هدية الى كل محبي المسيح من نجم ثاقب

آخـــر الـــمـــشـــاركــــات


مـواقـع شـقــيـقـة
شبكة الفرقان الإسلامية شبكة سبيل الإسلام شبكة كلمة سواء الدعوية منتديات حراس العقيدة
البشارة الإسلامية منتديات طريق الإيمان منتدى التوحيد مكتبة المهتدون
موقع الشيخ احمد ديدات تليفزيون الحقيقة شبكة برسوميات شبكة المسيح كلمة الله
غرفة الحوار الإسلامي المسيحي مكافح الشبهات شبكة الحقيقة الإسلامية موقع بشارة المسيح
شبكة البهائية فى الميزان شبكة الأحمدية فى الميزان مركز براهين شبكة ضد الإلحاد

يرجى عدم تناول موضوعات سياسية حتى لا تتعرض العضوية للحظر

 

       

         

 

    

 

 

    

 

هدية الى كل محبي المسيح من نجم ثاقب

النتائج 1 إلى 3 من 3

الموضوع: هدية الى كل محبي المسيح من نجم ثاقب

  1. #1
    الصورة الرمزية نجم ثاقب
    نجم ثاقب غير متواجد حالياً مشرف عام
    تاريخ التسجيل
    Jan 2007
    المشاركات
    5,025
    الدين
    الإسلام
    آخر نشاط
    21-07-2016
    على الساعة
    11:53 PM

    افتراضي هدية الى كل محبي المسيح من نجم ثاقب

    السلام عليكم ورحمة الله وبركاته ….
    اليكم هذه مؤلفتي الخاصة لمحاورة بين قس مبشر عن طريق تشويه الاسلام
    وشاب مسلم …عسى أن تعجبكم …لكى أطلعكم على منهجي في محاورتهم
    الذي لم يكتمل لأنهم أحسوا بضرورة تنحيتي وحجب عضويتي دون ذكر
    أى سبب مع أني أدرك أن كلانا يعرف السبب .
    اليكم المحاورة التي بعنوان : التبشير الفاشل مع منطق الاسلام .

    القس : أهلا بيك يابني …
    المسلم : أهلا بجنابك ….
    القس : طبعا انت دلوقتي …حتسمع حاجات مني …حاجات فضلوا شيوخكم
    يخفوها عنكم عشان ما تشوفوش نعمة الحق ….
    المسلم : حاجات زي ايه جنابك ؟!
    القس : سامحني يابني لو كانت الحقيقة راح تجرح شعورك ….
    أصل الحاجات دي حتبقى صدمة بالنسبالك .
    المسلم : يا ستار يارب …هوه فيه ايه حضرتك ؟!
    القس : انت طبعا ما بيجيش في بالك ….ولا حدش قالك القسوة اللي كانت
    في ظل الشريعة المحمدية ….أم قرفة العجوز…والراجل اللي اتقتل
    وهوه نايم …و ………
    المسلم : لحظة …لحظة …جنابك ….
    خليني أوضح لحضرتك حاجة مهمة وأساسية عشان اتجاوب على
    أى حاجة بتقولها أو حتقولها ….
    القس : ايه يابني ياحبيبي ….
    المسلم: بالنسبة للحاجات المذكورة بالأحاديث الصحيحة ….
    الحديث الصحيح معناه حاجة حصلت بالفعل …..
    وحنا ما بننكرش ده ….
    بس الحاجة اللي مش فاهمينها انتو ولا عايزين تفهموها ….
    ان الراوي لو نقل حاجة حصلت بالفعل ….هوه بينقل في أحيان
    كتيرة الموقف وما بينقلش النية مثلا ولا الحكمة مثلا ….
    لأنه بينقل الحدث كموقف بيحصل …وممكن ما يحضرش
    الموقف لاخره وما يزكروش للاخر ….
    بيهتم بالفعل والقول في الغالب…يعني الحاجة الظاهرة ….
    اللا ازا وضح النبي الكلام على انه شرع وأمر رباني ….
    أو برر الموقف انه سنة عشان الكل يتبعها , مش حاجه
    من ظن النبي ومزاجه …دي بتبقى من ربنا مش منه .
    والحديث على أد ما بيشهد الراوي ….يعني مرات ما بيحضرش الراوي
    عشان يوضح ردة فعل النبي على حاجة اتعملت من مسلم …
    أو حكمة النبي لو سكت … أو اعتراضه على تصرف شخصي
    من غضب أو غيرة مسلم راح ينفذ أمر وبالغ على مسؤوليته
    الخاصة في التنفيذ .
    يعني الحكمة من أمر النبي على أم قرفة اذا كانت ربانية …
    ما فيش معاه تأكيد بان المسلم اللي نفذ الحكم ما بالغش …
    خاصة ان الحديث ما وصفش ردة فعل النبي عليه الصلاة والسلام.
    والنبي لو عايز يقول حاجة بوضوح للناس حيقولها عشان
    يسمعها الكل ومن ضمنهم الراوي أو اللي نقل عنه الراوي …
    والأدهى من كده أي تصرف شخصي من واحد مسلم بتعتبروه الاسلام.
    مش انه مسؤول عن أفعاله أدام ربنا ... وفيه مسلمين كتير ياما بيذنبوا....
    وما بيطبقوش صح ...وبيحكمو غلط كمان ...والاسلام برىء منهم ....
    يعني الحديث وصف لحاجات حصلت ، ومش معناه ان واحد سأل ،
    بيكون النبي هوه اللى سأل , ولا لو واحد عمل حاجه , معناه النبي
    هوه اللي عمل واللا قال له يعمل ...مفهوم جنابك ...ارتحت ؟
    القس : بس يابني ….
    المسلم : وبعدين فيه حاجة مهمة جدا قبل ده كله ….
    ان انتو ما بتامنوش بان محمد رسول …
    عشان كده مش حتبصوا لأى حاجة بيعملها النبي اللا من زاوية مزاج
    وتضليل وتأليف وضحك على اللي بيسمعوله ….
    أصل اللي بيتكلم باسم ربنا كلامه بيبقى مبرر زي مانتو عارفين ….
    زي القسوة اللي بتقولو ان النبي محمد أمر بيها في الحكم والقصاص
    مش ممكن تفهمو ان ده أمر ربنا له وهوه بيغار عشان حق وكلمة ربنا .
    واللي لازم تعرفوه ان النبي أمر باسم ربنا حب الصفح والعفو والسماح
    ووضح جمالية الرفق واللين بالأحاديث الصحيحة لأن ربنا بيحب الرفق.
    بس عند حد ربنا وحقه ما يقدرش يجامل حد …لأن تنفيذ الحكم بالقاتل
    مثلا حيكون نصر حق الناس كلها وتسديد حق ربنا , عشان يتطهر القاتل .
    القس : يا بني ….فيه حاجات تانيه ………
    المسلم : عارف فيه حاجات تانيه ونا بوضحلك المختصر عشان تجاوب نفسك
    بكل حاجه عاوزها تخطر على بالك .
    اسمع من الحديث النبوي ده عشان الصورة توضح لجنابك ....
    حديث رقم 6127 في صحيح البخاري الرسول الكريم بيقول :
    ( انما أنا بشر ، اذا أمرتكم بشىء من دينكم فخذوا به , واذا أمرتكم بشىء
    من رأى ، فانما أنا بشر ) .
    وفي موضع اخر قال :
    ( فاني انما ظننت ظنا , فلا تؤاخذوني بالظن ، ولكن اذا حدثتكم عن الله شيئا ,
    فخذوا به , فاني لا أكذب على الله عز وجل ) .
    شايف حضرتك ازاى ....بيأكد انه هوه انسان في الوقت اللي بيأكد فيه انه نبي .
    مش بيقول : أى حاجه بقولها اسمعوها وانتم ساكتين عشان كل اللي بقوله من ربنا .
    بكل أدب وتواضع بيقولهم : ما تاخذونيش ...ما بيعملش نفسه منزه ........
    عشان هوه أمين بنقل الحق ...ولو كان على نفسه ....أمين بحمل الرسالة ....
    مش هوه اللي نزلت سورة في القران من ربنا بتعاتبه عشان عبس وكشر بوش
    أعمى ما بيشوفش لما جه يسأله عن الاسلام في الوقت نفسه اللي جم فيه
    كبار سادة قريش عشان يسمعوا عن الاسلام ...هوه كان بشر بيهمه المجموعة
    ومش عايز واحد يعطل عن المجموعة , عشان كده حمل ملامة ربنا له بامانة
    بايده وقالهم ادي كلام ربنا بكل أمانة حتى لو كان عتاب لرسوله .
    بالذمة ده واحد كان عايز مجد لنفسه واللا واحد صادق وأمين ومكلف من ربنا؟
    القس : طيب ....ورضاعة الكبير ....
    المسلم : لو حضرتك فهمت اللي قلته في الأول كنت حتجاوب نفسك ع الحته دي وغيرها.
    القس : يا سلام !!!!!!!!!
    المسلم : بالطبع حضرتك ...قلت لحضرتك ان الحديث الصحيح بيذكر حاجة حصلت ....
    زي ماذكر ان الست اشتكت من غيرة زوجها من الواد اللي كبر واللي اتعودت
    يدخل عليها في غيابه ...ذكر الراوي ان النبي قاللها رضعيه حيبطل زوجك غيرة ....
    ذكر ان النبي لما افتكر الكلام ده ضحك ....وما قالش الراوي ليه ضحك ....
    وذكر ان بالفعل الست رضعت الواد وانها شهدت ان غيرة زوجها راحت من
    وقتها ....وذكر كمان ان زوجات النبي كانوا فاهمين ان الكلام ده ما كانش تشريع...
    يعني حضرتك كنت فاهم ليه النبي قال الكلام ده ولما افتكروا ضحك ليه ؟
    ربنا وحده أعلم ....لكن اللي احنا مؤمنين بيه ان النبي محمد لو قال حاجة من ربنا
    حيقولها بوضوح ويأمر الناس بيها ....أما الراوي ما ذكرش النبي قال كده ليه
    بالموقف ده بالذات ...ولا قالش ان النبي كان بيهزر, وهيه خدتها جد وراح ربنا
    خلاها اتنفذ من غير ما اللي بيرضع يحس حاجة وخللى زوجها يبطل يغار .
    ولا ذكر الراوي انه كان بيتكلم جد, لأن ربنا بيمشي حالة خاصة في الموقف ده بالذات ...
    ربنا وحده أعلم ...لأن الراوي ذكر اللي حصل من غير توضيح الحكمة .
    القس : طيب وزواجه المتعدد والسرايا بتوعه وازاي كان بيختارهم واعترافه
    انه بيحب النساء ....بذمتك دي شخصية نبي ؟؟؟؟
    المسلم : هههههههههه ...( يضحك ) .
    القس : بتضحك ؟! بتقبلو كده ما نتو زيه تمام بتحبوا الحاجات دي ....
    المسلم : يسلم بق جنابك .... ادي بداية الحكمة في الموضوع والجواب .
    من هنا أجاوب جنابك ع الحته دي اللي صعبة شويه عليكو ....
    القس : جاوب يا سيدي ...هوه فيه ايه كمان تبرير ؟!!!!!!
    المسلم : هوه النبي عليه الصلاة والسلام بيأكد علينا انه بشرزينا تمام ......
    وبشر أوي كمان ...
    مش قلت لحضرتك انك لازم تفهم الأول انه نبي ورسول ربنا ....
    وفيه حاجات كتير بيكون ليها حكمة ....
    من فضلك تسمع الحكاية اللي حقولها لحضرتك ، عشان تفهمني
    كويس ومتعدش أى كلام في الموضوع ده بانه عيبه بحق النبي .
    القس : أما أشوف تبرير الكلام ده لنبي يبقى ايه بالزبط ؟؟؟؟
    المسلم : كان ياما كان ...زمان ...ربنا اختار اليهود علشان يحملو الرسالة
    والتعاليم والشريعة ، وكان عندهم : (العين بالعين والسن بالسن )
    مش ده كان من ربنا ؟ مش كده جنابك ؟
    القس : ده كلام سليم ...أيوه بعدين ...ايه دخل الكلام ده ؟!
    المسلم : جاى لك في الكلام ...
    لكن اليهود ظلموا الناس باسم الشريعة ....
    وبالغو باستغلال سلطتهم ... تمام زي ما بتقولو ان المسيح قال لهم
    انهم في ايدهم مفاتيح الشريعة لا همه داخلين ولا مخليين حد يدخل .
    وقالهم ما فيش حاجه تمنع انه يشفي حد أو يساعد حد في يوم السبت .
    وانتقد عنفهم وظلمهم وقسوتهم واستغلال منصبهم ....
    وقال لهم انهم قتلة الأنبياء ....مش كده جنابك ؟
    القس : ايوه تمام ...واضح انك بتقرا كويس ...وبعدين ؟
    المسلم : عشان كده ربنا جاب المسيح بعكس الحال اللي أكدوا عليه ....
    جاي بطبع قريب من الملايكة ...عشان قلوبهم اترق .....
    عشان كده غاروا منه واعتبروه بيتحدى كبار معلمي الشريعة ....
    واعتبروه بيحارب شريعة ربنا نفسها ....
    وعشان كده حاولو يقتلوه ....لكن ربنا حماه ....
    جالهم بطبع الملايكة يقول ان ربنا بيحب السماح والمحبة والسلام والزهد ....
    عشان همه بعدو عن تعاليم ربنا الحقيقية .....
    وجابه من غير أب عشان ما يقولش واحد ان الاعجاز والنبوة ما بتجيش
    اللا من نبي لازم يكون أبوه يهودي من اللي ورثوا الشريعة والنبوة .
    خللى اتصاله بيهم بنسب الأم بس .
    وخللى دلائل نبوته بحاجات خارقه عشان يصدقوه وما يقولوش ابن زنا .
    جه بمعجزات تتحدى كل الاطبه والحكما ، كان العصر ده عند الاغريق
    بيشد الناس للأمل بقدرة الأطباء وعلاجاتهم ...وهوه طبعا خلاهم ولا حاجه.
    لكن فيه ناس لما شافو الصلب وافتكروه هوه ، حزنو وقاله معقول اللي
    أحيا الموتى باسم ربنا تكون نهايته كده ...لأه ده لازم يكون اتصلب
    وقام وطار للسما عشان يرجع ...وبدأ اللي يكتب في ده يكتب ...
    خاصه اللي كانوا بيبشرو اليونانيين الوثنيين , حطولهم الحكايات اللي
    يحبوها من تراثهم وأساطيرهم ...حكاية الثالوث دي حاجة كانت عندهم.
    وقدر واحد زي بولس يبشر بالكلام ده ...ولغا أي حاجه اتصعب عليهم
    انهم يبقو مسيحيين ...فقال لهم بلاش ختان أصله مش مهم وبرر الكلام ده .
    وفضلت الحقيقة مع ناس فضلت الكنايس الضالة اتحاربهم .
    وخللو المسيح هوه اخر الانبياء ، لكن الحقيقة فضلت مع ناس كانو يخافو
    يعلنو الكلام ده ....همه اللي عرفو أوصاف النبي محمد من الكتب الصحيحة.
    القس : الكلام ده اتقولوه انتو مش احنا .....
    المسلم : أيوه تمام ...عشان كده فيه ناس زي حضرتك ما امنوش ان ربنا حماه
    عشان يعملو منه رب ... قالو هوه الله ....أو هوه ابنه .....
    أصلهم بيستبعدو ان ربنا يعمل المعجزات ...زي انه اتولد من غير أب...
    وانه اداه اعجاز احياء الموتى ...زي ما ادى موسى عصا الاعجاز ....
    وخللو قدرته بس انها تبقى بانه اتجسد في جسد انسان !!!!!!!!!!!!!!!!!!
    القس : طيب ...ايه بعدين ....
    المسلم : عشان كده اللي بتعتبروه انتقاد واستهجان على نبينا ......
    كان أحد أسبابه الناس اللي زي حضرتك ....
    اللي من كتر عاطفتهم يصدقو ان الانسان كان رب من السما ....
    عشان ما حدش يقول من كتر حبه لنبينا انه فوق مستوى البشر زي
    ما قلتو ....أكد ربنا في القران على طبيعته الانسانية وبشده .....
    حتى في سيرة النبي وكلامه وافصاحه عن الطبيعة دي كانت واضحة
    وبيأكد على وضوحها ...ومن كتر التأكيد ده ...واحد زي حضرتك مش
    فاهم ان طبيعة المسيح كانت رد على مادية وظلم اليهود بعد النبي موسى .
    مش ممكن تفهم ان بشرية النبي كانت رد على اللي بيعملو من الأنبياء الهة .
    يعني زي حضرتك تمام .
    شوف ازاى التأكيد ده على بشرية النبي عليه الصلاة والسلام :
    القران : ( وما محمد اللا رسول قد خلت من قبله الرسل ) .
    ( لقد جاءكم رسول من أنفسكم ) .
    وأكد النبي على ده بأحاديثه : ( انما أنا بشر ...) .
    وقال كمان بفخر: ( لكني أصلي وأنام , وأصوم وأفطر , وأتزوج النساء ) .
    شايف التأكيد ده كله ....عرفت بأه ليه بيصر يوضح ويكلم الناس ويكتبو
    رواة الحديث اعترافه انه زيهم وانه له حاجات بشرية زيهم ؟
    ويبينلهم بوضوح انه محتاجها وبيحسها زيهم ...عشان ما يفهموش ان
    الملايكة بس هيه اللي ممكن تطيع ربنا ...وان الحاجات دي ممكن تتنظم
    ضمن شريعة ربنا ....وجودها من صنع ربنا فينا ... واحنا ممكن نتكلم
    بيها بكل حرية ...زي ما بنتكلم عن الاكل تمام ....
    ما تنساش انه كان بدأ الدعوة بين ناس غايصين بعادات وتقاليد شيطانية .
    وحب النساء والزنا كان منتشر ...والبلوغ أسرع والشهوة أكبر ......
    ما تنساش ان الجو كان بيختلف عن بيت لحم والقدس والناصره ....
    اللي الناس بيها كانو واعيين أكتر نتيجة قربهم أكتر من الحضارات الكبيرة .
    كان النبي بيوضحلهم انه واحد زيهم تمام , والشرع كان حكمته التدريج ...
    عشان يتعودو ويبدأ المجتمع الاسلامي الحقيقي اللي عايزه ربنا .....
    كان النبي كأنه بيقولهم ان مش عيب انهم يحبو النساء .... لكن الاثم ازا
    حبناهم وتقربنا منهم بما يغضب الله ...وبكده كان الشرع بالتدريج ......
    كان ملكات اليمين اللي انتشرو وكان صعب التخللي عنهم بسرعة ...
    علمهم وهمه معاه ازاى يعقدو عليهم ...عشان يفهمو أهمية العقد .......
    وكان النبي بينهم وواحد منهم بيشاركهم الحروب بشجاعة وبينظم لهم
    بالتدريج أمورهم وهوه زيهم تمام لأن أمر ربنا له ما نزلش عليه لسه .
    لغاية ما تعودوا الصح وفهمو حلاوته ... حدد ربنا الزواج ........
    وشرع لهم الزواج بأربعة ....مبقاش فيه حاجه اسمها ملكات اليمين ....
    أربعة بس ...بيهم واللا من غيرهم ...هوه زواج له شروط وأساسه
    الموده والرحمه ....وكمان قالهم ان الشرط انهم يعدلو ...وحط عليهم
    الحمل التقيل ده ....تشجيع على الزواج من وحده ومش انه شرع
    من غير تكليف ومسؤولية كبيرة .....ووضح لهم ان الطلاق أكره
    الحلال عند ربنا وانه للضرورة , تمام زي الزواج التاني ما يكونش
    فيه ظلم ويكون أساسه العدل .
    أربع زوجات بالشرع , تمام زي مارضيتو بزواج النبي يعقوب ....
    أما النبي واللي كان كل زواج له لحكمة ووحده بس كانت عذراء ...
    ما بتقرنهوش طبعا بالحكيم سليمان اللي رضيته عنه وعن زواجه
    بألف زوجة وجاريه ........مش كده جنابك .
    مش هوه ده الحكيم ...وليه ترضى بحكمته ...وما ترضاش بحكمة
    ربنا بزيجات النبي محمد عليه الصلاة والسلام اللي مايتقارنش معاه !!!!
    القس : طيب لو فهمنا ده ....والناسخ والمنسوخ في القران ، مش فيه ......
    المسلم : أيوه ...الناسخ والمنسوخ ....انتو عاملين نفسكم مستغربينه !!!!!!!
    يعني حتخليني مضطر أقولك ان الكلام ده كان موجود بين العهد القديم
    والعهد الجديد , وكمان في العهد الجديد نفسه .
    القس : انت بتقول ايه ؟
    المسلم : أيوه ...لو كان الناسخ والمنسوخ في القران حكمته التدريج بالشرع
    لتخدير العادات والتقاليد عشان يتم العلاج النهائي ....لكن انتو فيه
    حاجه راح اتطير نفوخي ....ازاي غيرتو و رضيتو انه يتنسخ تشريع
    من ربنا قال عليه انه عهد أبدي ...يعني لا يمكن يتنسخ .....
    مش في سفر التكوين قال ربنا ان عهد الختان عهد أبدي ؟؟؟؟؟؟؟؟؟؟؟
    ازاي رضيتو ومين ده بولس اللي يقول ان الختان مالوش لازمه ؟!!!!
    ازاى رضيته ان بولس ده يغير في عهد ربنا ؟؟؟؟؟؟؟العهد الأبدي !!!!
    ازاى رضيته بالنوع الشيطاني ده من النسخ ؟!!!!!!!!!!!!!!!!!!!!!!!!
    ايه ده بالنسبة لنسخ القران المبرر بحكمة التدريج ؟!
    مش انتم بتقولوا ان المسيح اعترف ان الشريعة لما ابتنسخ بيكون لصالح
    الناس وحكمة من ربنا ؟ مش المسيح قال ان النبي موسى قال لشعبه ان
    الطلاق مباح عشان قلبهم كان قاسي ؟ وبعدها المسيح حرم ده اللا بحالة الزنا ؟
    مش معقول النبي موسى كان بيأمرهم بالحرام ...مش كده جنابك ؟
    مش المسيح قال أنا ماجتش أنقض الشريعة أنا جيت أكملها .....
    ولأنكم مش مؤمنين بنبوة نبينا محمد مش ممكن تعترفو كمان ان هوه جاى
    يكمل ويتمم ....ده شىء طبيعي انكم تنكروا عليه كل حاجة .
    المانع انكم حالفين يمين ان محمد مش نبي ...هيه دي أصل المشكلة اللي بيكم .
    القس : ده نبيك انتا ...مش ممكن يبقى نبينا احنا ....المسيح اخر حاجه وبس .
    المسلم : حاجه كمان بعد اذن حضرتك ...دنتو عندكم نسخ بحقيقة كان أكد عليها
    المسيح وتغيرت من انجيل لانجيل ...انجيل متى بيقول باصحاح 16/4
    ان الجيل اللي هوه بيتعامل معاه مش حيديه ربنا ايه غير ايه يونان .
    لكن في انجيل مرقس بيقول انه مش حيديه ربنا أى ايه أبدا !!!!!!!!!!!!!
    حاجه غريبه ...نسخ غريب !!!!!!!يعني اقفلو السيره دي وما تعملوش نفسكم
    مستغربين وانتو عندكو أكتر من كده ...مش بس كده ...عندكم حاجات غريبة.
    عايز تسمع حاجات تانيه غريبه واللا فهمت جنابك ؟
    القس : يا سلام ......
    المسلم : والاغرب من كده ....بتصدقوا بولس انه واخد من روح الله وهوه نفسه قال:
    كورنتوس الاولى 12/3 ( ما من أحد اذا ألهمه روح الله يقول أن يسوع ملعون
    من الله ) وييجي نفسه ...والله نفسه يقول :
    غلاطيه 3/13 (والمسيح حررنا من لعنة الشريعة بأن صار لعنة من أجلنا ,
    فالكتاب يقول ملعون كل من مات معلقا على خشبة ) .
    يعني الراجل ده أكيد من روح الشيطان بيتكلم .....
    بيقول ان الشريعة كانت لعنة .........
    وان ربنا أو المسيح كان لعنة !!!! أستغفر ربي العظيم .
    مش هوه قال لكم ان اللي يقول ان يسوع ملعون تبقا روحه مش من روح الله ...
    مش هوه اللي قال ان المسيح صار لعنة ...ولسه ماعرفتوش الراجل ده ؟!!!!!
    القس : اسم الله عليك يا حبيبي ...ما غريب اللا الشيطان ....
    المسلم : انا حأكدلك ان ايمانكو وعقيدتكو دي يفرح الشيطان بيها ...
    انتو جايين تعتبرو ان البشارة بالنساء والجنس والخمر الطاهر في الجنة ....
    تدنيس للجنة بحضرة ربنا ....
    مش انتو مستغربين الخمر والجنس يكونوا في الجنة
    بحضرة ربنا ؟
    مش كده جنابك ؟ حسأل حضرتك سؤال ....
    هوه مين الأطهر ربنا واللا الجنة والفردوس ؟؟؟؟؟؟؟؟
    القس : انت بتستعبط يابني ....ربنا طبعا ...!!!
    المسلم : حلو الكلام كده ...يعني بتخافو ربنا يتدنس لو جازا المؤمنين اللي سابو
    الخمر بخمرة طاهرة من الجنة أو جنس طاهر من الجنة ......
    وترضو اتنزلو ربنا بين خمر الأرض وجنس الأرض !!!!!عجبي!!!!!!
    ده الجنس بحد ذاته مش حاجة شنيعة ....
    هوه الجنس اللي جيت منه حضرتك كان عيبه بحق ربنا ؟؟؟؟؟؟؟؟؟؟؟؟؟؟؟
    الاثم هوه بالشىء اللي يتم مش زي ما بيرضا ربنا ...............
    عشان كان كده قال نبينا ان حب النساء ده طبيعه في كل انسان ......
    المهم تتنظم بشرع ربنا ....كان بيثبت لهم انه بيشاركهم بنفس الطبيعة ....
    ويكلمهم عن كل حاجة بوضوح وانه هوه زيهم تمام .....
    راجع القران والسنه بعد كلامي ده حتلاقي انه أكد على الكلام ده لحكمه ...
    وحتفهم انه جه بعد سيدنا المسيح اللي خليتوه رب ، متباهيين انه مالوش
    حاجات كتير زي البشر, ومش عارفين ان دي كانت حكمة ربنا لليهود .
    وعشان كده كانت حكمة تأكيده عطبيعته البشرية وهوه بيقول كلمة ربنا .
    راجع بزمة وضمير مش عشان هدفك التشويه ...حتعرف ان النبي وصفوه
    الصادق الأمين قبل مايكون نبي ...وبعد ما مات شهدله الخادم بتاعه انه
    كان قمة في الخلق والعطف والتواضع .....
    انتو مش عايزين تشوفو الحاجات الحلوه دي كلها ليه ....؟؟؟
    بتأمنو بكتبنا لو قالت حاجه تلبق على التشويه , وتنكروا عليها الحكمة ابتاعتها .
    وتكفروا بكتبنا لو قالت حاجه حلوه وخير ...عايزين ايه بالزبط ؟!!!!!!!
    وبعدين ...لو جيت جنابك اتبشر المسلم بالمسيحية والخلاص الأبدي
    حتقول ايه ....حاسمع حضرتك .......
    القس : أيوه ....هوه ده الكلام يا بني ...الحياة الأبدية .
    المسلم : اتفضل جنابك ....
    القس : ربنا بيحبك ...وجه يتصلب ويقوم عشان تبقا من أسرته الربانية .....
    دي علاقة حب وبنوة في الايمان وخلاص أبدي وفداء .......
    انت لو تفتح قلبك بس للكلام ده حتشوف المسيح بيقولك تعالا ونا حريحك ...
    ده ربنا بعت ابنه الوحيد عشان يموت علشان البشر كلهم عشان بيحبنا ....
    المسلم : يعني رضيتو يتهان ويبقا لعنه ويتفوا البشر الفجار في وشه !!!!!!!!!
    ويتشتم !!!!! ويتضرب !!!!!! وتقولوا ان ده كان برضاه ............
    عشان بيحبني وبيحبك وبيحب اللي كان بيتف بوشه !!!!!!!!!!!!!!!!!!!
    ياسلاااااااام !!!!!!!!!!!!
    القس : انت بتتريأ ياد ....؟
    المسلم : ايه مش هيه دي الحقيقه اللي مش قادر تفهمها .......
    اسمع جنابك من الاخر .....
    لو كان ده الباب الرئيسي اللي بتزينوه وبتتباهو بيه عشان اتبشرو الناس.
    أحب أقولك وأطمنك ان المسلم حاسس ومتأكد من حب ربنا بشكل أجمل
    من كده وأكرم من كده ....حب يديهولنا ربنا من قدسيته مش اهانته وذله.
    حب يدهولنا ربنا من طهارته مش بتغسل ويتلمع بتف
    وضرب وشتيمه .
    حب يدهولنا من بركة مش لعنه .....
    حب بيتولد مع كل انسان أسرع من جية المسيح بزمان طويييييييل .....
    لو كان ده الحب اللي جاي اتبشر بيه وهوه أهم حاجه بتبشيرك ....
    خلهولك ...وما تقولهوش لمسلم ...عشان المسلم عنده ربنا أهم من أى حاجه...
    أهم من كل البشر ومحبته ما تحتجش لزله عشان تحضنا بحضنها ......
    ربنا له اسم هوه ( الحافظ) وهوه (الودود) وهوه (العفو) وهوه (الرحمن الرحيم)
    وعايز تعرف حب ربنا شكله ازاي , وازاى هوه أجمل من الحب بتاعكم
    اللي شرطه ان ربنا يتهان عشان يوصل الحب والصفح .
    اسمع الاحاديث القدسية اللي عندنا , ربنا بيقول فيها ايه عن محبته وقربه وحفظه:


    (يا ابن ادم ....جعلتك في بطن أمك ....وغشيت وجهك بغشاء...لئلا تنفر من الرحم...
    وجعلت وجهك الى ظهر أمك لئلا تأذيك رائحة الطعام ...
    وجعلت لك متكأ عن يمينك ومتكأ عن شمالك ...
    فأما الذي عن يمينك فالكبد ...وأما الذي عن شمالك فالطحال ....
    وعلمتك القيام والقعود في بطن أمك ....فهل يقدر على ذلك غيري ....
    فلما أن تمت مدتك ...وأوحيت الى الملك بالأرحام أن يخرجك ....
    فأخرجك على ريشة من جناحه....
    لا لك سن تقطع ...ولا يد تبطش ....ولا قدم تسعى....
    فانبعث لك عرقان رقيقان في صدر أمك يجريان لبنا خالصا ....
    حارا في الشتاء وباردا في الصيف ...
    وألقيت محبتك في قلب أبويك ....
    فلا يشبعان حتى تشبع...ولا يرقدان حتى ترقد ....
    فلما قوي ظهرك واشتد أزرك ..بارزتني بالمعاصي في خلواتك...ولم تستح مني..
    ومع هذا ....ان دعوتني أجيبك ...وان سألتني أعطيتك...وان تبت الي قبلتك ) .

    وحديث قدسي اخر يخبرنا الله عن محبته لنا :
    (اني والانس والجن في نبأ عظيم .
    أخلق ويعبد غيري...أرزق ويشكر سواى...
    خيري الى العبد نازل ...وشرهم الي صاعد ....
    أتودد اليهم برحمتي وأنا الغني عنهم ....
    ويتبغضون الي بالمعاصي وهم أفقر ما يكونون الي .....
    أهل ذكري أهل مجالستي ...فمن أراد أن يجالسني فليذكرني ....
    أهل طاعتي أهل محبتي ...أهل معصيتي لا أقنتهم من رحمتي ....
    ان تابوا الي فأنا حسبهم ....
    من أتاني منهم تائبا تلقيته من بعيد ....ومن أعرض عني ناديته من قريب....
    أقول له : ألك رب سواى ؟ الحسنة عندي بعشرة أمثالها وأزيد....
    والسيئة عندي بمثلها وأعفو .....
    وعزتي وجلالي لو استغفروني منها لغفرتها لهم ) .

    فكروا بمنطق .....واستغفروا الله أن تنزلوه لكي يشتم ويبصق عليه ويضرب
    ....تعاليت يارب علوا كبيرا ....
    ان محبتك يارب لا تأتينا بتدنيس قدسيتك أبدا ....
    محبتك معنا منذ الولادة .....
    محبتك لن تنتظر أحد ....
    فنعمك علينا محبة ....وحفظك للأجنة محبة .......
    محبتك ولدت مع خلقك لادم .....
    أخطأ ادم فعاقبته وتبعته محبتك بوعدك له بأن غفرانك مشتاق لتوبته .
    تعاليت يارب ....محبتك طاهرة .... تمجدك ....
    محبتك لا تنتظر سنوات وسنوات لتبرهنها لنا .....

    الله أعظم صور المحبة ...التي تولد معنا ...وتسبق معاصينا....
    هذه المحبة التي نريد ....
    تعاليت يارب عن محبة شرطها أن نؤمن أنك ضربت وشتمت وبصق عليك !!!!
    تعاليت وتعالت محبتك عن ذلك .
    حديث قدسى ...لا يريدون أن يذكروه مع مثيلاته ....
    حتى نبحث عن المحبة في مكان اخر ...
    ونرى الاسلام قاسيا مشوها ....
    تعاليت يارب أن نؤمن بأن جنينا قد رعيته بحفظك ومحبتك ...
    وعندما كبر أكرمته بالنبوة والبركة ....تعاليت أن ننزلك
    بايماننا لكي تصارعه فيهزمك ...وبرىء أنت يانبي الله يايعقوب مما يدعون ...
    فاذا كنتم تشوهون الاسلام ورسوله وقرانه لأجل أن ننال الخلاص والمحبة
    بشرط أن نقبل بنزول الله وشتمه وضربه والبصق عليه .
    فاننا نختار الله المكرم بالاسلام بما هو حق وما يستحق ...
    الله كما أنصفه القران ونبي الاسلام ....
    هذا ما نختاره ...شبهات وتشويه له رد .....
    ولكن الذي لا يقبل المساومة هو حق الله الحقيقي بما يستحق ...
    تعاليت ياالله وتعالت محبتك ....
    أشكرك ياالله لأنك ربي ...والحمدلله أني مسلم ...


    القس : انت جبت الكلام ده منين ؟
    المسلم : عامل نفسك ما قريتوش ولا شفتوش ....ده لأنك بتدور على حاجات تخدم حقدك
    عالاسلام وعلى نبي الاسلام وعلى القران الكريم .
    أتحداك تقوللي الكلام ده مش موجود .....حرام عليكو الضلال والتضليل ....
    أتحداك لو فيه حد بيذكر ربنا أد بنذكره ونصللي له كل يوم ....
    عارف ...عاوز تعرف ازا كانت دعوة أى دين انها حق واللا لأه ......
    أول ما تبص بص على حق ربنا .....ومن كده تبقا متأكد ان كل حاجه فيه حق...
    أما الدين اللي بينزل ربنا عشان يتصارع مع انسان .
    واللي بينزله علشان يتهان عشان الانسان .
    اعرف جنابك علطول ان الشيطان لعب فيه ....
    أما القران الكريم ... بعد اللي عملوه الناس في الانجيل والتوراة .....
    ربنا اتعهد يحفظ القران ...مش النبي محمد اللي حفظه ....
    ولو بتقوله ان ماكانش فيه نقط على الحروف وقت نزول القران......
    حنقول لكم ان كل النقط كانت محفوظه على لسان قارئيه وحافظيه .......
    ربنا حيسخر كل حاجه عشان تحفظه .....
    وبالنسبة للمسيح اللي قال نبينا انه الوحيد مع امه اللي ما توخزش من شيطان ...
    ده سببه ان ربنا استجاب لدعوة والد ستنا مريم العذرا والدعا ده مزكور نصه
    في القران ....الاسلام بيشهد للمسيح ان الشيطان بعيد عنه ....
    ونتو مصرين تاخدوه للشيطان ...قال ايه ....علشان يجربه ...!!!!!!!!!!!!!!!!!
    حرام عليكو ....احنا نكرم المسيح بايمان الحق وانتو بتهينوه بالباطل !!!!!!!!!!
    وبتقوله ان محمد ما يوصلش للمسيح ....
    قولت لحضرتك انكم بعد ما خليته المسيح رب ولاهوت , جه النبي محمد يأكد
    على بشريته عشان لما يموت يفضلو اللي بيحبوه يقوله انه عبد الله ورسوله ....
    ولا يجيش على بالهم ولو لحظه انه فوق مستوى البشر ......
    عشان كده لما مات نبينا الحبيب خرج صاحبه أبو بكر يقول للناس بيفكرهم :
    ( من كان يعبد محمدا فان محمدا قد مات ...ومن يعبد الله فان الله حى لا يموت ).
    ولعلمك النبي كان عارف انه حيموت ولمح لأصحابه وأهله ان ربنا خيره ......
    وعشان كده قال خطبة الوداع وهوه بصحته ...
    وحتى لو افترضنا زي مابتقولوا انه مات غدر وربنا ما حماهوش .........
    ساعتها حسأل جنابك واسألكم كلكم سؤال ....
    هوه نبوة يوحنا المعمدان ليه ما تنقضتش لما اتقطع راسه وتحط على طبق!!!!!!؟
    مش ربنا له حكمة بكل حاجه برضه ؟؟؟؟
    حرام عليكو انتو ما بتظلموش حبيب الله وحبيبنا بس ...انتو بتظلمو نفسيكم ....
    ربنا يهديكم قبل ما يفوت الأوان ......انتو بتجازفو فعلا باسم الخلاص الأبدي.....
    القس : أنا خارج يظهر ما فيش فايده بيك ....
    المسلم : بعد كل المنطق ده بتقول جنابك الكلام دوت ؟؟؟!!!!!
    فكر جنابك في اللي قولتهولك تلقاه حق ومنطق .....
    بتقوللي اني لو أسمع بس ححس في المسيح ونعمته .....
    انا متأكد ومتخيل الكلام ده ينفع حكاية انسان بيقدم نفسه فدا انسان تاني.....
    يتضرب ويتهزأ ويتتف بوشه ويتشتم بدال ناس تانيه ......
    حاجه قمة في العاطفة ....وتستاهل الواحد ما يتخلاش عن الانسان الفادي ده
    ولا ينساهوش ....انسان أيوه ....انما ربنا لأه ومليون ألف لأه .............
    ده ربنا ياناس .....ربنا .....ماتوصلش يتهزأ علشان بيحبنا ...ولا علشان أي حاجه.
    ايمانكو بيخليكم تتخيلوا دنيا المسيح بصورة جميلة ولوحة ملونه لمايكل انجلو...
    عدم الواقعية دي خلتكم تتصوروه انه أكل الأكل علشان فيه ناسوت بشري....
    لكن مش ممكن تشوفوه بخيالكم انه قاعد بيخرج الأكل ده زي ما بيخرجوه البشر.
    أصل اللوحة الجميلة الملونة حتتغير ....اللي بياكل لازم يخرج ...مش كده ؟
    بتتخيلوه مبتسم وهادي بيقول تعاليمه الرائعة اللي بالفعل أصلها سماوي .....
    مين اللي قال اننا ما بنحسش بجمال التعاليم والحكم اللي قالها ......
    انما حاجه اتمس ربنا وتخللي المسيح رب ...دي مش ممكن تبقى سماويه !!!!!!
    لو كان قال لهم انه حيتصلب ويقوم كان لقينا واحد بس من التلاميذ اهتم واتأكد
    واستنى اليوم اللى وعد حيقوم فيه ....اديني اسم واحد .....
    ردة أفعالهم كانت انه شبه لهم انه اتصلب ومات وبعدين اتفاجأوا انه حى .....
    لو كان حيتنبأ ليهم بحاجه ...كان حيوصف أهم الانبياء الكذبه .....
    ليه ما وصفش النبي محمد اللي شاغلين نفسكم بيه ؟؟؟؟؟؟!!!!!!!!!!!!!
    مين اللي ديانته واقفه جمب الدين المسيحي كأهم ديانتين في العالم ...........
    ما يستاهلش انه يتذكر لأنه ظاهرة حتأثر في العالم ....
    هوه اتذكر ...بس ما تذكرش من الانبياء الكذبه .....
    هوه اللي قال عنه المسيح (المعزي) وعندي أدلة كتير على كده وبالمنطق والعقل ...
    عشان كده ...أشهد أن لا اله اللا الله ...وأن محمدا عبد الله ورسوله .........
    والمسيح عبده المبارك المؤيد بمعجزات الله العلي .
    ربنا يهديكو ....بس فكر بعقل بينك وبين نفسك من غير حقد وكراهيه ....
    اللي قلتهولك من أول كلامنا لغاية دلوقت يخليك اترد بينك وبين نفسك
    على كل حاجة وشبهه اتقولها ولسه حتقولها بكره كمان ....
    القس : أنا خارج ....
    المسلم : ربنا يحرسك بهدايته ....قبل ما يفوت الأوان ....مع السلامه جنابك .


    مشاركة من تأليف أخوكم / النجم الثاقب
    املا أن ينشرها من أحب لاختصار عليهم الاجابة بكل شىء ممكن أن يتدعونه
    ويفترون به على الاسلام …اخواني وأخواتي اطلبوا من الله لهم الخيروالهداية
    وجزاكم الله خيرا في كل ما يدفع عن الاسلام الباطل والتضليل .
    لأن الاسلام دين الحق والعقل والمنطق الذي نحمدالله عليه .
    هذا سيشهد به من يدرسه دراسة شاملة وموضوعية لتقصي الحقيقة ولاشيء
    غير الحقيقة كالعالم الفرنسي الذي أسلم بعد دراسته ( د. مريس بوكاى ) .
    وليس من دافع الكراهية والحقد والتعصب .
    أسأل للجميع الخير والهداية .
    املا أن أعجبتكم هديتي معتذرا لاطالتي.
    ولكن كله لأجل الحق يهون .
    والسلام عليكم ورحمة الله وبركاته .

  2. #2
    الصورة الرمزية khaled faried
    khaled faried غير متواجد حالياً عضو شرفي
    تاريخ التسجيل
    Nov 2005
    المشاركات
    2,114
    الدين
    الإسلام
    آخر نشاط
    12-03-2010
    على الساعة
    08:24 AM

    افتراضي

    هدية مقبوله أخي الحبيب الأستاذ نجم ثاقب
    فنحن نحب المسيح صلي الله عليه وسلم
    وهو حوار شيق ومفيد
    جزاكم الله خيرا
    ولكن يحتاج لتخريج بعض الأحاديث الواردة في الحوار فمنها الصحيح ومنها الضعيف

    اقتباس
    اقتباس المشاركة الأصلية كتبت بواسطة نجم ثاقب
    يعني الحكمة من أمر النبي على أم قرفة اذا كانت ربانية …
    ما فيش معاه تأكيد بان المسلم اللي نفذ الحكم ما بالغش …
    خاصة ان الحديث ما وصفش ردة فعل النبي عليه الصلاة والسلام.
    هذا لم يحدث ولم يأمر الني صلي الله عليه وسلم بقتل أم قرفه هذه

    وهذه بعض الروايات الضعيفة والمنكرة عن أم قرفة

    142418 - أن امرأة يقال لها : أم قرفة كفرت بعد إسلامها ، فاستتابها أبو بكر الصديق رضي الله عنه فلم تتب فقتلها
    الراوي: سعيد بن عبدالعزيز التنوخي - خلاصة الدرجة: ضعيف - المحدث: الإمام الشافعي - المصدر: السنن الكبرى للبيهقي - الصفحة أو الرقم: 8/204


    --------------------------------------------------------------------------------

    159656 - أن امرأة يقال لها : أم قرفة كفرت بعد إسلامها ، فاستتابها أبو بكر الصديق رضي الله عنه فلم تتب فقتلها
    الراوي: سعيد بن عبدالعزيز التنوخي - خلاصة الدرجة: ضعيف منقطع، وروي من وجهين مرسلين - المحدث: البيهقي - المصدر: السنن الكبرى للبيهقي - الصفحة أو الرقم: 8/204


    --------------------------------------------------------------------------------

    164642 - أن النبي صلى الله عليه وسلم بلغه أن امرأة من بني فزارة يقال لها : أم قرفة جهزت ثلاثين راكبا من ولدها وولد ولدها ، فقالت : اقدموا المدينة فاقتلوا محمدا صلى الله عليه وسلم ، فقال : اللهم أثكلها ولدها ، وبعث إليهم زيد بن حارثة ، فقتل بني فزارة ، وقتل ولد أم قرفة ، وبعث بدرعها إلى رسول الله صلى الله عليه وسلم فنصبه بين رمحين ، وأقبل زيد ، قالت عائشة : ورسول الله صلى الله عليه وسلم تلك الليلة في بيتي فقرع الباب فخرج إليه يجر ثوبا عريانا ، والذي بعثه بالحق ما رأيت عريته قبل ذلك ولا بعدها حتى اعتنقه وقبله
    الراوي: عائشة - خلاصة الدرجة: منكر - المحدث: الذهبي - المصدر: ميزان الاعتدال - الصفحة أو الرقم: 4/406


    --------------------------------------------------------------------------------

    158685 - أن أبا بكر رضي الله عنه قتل أم قرفة الفزارية في ردتها قتلة مثلة شد رجليها بفرسين ثم صاح بهما فشقاها
    الراوي: سعيد بن عبدالعزيز - خلاصة الدرجة: قيل إن سعيدا هذا لم يدرك أبا بكر فيكون منقطعا - المحدث: الزيلعي - المصدر: نصب الراية - الصفحة أو الرقم: 3/459


    --------------------------------------------------------------------------------

    176794 - أن أم قرفة الفزارية ارتدت في عهد أبي بكر الصديق, فأمر بها, فشدت ذوائبها في أذناب قلوصين أو فرسين, ثم صاح بهما فتقطعت المرأة .
    الراوي: - - خلاصة الدرجة: أسانيد هذه القصة منقطعة - المحدث: ابن رجب - المصدر: العلوم والحكم - الصفحة أو الرقم: 1/387

    يتبع إن شاء الله تعالي

  3. #3
    الصورة الرمزية نجم ثاقب
    نجم ثاقب غير متواجد حالياً مشرف عام
    تاريخ التسجيل
    Jan 2007
    المشاركات
    5,025
    الدين
    الإسلام
    آخر نشاط
    21-07-2016
    على الساعة
    11:53 PM

    افتراضي شكرا أخي خالد

    شكرا اخي خالد ....
    لا حظ ان الحوار بالاصل كان من قس مشوه وحاقد .
    قال ما قاله المشوهون ....
    أما رد المسلم كان عاما .... بشكل عام ....
    لم يدخل مع القس بأي تفاصيل ....
    بل وضع له استراتجيات عريضة .....
    فمهما وصلت أمثاله وتفسيراته ....
    سيجد السهم يرتد الى نحره ...

    وأمام قبولك هديتي .
    فقد نلت الشرف ليس بقبول الهدية فحسب .
    ولكن لتواصلك معي في ميدان الحق .
    وأمام الحق الموثق ستجدني منحنيا للحق
    شاكرا وداعيا لناقله .
    شكرا لك أخي خالد .
    أطيب الأمنيات من أخوك نجم ثاقب .

هدية الى كل محبي المسيح من نجم ثاقب

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

المواضيع المتشابهه

  1. مشاركات: 43
    آخر مشاركة: 17-09-2014, 09:30 PM
  2. مشاركات: 0
    آخر مشاركة: 10-12-2011, 02:31 AM
  3. مشاركات: 9
    آخر مشاركة: 09-11-2007, 05:49 PM
  4. هدية العيد للنصاري كيفية صلب المسيح ماهي الا تخيلات من كتب الأناجيل
    بواسطة faridabdin في المنتدى مشروع كشف تدليس مواقع النصارى
    مشاركات: 2
    آخر مشاركة: 16-12-2006, 10:54 PM
  5. مفاجأة ..هدية لكل محبي المجد
    بواسطة الحميدي في المنتدى المنتدى العام
    مشاركات: 2
    آخر مشاركة: 22-07-2006, 03:16 AM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

هدية الى كل محبي المسيح من نجم ثاقب

هدية الى كل محبي المسيح من نجم ثاقب