كيكة الطبقات الخياليه بالشرح المفصل والصور
السلام عليكم ورحمة الله تعالى وبركاته
كيكة الطبقات الخياليه بالشرح المفصل والصور
http://69.59.144.138/icon.aspx?m=blank
و التزيين يوقف عليكم ذوقكم
المقادير :
كوب زبده مقطعه يعني 250 غرام
150 غرام كاكاو ابيض مقطع
كوبين سكر ناعم ( بودر )
كوب حليب
كوبين طحين
1الفانيليا
2 بيض مضروب بخفه
2 بودر كاكاو
1 نسكافيه مذوبه ب 1 م ش ماي حار ( نكهة الكوفي )
للتغطيه
كوبين كاكاو بالحليب مقطع + 3\4 كوب كريمة
الطريقه :
1 -
شغلي الفرن قبل ما تبدئين بالشغل لان الفرن لازم يكون حار و الا راح تفش الكيكه و تتلصق و ما تضبط
2- دهني قالبين نفس الحجم ويفضل من النوع الي يتبطل بزبده ورش طحين واذا عندك بالبيت ورق شمع الي ينباع بالمراكز احسن و احسن
3-
خلطي الكاكاو الابيض + الزبده + السكر + الحليب و دخليها المايكرويف 3 دقايق بس ديري بالك 3 دقايق بس وتقدرين دقيقتين حسب حرارة المايكرويف وخليها تبرد ربع ساعه بحرارة المطبخ مو الثلاجه
http://img179.imageshack.us/img179/4066/80908303.jpg
4- نضيف الطحين عن طريق المنخل + الفانيليا + البيض ونضربهم شوي بالمضرب اليدوي
5- نقسم الكميه الي عندي على قالبين
6- نضيف على القالب الثاني الكاكاو البودر + القهوه المذوبه
http://img125.imageshack.us/img125/7161/28784981.jpg
7- على نفس الصف بالفرن نحطهم علشان تحوشهم حراره متساويه لمدة 50 د.ق الا اذا فرنك بابه شفاف وشفتي انها انتفخت واستوت
تحذير : اذا فتحتي باب الفرن راح تفشل الكيكه خليك صبوره ونطريها تنتفخ عدل و تنشف من فوق بعد 40 د.ق ممكن تفتحين الفرن وتدخلين عود اسنان او شوكه بالكيكه فاذا طلعت نظيفه مو لازق فيها شي خلاص طلعي الكيكه اذا لا سكري الفرن و نطري 10 د.ق
8- طلعي الكيكه وخليها تبرد لا تحاولين تطلعينها من القالب حتى لو كان المتحرك لين تبرد الكيكه ولا راح تتفتفت !
9- بعد ما تبرد الكيكه طلعيها من القالب و حطيها على الشبك ( مو لازم تشترينه ممكت تحطين شبك الفرن على صينيه عوده و الكيكه على الشبك )
نصيحه : شو رأيك دخليها الثلاجه لمدة ساعه اذا تقدرين
http://img125.imageshack.us/img125/1622/97690063.jpg
10 - حطي الكاكاو بالحليب لمدة دقيقه و نص بس بالمايكرويف لان الكاكاو سهل يحترق وتفشل كيكتك الي طولت معاك وبعد ما يذوب خلطيها حيل مع الكريمه لين يتمازج كل الكاكاو وما يصير في كتل وغطيه بقصدير وحطيه بالثلاجه دقايق وبطليه وهم ردي خلطي وكرري الخطوات وشيلي منها 1\3 كوب
http://img412.imageshack.us/img412/9318/68630629.jpg
11- قصي كل كيكه من النص فيصير عندك شريحتين لونها ابيض وشريحتين لونها كاكاو نحط اول شريحه على الشبك وتحته الصينيه ونصب من الكوب الي فصلناه ( ثلث كوب من الكاكاو والكريمه ) بس ما نسوي فوضه صبي شويه وفردي الكميه بالسكين لين تتساوى الشريحه ونحط عليها شريحة كيك ثانيه ونكرر الخطوات لين نوصل للشريحة الاخيره .
- نصب التغطيه على الكيكه ككل بهدوء وصبر ولازم تنصب على كل جانب .
http://img412.imageshack.us/img412/8110/87954155.jpg
13 - زيني الكيكه مثل ما تحبين اما بالقمع او بالحلاو او المارشميلو او الفليك المبشور عندك الخيار كله والاحلى انك تقدرين تكتبين عليها اسم الشخص الي بتحتفلين فيه او الي بتهدينه الكيكه او حتى المناسبه
و هذي من داخل
http://img179.imageshack.us/img179/8459/83743303.jpg
وبالعافيه على قلوبكم
