رئيس هذا العالم
الأب متساهل
سلام ونعمة
التلاميذ
سلام ونعمة
الأب متساهل
اقدم اليكم الواعظ الأب ابلس الغنى عن التعريف والأسم الذىالذى يحمله أبونا ابلس هو اسم حبيب لقلوبنا كان يحمله واحد من خدام الرب عاصر القديس بولس الرسول وكانوا الاتنين سوا سوا فى أعمال البر وكان بولس الرسول يعزه جدآ ، والأب ابلس الذى يشرفنا اليوم هو واحد من القلاقل فى دراسة علم اللآهوت المقارن الذى قدم الكثير، ونشكر له تعبه فى الرب على أعماله العديدة ، وأترككم الآن مع أبونا ابلس وأرجو أن تستفيدوا من حصة الوعظ المزمع أن يلقيها عليكم
فصيح
فى سره .. يجعل كلامنا خفيف على الأب ابلس
الأب ابلس
سعيدة
التلاميذ
سعيدة مبارك
الأب ابلس
الأول أحب أعرفكم بنفسى أنا الأب ابلس وأحب الألتزام فى حصة الوعظ بتاعتى يعنى مفيش تجاوزات والكلام يكون بحساب وباستئذان وانا من ناحيتى حاأرد على آى استفسار .
درسنا اليوم حيكون حول جملة
( ولكن نجنا من الشرير ) إللى بنقولها فى صلاتنا وإللى قبلها أقصد الجملة إللى قبلها على طول إللى بتقول ولا تدخلنا فى تجربة وعلشان الواحد فيكم مايبقاش يصلى وخلاص وهو مش فاهم الكلام إللى بيقوله ، حنشرح ده ، يعنى بنبتدى فى الأول
( بأبانا الذى) يعنى زى ماتقولوا كدة بنادى عليه
أبانا الذى .. أبانا الذى
ناصح
لو سمحت ممكن
الأب ابلس
أيوه
ناصح
قصد حضرتك بندعوه
الأب ابلس
برافو عليك ، أيوه هى دى الكلمة إللى كانت تايهة عن بالي ، اسمك إيه ؟
ناصح
اسمى ناصح
الأب ابلس
شاطر اجلس فنحن ندعوا زى ما قال ناصح أبانا الذى فى السموات
ناصح
ممكن تانى لو سمحت ؟
الأب ابلس
عاوز إيه ؟
ناصح
عاوز أسئل احنا لما بنقول أبانا الذى فى السموات بنقصد مين
الأب ابلس
هو ده بردو سؤال آمال اسمك ناصح إزاى ، الظاهر أنى إتغشيت فيك احنا بنقصد الرب يسوع مش هو الإله ولا إيه ياولاد ، انتوا كلكم ميح ولا انت بس إللى كدة ؟ أنا مضطر أوضح ليكم طبيعة الرب يسوع إللى وضعها سيدنا البابا وقبلتها كل الكنائس وقد وضع قداسته في ذلك اللقاء صيغة الاتفاق حول طبيعة السيد المسيح قبلها لاهوتي عائلة الكنائس المشتركة معنا في الأيمان ولاهوتي الكنائس الكاثوليكية. وهذا نص الاتفاق الكريستولوجى مع الكاثوليك في سبتمبر 1971بصورة غير رسمية ثم تم قبول هذا على المستوى الرسمي أيضا في فبراير 1988م حينما وقع قداسة البابا شنودة الثالث وممثلو بابا روما ومعهم بطريرك الأقباط الكاثوليك وعدد من الأساقفة واللاهوتيين على هذا
"نؤمن كلنا أن ربنا وإلهنا ومخلصنا يسوع المسيح الكلمة (اللوغوس) المتجسد هو كامل في لاهوته وكامل في ناسوتة وأنه جعل ناسوته واحداً مع لاهوتة بغير اختلاط ولا امتزاج ولا تغير ولا تشويش وإن لاهوته لم ينفصل عن ناسوته حتى إلى لحظة أو طرفة عين (لحظة واحدة ولا طرفة عين). وفى نفس الوقت نحرم كل من تعاليم نسطور و أوطاخى
نبيه
بس الكلام ده يابونا مش موجود فى الكتاب المقدس ، البابا جاب الكلام ده منين لما الرب يسوع نفسه لم يتكلم عن طبيعته إلآ بقول إبن الانسان حتى وقت التجربة عندما جاع وقال له ابليس ان كنت ابن الله فقل ان تصير هذه الحجارة خبزا رد عليه بقوله مكتوب ليس بالخبز وحده يحيا الانسان فهو يعترف بطبيعته إنه انسان
ناصح
يابونا سيبك من الطبيعة وخلينا فى الصلاة ، أنا سئلتك لأن الرب يسوع هو إللى قال لما تيجوا تصلوا قولوا أبانا الذى يعنى كان بيقصد الأب إللى فوق مش الأبن إللى تحت وتلاميذه كانت فاهمة كدة كويس ولو غير كدة يعنى لو الصلاة كانت ليه هو كان التلاميذ اندهشوا واستغربوا لأنه موجود معهم فإزاى يقولوا أبانا الذى فى السموات وهو معاهم على الأرض
وده معناه إنه مش هو إللي المقصود بأبانا الذى
وإنما المقصود هو من فى السموات
الأب ابلس
الظاهر ان الفصل ده مستواه متواضع عمومآ اجلس وبلاش مقاطعة تانى ولأن الرب يسوع تعرض للإختبار من رئيس هذا العالم إللى هو إبليس لما جربه بعد ماصام أربعين يوم وأصعده الروح وسلمه لإبليس ليجربه ونجح الرب يسوع وسقط ابليس لإنه لم يتعرف عليه ولم يكتشف شخصيته ولم يعرف خطته على إنه هو حمل الله ليكون كفارة عن خطايانا
فصيح
ممكن لو سمحت يابونا ؟
الأب ابلس
اتفضل
فصيح
وما هى شخصيته التى لم يعرفها ابليس ؟
الأب ابلس
لأ بقى ده انتوا كلكوا أغبيا... هو يابنى مش مكتوب ان الرب يسوع بعد صيامه جاع فتقدم اليه المجرب و قال له ان كنت ابن الله فقل ان تصير هذه الحجارة خبزا فرد عليه الرب يسوع وقال مكتوب ليس بالخبز وحده يحيا الانسان بل بكل كلمة تخرج من فم الله فلم يعرف ابليس ان يسوع حمل الله
شنودة
هو الرب يسوع حمل الله ولا ابليس هو إللى حمله ؟
الأب ابلس
يابنى أنا باقول ان ابليس حمل الرب يسوع يعنى شاله يعنى لفحه على كتفه عمرك ما شفت واحدة ست شايله ابنها على كتفها ، غباء إيه ده
الأول إنت إسمك إيه ؟
شنودة
إسمى شنودة جيد
الأب إبلس
إنت غبى جداً مش جيد
إجلس
واخدين بالكم يا أغبية فإبليس لم يعرف إن يسوع هو ابن الله الذى جاء للفداء عنا وبعد كدة حمله ابليس إلى جبل عال جدآ واراه جميع ممالك العالم و مجدها
شنودة
بس مكتوب فى الانجيل ان ابليس أخذه مش حمله
الأب ابلس
ياساتر على الغباء ، يابنى اعمل معروف افهم بقى يعنى بعقلك كده ابليس أخذ الرب من إيده وجره وراه ، من الطبيعى انه حمله يعنى شاله يعنى رفعه على كتفه ولا انت صدقت إنه خده من إيده وطلع بيه جبل عالى جدآ ، فكر شوية وشغل مخك ومتاخدش على كلام الانجيل حرفيآ ومش معقول الانجيل حيقولك ان ابليس لفح الرب على كتفه وطلع بيه الجبل ، حتبقى عيبة كبيرة قوى فهمت ؟
اجلس... نكمل بقى هنا الرب يسوع أصبحت عنده خبرة كبيرة من التجربة دى وطلع بنتيجة حلوة أوى لما قهر ابليس وابليس معرفش ياخد معاه حق ولا باطل . فاحنا بنقول أبانا الذى إللي بخبرته السابقة مع ابليس رئيس هذا العالم خلينا نغلب هذا الشرير . والكلمتان حمل وحمل إللى إتلخبط فيهم زميلكم شنودة الفرق فى معناهم شاسع فكلمة حمل جت أولآ بمعنى حمل آى خروف صغير وحمل التانية يعنى بمعنى شال أو رفع أو لفح على كتفه هو مفيش حد فيكم هنا من مواليد برج الحمل ، المفروض انكم عارفين معنى حمل يعنى إيه، فهمتوا لحد هنا ؟
كويس نكمل بعد أبانا الذى فى السموات حد يكون حافظ يقف ويقولنا إيه إللي بعد كدة !!
نبيه
ليتقدس اسمك
ليات ملكوتك لتكن مشيئتك كما في السماء كذلك على الارض خبزنا كفافنا اعطنا اليوم
واغفر لنا ذنوبنا كما نغفر نحن ايضا للمذنبين الينا
ولا تدخلنا في تجربة لكن نجنا من الشرير لان لك الملك و القوة و المجد الى الابد امين
الأب ابلس
برافو!!!!
اسمك إيه ؟
نبيه
اسمى نبيه … إيه يابونا هو حضرتك مش حافظ الصلاة ؟
الأب ابلس
انت مسمعتش الأب متساهل وهو بيقول ان ليا دراسات فى علم اللآهوت المقارن ، بس من كتر ماالواحد بيبحث ويدور ويزور قصدى ويحزر ويفزر أحيانآ الواحد بينسى وأحيانآ بيتذكر وده بيخلينى ممكن أنسى بعض الاساسيات البسيطة
تريزا
لو سمحت يابونا سؤال
الأب ابلس
أيوه ياحلوة اسمك إيه ؟
تريزا
إسمى تريزا صبحى
الأب ابلس
ده صبحى أنا
قصدى اتفضلى ياحبيبتى
تريزا
حضرتك بتتكلم عن رئيس هذا العالم إللى احنا بنقول عليه إنه ابليس عاوزة اعرف ليه الرب يسوع كان مخبى عنه شخصيته ؟
الأب ابلس
تانى .. انت عاوزانى أطلع من هدومى , يا حبيبتى هو الرب مش نزل من فوق وتجسد على الأرض لما ولد من مريم ، يعنى نزل من السماء إللى هى بتاعته إلى الأرض إللى هى تحت سيطرة رئيس هذا العالم إللى هو ابليس ، يعنى دخل حدود مش بتاعته يعنى دخل منطقة محظورة علشان كدة أخفى نفسه عن رئيس هذا العالم علشان مايتعرفش ، فلو ابليس هرشه قصدى كشفه كان منعه وفشل الفداء لذلك كان الرب يسوع حريص على السرية التامة وزى المثل مابيقول دارى على شمعتك تئيد فهمتى ليه كان الرب يسوع مخبى نفسه ولا أقول كمان ؟
نبيه
على فكرة يابونا المثل بتاع جنابك غلط
الأب ابلس
ليه بأه ياشاطر ؟
نبيه
لأن المفروض الرب يسوع يطفى شمعته علشان إبليس مايشفوش
تريزا
ممكن أكمل سؤالى
الأب ابلس
اتفضلى
تريزا
جاء فى انجيل يوحنا
14: 16 و انا اطلب من الاب فيعطيكم معزيا اخر ليمكث معكم الى الابد
14: 17 روح الحق الذي لا يستطيع العالم ان يقبله لانه لا يراه و لا يعرفه و اما انتم فتعرفونه لانه ماكث معكم و يكون فيكم
ونحن نقول ان المعزى هو الروح القدس الذى يمكث معنا للأبد ، فهل الروح القدس الموجود معنا الأن يخفى نفسه عن ابليس رئيس هذا العالم وابليس لا يعلم عنه شيىء
الأب ابلس
سؤال ممتاز جدآ ويخاطب باقى التلاميذ سمعتم سؤال زميلتكم تريزا ، فيه حد فيكم يعرف الاجابة إيه مفيش حد عارف ؟
التلاميذ
...........
الأب ابلس
سؤالك فعلآ ممتاز جدآ ياتريزا
بس أكيد إنت سئلتيه لأحد الأباء قبل كدة ؟
عاوز أعرف رده عليك كان إيه ؟
علشان أعرف إذا كان رده عليك صحيح أو محتاج إيضاح أكتر
تريزا
ما سئلتش حد السؤال ده قبل كدة ودى أول مرة أسئله لحضرتك
الأب إبلس
طيب ممكن أعرف ليه ؟
تريزا
ليه إيه ؟
الأب إبلس
إشمعنى أنا بالذات ؟
ناصح
هو إيه إللي ليه ؟
ماحضرتك تجاوب عليها وخلاص
إيه أكيد سئلتى حد من الأباء قبل كدة ؟
طيب عاوز أعرف قالك إيه ؟
طيب ليه ؟
طيب إشمعنى أنا ؟
ما بدل ما إنت قاعد تسئلها جاوب
الأب إبلس
طيب ما تقولوا كدة من الأخر
إنكوا متفقين مع بعض علشان تبوظوا الوعظة
عموماً وقت الوعظة إنتهى
ومعلش يا حبيبتى لولا الوقت خلص وسؤالك محتاج وقت بس أوعدك الوعظة الجايه نكمل شرح باقى أبانا الذى وأجاوب على سؤالك نتقابل الاسبوع القادم
سعيدة
التلاميذ
سعيدة
واخر دعوانا ان الحمد لله رب العالمين
لا شريك له