صفحة للحوار الهادىء .....

[محبه الناس]

اقتباس

منتظر إشارة البدء من الادارة و حضور الاخت الذى قد يتأخر الى يوم الاثنين


اللهم وفقنا لما تحبه و ترضاه

سلام عليكم...
لم يتئخر حضورى ليوم الإثنين...فأنا هنا الان و انتظرقرار الإداره فى ضم الإستفسار الاخيرلنفس الموضوع و تكملته اوالبدء بالإستفسار الذى وجهته للدكتور نيو فى المسيحيات.

بس قبل ان تضع إجابت حضرتك يا دكتور نيو... عايزا بس اقول ياريت يعنى تقول لى الإجابه منغير ما تسئل و تنتظر الإجابه الموجوده عندك..انا اول مره انظر على مشاركات حضرتك فى موضيع اخرى ..و الصراحه خايفا من الحوار مع حضرتك مش عارفا ليه...يعنى انا كل إلى عايذا افهمه إه المختلف فى كلام الرسول بولس؟؟مش عارفا ليه تشعرونى إنه قال كلام مختلف عن كل الإنجيل؟؟و انا مش حسى كدا!! يمكن علشان يدوب اول مره اقرا الرسايل بتعتو او اتطلع للرسايل اصلن و قريتهم سريع مش بتركيز اوى..بس احب افهم إه الإختلاف...
و ارجوك متنظرش إجابه منى...انا عايزا بس اعرف إه إلى حضرتك او كلكم شيفينو إلى انا مش شايفاه او فاهماه.
ارجوك لا تغضب إنى قولت إنى خايفا اتحاور مع حضرتك مع إن الشعور ده مكنش عندى لما حضرتك تحاورت معى فى صفحه التعليق ..بس شوفت كدا مشاركه لحضرتك خوفتنى منك مش عارفا ليه...
و عايزا اقول بردو لأستاذ مناصر ارجو ان تكون مش غاضب منى انا اسفا..أنا يشرفنى طبعا الحديث مع حضرتك بردو ...بس يمكن العيب فى انا و فى حساسيتى الذياده علشان كدا بردو اخاف من الحوار مع حضرتك ...بس فى النهايه انا اصلن شخصيه جبانه من طبعى..فكنت فى البدايه خايفه بردو من Eng Con بس بعد ان تعرفت على الإسلوب و اخذت عليه اصبحت لا اخاف من الحوار معه.
ارجوكم تسامحونى لو سدر منى اى شىء يزعل بيكون بدون قصد صدقونى.
اشكر تعبكم
و انتظر قرار الإداره...
عندى بردو سوئال للإداره هو انا مسموح لى أن اعلق او اشارك فى موضيع فى صفحات تانيا كنت مشاركا فيها؟ ولا حضرتك تنصح إنى مشاركش غير فى هذه الصفحه؟
فى إنتظار قرار حضرتك DoctorX.

[نيو]

اقتباس

سلام عليكم...
لم يتئخر حضورى ليوم الإثنين...فأنا هنا الان و انتظرقرار الإداره فى ضم الإستفسار الاخيرلنفس الموضوع و تكملته اوالبدء بالإستفسار الذى وجهته للدكتور نيو فى المسيحيات.

بس قبل ان تضع إجابت حضرتك يا دكتور نيو... عايزا بس اقول ياريت يعنى تقول لى الإجابه منغير ما تسئل و تنتظر الإجابه الموجوده عندك..انا اول مره انظر على مشاركات حضرتك فى موضيع اخرى ..و الصراحه خايفا من الحوار مع حضرتك مش عارفا ليه...يعنى انا كل إلى عايذا افهمه إه المختلف فى كلام الرسول بولس؟؟مش عارفا ليه تشعرونى إنه قال كلام مختلف عن كل الإنجيل؟؟و انا مش حسى كدا!! يمكن علشان يدوب اول مره اقرا الرسايل بتعتو او اتطلع للرسايل اصلن و قريتهم سريع مش بتركيز اوى..بس احب افهم إه الإختلاف...
و ارجوك متنظرش إجابه منى...انا عايزا بس اعرف إه إلى حضرتك او كلكم شيفينو إلى انا مش شايفاه او فاهماه.
ارجوك لا تغضب إنى قولت إنى خايفا اتحاور مع حضرتك مع إن الشعور ده مكنش عندى لما حضرتك تحاورت معى فى صفحه التعليق ..بس شوفت كدا مشاركه لحضرتك خوفتنى منك مش عارفا ليه...

فى إنتظار قرار حضرتك DoctorX.

أختاه:
انا احترم كلامك جدا:
فانت قد تكونى خفتى من اسلوبى فى مواضيع (معينه) اعتقد انها الموجوده فى قسم كشف تدليس مواقع النصارى......أليس كذلك يا أختاه؟؟؟

يا محبة:

الناس دى تستاهل اكتر من كده بكتيييييييييييييييييير
انتى متعرفيش الناس دى بتقول ايه!!!!!!

لما يشككوا فى نسب سيدنا محمد(بأقذر كلمات ممكن تتخيلها فى حياتك)...تنتظرى منى اعاملهم ازاى؟؟؟؟؟

لما يقولوا عن احد امهات المؤمنين (زوجات النبى) كلاما ينضح بالسفالة والقذارة


بعد كده:

تتصورى بنى انسان شرير او قبيح لانى (بفضح) دول!!!!!

لا يا اختاه:
انا بقولها لحضرتك بكل وضوح:
انا عامل كل واحد بما يستحقه( وليس هذا يعنى انى بنافق حد)


و انا بقولها لحضرتك:

لو حضرتك بقيتى زيهم(فى الشتيمة)..............هعاملك زيهم!!!!
لكن انا عارف انك مش من النوعية دى

ثانيا :
هما بيشتمونى انا كمان...( و على فكرة ده عادى و كلنا معرضين لكده و الشتيمة مبتلزقش..........لكن سيدنا محمد........فلن اسكت ابدا ابداابدا....كله الا سيدنا محمد و امهات المؤمنين ):
انا لا اشتم انتقاما لنفسى....


فانا كنت و لا زلت و سأظل .....(نكرة)

اما من تسافل على سيدنا محمد.....فلن اكف عن فضحه( و كله بالصور)

اما حضرتك.....فنا هتعامل معاكى زيهم ليه؟؟؟؟

مع ملاحظة ان عمرى ما شتمت امهم بكلمه نابية من اقل الكلمات الى هما بيستخدموها ضد سيدنا محمد و أمه الطاهرة و أعراض امهات المؤمنين


و انا عارفه انتى خايفة من ايه:

انتى لست ممثلا عن الدين المسيحى
و لا انا ممثلا عن الدين الاسلامى
فى النت:
كل واحد بيمثل (نفسه فقط لا غير)


ثانيا:
انا عمرى ما سأتعمد ان اضع حضرتك فى صورة وحشة و اضحك عليكى الناس مثلا
(انا مش من النوعية دى و الله )
انا بقالى 8 سنين تقريبا فى دراسة الكتاب المقدس...و حضرتك لسه جديدة فى المجال ده
هتشطر على حضرتك و اضحك الناس عليكى مثلا......حاشا لله
انا كل هدفى ...ان اقدم لك الحقيقة (بدون تدليس و لا سفالة و لا استظراف)
و هدفى واضح من الاول....

و لو حضرتك خايفة:

مفيش مشكله:

لو مكنش عندك اجابه.....عادى و الله مش هعلق عليكى:
انا هدفى (((تقرى)) الكلام......يمكن تشوفى الحقيقة (ان شاء الله)
مش هدفى انك ترد و بعدين اعلق تعليق جامد(عشان الى حواليا يصقفوا و يقولوا شوفوا نيو بيعمل ايه؟؟؟؟صدقينى انا مش كده)


كل المطلوب منك فى نقطة المسيحيات بعد اذن الادارة طبعا:

انك تقولى مجرد رأيك فقط...لا غير

و ان كان فى نقطة انتى مش فهماها هحاول افهما ليكى....بس

صدقينى مش هضغط عليكى و لا الحاجات دى....

الكلام ده لو بحاور مشرف او مناظر مسيحى.....مش مع حضرتك


و برضه مش هجبرك تتحاورى معايا


و نقطتى القادمة (هتشمل نبذة عن سؤالك ايضا).....لو وافقتى

و لو عاوة فى النقطة المسيحية الجاية(مش دى) اشرح ليكى بالتفصيل رسايل القديس بولس ...مفيش مشكلة

و فى انتظار قرار الادارة

[محبه الناس]

اقتباس

[=نيو;510037]أختاه:
انا احترم كلامك جدا:
فانت قد تكونى خفتى من اسلوبى فى مواضيع (معينه) اعتقد انها الموجوده فى قسم كشف تدليس مواقع النصارى......أليس كذلك يا أختاه؟؟؟

أعتقد هذا بس مش متئكده علشان انا بقرأ كثير فلا اتذكر كانت المشاركه فى انهى قسم بس انا فاكرا شعورى بالخوف ساعتها.مش فاكرا حتى تفاصيل الكلام.

اقتباس

يا محبة:
الناس دى تستاهل اكتر من كده بكتيييييييييييييييييير
انتى متعرفيش الناس دى بتقول ايه!!!!!!
لما يشككوا فى نسب سيدنا محمد(بأقذر كلمات ممكن تتخيلها فى حياتك)...تنتظرى منى اعاملهم ازاى؟؟؟؟؟
لما يقولوا عن احد امهات المؤمنين (زوجات النبى) كلاما ينضح بالسفالة والقذارة

انا اسفا طبعا من ما اسمعه و احزن على ما يقلون و طريقه الكلام دى و الغلط.. هذا غير مقبول عندى تماما بس لا انكر إنى وجدت مثلهم هنا كمان..
أعلم ان الشخص يدافع عن دينه "أى ان كان دينه" و اى كلمه تدين دينه تشعل نار الحرقه فى قلبه...
العبره فى من يضبط نفسه...من يتحلى بالاخلاق حتى إن عومل بقله أدب...و لكن إذا تعاملت مع قليل الادب بقله ادب ذيه و مع البلطجى ببلطجه ذيه فما نفع هذا لك؟؟
إلا إنك تتشبه بسيئين السلوك و تفعل افعالهم و تقول اقوالهم؟!!! فما نفع هذا!!ما نفع ان تنتصر على الارض!!

يعقوب 4 : 11

11لا يتكَلَّمْ بَعضُكُم على بَعضٍ بالسُّوءِ، أيُّها الإخوَةُ، لأنَّ مَنْ يتكَلَّمُ بِالسُّوءِ على أخيهِ أو يَدينُ أخاهُ يتكَلَّمُ بِالسُّوءِ على الشَّريعةِ ويَدينُ الشَّريعةَ. وإذا كُنتَ تَدينُ الشَّريعةَ، فما أنتَ عامِلٌ بِها، بَل دَيّانِ لها. 12هُناكَ مُشتَرِعٌ واحدٌ ودَيّانِ واحدٌ، وهوَ الذي يَقدِرُ أنْ يُخلِّصَ وأنْ يُهلِكَ. فمَنْ تكونُ أنتَ لِتَدينَ قَريبَكَ؟

8وعلى مِثالِ ذلِكَ هَؤُلاءِ الذينَ في هَذَيانِهِم يُنَجِّسونَ الجَسَدَ ويَحتَقِرونَ سِيادَةَ الله ويُهينونَ الكائِناتِ السَّماوِيَّةَ المَجيدَةَ، 9معَ أنَّ ميخائيلَ رَئيسَ الملائِكَةِ، لمّا خاصَمَ إبليسَ وجادَلَهُ في مَسألَةِ جُثَّةِ موسى، ما تَجَرَّأَ أنْ يَدينَ إبليسَ بِكلِمَةٍ مُهينَةٍ، بَل قالَ لَه: «جَزاكَ الله«

اقتباس

بعد كده:
تتصورى بنى انسان شرير او قبيح لانى (بفضح) دول!!!!!
لا يا اختاه:
انا بقولها لحضرتك بكل وضوح:
انا عامل كل واحد بما يستحقه( وليس هذا يعنى انى بنافق حد)
و انا بقولها لحضرتك:
لو حضرتك بقيتى زيهم(فى الشتيمة)..............هعاملك زيهم!!!!
لكن انا عارف انك مش من النوعية دى

أسفا مره أخرى لما وجته من إهانه فى كلامهم و اعتقد ده البعض.. ماهما بشر بردو فى منكم كثير يوهين دين الاخرو يعامل الاخر بالمثل..فقد يكونو عوملو من احد بإسائه فيعتقدون إن الكل يوسيء..صدقنى دول بشر مثل حضرتك يعنى ذى ما فى هنا الوحش فى هناك الوحش و زى ما فى هنا الكويس فى هناك كمان كويس...
و صدقنى انا عمرى ما اشتم و عمرى ما اهين و فى اشد الاحوال احاول ضبط نفسى بأى طريقه و لا انكر إنى اوقات ممكن افشل بس براجع نفسى و اظل ضميرى يوئنبنى حتى اعتزر عن ما قلت. فبلاش ارجوك التهديد ده:"هعاملك زيهم!!!"انا عمرى ما هعمل كدا..صدقنى.
و صدقنى انا لا ادافع عنهم لإنهم من دينى لا انا لو كلام إتفتح و حد غلط فى المسلمين انا ادافع عنهم بردو فى غيابهم حتى إخرس لسان اى حد..علشان مش من حقنا إحنا البشر ان نحكم و ندين الاخر.

اقتباس

ثانيا :
هما بيشتمونى انا كمان...( و على فكرة ده عادى و كلنا معرضين لكده و الشتيمة مبتلزقش..........لكن سيدنا محمد........فلن اسكت ابدا ابداابدا....كله الا سيدنا محمد و امهات المؤمنين ):
انا لا اشتم انتقاما لنفسى....
فانا كنت و لا زلت و سأظل .....(نكرة)
اما من تسافل على سيدنا محمد.....فلن اكف عن فضحه( و كله بالصور)
اما حضرتك.....فنا هتعامل معاكى زيهم ليه؟؟؟؟
مع ملاحظة ان عمرى ما شتمت امهم بكلمه نابية من اقل الكلمات الى هما بيستخدموها ضد سيدنا محمد و أمه الطاهرة و أعراض امهات المؤمنين

ربنا يسامحهم و يسامح كل من اخطاء بجهل ..فمن يوخطىء فهو جاهل عن الحق و كل واحد شايف نفسه صح و بيغلط فى إلى قدامه و هذا اكبر خطاء...
ارجوك يا رب إغفر ..إغفر لمن يوخطيىء بجهاله ..فهم لا يعلمون ماذا يفعلون.

اقتباس

و انا عارفه انتى خايفة من ايه:

انتى لست ممثلا عن الدين المسيحى
و لا انا ممثلا عن الدين الاسلامى
فى النت:
كل واحد بيمثل (نفسه فقط لا غير)


ثانيا:
انا عمرى ما سأتعمد ان اضع حضرتك فى صورة وحشة و اضحك عليكى الناس مثلا
(انا مش من النوعية دى و الله )

اشكر ربى إن حضرتك مش كدا..(بس بإعترافك تصبح كدا لو انا كنت كدا!)و اسئل الله ان لا اجرح ابدا اى إنسان لإنى اصلن لا اتحمل ان يجرحنى احد..فأنا اتعامل من منطلق: إلى مرضاهوش لنفسى مرضاهوش لغيرى اى ان كان دينه او جنسه.

اقتباس

انا بقالى 8 سنين تقريبا فى دراسة الكتاب المقدس...و حضرتك لسه جديدة فى المجال ده
هتشطر على حضرتك و اضحك الناس عليكى مثلا......حاشا لله
انا كل هدفى ...ان اقدم لك الحقيقة (بدون تدليس و لا سفالة و لا استظراف)
و هدفى واضح من الاول....

8 سنين.............. مشوارى طويييل....ممكن اسئل سوئال؟ هل طلبت علامه من الله إن حضرتك ماشى فى الطريق الصح و اعطالك العلامه؟؟
هل إستعنت بكتب التفسيرات و لا كنت تقراء فقط؟ هل إستعنت بالله مباشرتا فى الشرح لك مباشرتا؟؟ هل تتكلم مع الله و تفضفض له فى سجودك؟؟
هل يملاء حبك لله قلبك بحيث إنك و إنت تتكلم معه فى صلاتك تنهال دموعك لشعورك بأن قلبك لا يتحمل كل هذا الشعور..هل تشعر بحب الله لك رغم إنك بتغلط زى البشر العادى؟
هو مش سوئال واحد دول طلعو كثير!! الإختصار عايزا اعرف شكل علاقتك بالله الحبيب إه؟؟

اقتباس

و لو حضرتك خايفة:

مفيش مشكله:
[COLOR="Red"]
لو مكنش عندك اجابه.....عادى و الله مش هعلق عليكى:
انا هدفى (((تقرى)) الكلام......يمكن تشوفى الحقيقة (ان شاء الله)
مش هدفى انك ترد و بعدين اعلق تعليق جامد(عشان الى حواليا يصقفوا و يقولوا شوفوا نيو بيعمل ايه؟؟؟؟صدقينى انا مش كده)
كل المطلوب منك فى نقطة المسيحيات بعد اذن الادارة طبعا:
انك تقولى مجرد رأيك فقط...لا غير
و ان كان فى نقطة انتى مش فهماها هحاول افهما ليكى....بس
صدقينى مش هضغط عليكى و لا الحاجات دى....
الكلام ده لو بحاور مشرف او مناظر مسيحى.....مش مع حضرتك
و برضه مش هجبرك تتحاورى معايا

دكتور نيو مجرد إن حضرتك رديت عليا فخلاص الخوف راح "مش اوى يعنى " بس نعتبره راح و انا فضلت اتحاور مع حضرتك لإنى لم اجد شيىء يضايقنى منك فقد تكلمت معى بكل ادب و كل إحترام...أحترم حضرتك و احترم ادبك. بس كنت حبا بس اقول لحضرتك شعورى قبل ما تبداء... فإعتبر إنى مقلتهوش..مش خايفا خلاص.

اقتباس

و نقطتى القادمة (هتشمل نبذة عن سؤالك ايضا).....لو وافقتى

و لو عاوة فى النقطة المسيحية الجاية(مش دى) اشرح ليكى بالتفصيل رسايل القديس بولس ...مفيش مشكلة

إن شاء الله ...هو انا مش فاهما حضرتك تعنى انهى سوئال فأنا شكلى كدا بسئل كثير..بس فى النهايه انتظر قرار الإداره.

[محبه الناس]

إه ده انا لسا شايفا دلوقتى حالا إلى حضرتك كنت رافقه...ما هذا....
"ويل لى إن كنت لا ابشر"!!! اتعجب التعليق إلى كاتبه .. فإن كان التبشير بهذا الإسلوب فخير له ان يصمت فهو يدنس....

يا الله إرحم يا قدير سامح يا حبيب إذرع محبتك فى قلوبنا و حببنا فى بعضنا يا قدير..إقدى على كل كره فى القلوب..فإن الكره من الشيطان و أنت يا رب قادر ان تغلب الشيطان.نستعين بك و نسئلك ان ترحم و تسامح من يخطاء.

اسفا مره اخرى لما لقيته من إسائه.. الله هو إلى بيرض و قادر ان يدافع عنا و عن نفسه لمن يتوكل عليه و لا يستخدم دراعه..بل يستخدم إمانه فى الله إنه قادر ان يرض.
الرب معك و يعطيك نعمه و سلام.

[Doctor X]

تدخل إشرافى :

يمكن الآن للحبيب د/نيو التفضل بطرح سؤاله فى المسيحيات للزميلة الفاضلة / محبة الناس

[نيو]

بسم الله الرحمن الرحيم
السلام عليكم ورحمة الله وبركاته

النقطة (الأولى) فى المسيحيات (العهد الجديد)


ايتها الفاضلة : محبة الناس:
أولا:
أود ان أخبرك بان فهمتى غلط ما كنت اقصده حينما قلت:

و

اقتباس

انا بقولها لحضرتك:

لو حضرتك بقيتى زيهم(فى الشتيمة)..............هعاملك زيهم!!!!
لكن انا عارف انك مش من النوعية دى

انا كنت قصدى انى لا اعاملك معامله فيها نفاق
لكن اعامل حضرتك باحترام لانك محترمة بالفعل......

8

اقتباس

سنين.............. مشوارى طويييل....ممكن اسئل سوئال؟ هل طلبت علامه من الله إن حضرتك ماشى فى الطريق الصح و اعطالك العلامه؟؟
هل إستعنت بكتب التفسيرات و لا كنت تقراء فقط؟ هل إستعنت بالله مباشرتا فى الشرح لك مباشرتا؟؟ هل تتكلم مع الله و تفضفض له فى سجودك؟؟
هل يملاء حبك لله قلبك بحيث إنك و إنت تتكلم معه فى صلاتك تنهال دموعك لشعورك بأن قلبك لا يتحمل كل هذا الشعور..هل تشعر بحب الله لك رغم إنك بتغلط زى البشر العادى؟
هو مش سوئال واحد دول طلعو كثير!! الإختصار عايزا اعرف شكل علاقتك بالله
الحبيب إه؟؟

احيانا ببكى فى الصلاه...بس مش كتير
لكن بخصوص العلامه.....انا عارف و متأكد بفضل الله انم الاسلام صح و معنديش شك و الحمد لله

و طبعا اشعر بحب الله ليا مع انى ياما غلطت و ربنا سترها عليا

لكن :

ليس معنى اننى اشارك فى منتدى دعوى اننى انسان ملتزم جدا و كده

كان نفسى أبقى كده......


ثانيا:


انه لمن المؤلم ان يؤمن 2 مليار انسان (نظريا) بالثالوث:
بينما العهد الجديد لا يحتوى على دليل واحد صحيح على الثالوث ( بمعنى ان :الله مكون من 3 اقانيم : الاب و الابن و الروح القدس)

و السؤال:


هل لدى حضرتك اى دليل ((صحيح)) ((تثقى فيه)) (فى العهد الجديد) على ان صيغة التثليث (الآب و الإبن و الروح القدس)......أصلية فى العهد الجديد و ليس ملحقة او مضافه؟؟؟؟

بمعنى:

هل عندك اى دليل ان كتبة العهد الجديد كانوا يؤمنون بالتثليث او ذكروه فى الاناجيل او الرسائل او سفر الاعمال او حتى الرؤيا؟؟؟؟؟؟؟؟


أم ان الثالوث.....هو اختراع بشرى ظهر بعد ما كتب العهد الجديد و تم (دسه) فى العهد الجديد....حتى يكون لهذا المعتقد المخترع(فى وجهة نظرى) مصداقيه؟؟؟

[نيو]

فى انتظار حضور الاخت

[محبه الناس]

اقتباس

=نيو;510104][SIZE="6"]بسم الله الرحمن الرحيم
السلام عليكم ورحمة الله وبركاته

و عليكم السلام و رحمه الله و بركاته

اقتباس

النقطة (الأولى) فى المسيحيات (العهد الجديد)
ايتها الفاضلة : محبة الناس:
أولا:
أود ان أخبرك بان فهمتى غلط ما كنت اقصده حينما قلت:
و
انا كنت قصدى انى لا اعاملك معامله فيها نفاق
لكن اعامل حضرتك باحترام لانك محترمة بالفعل......

اشكر حضرتك و انا اشعربمعاملتك المحترمه و احب صراحتك..و ادعو لك.

اقتباس

8
احيانا ببكى فى الصلاه...بس مش كتير

احيانا قليله جدا..ممكن تكون مره؟ واعتقد لم تبكى من حبك فى الله لكن بكين على فعل خطاء فعلته!و هذا فرق كبير.

اقتباس

لكن بخصوص العلامه.....انا عارف و متأكد بفضل الله انم الاسلام صح و معنديش شك و الحمد لله

كان نفسى اسمع كلمه "انا موءمن" مش انا عارف ومتأكد.
كل واحد يتبع دين معين او طائفه معينه بيكون عارف و متئكد إنه صح من وجه نظره!و كل واحد عنده تبريراته و حججه المقنعه!!المسلمين الشيعه شيفين إنهم صح و إن السنه كفره و الأحمديين شيفين إنهم صح و عندهم بردو ادلتهم و حججهم....لو مشيت ورا كلام الناس مش هتعرف رأسك من رجلك....
"تعرف فلان أيوا عاشرتا لا يبقى متعرفهوش!" تكلم مع صاحب الامر نفسه حتى تعرفه!و هذا فى حالت إنك عن جد من داخلك تريد ان تعرفه!

اقتباس

و طبعا اشعر بحب الله ليا مع انى ياما غلطت و ربنا سترها عليا

"ربنا سترها عليا" افكر دائما فى هذه الجمله...هل معنى إنى اعمل فعل غلط و محدش يعرفو يبقى ربنا هو إلى ستر عليا!!
هل لو محدش عرف و هربت من حكم الناس هذا يعنى إنى هربت من حكم ربى فى الاخره؟؟
عايزا اقول لحضرتك حاجه 90% من إلى بيعملو غلط و يظل فى الخفاء(و يفتكرو إن الله ستر عليهم حتى لا ينفضحو و لا يعودو يعملو الفعل تانى).. ممكن يندموشويه لكن هيواجهو حرب من الشيطان شديده إن ذى ما عدت المره إلى فاتت هتعدى كمان المرادى....و يكرر نفس الخطاء رغم معرفتهم إنه خطاء!!
إه إلى يسبت لى إن الله غفرلى خطائى؟؟ حتى لا اشعر باليأس و اللامبالاه إنى خلاص كدا كدا رايحا النار فأكمل...
لا يهم الستره على الارض..المهم الستره فى الاخره!

اقتباس

لكن :
ليس معنى اننى اشارك فى منتدى دعوى اننى انسان ملتزم جدا و كده
كان نفسى أبقى كده......

اصلى لك و ادعو أبى الذى فى السماء ان يتمجد و يظهر لك ذاته فأراك إنسان معترف بخطأه و قلبه مليء بالمحبه و حب الخير للغير و صريح....
تقدر تكون إنسان ملتزم جدا..لو إستعنت بالله...لإن الخطاء إلى بنفعله إحنا البشر دايما نفتكر إن الموضوع ده بإدنا... لا إحنا لا نملك ان نفعل شيىء..و نقول انا هبقى احسن علشان اقدر اواجه ربى... لا الله عايذك تستعين بيه و إنت زى ما إنت و إنت فى ضعفك و تطلب منه المعونه و التغيير بمشيئته و قدرته... هو الوحيد الذى يقدر يغير الإنسان..امن فقط إنك لو طلبت منه المساعده فى التغيير و إنك نفسك تتغير و تبقى ملتزم بس غصب عنك بتغلط... و هو قادر ..قادر ان يجعلك هكذا...
ربنا معاك.
ثانيا:

اقتباس

انه لمن المؤلم ان يؤمن 2 مليار انسان (نظريا) بالثالوث:
بينما العهد الجديد لا يحتوى على دليل واحد صحيح على الثالوث ( بمعنى ان :الله مكون من 3 اقانيم : الاب و الابن و الروح القدس)

"من الموءلم"........ما علينا...
الله مكون من 3 اقانيم!!
بص حضرتك متفسرهاش بالمعنا اللغوى البشرى..ممكن اقربها لك.. الإنسان عباره عن إه؟؟كيف تعرف فلان؟؟
الإنسان نفسه1 شكله(المتمثل فى الشكل الخارجى للجسد)
2 يعرف الإنسان من كلمته(بمعنى فكره و عقله و يظهر فى شكل الكلام او الكلمه)
(الراجل بكلمته)
3 الروح (الروح دى هى إلى بتحرك الجسم كله يعنى بدون روح يكون الجسم ميت و الروح هى التى تحرك الجسم)
و فى النهايه كل هذا فى الإنسان الواحد و لا يفصله إلى ثلاثه!تك 5 : 1
يوم خلق الله الانسان على شبه الله عمله

زى بردو الشمس...
الشمس هى عباره عن
1 الشمس الشكل الدائرى الخارجى الذى نراه
2 الضوء المنبصق على شكل اشعه تضيء للبشر
3 الحراره التى تنتج من الاشعه التى تعطى حياه و طاقه و إلا كان الناس ماتت او الشمس بلا فائده.
و فى نفس الوقت لا يمكن ان نفصل و نقول دول ثلاثه لا دى الشمس واحده بنورها و حرارتها!!
انا بحاول اقرب المعنى قدر الإمكان......ا


هنتقل لسوءال حضرتك

[محبه الناس]

اقتباس

[=نيو;510104][SIZE="6"]بسم الله الرحمن الرحيم
و السؤال:


هل لدى حضرتك اى دليل ((صحيح)) ((تثقى فيه)) (فى العهد الجديد) على ان صيغة التثليث (الآب و الإبن و الروح القدس)......أصلية فى العهد الجديد و ليس ملحقة او مضافه؟؟؟؟

مممم... هو مش عارفا الصراحه...بس من وجه نظرى ارى الكتاب المقدس عباره عن: العهد القديم و ارى فيه الاب مباشرتا و الاربع أناجيل ارى فيهم الإبن او الكلمه و بدايتا من أعمال الرسل ارى عمل الروح القدس....
وهكذا تكون عندى الصوره الكامله عن الله! اما لو حضرتك بتتكلم عن أيه فى الكتاب المقدس العهد الجديد ممكن تكون هذه:

مت 28: 19

فاذهبوا وتلمذوا جميع الامم وعمدوهم باسم الآب والابن والروح القدس


1 يو 5: 7
فان الذين يشهدون في السماء هم ثلاثة الآب والكلمة والروح القدس
وهؤلاء الثلاثة هم واحد

و اعلم إن بعض المسيحيين يعتقدون إن فى العهد القديم فى ( تك 18 : 2)
فرفع عينيه ونظر واذا ثلاثة رجال واقفون لديه.فلما نظر ركض لاستقبالهم من باب الخيمة وسجد الى الارض.

إن هنى يظهر إن الله ثلاثه و هذا خطاء فلو قرأو صح هيعرفو إن الرب كان معه ملاكان و ارسلهم إلى سدوم.. و غير كدا يبقو هما فهمو غلط لإن الله مش ثلاثه و لا يمكن فصله إلى ثلاثه هو واحد بكلمته و روحه المقدس.

اقتباس

بمعنى:

هل عندك اى دليل ان كتبة العهد الجديد كانوا يؤمنون بالتثليث او ذكروه فى الاناجيل او الرسائل او سفر الاعمال او حتى الرؤيا؟؟؟؟؟؟؟؟

هما اكيد كلهم يوئمنو بالله و اكيد امنو بالمسيح إنه مرسل من الله و إنه يحمل كلمه الله او كلمه الله متجسده فيه.. و اكيد امنو بعمل الروح القدس عندما حل عليهم و اعطاهم قدرات لم تكن عندهم من التكلم بلغات أخرى و الشجاعه و التكلم عنهم فى المواقف الصعبه و عمل المعجذات..فأكيد أمنو بوجود الروح القدس و عمل الروح القدس إنه من الله !! و إلا بماذا بشرو إذا و بماذا كانو يعمدو!!!
و هذا لا يعنى إنهم كانو يوئمنو بثلاث أله ..لا .. ده إله واحده!

اقتباس

أم ان الثالوث.....هو اختراع بشرى ظهر بعد ما كتب العهد الجديد و تم (دسه) فى العهد الجديد....حتى يكون لهذا المعتقد المخترع(فى وجهة نظرى) مصداقيه؟؟؟]

حضرتك بتتكلم عن الثالوث كأنه ثلاث أله منفصله!!
حضرتك شوف المثل إلى انا كتبته فى المشاركه السابقه ممكن تقرب المفهوم شويه..
انتظر تعليق و شرح حضرتك.

[نيو]

اولا :
اشكرك على كلالمك الذى يظهر فيه نيتك لمساعدتى....و هذا امر طيب (بجد)

ثانيا:
الجزء الخاص بعلاقتى بالله........امر هام و لست ارفض مطلقا ان اتكلم معك فيه:
لكن نحن هنا فى حوار دينى .....له شروط و قواعد تتنافى من ان استفيض فى امور شخصية
و انا اجبت على سؤالك من الاول حتى لا تشعرى بانى غليظ او وقح
لكن انا اوعدك ان بعد هذا الحوار ان شاء الله نتناقش فيما تريدين

لذلك:
دعينا نركز على الثالوث