايه رايكم اقص عليكم الجـسـر المتحـــرك
    ميلاد

    قص يا بوي قص بس خلي بالك دالمقص يعورك


    هريدي

    مقص ايه يا مخبول انت القس
    اسحق عاوز يحكي لينا حكايه
    الاب اسحق

    كان هناك نهراً كبيراً يخترق بلدة ما، وفوق النهر
    جسر متحرك يظل مفتوحا معظم الوقت،
    ليمكن السفن من العبور، ولكنه يغلق
    في أوقات أخرى، لتمر عليه القطارات في
    مواعيدها المحددة . وكان العامل المسؤول
    عن مواعيد فتح وغلق الكوبري معتادا أن
    يصحب ابنه الوحيد في بعض الأحيان
    ليلعب وسط الطبيعة، بينما يجلس هو
    في كشك مرتفع . ليغلق الجسر في المواعيد
    المحددة لتتمكن القطارات من العبور
    وذات يوم، وهو جالس جاءته الإشارة
    باقتراب القطار، فقام بالضغط علي المفتاح
    الذي يحرك الرافعة التي تعمل بالكهرباء
    ولكن الصدمة كادت أن تصيبه بالشلل
    عندما اكتشف أنه معطل
    هريدي

    يا ساتر يا رب !!!!
    وبعدين عمل ايه في النصيبه دي يا بوي ؟!!!
    الاب اسحق

    لم يكن أمامه حل آخر سوي أن ينزل بسرعة،
    ويحرك الرافعة بكل قوته، ليتمكن القطار
    من العبور بسلام. كانت سلامة الركاب بين يديه،
    وتعتمد علي قوته في إبقاء الذراع منخفضا طوال
    وقت عبور القطار. رأى القطار قادما نحوه مسرعا،
    ولكنه سمع في تلك اللحظة نداء جمد الدماء
    في عروقه، إذ رأى ابنه ذو الأربعة أعوام قادما
    نحوه فوق قضبان القطار يصيح:
    "أبي.... أبي.. أين أنت؟"
    هريدي

    يا خبر !!!
    ولد الراجل حيضيع يا بوي القطر حياكله
    خبرنا عمل ايه في النصيبه دي ؟
    الاب اسحق

    كان أمام الرجل احدي الخيارين......!
    ميلاد

    خيار ايه يا بونا هو ده
    وقت خيار ولا عجور
    الاب اسحق

    خيار يعني حل
    هو كان امام حلين لا ثالث لهما
    هريدي

    الحل الاول ايه يا بوي
    الاب اسحق

    أن يضحي بالقطار كله
    وينتشل ابنه من علي شريط القطار
    ميلاد

    والحال التاني يا ابونا
    الاب اسحق

    ان يترك ابنه يلقي مصيره
    تحت عجل القطار

    هريدي

    الموضوع صعب قوي قوي يا بوي
    بس اكيد حينقذ ولده صح ولا لع ؟

    الاب اسحق

    لا يا هريدي يا ابني هو اختار الحل الثاني
    ومر القطار بسلام....... دون أن يشعر أحد
    أن هناك جسد ممزق لطفل مطروح في النهر
    ولم يدري أحد بالأب الذي كاد أن يصاب
    بصدمة وهو يبكي ابنه بأسي وقلبه يكاد ينفجر
    من المرارة وهو مازال ممسكا بالرافعة.
    هل شعرتم بالأسى اتجاه هذا الرجل المسكين؟
    هل تقدرون مشاعره؟؟
    هل حاولتم التفكير في مشاعر الله الآب
    وهو يبذل ابنه الوحيد
    فديه عن العالم ليصلحنا معه؟؟
    هل فهمتم لماذا أظلمت الشمس وتشققت
    الصخور وقت صلب المسيح؟؟
    ومن ناحية أخري
    هل أنتم مثل الناس ركاب هذا القطار
    الذين لا يعرفون ثمن فدائهم؟
    "هكذا أحب الله العالم حتى بذل ابنه
    الوحيد لكي لا يهلك كل من يؤمن به
    بل تكون له الحياة الأبدية"
    (يو 3 : 16)
    هريدي

    مفيش واحد عاقل يسيب ولده
    يموت عشان غيره !!!
    وبعدين اشجاب هذا الرجل
    للرب سبحانه وتعالى
    القادر على كل شيء صوح ولا لع
    يا ميلاد يا ولد خوي
    ميلاد

    صُح يا هريدي يا ولد العم
    الرب قادر على كل شي
    هريدي

    الرب لو صوح له ولد واتحط في
    موقف الرجل ده حينقذ ولده
    والقطر والناس ومش ممكن يضحى
    بيه عشان الناس التضحية يا بوي
    ضعف وربنا مش ضعيف واصل
    مريم

    الحقني يا بونا انا في مصيبه
    كبيرة قوي قوي يا بوي
    الاب اسحق

    خير يا بنتي في ايه ؟

    مريم

    جوزي جرجس بيشرب خمره يا بونا

    جرجس

    خبر ايه يحرمه!!!!
    وفيها ايه يعنى لما اشرب خمره ؟!!
    صفحة الأحاديث النبوية

    http://www.facebook.com/pages/الاحاد...01747446575326

  3. #23
    الصورة الرمزية طالب عفو ربي
    طالب عفو ربي غير متواجد حالياً الله ربي ومحمد رسول الله
    تاريخ التسجيل
    Nov 2007
    المشاركات
    1,600
    الدين
    الإسلام
    آخر نشاط
    29-11-2014
    على الساعة
    05:10 PM

    افتراضي

    مريم

    الخمره حرام يا جرجس يا ولد عمي
    وانت خابر ده مليح صح ولا لع
    جرجس

    لع مخابرش واصل يا بنت عمي
    مريم

    كيف يعني مخابرش ؟!!!!!!!!!!
    مخابرش اللي قاله الكتاب المقدس
    عن الخمره يا ولد عمي ؟
    "ليس للملوك أن يشربوا خمرا
    ولا للعظماء المسكر
    لئلا يشربوا وينسوا المفروض
    ويغيروا حجة كل بني المذلة"،
    أي لئلا يكون حكمهم خطأ
    وبدون عدل (أمثال 31: 4 و5)
    جرجس

    اهه انت قولتي الملوك والعظماء
    وآني مش من دول ولا دول يا بنت عمي
    مريم

    طاب وايه قولك في الحديت ده يا ولد عمي
    "ولا تسكروا بالخمر الذي فيه الخلاعة،
    بل إمتلئوا بالروح (أي بالروح القدس)
    (أفسس 5: 18)
    جرجس

    قلك الخمره اللي فيها خلاعة يا بنت عمي
    والخمره اللي آني بشربها مفهاش خلاعه
    واصل آني بجيبها حشمه قوي قوي يا بوي
    مريم

    به وبعدهالك عاد يا ولد عمي
    قلت لك الكتاب المقدس يحرم
    شرب الخمر والسكر
    صحح اكده عشان تفهم الحديت مليح
    "لمن الويل لمن الشقاوة لمن المخاصمات
    لمن الكرب لمن الجروح بلا سبب
    لمن ازمهرار العينين؟ للذين يدمنون الخمر،"
    (أمثال 23 :29و30)
    "لا تنظر إلى الخمر إذا احمرت حين تظهر
    حبابها في الكأس وساغت مرقرقة. في
    الآخر تلسع كالحية وتلدغ كالأفعوان"
    "لا تكن بين شريبي الخمر بين المتلفين أجسادهم"
    (أمثال 23: 20)
    عاوز اكتر من اكده ايه تاني يا ولد عمي
    عشان تعرف ان الخمر والسكر حرام
    جرجس

    حديتك مليح
    وعلى راسي من فوق يا بنت عمي
    لكن ايه قولك في الحديت ده
    ومن الكتاب المقدس برضه
    قيل في سفر النشيد"
    كُلُوا أَيُّهَا الأَصْحَابُ.
    اشْرَبُوا وَاسْكَرُوا أَيُّهَا الأَحِبَّاءُ"
    هو ده مش حديت ربنا برضه ولا لع
    مريم

    وهو صح حديت ربنا
    بس انت خابر نشيد الأنشاد
    كلاته حديت رمزي
    للعلاقة بين الله والكنيسة والشعب
    " اشْرَبُوا وَاسْكَرُوا أَيُّهَا الأَحِبَّاءُ "
    هذه عن المسيح فحب المسيح
    يسكر النفس فتنسى كل ما هو أرضي
    لتهيم في حب الله وحده...يا ولد عمي
    جرجس

    به والحديت اللي بيقول الرب
    حول الميه إلى خمره في فرح قانا بالجليل
    (يوحنا إصحاح 2)
    لو صُح حديتك بحرمة الخمره
    كان حول الرب الميه الي خمره
    ليشربوا المعزيم
    صح ولا لع يا بنت عمي؟!

    مريم

    افهم الحديت يا ولد عمي
    الميه المتحوله إلى خمره إنما ترمز
    للامتلاء بالروح القدس
    يقول معلمنا بولس الرسول في رسالته
    إلى أهل أفسس (إصحاح 5: 18)
    "لا تسكروا بالخمر الذي فيه
    الخلاعة بل امتلئوا بالروح"
    جرجس

    اباااااااااااااااااااي
    وبعدهالك عاد يا حرمه كل ما قولك
    حديت من الكتاب المقدس تقولى
    رمزى..رمزى!!!
    ميلاد

    به من رمزي ده يا بوي ؟!!!
    الحرمه عشقت ولا ايه يا ولد خوي
    طخه وطخها وغسل عارك يا بوي
    جرجس

    سد خشم يا واكل بوك
    اشمعنا حديتي انا وحديتك انتي لع ليه ؟
    ميكنش ليه حديتك انت اللي
    بيحرم شرب الخمره هو اللي رمزي ؟
    مريم

    ده مش حديتي انا يا ولد عمي
    دى حديت الكنيسه
    جرجس

    بلاش الحديت ده كلاته
    هو لو الخمره حرام
    كنا حولنا الخمره الي دم الرب وشربنها
    صح ولا لع

    هريدي

    اباااااااااااااااااي.ايه الحديت ده يا بوي
    عيد الحديت اللي قلته ده يا جرجس يا ولد خوي
    عشان انا مش مصدق اللي سمعته دهه
    جرجس

    لو الخمره حرام ماكنتش الكنيسه
    حولته الي دم الرب وشربناه في التناول

    هريدي

    اباااااااااااااااااي
    الخمره بتحولوها لدم الرب وتشربوها ؟!!!
    ايه الحديت دهه؟!!!!
    نفوخي يا بوي
    الخمره بتحولوها للدم الرب وتشربوها ؟؟!!!
    صح الحديت دهه ؟
    جرجس

    قلتلك ايوه ايوه يا بوي
    والكنيسه كمان بتحول العيش
    الي جسد الرب وناكله كمان يا ولد العم

    هريدي

    ..يا حرام
    الخمره اللي بيشربها خلبطت مخه يا بوي
    جرجس

    جن لما يلخبطك
    انا مصحصح ياولد العم
    مش مصدقني
    اهه ابونا يخابرك
    صح ولا لع حديتي يا بونا ؟

    الاب اسحق

    هذا سر من اسرار الكنيسه بطقوس معينه
    يتحول الخمر الي دم الرب
    والخبز الي جسده نتناولهما في القداس

    هريدي

    اباااااااااااااااااااي
    حديت ايه ده بتحولوا الخمره لدم الرب
    والعيش للحمه وتكلوه ايه الخلق المخابيل
    دول يا ربي
    وبيقولوا على الصعايدة متخلفين ؟!!
    ميلاد

    انته مخابرش حاجه واصل يا هريدي
    يا ولد العم
    الموضوع كبير قوي قوي يا بوي
    ومفتكرش عقلك التخين دهه يفهموه واصل

    هريدي

    اباااااااااااااااااااي
    عقلي انا اللي تخين ؟!!
    سبحان الله ولا حول ولا قوة الا بالله
    انا مخي يوزن بلد ...اتحدت يا بخبول انت
    وهو انا سامع اهه
    لما اشوف ايه حكاية اكل الرب دي ؟!!!!
    يا واكل ربك
    مريم

    اباااااااااااااااااااي
    وبعدهالك عاد يا خال هريدي
    اصبر شويه خلينا في حكايتي اللي ملخبطة دي
    انا بقول الخمره حرام
    وجرجس ولد عمي بيقول لع حلال

    هريدي

    الخمره حرام
    حرام يا يا بنت خوى
    ودي عوزه حديت كمان
    { يَا أَيُّهَا الَّذِينَ آَمَنُوا إِنَّمَا الْخَمْرُ وَالْمَيْسِرُ
    وَالْأَنْصَابُ وَالْأَزْلَامُ رِجْسٌ مِنْ عَمَلِ الشَّيْطَانِ
    فَاجْتَنِبُوهُ لَعَلَّكُمْ تُفْلِحُونَ (90) إِنَّمَا يُرِيدُ
    الشَّيْطَانُ أَنْ يُوقِعَ بَيْنَكُمُ الْعَدَاوَةَ وَالْبَغْضَاءَ
    فِي الْخَمْرِ وَالْمَيْسِرِ وَيَصُدَّكُمْ عَنْ ذِكْرِ اللَّهِ
    وَعَنِ الصَّلَاةِ فَهَلْ أَنْتُمْ مُنْتَهُونَ (91) }
    (سورة المائدة)
    جرجس

    اباااااااااااااااااااي
    وبعدهالك عاد يا هريدي
    خليك في حالك
    محدش طلب منك تتحدت في الموضوع دهه
    انا عاوز بوي اسحق يقول لينا
    الخمره حرام ولا لع

    هريدي

    اتململ واقول خبريه ايه اللي واجعني
    مخابرش من وين الوجع ومن وين صايبني
    كترت المصايب ولاحد جنبي يساعدني
    اقول كفاية والدنيا تقول لا وبتعاندني
    كل صبح اقول خير وعن الشر ابعدني
    الاقي اللي جاي شر وعن الخير يبعدني
    يارب خلصني من المخابيل دول وريحني


    مريم

    ليه أكده يا عم هريدي!!
    دانا بقول عليك رجال زين
    والعيبه متخرجش من خشمك واصل

    هريدي

    اعمل إيه بس يا بنيتي
    حديتكم يطير العقل
    تشربوا دم الرب وتكلوا لحمه!!!!
    مريم

    اصبر نخلص حكايتي مع جرجس دهي
    وبعدين التحدت معاك
    وفهمك اللي انته عاوز تفهمه
    جرجس

    سد خشمك يا حرمه
    عشان نسمع قول بوي اسحق
    الاب اسحق

    بارككم الرب جميعاً
    الخمر مش حرام
    جرجس

    ابااااااااااااااااااااااااااي
    ادي الحديت الصُح ولا بلاش
    اهه قلك اهه الخمره مش حرام
    عوزه ايه تاني بقى يا حرمه ؟!!!!
    سد خشمك وماسمعكيش تقوليلي
    الخمره حرام واصل
    والا بالامانه ادشدش خشمك دهه
    الاب اسحق

    يا ابني عطيني فرصة أكمل كلامي
    المسيحية لا تحرم المادة
    ولكن تحرم الاستخدام السيئ لها
    أسوء ما في الخمر الكحل او نسبة الكحل
    ومع ذلك الكحل ليس محرم
    فقد نستخدمه في العطور والدواء
    مريم

    اباااااااااااااااااااااااي
    الحكاية مش محتاجه عجن ولت يا بوي
    خلصنا بقى
    وقلنا الخمره حرام ولا لع ؟
    الاب اسحق

    هناك فرق بين الخمر والمسكر
    والفرق بينهما في نسبة الكحل
    فالخمر ليس حرام وانما السكر هو اللي حرام
    والدليل على ذلك ما ورد في لوقا 15:1
    (وخمرا ومسكرا لا يشرب)
    يعني الخمر حاجة والمسكر حاجة تانيه
    مريم

    اباااااااااااااااااااااي
    حديتك مش صح واصل يا بوي
    الرب مدح يوحنا المعمدان
    وقال عليه انه يكون عظيم امام الرب
    ليه بقى ؟
    وعشان ايه؟
    عشان مش حيشرب خمره ولا مسكر
    قال ايه يا بونا؟
    قال لا خمره ولا مسكر
    خابر الحديت ده مليح يا بوي
    يعني الاتنين وحشين
    ومفيش حد واصل
    يفهم من الحديت دهه ان الخمره حلال
    "لأَنَّهُ يَكُونُ عَظِيمًا أَمَامَ الرَّبِّ
    وَخَمْرًا وَمُسْكِرًا لاَ يَشْرَبُ
    وَمِنْ بَطْنِ أُمِّهِ يَمْتَلِئُ مِنَ الرُّوحِ الْقُدُسِ
    لوقا 1/15


    الاب اسحق

    يا بنتي
    لو حرمنا الخمره بتاتا يبقى مانستخدمهاش
    في الأسرار المقدسة لكن في الأسرار المقدسة
    نستخدم الخمر التي بها قليل من الكحل
    لا تتعدى 5 % 6% مش زي الخمر اللي به
    50% او 60%حجة بسيطة مع قليل من
    الماء وكل واحد بيخدله كام نقطة نحن
    لا نحرم الخمر كمادة ولكن نحرم الاستخدام
    السيئ لها ونحرم السكر ونحرم تناولها
    بدون سبب ..سبب ملزم
    مريم

    بهه...وليه الملوعة في الحديت دهه يا بوي
    الخمره حلال او لع
    لكن تقول نسبه ومنسباش
    وتقول منحرمش الخمره ولكن نحرم السكر
    هي الخمره مش بتسكر ولا ايه يا بوي؟!!
    وبعدين هو الكتاب المقدس قال الحديت دهه ؟!!
    الاب اسحق

    "وَشَرِبَ مِنَ الْخَمْرِ فَسَكِرَ وَتَعَرَّى دَاخِلَ خِبَائِهِ"
    سفر التكوين 9: 21
    لاحظي يا بنتي كلام الكتاب المقدس
    قال شرب من الخمر {فسكر}
    اذن المشكلة ليس في شرب الخمر
    وانما في السكر
    والا مكنش قال فسكر
    واكتفي بشرب الخمر
    لو الخمره حرام في حد ذاتها
    مريم

    لع يا بوي
    هو عاوز يقول لك
    الخمره اسكرته وخلته مش فى وعيه
    عشان اكده قلك
    " فَلَمَّا اسْتَيْقَظَ نُوحٌ مِنْ خَمْرِهِ
    ، عَلِمَ مَا فَعَلَ بِهِ ابْنُهُ الصَّغِيرُ"
    سفر التكوين 9: 24
    قلك من خمره مش من سكره
    الاب اسحق

    يا بنتي قليل من الخمر لا يسكر
    مريم

    كيف يعنى قليل من الخمر لا يسكر ؟!!
    هو بولس الرسول مش قال
    «خَمِيرَةٌ صَغِيرَةٌ تُخَمِّرُ الْعَجِينَ كُلَّهُ».
    رسالة بولس الرسول إلى أهل
    غلاطية 5: 9
    اهه الصغير يعمل الكبير
    الاب اسحق

    وبرضه بولس الرسول قال
    " كَذلِكَ يَجِبُ أَنْ يَكُونَ الشَّمَامِسَةُ ذَوِي وَقَارٍ،
    لاَ ذَوِي لِسَانَيْنِ، غَيْرَ مُولَعِينَ بِالْخَمْرِ الْكَثِيرِ
    وَلاَ طَامِعِينَ بِالرِّبْحِ الْقَبِيحِ،
    رسالة بولس الرسول الأولى
    إلى تيموثاوس 3: 8 ..
    "كَذلِكَ الْعَجَائِزُ فِي سِيرَةٍ تَلِيقُ بِالْقَدَاسَةِ،
    غَيْرَ ثَالِبَاتٍ، غَيْرَ مُسْتَعْبَدَاتٍ لِلْخَمْرِ
    الْكَثِيرِ، مُعَلِّمَاتٍ الصَّلاَحَ،"
    رسالة بولس الرسول
    إلى تيطس 2:3
    قال ايه يا بنتي ؟
    قال الخمر الكثير
    يعني لا حرج من الخمر القليل
    جرجس


    اباااااااااااااااااااااااااي عليك يا حرمه
    هو انت حتعرفي احسن من بوى اسحق ولا ايه ؟!!
    سد خشمك بقى
    خلاص قلك الخمره مفهاش حاجه واصل
    وبعدين هو قلك نحرم استخدمها بدون سبب
    وآني بشربها بسبب
    برتاح قوي قوي يا بوي وهو ده مش سبب ولا ايه؟
    مريم

    يا ناس يا خلق
    افهموا الحديت بقى الخمر حرام حرام
    والرب قال اكده في الكتاب المقدس
    " 8 وَكَلَّمَ الرَّبُّ هَارُونَ قَائِلاً: 9 «خَمْرًا
    وَمُسْكِرًا لاَ تَشْرَبْ أَنْتَ وَبَنُوكَ مَعَكَ
    عِنْدَ دُخُولِكُمْ إِلَى خَيْمَةِ الاجْتِمَاعِ لِكَيْ
    لاَ تَمُوتُوا. فَرْضًا دَهْرِيًّا فِي أَجْيَالِكُمْ"
    10سفر اللاويين
    اهه الخمر كيف المسكر
    قال ايه ؟
    {خمر} و{مسكر}
    وبعديهم قال ايه ؟
    قال {لا تشرب}
    لا تشرب ايه يا بوي ؟
    {خمر} و{مسكر}
    يعني الاتنين كيف بعض يا بوي
    عشان تعرف ان تحديتك مش صح واصل
    لما قلت لا نحرم الخمر ولكن نحرم السكر
    الاب اسحق

    يا بنتي التحريم قاصر على هارون وأبنائه
    من بعده وليس في كل وقت بل عند دخولهم
    خيمة الاجتماع
    مريم

    ابااااااااااااااااااااااي عليك يا بونا
    سيبك من الحديتك الماسخ دهه .
    طهقتني في عيشتي .خليك دغري كيف الرجال
    قلت قبل سابق هناك فرق بين الخمره وبين المسكر
    وقلت الكتاب المقدس يفرق بيناتهم
    وقلت عشان اكده قلت لا نحرم الخمر
    ولكن نحرم السكر صح ولا لع
    وانا بقولك اهه الرب قال لم يشربوا خمر ولا مسكر
    قال لمين؟
    لكل بني إسرائيل
    ليه بقى ؟
    عشان يعلموا ان الرب هو الههم
    " 6 لَمْ تَأْكُلُوا خُبْزًا وَلَمْ تَشْرَبُوا خَمْرًا
    وَلاَ مُسْكِرًا لِكَيْ تَعْلَمُوا أَنِّي أَنَا الرَّبُّ إِلهُكُمْ "
    الخمر يا بوي بيطير العقل ويبعد العبد عن ربه

    هريدي

    حديتك زين يا بنت خوي
    ادي الحرمه ولا بلاش
    جرجس


    اباااااااااااااااااااي عليكي
    حرمه كيف ألعقربه
    طاب إيه قولك انت وبوي اسحق
    لا الخمره ولا المسكر حرام واصل يا بوي
    وهه الكتاب المقدس بيقول
    26 وَأَنْفِقِ الْفِضَّةَ فِي كُلِّ مَا تَشْتَهِي نَفْسُكَ
    فِي الْبَقَرِ وَالْغَنَمِ وَالْخَمْرِ وَالْمُسْكِرِ وَكُلِّ
    مَا تَطْلُبُ مِنْكَ نَفْسُكَ، وَكُلْ هُنَاكَ أَمَامَ
    الرَّبِّ إِلهِكَ وَافْرَحْ أَنْتَ وَبَيْتُكَ
    .سفر التثنية 14
    اهه الرب بيقول ضيع فلوسك في الخمر والمسكر
    وفرح كمان انت وبيتك
    عوزين ايه تاني اكتر من اكده ؟!!!!!!!!!!!!!
    صفحة الأحاديث النبوية

    http://www.facebook.com/pages/الاحاد...01747446575326

  4. #24
    تاريخ التسجيل
    Aug 2009
    المشاركات
    46
    آخر نشاط
    16-01-2013
    على الساعة
    12:21 AM

    افتراضي

    انا صعيدى صح لكن مفهمش الحديت الشين ده , لكن انا عندى فزورة قلتها لواحد صحبنا ( معاى كيس فى حاجة لو عرفت اى هىتاخد اتنين تعمل عجة , ردعليا وقال الكيس فيه برتقان ) .
    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

  5. #25
    الصورة الرمزية eng.smart
    eng.smart غير متواجد حالياً عضو
    تاريخ التسجيل
    Jul 2009
    المشاركات
    51
    آخر نشاط
    14-05-2015
    على الساعة
    01:31 PM

    افتراضي


    فى انتظار البقية

    سبحانك اللهم وبحمدك استغفرك واتوب اليك

صفحة 3 من 3 الأولىالأولى ... 2 3

يوميات صعيدي...مع التنصير

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

المواضيع المتشابهه

  1. (التنصير وعلم النفس 1):استخدام(الحيل النفسية) في التنصير
    بواسطة خادم النبي في المنتدى من ثمارهم تعرفونهم
    مشاركات: 0
    آخر مشاركة: 10-07-2009, 08:25 PM
  2. مشاركات: 2
    آخر مشاركة: 31-05-2009, 03:01 AM
  3. راهب صعيدي ينشر سلسلة كتب عن الحب والجنس والشذوذ
    بواسطة شبكة بن مريم الإسلامية في المنتدى من ثمارهم تعرفونهم
    مشاركات: 6
    آخر مشاركة: 18-03-2009, 09:37 PM
  4. مشاركات: 13
    آخر مشاركة: 08-05-2007, 06:25 PM
  5. فضفضة صعيدي علي النت
    بواسطة ASyooTY في المنتدى المنتدى العام
    مشاركات: 1
    آخر مشاركة: 19-03-2006, 02:11 PM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

يوميات صعيدي...مع التنصير

يوميات صعيدي...مع التنصير