اسمحولي اتكلم بشكل محايد كأنسانة لها عقل تفكر وتبحث انا لما بدخل علي منتديات اسلامية ومسيحية او اشوف برامج من كلا الطرفين الاقي الكلام اللى بيتقال هنا هو الكلام اللى بيتقال هنا وعلى سبيل المثال

1-كل اللي بيدخل الاسلام هم علماء ودكاترة وباحثين وشوية فيديوهات
في المقابل : اللى بيدخل المسيحية عن اقتناع وبحث وشوية اختبارات

ولكن اعتبروا سؤالي شخصي وموجه لاخواتي المسلمين عن اللى بشوفه على ارض الواقع بعيدا عن النت والبرمج هاحكي حكاية شخصية ليا انا ليا اربعه من الاقارب اعتنقوا الاسلام واحب اذكر قصة كل واحد منهم على حدا وسبب اعتناقه للأسلام وبكل امانة وصراحة كلهم مكانش ليهم اي علاقة بالكنيسة ولا يعرفوا حاجة عنها
1- اول واحدة هي بنت عمتي والسبب انها كانت بتحب واحد جارها وهربت معاه واتجوزته وانقطعت اخبارها فترة طويلة بعد كده واحدة جارتنا مسلمة حكلتنا انها قابلت بنت عمتي فقالتلها انها ملقتش حاجة حلوة فى الاسلام رديت قالتلها عشان انتي روحتي عند ناس ميعرفوش الاسلام صح واللي بتتكلم دي اصلا بناتها الاتنين مطلقين
2- التاني قريب من بعيد والسبب انه عرف واحدة على مراته وساب البيت والعيال وراح اتجوزها فمراته اخدت العيال دخلتهم ملجأ لحد ماكبروا وبقيت تشتغل وتصرف عليهم
3- التالت مش عايزة اذكر صلة القرابة مش لانه بقي مسلم ولكن لانه كان عايش مع واحدة علاقة غير شرعيه واسلم عشان يتجوزها ودلوقتي بيشتغل حرامي قد الدنيا
4- الرابع ده بقي اسلم عشان مراته كانت بتخونه وهو شافها بعينه وعمل كده عشان يغيظها والغريبة انه لا طلقها ولا حاجة وفضل عايش معاها بعد كده لحد ما مات
واعرف حالات اخري مماثلة ولكن مليش اي علاقة ولا صلة قرابة بيهم ده بالاضافة الي الممثلين اللى بيعتنقوا الاسلام حبا فى الشهرة او الفلوس
وفي المقابل
انا معرفش حد تحول من الاسلام الي المسيحية معرفة شخصية ولكن المثال الواقعي بالنسبالي هي ناهد متولي لانها كانت ساكنة جمبي وكنت اعرف انها تكره المسحيين جدا بالاضافة انها كانت مديرة سابقة في مدرستي الثانوية لكني متعاملتش معاها نهائي وهي دلوقتي بتبشر بالمسيحية
وسؤالي
الاقي فين الواقع اللي بيقول ان اللى بيعتنق الاسلام بيبقي عن اقتناع او حب فى الاسلام وان حياته بتتغير او بيبقي افضل مما كان عليه؟
انا وبتصفح المنتدي في موضوع حوار مع الاخت اعتزلت المسيحيه لقيت رد غريب جدا واحدة بتقول

اقتباس
لكن لا تنظرى للاسلام من جانب واحد
انظرى له من جوانبه المشرقة
واسألى اى سؤال يخطر على بالك اختى
ونسأل الله لكى الهداية
فهل للأسلام جوانب مظلمة واخري مشرقة ؟ وماهي تلك الجوانب المشرقة
انا لما يجي واحد مسلم يسألني عن نشيد الانشاد مقدرش اقوله شوف الحاجات التانية الحلوة اللى في الانجيل على اعتبار ان السفر ده من الحاجات الوحشه
وللأمانة احب اذكر مثال لواحدة حياتها اتغيرت ولكن هي فى الاصل مسلمة وكان سلوكها ولبسها مش كويس ودلوقتي هي اتنقبت وسلوكها وكلامها اتغير تماما ولو اتقابلنا صدفة وانا مسلمتش عليها عشان معرفتهاش تسمعني صوتها وتسلم هي عليا وانا بحبها جدا ودايما اصليلها ربنا يبارك في بيتها وجوزها وعيالها وانتو كمان ادعولها دايما