السلام عليكم و رحمة الله و بركاته
السلام عليكي و رحمة الله و بركاته أختنا في الله مارينا
أتدرين أختنا من يسعد بكي اليوم؟
عارفة, أنا حتكلم بالعامية علشان الكلام يبقى أقرب ليكي, و أرجو من إدارة المنتدى إنهم يعتبروه استثناء المرة ديه و بس
أختنا في الله, ربنا إنهارده سبحامه و تعالى أفرح بيكي من أي حد
عارفة يعني إيه الله جل جلاله ينظر إليكي و يفرح بيكي؟
متخيله الله تبارك و تعالى يبقى فرحان بيكي؟
عايزة دليل طبعا , نحمد الله إن كل كلمة في ديننا بدليل
إقري كده الحديث ده , و حشرحهولك بعديها:
وفي الصحيحين وغيرهما عن أنس رضي الله عنه قال قال رسول الله صلى الله عليه وسلم { لله أفرح بتوبة عبده من أحدكم سقط على بعيره وقد أضله بأرض فلاة } وفي رواية أخرى لمسلم { لله أشد فرحا بتوبة عبده حين يتوب إليه من أحدكم كان على راحلته بأرض فلاة فانفلتت عنه وعليها طعامه وشرابه فأيس منها فأتى ، شجرة فاضطجع في ظلها قد أيس من راحلته . فبينما هو كذلك إذ هو بها قائمة عنده فأخذ بخطامها ثم قال من شدة الفرح اللهم أنت عبدي وأنا ربك ، أخطأ من شدة الفرح } .
معنى الحديث , إن ربنا بيفرح بتوبة الإنسان أكتر من فرحة راجل كان ماشي بصحراء و راكب جمل و حاطط عليه أكله و شربه و مسافر و فجأة الجمل هرب منه و بقى الراجل لوحده في صحراء ملهاش آخر و لا معاه أكل و لا مياه. دور على الجمل ملقهوش لحد لما فقد الأمل فلقى شجرة صحراوية كده قام قاعد تحتها و نايم على جنبه...
خلاص ميت ميت يعني لا معاه أكل و لا شرب , و فجأة لقى الجمل واقف فوقه بالأكل و الشرب فمن شدة فرحته اتلخبط و قال اللهم أنت عبدي و أنا ربك.
فرحاااااااااااااااااااااان قوي إن ربنا ردله جمله
أهو الله سبحانه و تعالى أشد فرحا بيكي من فرحة الراجل ده
متخيلة؟؟؟؟
بس بقى لازم بردوا تعرفي حاجة, إن أي حاجة بتشتريها في الدنيا غالية...
الرسول صلى الله عليه و سلم بيقول إيه؟
بيقول ألا إن سلعة الله غالية ألا إن سلعة الله الجنة
يعني إيه؟
الرسول صلى الله عليه و سلم بيشبه هنا الجنة بسلعة...
شوفي لو واحد قالك تشتري الجنة, حتدفعي إيه ؟؟؟
أختي في الله ربنا سبحانه و تعالى بيقول في قرآنه الكريم:
الم * أَحَسِبَ النَّاسُ أَنْ يُتْرَكُوا أَنْ يَقُولُوا آمَنَّا وَهُمْ لا يُفْتَنُونَ* وَلَقَدْ فَتَنَّا الَّذِينَ مِنْ قَبْلِهِمْ فَلَيَعْلَمَنَّ اللَّهُ الَّذِينَ صَدَقُوا وَلَيَعْلَمَنَّ الْكَاذِبِينَ
فلازم نعرف إن الاختبار سنة كونية من الله لعباده
و يجب علينا الثبات و الدعاء بالثبات
أكرمكي الله و نفه بكي و جزاكي الجنة
أسأل الله العظيم رب العرش العظيم أن يثبتك على دينه و يفقهك فيه و ينصر بيكي الإسلام و يحشرك مع الأنبياء موسى و عيسى و محمد يوم القيامة