المسلم هو المسلم إييييييييه إيييه

[Merooo]

السلام عليكم

عايز احكيلكم على صدمه اتصدمتها وانا امر باحد الشوارع

تلك الصدمه كانت كالصاعقه فوق رأسى

وأود أن اخبركم ان تلك الصدمه فى الحقيقه لا تقل عن تلك الصدمه التى صُدم بها المسلمين حين رفعوا ايديهم بالدعاء وزاد عدد المصلين فى صلاة الفجر وناجوا ربهم بنصر العراق حين الغزوا وللاسف رأينا جميعا بغداد وهى تحترق


ما علينا

تلك الصدمه التى صدمت بها لا تقل ايضا عن تلك الصدمه التى صدمت بها من قبل حين مررت على احد الافراح ورأيتهم وهم يرقصون على اغنيه شعبيه (( يا رب صلى على محمد ..صلى .. صلى )) و زجاجات البيره تفور وهم يحملونها

ما علينا

ايضا تلك الصدمه التى صدمت بها لا تقل نهائيا عن تلك الصدمه التى صدمت بها حين كنت امر باحد الشوارع وسمعت صوتا رهيبا يهز المنطقه
(( فطعنه بيده اليمنى ثم اخرج احشائه بيده اليسرى ...(وبصوت اعلى) هؤلاء هم اصحاب رسول الله))

كنت فى غايه الاحراج وكنت عايز الارض تنشق وتبلعنى وكنت عايز استخبى فى الوقت ده مش عارف ليه وكنت عايز اصرخ وقول لا بس برضو مش عارف ليه

ما علينا

وللاسف تلك الصدمه التى سوف اخبركم بها لا تقل ايضا بكل المقاييس عن تلك الصدمه التى صدمت بها حين قال احد اصدقائى فى المدرسه من النصارى (( دينكم يضحك اوى ))
وده كان بعد حصه دين وفرض عليهم الاستاذ العبقرى انهم يحضروا مدام مدرستهم مجتش
وقعد الاستاذ العبقرى وحكلنا عن الخوارج وقصه استشهاد الحسين (( رضى الله عنه))
والفتن اللى دارت فى الفتره دى ومتكلمش عن معجزه واحده مثلا فى القران الكريم

ما علينا

متهيألى كفايه كده صدمات وندخل فى الصدمه الاساسيه

وانا ماشى وبمر باحد مكتبه شرائط اسلاميه
سمعت اغرب واهبل اغنيه سمعتها فى حياتى

اغنيه دينيه فريده من نوعها على غرار الفنان العاطفى الرقيق المحبوب شعبان عبد الرحيم

الاغنيه الرقيقه اللى كلها مناجاه وللى لو سمعها واحد مسيحى معدى قلبه هيحن وعلى الاقل تكون صوره الاسلام تكون جميله قدامه ويحترم الاسلام والمسلمين

الاغنيبه اللى كلها مناجاه واللى فعلا تهز القلوب بتقول

(( المسلم هو المسلم ايييييييييييييه ))


وطبعا شله هبله وراه (( إيييييييه))

وطبعا بيقت الاغنيه على نفس الريزم بتاع شعبان عبد الرحيم
#########
ما علينا

الاغنيه نزلت على اذنى كالصاعقه
الاغنيه بجد خلتنى اكلم نفسى فى الشارع حرام عليكو كفايه تشويه وانا من النوع اللى بتعصب للاسلام بسرعه
كان هاين عليا ازعق للاهبل اللى كان مشغل الشريط ده واشترى كل النسخ واحرقها



وخلينا كده لا نهتم بالاخر ولا بصورتنا امامه

وهنحاسب على ده كله

[Xx_Youri_xX]

حسبنا الله ونعم الوكيل

حياك الله أخونا ميرو

[يحيى]

اقتباس

السلام عليكم

وده طبعا موضوع تانى مش عايز افتحه عشان فيه كلام كتير ويقولولك اللى كانوا بيعزفوا بنات صغيره عشان كده سمح لهم رسول الله ( (صلى الله عليه وسلم)) طيب يا عم العاقل طيب اللى بعزف صغير طيب واللى كان بيسمع مش كبير برضو


ُ

موضوع قيم فعلا

مشاء الله

[Merooo]

يورى

سعيد جدا بردك الهادىء الجميل

يحيى

فعلا موضوع مهم جدا

لان احنا شعوب تحب التحريم

ولا تطبقه


وربنا يهدينا و يهدى المسلمين اجمعين

اللهم آآآمين

[شبكة بن مريم الإسلامية]

اقتباس

وده طبعا موضوع تانى مش عايز افتحه عشان فيه كلام كتير ويقولولك اللى كانوا بيعزفوا بنات صغيره عشان كده سمح لهم رسول الله ( (صلى الله عليه وسلم)) طيب يا عم العاقل طيب اللى بعزف صغير طيب واللى كان بيسمع مش كبير برضو

الاخ ميرو انا اعلم أن بك غيرة على الدين ولكن لنتعلم جميعا ً كيف نتاقش ولا يتحول الموضوع الى نقد من الممكن أن يكون طعن فى الأحاديث

لو تمتلك شىء يثبت أعتراضك من الكتاب والسنة أحضرة غير هذا معذرة سيتم تعديل هذه المشاركة

ونعم يوجد سلبيات كثيرة فى المجتمع الإسلامي بسبب سوء تطبيق الكثير من المسلمين لهذا الدين العظيم ولكن هذا لا يمنع أن يوجد الكثير من التحسن فى حال أهل الإسلام فى الأعوام القليلة الماضية وننتظر المزيد إن شاء الله

[Merooo]

السلام عليكم

اخى الكبير شبكه ابن مريم الاسلاميه

انا لم افتح الموضوع ولم اناقشه


ومن حقك طبعا طبعا طبعا الخذف ......

ما علينا

انا بتناقش فى قضيه اخطر وهى تغيير الخطاب الدينى وعدم التشويه لصوره الاسلام

ومتهيألى الصوره وصلت بوحشتها وبوحشيتها ( ده طبعا من وجهه نظر النصارى اللى ميعرفوش غير اللى ظاهر ادامهم)

وربنا يهدينا ويهدى جميع المسلمين