يوميات عم رمضان ( وحدووه )
يوميات عم رمضان
وحدووه
الشيخ حسن
السلام عليكم ورحمة الله
عم رمضان
وعليكم السلام ورحمة الله وبركاته
فينك يا شيخ حسن يعنى مفيش حد شافك ليلة إمبارح
الشيخ حسن
أصل حلاوتهم كانت بعافية شوية
عم رمضان
إشمعنى النوبادى ماهى كتير بتكون بعافية وانت بتفوتها وتخرج
الشيخ حسن
أصلها قالتلي خليك معاى يا شيخ حسن وبلاش تخرج الليلة يمكن أموت
عم رمضان
ليه كفا الله الشر ، هو عندها إيه ؟
الشيخ حسن
قالتلي إنها حاسة بهبوط وصدرها طابق عليها ومش قادرة تاخد نفسها وقالتلي لو مت ياشيخ حسن إبقى إتجوز ولوعينك من حد قوللي علشان أقولك إذا كانت تنفعك ولآ لأ
قلتلها هو أنا باشوف علشان تقولي عينك من حد
عم رمضان
إوعى تكون حلاوتهم بتعمل كده علشان توقعك فى الكلام
الشيخ حسن
ماظنش لأنها كانت بتتوجع وصعبت عليّا
عم رمضان
طيب ما شيعتش حد يندهلي ليه كنت جبتلها دكتور الوحدة الصحية يكشف عليها
الشيخ حسن
هى عندها عقدة من الحقن والبرشام
من ساعة الدكتور ما كتب علاج غلط للحاج نصحى الله يرحمه والراجل راح فيها
عم رمضان
جرى إيه يا شيخ حسن ده أجل ولكل أجل كتاب
الشيخ حسن
بس أسباب يا شيخ رمضان ، مش أروح أقتل واحد وأقول ده أجله كده
عم رمضان
إللي عاوز أقوله ان الدكتور ماقصدش يموته
الشيخ حسن
أهى الناس خافت منه ومعادش حد بيكشف عنده وإللي عاوز يكشف بقا يروح البندر
عم رمضان
المهم انت عملت إيه ؟
الشيخ حسن
قلتلها خلاص ياحلاوتهم أنا حاروح أعزي فى أم الواد ميلاد الصايغ وأرجع أأقعد معاكى للصبح
عم رمضان
كان لازم أنا كمان أروح أخد بخاطره
الرسول عليه الصلاة والسلام راح زار اليهودى لما عرف إنه مريض مع إنه كان بيرمى القذارة امام بيته
بكرة ان شاء الله أعدى عليه
هما كانوا ناصبين شادر للعزا إمبارح
الشيخ حسن
لأ ماعملوش شادر كانوا عاملين دروة صغيرة وحاطين شوية كراسى وجايبين ميكرفون
ما انت عارف ان الوّله ميلاد بيخاف على القرش زى حبابى عينيه
ولما وصلت هناك لقيت كام واحد قام يقابلنى ولقيت الوّله ميلاد بيقوللي مفيش حد يجيلك فى حاجة وحشه يا شيخ حسن أنا ساعتها إفتكرت حلاوتهم وقلتله شد حيلك يا ميلاد هو احنا حنروح فين
كل نفس ذائقة الموت
قاللي هى سافرت وزمانها مع المسيح دلوقت
قلتله فكرك كده !!
المهم الوّله ميلاد خد بإيدى وقعدنى على كرسى والكل كان قاعد ساكت مش زى عندنا بيكون فيه مقرىء يقرا قرءان
ولما لقيت الدنيا ساكتة خالص قلت
وحدوووه وطولت فيها شوية
مفيش حد رد عليّا
أنا إفتكرت ان مفيش حد موجود إلآ آنا
وان كلهم واقفين بعيد يستقبلوا إللي جاى يعزى
فقلت لنفسى طيب أعرف إزاى إذا كان حد قاعد جنبى ولآ لأ
فقلت أهى ريحّت إللي حواليها وسبحان الدايم
لقيت واحد عن يمينى بيقول هى مع المسيح ذلك أفضل
وواحد تانى بيقول مع ان لسانها كان شوية ومزعلة الناس منها بس كانت طيبة جدآ وقلبها أبيض زى البفتة البيضا
المهم ان السكوت رجع تانى ولآ عادش ولآ صوت
قوم أنا ناديت وقلت ولـَه يا ميلاد
قاللي أيوه يا شيخ حسن أنا جنبك أهو
قلتله وّله يا ميلاد أنا شايف الناس قاعدة ساكته تحب أسمعهم القرأن وأقرالهم ربع يمكن ربنا يهديهم
قاللي شكرآ يا شيخ حسن ملوش لزوم كتر خيرك
عم رمضان
وده ينفع بردوا يا شيخ حسن !!
الشيخ حسن
ما ينفعش لأن القرأن رحمة والترحم لا يجوز على الكافر ولقد نهى الله الرسول صلى الله عليه وسلم عن الاستغفار لأمه
عم رمضان
وربنا سبحانه وتعالى بيقول
والذين كفروا بآيات الله ولقائه أولئك يئسوا من رحمتي
الشيخ حسن
أنا عارف انهم بيكرهوا القرأن و طبعآ مش حيوافقوا إنى أقرأ أى كلمة
بس كان خاطرى إنهم يسمعوه لعل وعسى
عم رمضان
ده انت مشكلة يا شيخ حسن
كمل .. كمل
الشيخ حسن
وشوية حصلت هيصة وناس بتقول وسع يا جدع أبونا فلقس جه أبونا فلقس جه وناس بيقولوا أهلآ يابونا إتفضل أهو
عم رمضان
يتفضل إيه ؟
الشيخ حسن
يتفضل يمسك الميكرفون المهم إنه قعد يتكلم عن الوليه حنه ويقول رغم إنها كفيفة كانت مواظبة على الحضور فى الكنيسة والناس كانت بتحبها وهى دلوقت فى حضن المسيح والظاهر إنه شافنى لإنه قال حتى المسلم الضرير ما منعهوش عدم نظره إنه يجي يعزى وده من محبة الناس ليها مسيحيين ومسلمين
وقعد يتكلم عن محبة الرب وان الله محبه
عم رمضان
ومحبتهم الصراحة مغرقانا على الآخر
المهم يا شيخ حسن حصل إيه بعد كده ؟
الشيخ حسن
أنا لما لقيت أبوهم بيتكلم عن المحبة وان الله محبة
رحت واقف على حيلى وقلت وربنا سبحانه وتعالى قال للرسول صلى الله عليه وسلم
قُلْ إِن كُنتُمْ تُحِبُّونَ اللَّـهَ فَاتَّبِعُونِي يُحْبِبْكُمُ اللَّـهُ وَيَغْفِرْ لَكُمْ ذُنُوبَكُمْ وَاللَّـهُ غَفُورٌ رَّحِيم
لقيت إللي بيشدنى من دراعى علشان أأقعد وسمعت أصوات من بعيد إللي يقول مين ده ؟
وإللي يقول إيه إللي جاب ده هنا ؟
عم رمضان
يانهارك أبيض يا شيخ حسن
وبعدين ؟
الشيخ حسن
كل ده وماحدش فات علينا علشان يقول شكر الله سعيكم زى ما بيحصل عندنا
وكنت عاوز أعرف إذا كان فيه مسلمين جم غيرى بعد كده ولآ لأ
فقمت واقف على حيلي تانى وقلت شكر الله سعيكم يا جماعة مفيش حد يجيلكم فى حاجة وحشة
عم رمضان
الموت مش وحش الموت علينا حق يا شيخ حسن
الشيخ حسن
أهو ده الكلام إللي بيتقال فى الموازم
المهم لقيت إللي بيردوا عليّا ويقولوا
غفر الله ذنبك يا شيخ حسن وعرفت منهم صوت الحاج حسنين والحاج مصطفى الطيب وابراهيم الهرش
ولقيت الوّله ميلاد جه خد بإيدى وسحبنى على بره وكان جسمه بيرتعش وقاللي لغاية كده وكتر خيرك أوى أوى يا شيخ حسن انت قمت بالواجب وزيادة ما نجيلكش فى حاجة وحشة
بعد كده رجعت البيت وقعدت مع حلاوتهم وياريتنى ما رجعت
يتبع بمشيئة الله
رد مع اقتباس
المشاركة الأصلية كتبت بواسطة rejeb_hamdi
المفضلات