درس الأحد أكل أَمْوَالَ النَّاسِ بِالْبَاطِلِ
السلام عليكم ورحمة الله وبركاته
لقد تم حجب ماقدمته تحت إسم
" إجتماع هام "
دون أن يتم إخطارى بسبب الحجب
ورغم ذلك فأنا أحترم وجهة نظر الإدارة فيما تراه فلها حق العرض والمنع طبقاً لما تراه للصالح العام
ولكن ما أنوه إليه هو عدم التفاعل فيما أقدمه سواء من دروس الأحد أو يوميات عم رمضان فالجميع إلا القليل يكتفى بالقراءة وحسب ولا يكلف نفسه أن يبدى رأيه ، وقد يدفعنى هذا للتوقف فربما لا تجد كتاباتى الإستحسان المطلوب
درس الأحد ( 158 )
أكل أَمْوَالَ النَّاسِ بِالْبَاطِلِ
الأب زيكا
سعيدة ياولاد
التلاميذ
سعيدة يابونا
الأب زيكا
قبل الوعظة عاوز أأقولكم إنى بأعمل جمعية بألفين جنيه فى الشهر فكل واحد منكم يسئل عندهم فى البيت إللي يحب يخش الجمعية يقول بس يعملوا حسابهم إن النفر الأول والتانى والتالت محجوزين لناس عندها أعذار ومحتاجة جدآ للفلوس
والجمعية عشرين نفر وإللي عاوز يدخل بنفرين حياخد واحد قدام وواحد ورا
فإللي عاوز يخش الجمعية قدامه من الرابع لحد السطح
فصيح
سطح إيه يابونا ؟
الأب زيكا
قصدى ياأخى لحد الأخير
أصل الناس إللي بتيجى تسئلنى عن شقق فى العمارة بتاعتى إللي فى عباس العقاد بأقوللهم قدامكم من الرابع لحد السطح والساكن لازم يكون مسيحى
ياااه شوف الواحد مخه فى إيه
ناصح
ياااه الجمعية بألفين جنيه فى الشهر ؟؟؟
الأب زيكا
شوية مش كدة ؟معلش أنا حبيت أعملها خدمة وبمبلغ صغير علشان الناس تقدر تخش إنما إذا كان عليا فأنا داخل جمعية تانى بخمس تلاف جنيه فى الشهر مع مدرس رياضيات ساكن فى العمارة بتاعتى إللي فى مصر الجديدة
ميرى
يااااه
يعنى الجمعيتين بسبع تلاف جنيه فى الشهر ؟
الأب زيكا
وإيه يعنى سبع تلاف جنيه
ده فيه مدرسين داخلين معاى بنفرين
مارى
ياااه حتاخد ميه وأربعين ألف جنيه حتة واحدة
تريزا
وحتعمل إيه يابونا بالفلوس دى كلها ؟
الأب زيكا
أنا بأقبض الجمعية من هنا وأحطها فى البنك من هنا وآخد عليهم فايدة
ميرى
ياااه وكمان بتاخد عليهم فوايد من البنك
الأب زيكا
إيه حكايتكم كل واحد يقوللي يااااه يااااه
إومال لو شوفتم أبونا أشعب حتقولوا إيه
تريزا
هو الرب مش قال
لا تكنزوا لكم كنوزا على الارض حيث يفسد السوس و الصدا و حيث ينقب السارقون و يسرقون بل اكنزوا لكم كنوزا في السماء
الأب زيكا
هو أنا حااكنز على الأرض أنا حااكنز فى البنك يعنى بعيد عن إيدين الحرامية وفى البنك لآ فيه سوس ولآ صدا
فصيح
ده تحايل وإلتفاف حول تعليمات الرب
كيرلس
زى اليهود إللي تحايلوا لما الرب حرم عليهم صيد الحيتان يوم السبت
الأب زيكا
لآ ياحبيبى أنا سئلت سيدنا عن الموضوع ده فقال مفيهاش حاجة وكلنا بنعمل كدة
وقال إن السيد المسيح قال كدة خوفآ على الفلوس من السرقة فقط
وطالما الفلوس فى خزنة البنك بعيد عن اللصوص والسوس والصدا فمفيش مانع إننا نكنز ودلوقت نخش على الوعظة إللي كان من المفروض أن أعطيها لكم أمس لولآ أبونا مستكة لأنه جالي إمبارح ومعاه إبنه ميخا وقاللي لو تعرف حد من معارفك أصحاب محلات الملابس الجاهزة يبقى كتر خيرك قلتله ياسلام أوى أوى الأول إنت عاوز الملابس علشان مين ؟ قاللي ميخا محتاج بنطلون جديد علشان المدرسة أنا ما رضتش أأقوله وإنت جايلي علشان حتة بنطلون طيب ما تروح تشتريه لأنى عارف إن أبونا مستكة ماسك على إيده شوية وبخيل جداً جداً وعاوز يجيب البنطلون محبة من غير فلوس قلتله طيب لحظة ألبس هدومى وأجى معاك ودخلت قوام صحيت الواد سوكه إبنى وقلتله إلبس هدومك بسرعة علشان حاجيبلك بنطلون جديد
ولبست أنا اللبس الكهنوتى بتاعى وعلقت الصليب فى رقبتى ولقيت أبونا مستكة إتفاجىء ووشه إتزرد لما شاف الواد سوكة ماسك فى إيدى وقاللي مش كنت تسيب الولد ياخد راحته فى النوم قلتله ده شبط فيا لما عرف إنى رايح معاك وإنك حتشترى بنطلون جديد لميخا فطلب منى أنا كمان أشتريله بنطلون زى ميخا وقلت فى نفسى أد كدة أبونا مستكة مش عاوز إبنى سوكة يفرح زى ميخا إبنه طيب أنا لازم أديله مقلب وأخليه يشيل حق بنطلون سوكة إبنى ، وقلت فى نفسى تعمل إيه يا زيكا ؟ تعمل إيه يازيكا ؟ وإزاى تخليه يدفع الفلوس غصب عنه وبمزاجه رغم إنه ماسك على إيده وبخيل ومابيهونش عليه اللضا وكلنا عارفين إن أبوه هوالقرش
التلاميذ
وبعدين عملت إيه يابونا ؟
الأب زيكا
عاوزين تعرفوا عملت إيه ؟
التلاميذ
أيوووه
الأب زيكا
خلاص كل واحد منكم يدفع نص جنيه علشان أكمللكم الحكاية
الواد الطويل إللي هناك ده أيوه إنت ، إسمك إيه؟
شحاتة
إسمى شحاتة
الأب زيكا
قوم يا شحاتة لم من كل واحد من زمايلك نص جنيه وخلوا بالكم ياولآد النص جنيه ده مش شحاتة ده محبة ، وبعدين أنا عارف إننا لسه الصبح وما حدش منكم لسه صرف مصروفه
وعاوز كل واحد فيكم يتذكر قول الرب
من سألك فأعطه ومن أراد أن يقترض منك فلا ترده
إللي فى متى واخدين بالكم
وعارفين طبعآ قصة الراجل إللي باع كل أملاكه وحجب جزء بسيط منها قبل ما يديها للرسول بطرس حصلله إيه هو ومراته شهل شوية إنت وهو علشان نكمل الحدوتة
أيوه كدة شطارهات يابنى الفلوس إللي لمتها
نكمل بقى المهم إنى ماكنتش عارف ولآ أى محل ملابس يكون لحد من ولادنا فإضطريت أخدهم وننزل وسط البلد وبقيت أبص على أسماء المحلات لحد ما لقيت محل مكتوب عليه ملابس المحبة قلت حلو أوى مدام مكتوب عليه المحبة يبقى بتاعنا ، وإنتوا طبعآ عارفين إن أغلب الأسماء إللي بنختارها بتكون المحبة أو الامانة أو الإخلاص أو الإيمان أوالبطل الرومانى أو أم النور المهم دخلنا المحل أنا ماسك سوكة فى إيدى وأبونا مستكة ماسك ميخا إبنه فى إيده
صاحب المحل لما شافنا جايين من بعيد إٍستخبى منا وقال دول جايين يرموا بلاهم عليا ومش حيدفعوا أبيض ولآ إسود وإنا أسفقناكم
كيرلس
يَا أَيُّهَا الَّذِينَ آمَنُوا إِنَّ كَثِيرًا مِّنَ الْأَحْبَارِ وَالرُّهْبَانِ لَيَأْكُلُونَ أَمْوَالَ النَّاسِ بِالْبَاطِلِ
الأب زيكا
إنت بتبرطم وتقول إيه ؟
كيرلس
أصل أنا إفتكرت حاجة
الأب زيكا
سئلنا العمال إللي فى المحل وكلهم ولادنا عن صاحب المحل قالوا مش موجود قلنالهم مش مهم البركة فيكم
وكل واحد إختار بنطلون لإبنه ودخل أبونا مستكة مع ميخا علشان الواد يقيس بنطلونه وبعدين خرج وقال مظبوط عليه تمام التمام وقال للعامل حطه فى شنطة وهاته وقول لصاحب المحل أبونا مستكة أخد بنطلون لإبنه العامل قال معلش يابونا متأخذنيش لو البضاعة بتاعتى كان معلش بس صاحب المحل منبه علينا ما نطلعش حاجة لأى واحد ببلاش أبونا مستكة كان حيثور على العامل إللي فى المحل فغمزته فى جنبه علشان يسكت لأنى مش عاوز العامل يزعل وكمان علشان أأقدر أجيب البنطلون بتاع الواد سوكة
طيب أعمل إيه ؟ أعمل إيه ؟
التلاميذ
صحيح تعمل إيه يابونا ؟
الأب زيكا
عاوزين تعرفوا عملت إيه ؟
التلاميذ
أيوووه
الأب زيكا
خلاص كل واحد فيكم يدفع نص جنيه تانى
علشان أأقولكم عملت إيه
قوم يا شحاتة أفندى لم نص جنيه تانى منهم
والمرة دى بسرعة شوية علشان نخش على الوعظة أيوه كدة برافو عليكم كدة نكمل باقى الحدوتة
ميرى
خلينا نشوف حتطلع من المطب ده إزاى
بس إعمل حسابك مش حندفع تانى ولآ مليم
الأب زيكا
ماتتكلميش بدون إذن وإللي حيتكلم بدون إذن حيدفع جنيه بحاله ، فاهمين نكمل الحدوتة معروف إن أبونا مستكة بيحب الفلوس جدآ زى عينيه
فصيح
أبونا مستكة بس إللي بيحب الفلوس زى عينيه ؟
الأب زيكا
هات جنيه علشان إتكلمت بدون إذن
فصيح
حضرتك أخدت الجنية إللي كان معاى ومبقاش معاى ولا مليم
الأب زيكا
طيب إستنى لم أطلع النوتة
وأدى القلم
خد إكتب إن عليك واحد جنيه إستلفته منى وإمضى بإسمك كامل
نكمل بقى ياولاد
فقلت لازم أجيله على الجرح طيب أعمل إيه أعمل إيه ؟
التلاميذ
:36_2_20:
الأب زيكا
مش عاوزين تردوا مفيش مشكلة أنا كمان إخترت بنطلون شيك وغالى لسوكة وقلت للعامل ياريت تشوفلي أنا كمان بالمرة بنطلون على أدى يكون فخم ومش مهم التمن فراح جايبلي حتة بنطلون مفيش بعد كدة ودخلت أنا وسوكة المكان بتاع القياس علشان نقيس البناطيل بتاعتنا وبعد شوية العامل جه وسئلنى المقاسات مظبوطة يابونا قلتله تمام كأنها متفصلة علينا قاللي مبروك وبعدين خرجت وقلت للعامل إعمل لنا حساب التلات بناطيل وأثناء العامل ماأخد البناطيل علشان يلفها ويكتب الفاتورة أخدت أنا أبونا مستكة على جنب وقلتله تتصور يابونا وأنا بقيس البنطلون بتاعى لقيت في الجيب حاجة مكببة مديت إيدى بالراحة من غير الواد سوكة ماياخد باله لانه لو لاحظ ممكن يقعد يهيص ويفضح الدنيا ومحل القياس كله مرايات زى ماانت عارف المهم إنى خليته يبص على بنطلونه فى المرايا علشان يتأكد إنه مظبوط من ورا ومن قدام ومديت إيدى بالراحة فى جيبى وطلعت أشوف إيه المكبب ده لقيت عشر ورقات كل ورقة بميتين جنيه الظاهر إنه كان فيه واحد بيقيس البنطلون والفلوس وقعت من بنطلونه وهو بيقلعه فحطها فى جيب البنطلون الجديد إثناء ما بيقيسه وبعدين نسيها، وأكيد حيرجع تانى للمحل علشان ياخدها فقاللي وإيه العمل ؟ :36_1_3:
قلتله إيه رأيك لو أخدنا الفلوس دى قاللي ياريت بس إزاى ؟ :p016:
قلتله أنا نسيت أجيب معاى محفظتى قاللي طيب وبعدين ؟ :p016:
قلتله إحنا نشوف البناطيل بكام وانت تدفع حسابهم وبعدين نقسم الفلوس بينا انت ألف وأنا ألف قاللي طيب ماندفع بس حق البنطلون إللي فيه الفلوس ؟ :36_19_5:
قلتله كدة العامل حيشك فينا قاللي خلاص بعد ماأدفع حسابهم تبقى تدينى حق بنطلونك وبنطلون سوكة قلتله ماشى صدقنى قاللي لأ إحلف المهم إنى حلفتله على الصليب والواد العامل كان لف البناطيل وكتب الفاتورة وقال إدفعوا الفلوس فى الخزنة أخدت أنا الفاتورة وناولتها لأبونا مستكة وراح دفعها وأول ماخرجنا من المحل أبونا مستكة كان عاوز يطلع البنطلون بتاعى علشان ياخد الفلوس ويقسمها غمزته فى إيده وقلتله بلاش أحسن يكون صاحب الفلوس راجع علشان يسئل على فلوسه ويشوفنا قاللي ساعتها نحلف إنها فلوسنا وأهو الأنجيل معاى فى جيبى أطلعه وأحلف عليه إن دى فلوسنا قلتله لو كان صاحب الفلوس مسيحى مش حيصدقنا لأنه عارف إننا بنحلف كدب
قاللي ماهو ده إللي مخوفنى لما إنت حلفت بالصليب وخايف تاكل عليا حق بنطلونك وبنطلون الواد سوكة
قلتله الأول بس نخلص قبل الراجل ما يجي
قاللي طيب والعمل ؟ قلتله أنا شايف إنك تدينى البنطلون بتاع الواد سوكة وتدينى نصيبى فى الفلوس بعد ماتخصم منهم حق بنطلونى وبنطلون الواد سوكة وتاخد بنطلونى البيت عندك وتاخد منه الفلوس وبعدين تبقا ترجعهولى المهم إنى فضلت وراه لحد ما وافق قاللي طيب أنا حاليآ معاى فى جيبى ستميت جنيه تاخدهم مؤقتآ لغاية ماأجيبلك الباقى قلتله بعد تردد ماشى ، مع إنى متأكد إنه حيبلبط معاى وياكل عليا بقية نصيبى من الفلوس لو كان الموضوع بصحيح وأخدت منه الستميت جنيه وبنطلون الواد سوكة ونزل هو من العربية ورجعت أنا والواد سوكة على البيت
طبعاً عاوزين تعرفوا إيه إللي حصل بعد كدة ؟
التلاميذ
:36_2_20:
الأب زيكا
يعنى مش عاوزين تعرفوا حصل إيه ؟
حتى ولو على الحساب وتقيدوا إللي عليكم فى النوتة مفيش مشكلةعمومآ باقى الحدوته أكمله ليكم الاسبوع الجاى لما يكون معاكم فلوس نخش بقى على وعظة اليوم
كيرلس
قبل حضرتك ماتبتدى الوعظة عندى سؤال
الأب زيكا
إتفضل
كيرلس
لماذا قال يسوع وهو على الصليب إلهى إلهى لما شبقتنى ؟ولم يقول أبى أبى لما شبقتنى ؟
الأب زيكا
الأول تدفع جنيه زى زميلك علشان ما إستئذنتش
كيرلس
أنا إستأذنت وحضرتك قلتلى إتفضل
الأب زيكا
بجد ولآ عاوز تحمرق وما تدفعش الجنيه
كيرلس
أحلفلك زى ماكان أبونا مستكة عاوز يحلف على إن الفلوس بتاعته
الأب زيكا
خلاص إاقعد
ولو إنى مابصدقش أى واحد مسيحى
كيرلس
طيب فين الاجابة ؟
الأب زيكا
يابنى ماهو قال فى موقف تانى أبى وأبيكم هو إنت مابتقراش فى الأنجيل
كيرلس
إزاى يعنى ما بقراش ؟
الأب زيكا
هو مش بعد ماقام من الموت قال لمريم حسب ماجاء فى يوحنا
20: 17 قال لها يسوع لا تلمسيني لاني لم اصعد بعد الى ابي و لكن اذهبي الى اخوتي و قولي لهم اني اصعد الى ابي و ابيكم و الهي و الهكم
كيرلس
وده علاقته إيه بالسؤال ؟
الأب زيكا
علاقته إيه بالسؤال !!
هو إنت ما بتفهمش ؟ بقولك هو قال أبى وأبيكم
كيرلس
الموقفين إللي إتكلم فيهم مختلفين
الأب زيكا
هما إيه إللي مختلفين ؟هو ده موقف إتوبيس وده موقف ميكروباص ؟
كيرلس
الموقف إللي قال فيه أبى وأبيكم مختلف عن الموقف إللي قال فيه إلهى إلهى لما تركتنى
الأب زيكا
إشرحلي بقى مختلفين إزاى ؟
وواحدة واحدة علشان أستوعب كلام حضرتك
كيرلس
الموقف إللي قال فيه أبى وأبيكم وإلهى وإلهكم كان لما قام من الموت حسب ماقال يوحنا لما مريم كانت عاوزة تلمسه وهو رد عليها وقال لا تلمسينى لأنى لم أصعد بعد لأبى فالكلام كان منه لمريم وحسب إعتقاد اليهود بإنهم أبناء الله والله أبيهم والمسيح يهودى ويتكلم بلغة اليهود فعندما يقول أبى فيقولها مجازى كيهودى ولذلك قال أبى وأبيكم وليس هذا القول غريب منه وهذا خلاف الموقف إللي قال فيه إلهى إلهى لما تركتنى فده كان وهو على الصليب يعنى الكلام منه لله الخالق على طول ، وعلاقته بالله إن الله هو خالقه وإلهه وهو عبده ورسوله وعندما يخاطبه مباشرة فيخاطبه على أساس العلاقة الحقيقية التى بين العبد والمعبود وليست العلاقة المجازية وهذا من أقوى الأدلة على بشرية يسوع
الأب زيكا
أنا شايف إن الوقت خدنا ونتقابل الاسبوع إللي الجاى
بس مفيش حد فيكم يصرف المصروف بتاعه سلام
التلاميذ
سلام
وأخر دعوانا ان الحمد لله رب العالمين
لا شريك له
درس الأحد أكل أموال الناس بالباطل
الحاج إبراهيم : إيه الزيطة لأنتم عملينها ياولاد هوحصل إيه بزبط
محمد : مافيش حاجة يابُوي.
الحاج إبراهيم:إزي بقى ما فيش حاجة أمال مالوا الولد مخائيل بعيط ,منا ليس شيفكم تهزروا مع بعض قبل شوية
محمد:والنعمة يابوي موش فاهم حاجة كل مافيها أن الولد ميخا كان حكيلى حدوتة وبصراحة يا بوي مأنت عرفواهويكذب زي ميتنفس رحت قيلوا هودا معقول بردك
راح قيلي وصلبوه صح إفتكرت أنو قصدوا على سيدنا المسيح عليه السلام رحت قيلوا وماصلبوه راح قيلي وصلبوه رحت قيلوا تاني وما صلبوه.
الحاج إبراهيم :الحدوثة دى فيها إنَّّا ماهم من زمان عأرفين رأينا في المسألة دي وكل حد فى حال سبيله وبعدين كمل ياأبو المصايب
محمد:فاضل يعند ويقولي وصلبوه وأنا ركبني ستين عفريت مأنت عرفني يابوي وفضلت أقلوا وماصلبوه وما صلبوه وماصلبوا وبعدين عاد يزاعق وكأني ضربوا بمطوى وراح مموت نفسه من العياط وناس إلي رايح ولجايه وتوقفوا والجيران كلهم نزلوا وراحوا قيليلي أنت عملت إيه للغلبان دا وأنا أقولهم معملتيلوش حاجة والله معملت حاجة .
الحاج إبراهيم :ماأنا حزرتك من زمان و قتلك إوعى تكلم الناس دي أصل قلبهم أسود , هم زي الحية بالزبط جلدهم ناعم ولسعتهم والقُبر,
هو دا موش أبوالواد ميخا مالواوخذ في وشوا زي القطر وموشايف حاجة قداموا يعني هوحيعمل إيه حيشتيكينا لمجلس القمم المعدية
محمد:مجلس الأمم المتحدة يابوي
الحاج إبراهيم:يعني يافالح هو عملك إيه المجلس إلي ما يتسمى دا ماهوليجيبنا لوراء ولا هو من باقية أهلك خوش بقي جاتك نيلة أنا رايح أشوف لحصل .
هذا الحوار قرأته من خلال سطور درسك السابق إجتماع هام وأعدت
كتابته مرة أخرة لأعرف يا أستاذي إن كنت تتبعت الدرس جيدا أو كنت نائمة
طوال الحصة كما قرأت درسك هذا وأسمتعت به كثيرا وجزاك الله عنا
كل الخير دروسك هي باب من أبواب الدعوة لله
قال الله :"وأدع إلى سبيل ربك بالحكمة والموعظة الحسنة..". ودروسك كلها تندرج تحت كلمة الحكمة
فبارك الله فيك يا أستاذي شومان
