المسلمة الحائرة (جدا)

[Sarah1]

بسم الله الرحمن الرحيم
السلام عليكم ورحمة الله وبركاته

انا عضوة جديدة في هذا المنتدى.. وهذه اول مشاركة لي..

اعرفكم بنفسي: أنا اسمي سارة _طالبة_
انجليزية مصرية بس الحمدلله ولدت مسلمة
أبي مسلم وأمي كانت نصرانية وهداها الله للإسلام على يد أبي..
أنا مسلمة عادية جدا (مش متدينة اوي) بس بحاول لسة ألتزم الحمدلله بصلي ولابسة النقاب

بحب اقرأ كثير عن الذين أسلموا وأسباب اسلامهم..

وقرأت كثيرا في مناظرات هذا المنتدى والذين أسلموا بفضل الله وربنا جعلكوا سبب لهدايتهم وآخرهم الأخ إسلام المحبة (ربنا يثبته) وما شاء الله عليكم بجد انتم أسود (الواحد يفخر بيكم)

المهم انا عملت أكبر غلطة في حياتي وانا فضولية جدا وفضولي دفعني اني ادخل في منتدى مسيحي (اسمه ##### ) على ما أظن..

المهم انا صعقت بجد لما دخلت من كمية السب الهائلة على الرسول -صلى الله عليه وسلم- بل على الله كمان!! (دول نصارى كنت اتوقع منهم ايه يعني؟!!) [COLOR="blue"]
بس بجد كنت مصدووومة اوي قدام الشتائم دي كلها وقرأت كذا موضوع وفي موضوع صدمني بجد بيقول ان القرآن في أخطاء لغوية ومن ضمنها:


مش فاكرة في صورة ايه ربنا -سبحانه وتعالى- قال: ابراهم (كدة من غير ي)

وكذا خطأ لغوي وان القرآن دة من كلام الشعراء واتكلموا على أن الجبال رواسي وقالوا ان المعلومة دي معروفه قبل سيدنا محمد وفي شاعر قالها

قول زيد بن عمرو‏:‏
وأسلمت وجهي لمن أسلمت له *** الأرض تحمل صخرا ثقالا
دحاها فلما استـوت شــدها *** بأيـد وأرسى عليها الجبالا
وأسـلمت وجهي لمن أسلمت *** له المزن تحمل عذبا زلالا
إذا هـي سيقت إلـى بلـدة *** أطاعت فصبت عليها سجالا


وأنشد المبرد‏:‏
دحاها فلما رآها استوت على *** الماء أرسى عليها الجبالا‏


وكذا حاجة كدة بيقولوا ان دي أخطاء لغوية المهم انا عارفة ان الحاجات دي اكيد ليها تفسير بس بجد انا محتااااااااااارة اوووووي ومحتاجة مساعدتكم

بس انا ساعتها اتدايقت جدا وقولت انا هسألهم أسئلة مش هيعرفوا يجاوبوها وفعلا عملت موضوعين موضوع باسم نشيد الأنشاد .. وموضوع اسمه أسئلة او حاجة زي كدة
وكنت مسجلة باسم (#####) وسألتهم أسئلة كتير في ردوا عليها (ردود غير منطقية اطلاقا) وأسئلة كتير محدش جه جمبها زي مثلا:

اشمعني سيدنا عيسى (الي بتقولوا عليه اله) جه بعد سيدنا موسى اشمعنى مجاش من الاول يعني
طب والانبياء والناس الي قبله هيدخلوا النار عشان مآمنوش بيه

طيب واشمعنى قلته عليه اله وآدم لا.. مش آدم يبقى أولى؟؟

وماما كانت قالتلي ان في انجلترا الانجيل الحقيقي محطوط في المتحف!! وعارفين ان دة الحق وفي برضه انجيل اسمه ( apocryphal) مش معترفين بيه!!


المهم ان انا بعد الموضوع دة عملت اخر موضوع وقلتلهم ياريت تمسحوا عضويتي وفعلا قولت انا عمري ما هدخل على الحاجات دي تاني الا لما يكون عندي علم جامد وانا بتمنى ان ربنا يكرمني .. بس انا بجد محتااااارة اووووي في الشبهات اللي فوق دي

ياريت حد يرد عليا فيها..

وعذرا بجد انا مكنتش أحب ان اول موضوع ليا يكون كدة

بس انا مش قادرة اعيش كويس لاني بفكر كتييييييير اوي وياريت محدش يستغرب

وجزاكم الله خير الجزاء بجد

واالسلام عليكم ورحمة الله وبركاته